t2P (The Second Phase)

Open Now

Now Closed

天后條食街好多人都知，但係食街後面，收埋左依間森林系自然風小店，主打日式、西式料理同fusion 菜式，入左去就好似去左第二個空間咁，樓底寬敞，泥黃色調配上一致嘅木系佈置，去到可以慢活一下🌱—— 花椒拉麵 $108 湯底好重花椒味，麻味好勁‼️食到個嘴痹痹地﹐但好快會過左又想再食，超正!!!叉燒火燒得好平均，味道特別香！—— 花膠雞湯拉麵 $108 見到依款係限量梗係叫黎試下😎湯底雞味較出，配上慢煮雞胸，肉質嫩口；魚肚大大塊鋪係面!!!唔啱花椒咁重口味嘅，叫依係唔錯嘅選擇🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 t2P (The Second Phase) (天后)天后興發街100號

🔅T2P🔅天后🔅日星馬cafe🔅通常你想食拉麵～搵一間拉麵店，但係估唔到呢一間特色餐廳，大大超越同滿足左我對拉麵嘅期待！佢位置喺天后同海旁中間，比較遠，但係就真係難得一間隱世、超級好食餐廳！呢度最好食，就係嗰塊燒叉燒！佢係有特別燻燒過，雖然叉燒唔係特別口，但係煙燻嘅味道非常香，一上台就令人垂涎三尺❤️ 除左煙叉燒之外，佢亦都有豬頸肉配合，柔和啲，好味～🍜 黑 - 黑蒜醬油沾麵沾麵比較粗身，同埋黑蒜肉碎醬油配合，好好味～ 個醬汁有肉、黑蒜，但又唔會太油膩！市面當然都有一隻糖心雞蛋，貝爾大量嘅幼蔥，正～同埋我好鍾意用塊紫菜包住一啖麵，好好食我會食到啲醬汁周圍都係，所以就用返小餐巾保護住自己😂🍜 檸 - 山椒檸檬拉麵湯底味道超級正，既有辣嘅刺激，亦都有檸檬嘅清新！好特別！拉麵嘅麵質屬於幼身，同個湯都好夾！❤️ 雖然你諗住食拉麵嗰陣，唔會諗住去一間餐廳，但係呢一間絕對有驚喜！我都好中意佢其他菜式，坐得舒服又係 pet friendly，推介推介！t2P (The Second Phase) 網址: https://s.openrice.com/QrbS0E1SB00~uZ5MGAA地址: 天后興發

高質❗️一定會翻兜❗️天后Fushion Cafe😍店名T2P: time to play! the second phase! 人一世物一世，要及時行樂，盡情享受人生🤙🏻 好欣賞佢地咁有用心製作食物，配搭創新，好有才！真心好食有誠意🥹花椒拉麵 🌶️🍜豚五花叉燒、豚面肉、味玉、味筍、紫菜、大蔥、芽菜、月桂葉🌿日式拉麵feat.四川風味💫 湯底幾清，用雞、魚、蔬菜熬製；花椒味慢慢出，充滿麻香但唔會太辣；拉麵硬度剛好；兩款肉偏瘦又帶焦香🙌🏻日式拿玻里意太麵🇯🇵🍝自家製燒汁、燒豚角五花、西班牙香腸、洋蔥、蘑菇、青椒、蕃茄🍅睇完first love更加想試；餐廳用左意太麵，似粗身拉麵，比意粉更彈牙，幾得意；個燒汁好開胃帶啲甜味，配料帶咸香，食落好滿足🥰照燒非洲雞 🐓未食過叫黎試下，隻雞燒得好靚，食落好嫩滑；個汁有啲似港式滷水汁；配埋好多焗蔬菜🤣自家製Tiramisu 窩夫 🧇窩夫本身外脆內軟，蛋味香濃，加埋滿瀉既Mascarpone cheese，充滿朱古力🍫同咖啡☕️香，好rich… 大愛呀😍

👉🏻Japanese Napolitan💲128Homemade Teriyaki Sauce, Chopped Pork Belly, Chorizo, Onion, Mushroom, Capsicum, Tomato日式拿坡里意太麵自家照燒汁，燒豚角五花，西班牙香腸洋蔥，蘑菇，青椒，蕃茄👉🏻 Homemade Tiramisu Waffle💲78自家製提拉米蘇窩夫-pet friendly cafe that you can stay and relax here for the whole afternoon🫢 food also tasted quite nice 👍🏻 even better than a formal resto would have served 🫶🏻 would like to revisit tho it wasnt close to MTR station 🥲rating: 7/10〰️〰️〰️〰️〰️〰️〰️〰️〰️t2P (Tin Hau)📍100 Hing Fat Street, Tin Hau Hong Kong🔗#7eating天后#7eatingcafe

嚟到the second phase試嘗佢哋嘅日式拿坡里意太麵🍝同花椒拉麵🍜。日式拿坡里意太麵🍝以鮮甜的蟹肉🦀及濃郁的番茄醬汁為底，再加上香氣四溢的羅勒葉，好夾滋味。意太麵質感亦非常好，彈牙有口感，好有飽足感。花椒拉麵🍜就更加驚艷啦！麵條有彈性，配上花椒香味及濃郁的牛肉湯底🐮，味道濃郁而不膩口，真係好滋味！加埋佢哋自家製嘅辣椒油，味道更加提升。😋除咗食物之外，the second phase嘅裝潢亦十分精美，環境幽靜，配合住簡約的日式風格，令人感覺好舒服。員工服務亦十分細心，好有禮貌。總括而言，the second phase嘅日式拿坡里意太麵同花椒拉麵都十分出色，食物質素、裝潢同服務都令人滿意，真係值得一試！👍

樓底高加上店舖設計日式簡約但精緻店內一直播放輕快舒服jazz 令店舖環境好舒服點左一碗花椒拉麵。麻湯底有驚喜，湯頭會有花椒麻香但唔會太搶喉唔會霸佔其他湯頭既甜味，非常好味會忍唔住飲消光。 其他配料：豬豚肉或味玉就一般AmericanoWaitress 端來時太熱，開頭覺得一般但杯咖啡待涼後會飲到佢地揀既豆都唔錯Nutty 但唔會太苦澀，有少少回甘建議大家耐心等待杯咖啡稍為涼啲再品嚐會更好總括而言，一間我會再回頭既cafe

有同事介紹，話呢度啲嘢好食，今日見午餐時間長啲，所以就嚟試吓，之前打電話嚟知道冇得訂枱。雖然排隊啦，不過都好快。排緊隊職員已經比菜單睇，的確非常有效率，都好嘅，揀定先入去即刻就可以柯打要讚吓呢一個飲品，係套餐附送嘅水果茶。我哋一行三人，附送前菜就係呢個青瓜。我哋分別點了牛丼、娘惹咖喱和日式卡邦尼意粉。首先上菜時間快，出來也是熱騰騰的，賣相靚，價錢公道，如果唔係返工，坐耐啲慢慢享受食物更好，不過始終值得再嚟。

呢間cafe位置都幾隱蔽，唔係喺上網見到都唔知, 日式木系設計，樓底高，感覺舒服Carbonara意太麵麵質煙韌彈牙，用生蛋撈麵，幾Creamy味道唔錯😋牛肉丼冇乜特別，牛肉太熟有啲乾，好彩調味都唔錯。最好味反而係伴碟嘅炸雞，新鮮炸起，外面夠脆，啲肉又淋又滑👍🏻Dirty咖啡底麻麻地，咖啡味淡Tiramisu 似係latte上面加咗啲cream同手指餅😅

呢間已經算係我地飯堂由當年係北角每月只係開一日到係天后開門店我地一定會時不時去食一次佢成日都會出啲特色款式出品味道都唔錯穩定唔會特別有伏既菜式價錢中規中矩可以平時得閒食下慶祝食又唔會失禮！

今日嚟到天后上堂，就係附近偶遇呢間cafe上網見到評價不錯，一於試下先～門外以日式木系風格配以水泥式牌匾有種復古的感覺～入內主要都係木系餐桌，牆身帶有歷年的痕跡有點像法國的小店，而有種溫馨的感覺睇過餐牌後，都幾多唔同Fusion菜式選擇前菜賣相可愛，配日式碟子好靚青瓜加上美乃滋和海苔，清新可口跟餐的水果茶打卡一流～入口芳香，酸甜味適中花椒拉麵湯頭以香辣的花椒為主，口味較特別，好啱冬天食豚五花叉燒外帶微焦，食落香口並鮮腴，油感十足豚面肉鮮潤綿滑，拉麵食落爽口柔韌而配菜有三款醃製品，都比較酸和咸日式拿坡里意太麵麵條較意粉粗身，食落煙韌而嚼感十足配自家照燒汁味道相當濃厚而可口整體食物味道不錯，價錢中上，環境舒適近門口仲有落地大窗同被不少植物包圍好啱想轉換心情的朋友～午市好快坐滿，建議訂枱或早過12:30到

呢間位於天后既咖啡店同地鐵站都有一段距離，餐廳以木🪵為主調，門口放左好多植物，帶點日系文青既感覺，另外仲有個角落係卑人畫下野，果然貫徹「及時行樂」既宗旨Espresso Grapefruit Soda味道好fresh, 飲到espresso同西柚既味道，但略嫌個西柚梳打較甜，如果用新鮮西柚汁+梳打會更好飲日式拿坡里意太麵有別於平時意大利粉，呢度係用上粗麵，煙煙韌韌好有咬口，燒豚角五花好香，西班牙香腸咸香味好突出，洋蔥、蘑菇、青椒、蕃茄，仲有自家照燒汁，味道夠晒濃郁，所以食到一半都幾飽Lunchtime 時間呢度係迫滿食客，所以較嘈吵，不過Lunchtime過後食客漸漸散去，又回復返寧靜，又可以感受下呢度既「第二人生」

✿遠離塵囂嘅第二人生café ✿有日朋友推薦呢間café，就唸住去試下估唔到佢係靚到咁😳覺得真係去咗第二個空間咁，係香港有個遠離塵囂嘅地方，被人一種好簡單，回覆原始時代嘅感覺，去咗一個同大自然好接近嘅鄉村feel🥹餐廳個樓底勁高，從音響發出嘅聲音都係成個餐廳回響咁，好舒服嘅感覺，我地去個陣仲咁啱日落時分，西斜嘅陽光打落去有種發夢個隻朦朧美🫥而呢間都係日式餐廳，我地叫咗意粉同沾麵，整體係唔錯，幾好食，性價比都好高，好啱放工黎放空下，好舒壓😚—————————享用食品總結:🍜Black garlic soy 黑-沾麵煮得好煙韌，配上黑蒜醬油，清清地未算好濃，有芝麻醬油味，平時個啲就比較油膩，呢隻就啱曬鐘意食清啲人士🤭🍝日式卡邦尼意太麵⭐️⭐️-呢個麵好有驚喜，意太麵質地係麵同意粉嘅texture mixed，配上自家照燒汁同忌廉，濃郁得黎又唔heavy🤤加上生蛋黃，好好食👍🏻🥞榛子朱古力可麗餅配北海道牛乳雪糕-呢隻餅底偏乾，個人比較鐘意食濕啲😂不過個雪糕幾好食，好重牛奶味🥛配上脆脆玄米粒，增加咗口感🍇🍓Purple spider-呢杯嘢飲推薦⭐️⭐️係士多啤梨同提子soda，加柑橘味雪糕🍦🥹超ma

喺公司附近搵到一間好chill 嘅Cafe，依間Cafe食嘅嘢唔係平時普通Cafe食嘅，而係有fusion嘢食嘅Cafe。Lunch time 都好多人嚟食，我見好多人都係食個沾麵，所以我都揀咗黑蒜醬油沾麵。喺個正餐嚟之前仲有兩片青瓜前菜，而青瓜上邊有好似薯蓉嘅醬，比每一位享用嘅人士。佢有一隻糖心蛋，萵筍，兩至三片日式叉燒，佢個黑蒜湯有濃烈嘅黑蒜味，而個沾麵我覺得個質感係幾好，可能我比較鍾意食硬身嘅麵。每個麵餐仲包一杯嘢飲，我就揀咗哈密瓜水果茶，水果比較清。

完全冇諗過呢個位置會有間咁高質同特別既Cafe, 據我所知呢度拉麵既口味系走fusion路線相當特別😍 今次一日預先卜左窗口Bar枱既位置望住出面既街景食野☺️鰹 - 燒豚五花🐷($98)用鰹魚湯做湯底既泡飯配上大量既豆皮絲, 生蔥絲, 木魚碎, 燒到好香既半肥瘦豬肉, 啲珍珠米吸曬啲湯汁夠味得黎又唔會太濃😉 不過飯既份量都幾多, 女仔一個人未必食得曬😅花椒拉麵 - 麻🍜($108)呢碗有豚五花叉燒, 豚面肉, 味玉, 味筍, 紫菜, 大蔥, 芽菜, 月桂葉集於一身既拉麵食落麻麻辣辣咁好過癮, 係一碗四川fusion日本既出色拉麵, 雖然係四川麻辣, 但係個湯底都算清, 我覺得一定要試😍 最重點既溏心蛋好靚同埋都真係甜甜地嫁☺️日本白桃泡盛梳打🍑($98)呢杯用左黎自沖繩既Awamori, 白桃梳打混合而成既一杯cocktail, 聞落桃味幾香, 好易入口酒精味唔濃😇荔枝果茶🍹($58)好Refreshing既一杯果茶荔枝味就冇乜, 不過茶底好香茉莉花同桂花味好清香, 茶配左兩粒清甜既荔枝肉好爽😉呢間Cafe 雖然地點有啲隱蔽, 但係勝在夠高質同食物特別, 有機會想試下呢度既lunch☺️

🍜豆．紅腐乳辣味噌拉麵期間限定🥺 可能我本身都鍾意食腐乳，覺得呢個配搭幾新奇但係幾好食，腐乳同辣味噌其實都幾夾啊！不過我都覺得真係好重口味，食食吓會覺得有啲口乾，好彩水果茶夠清新，飲落又唔會覺得好甜，但如果可以大杯啲會開心啲~ 不過咁重口味嘅濃厚湯底再撈埋納豆櫻花蝦飯都真係好邪惡🤣 店面行日式溫馨路線，地方唔大，當日我哋一行五人，雖然係lunch time但好彩有book定位，如果唔係應該都要排隊🙈ps 呢個期間限定唔知而家仲有冇，想試嘅朋友可以打去問一問~ 但係舖頭其他嘢食都幾好，可以一試！