Table

Open Now

Now Closed

在黃竹坑地鐵站旁的Southside商場內，有一家名為Table的餐廳，以其獨特的Fusion料理和雅致的裝潢吸引著食客的目光。Table融合了西式、日式和港式美食。安格斯牛肉漢堡扒北海道咖喱蛋蓋飯，外焦裏嫩，每一口都是肉汁四溢。搭配上特製咖喱醬，濃郁而不膩，與雞蛋的完美結合讓整個味道層次更加豐富。泰式香葉辣肉碎煎蘭王蛋飯，採用檸檬葉等香料精心調製而成的辣肉碎，其獨特的香氣和微妙的辛辣感令人難以忘懷。精選蘭王雞蛋輕輕煎至表面金黃，內部依舊保持柔軟流心狀態，與米飯一同入口時，香辣鮮美瞬間喚醒所有感官。鹹牛肉飛碟，飛碟造型的麵包夾著醃制得恰到好處的鹹牛肉片，外皮酥脆內裏綿軟，咬下去既有麵包的香甜也有肉類的醇厚。脆炸雞翼，外表金黃誘人、內裏多汁嫩滑的脆炸。黑松露雞蛋蛋沙律熱狗，將黑松露的獨特香氣，細膩順滑的蛋沙律，好美味。熱情果烏龍茶，烏龍茶葉，加入熱情果汁，酸甜適中，清新解渴。話梅柚子梳打，話梅與新鮮柚子汁混合，再加入適量碳酸水，創造出一種既能夠刺激味蕾又不會過於刺激腸胃的平衡之美。紅豆冰，紅豆顆粒飽滿，甜美而不失韌性；搭配上細膩柔滑的牛奶。

決定去下新商場行下見到商場地面有一間都幾吸引眼球嘅餐廳餐廳環境光猛闊落 有木系既裝修俾人一個好舒服既感覺睇左餐牌啱食就入去☺️朋友叫左紐西蘭西冷 黑椒汁 鐵板上鐵板大大份 店員會於上菜時即時淋上醬汁鐵板既熱力 令鐵板咋咋作響 香氣四溢西冷牛扒大大件 仲有粟米 炸薯條 同蔬菜西冷牛扒牛味香濃 好夾個黑椒汁熱辣辣 特別好味附上的餐廳係羅宋湯配料很多 仲有牛腩架好濃味 超正🤩我自己叫左個 港式料理定食唔知係咪靈感來自日本定食呢超級多野食好豐富定食包括左六樣嘢，養生燉湯 + 茶碗蒸+前菜+主食+米飯+養生茶當日既養生燉湯 係蟲草花猴頭菇燉雞個湯好清甜 蟲草花猴頭菇味道好香好有家的感覺呀茶碗蒸 材料豐富 蛋味香濃前菜 韓式炸雞 辣度適中 好惹味估唔到前菜都咁大份主食：蒜香腰果翡翠牛柳粒好有鑊氣 牛柳粒大大舊 好淋荷蘭豆炒得爽脆加左錢揀咗個蘭王醬油飯大大隻蘭王蛋打入白米飯 橙黃色既蛋汁包住每一粒飯 加埋醬油更出色養生茶 係洛神花話梅茶 甜度適中 好滋潤之後我哋用半價加左兩個飲品話梅梳打特飲 - 好特別嘅配搭 但又好味喎 咸甜交雜既感覺紅豆冰 - 紅豆份量好多 奶味濃 仲唔會太甜添呀下次都會再帶朋友黎

來到黃竹坑地鐵站一個新嘅商場Southside，發現有一間裝修得非常雅緻，又有cafe感覺嘅西餐廳<Table>，餐廳供應嘅食物非常創新，佢混合咗西式日式同港式餐嘅元素，感覺好有新意。先來一個中日混合感覺嘅晚餐，有咖哩牛腩配麻醬烏冬，日式茶碗蒸、薯仔沙律、中式餐湯、養生雪梨茶，另外仲加配咗一杯西式特飲，百香果烏龍茶。咖哩薯仔牛腩做得非常出色，佢嘅咖哩汁非常之香濃惹味，而牛腩嘅肉質非常之軟身，入口非常軟腍，牛筋腩嘅牛筋炆得非常軟綿，絕對值得推薦。茶碗蒸入面有好多材料，有雞肉、香菇、日式魚蛋等。而中湯材料亦都非常豐富，最驚喜就係佢個養生雪梨茶，入口青甜潤喉。另外叫咗一份牛柳扒餐，配有羅宋湯，亦都加配咗特飲，話梅柚子梳打。呢度嘅牛柳扒餐雖然都係百幾蚊，不過佢哋提供應嘅牛柳質素都非常之唔錯，絕對比一般港式扒餐嘅餐廳做得優勝理想，佢哋嘅牛扒食材質量幾好，牛肉味夠濃，可以order五成熟或七成熟，做得非常驚喜。整體來講，百幾蚊人均消費就可以食到比一般cafe餐廳更為理想同特別嘅套餐，實在值得推薦。

The Southside 係香港仔南區一個新嘅商場，亦都係寵物友善商場。今日嚟到table同班朋友食個下午茶，餐牌上嘅價錢唔算貴，係冰室嘅價錢，但就係坐cafe嘅享受。拔度腩水門雞飯 配冬瓜湯朋友話，出咗糧，要食豪啲，加錢轉埋雞髀😂仲要飲特飲添🤣雞髀鮮嫩，起骨後吃落啖啖肉。冬瓜湯加入胡椒，與雞飯味道十分匹配！芝士安格斯牛肉漢堡配美式薯角精心烘烤的香軟麵包，芝士加上爽口生菜等層次滋味， 如果牛肉可以再厚身啲就更加juicy! 安格斯牛肉漢堡扒北海道咖喱蛋飯滑溜香濃嘅雞蛋配上惹味嘅咖喱汁同白飯，簡直就係最和諧嘅配搭。招牌香煎肉餅飯熱辣辣，肉汁滿滿的，肉餅煎到啱啱好，口感都尚算豐富。花生醬西多士味道雖然簡單，但充滿蛋香。脆炸雞中翼配田園沙律沒有厚厚嘅炸粉，外脆內軟，炸雞翼真係百吃不厭！特飲熱情果烏龍茶味道較淡，適合唔鍾意飲甜嘅人士！話梅柚子梳打話梅配上柚子，都幾清新，係夏日清爽之選！紅豆冰 凍檸茶超爽快！ 下午茶必飲之選！

朋友介紹喺黃竹坑商場有間抵食嘅Fusion餐廳，有個港式調理晚餐，只需百零蚊就有齊晒湯、小食、主菜同埋飲品💰 一個餐有成六樣食物，真係夠晒豐富。養生燉湯用個小瓦煲裝住，真係夠晒熱辣辣。今日嘅燉湯係蘋果桂圓排骨湯🍎 入面仲有紅棗、桃膠同埋瑤柱，係一個滋補嘅靚湯。茶碗蒸港式風味嘅套餐，竟然會有茶碗蒸呢種有日式風味嘅小食。茶碗蒸味道清清地，有冬菇同埋日式魚糕🍥前菜意式番茄蝴蝶粉沙律係一份西式又飽肚嘅前茶。紅油抄手一份有四粒，入面係菜肉餡料，面頭仲有大量蒜蓉，重口味之選。🧄主食主食都有幾多選擇，我哋就揀咗兩款港式風味。超濃粟米脆魚塊，粟米汁較杰身，送飯一流🐟 大澳蝦醬豆卜蒸腩肉，腩肉肥瘦分明，蝦醬味道好香🦐米飯套餐本來配白飯，但係我哋加咗錢將佢升級。蘭王蛋醬油飯蛋黃上碟嘅時候已經篤穿咗，加上有少量嘅醬油喺底，更加可以令到蛋香更昇華🍳 胡麻醬烏冬麻醬嘅份量適中，烏冬彈牙，撈埋紫菜同埋麻醬，好有日式風味🍜飲品養生茶係帶少少甜味嘅菊花茶，入面仲有杞子同埋菊花，係清熱嘅好選擇🌼 紅豆冰用上咗花奶配軟綿綿嘅紅豆蓉🫘 粉紅西柚烏龍茶味道酸酸甜甜，幾開胃。本來以為套餐用半價加配嘅飲品係將套餐有嘅養生茶升級變

位於黃竹坑的新商場southside入面餐廳種類五花八門，不同國家的菜式都有。難得第一次到訪，試了這間港式餐廳。牛柳 （黑椒汁）$148配料很豐富，牛柳肉質意外地口感爽口，配上黑椒汁很惹味👍🏼水門雞飯 $108無骨的雞肉肉質嫩滑，油飯油香濃郁。雞肉份量頗多，很滿足。蘋果桃膠燉排骨湯味道十分清甜，清香的蘋果配搭煙韌的桃膠口感中和排骨的油膩感，很適合在這個乾燥的天氣滋潤一下。日本清酒醉雞翼醉雞翼完全吸收了酒香，未吃已聞到酒香。雞翼肉質嫩滑，是不錯的小食！瑞士汁炒牛河 $98牛河份量很多，起碼足夠三人。牛河炒得夠鑊氣，麵質口感爽口。胡麻醬冷秋葵秋葵爽脆的口感中和了胡麻醬的濃郁，同時能減低之前吃的油膩感，是個非常健康嘅前菜。話梅柚子梳打 $15酸酸甜甜，柚子味不是太突出，反而話梅味道頗濃。粉紅西柚烏龍茶 $15小清新的一杯🥃茶味跟果味融合得不錯。熱情果烏龍茶 $15熱情果嘅酸甜味中和了烏龍茶的澀味，味道很舒服。

份量好夠，味道都唔差，價錢算幾親民，真係好值！在附近的貴餐廳中，呢間真係清泉。餐廳環境舒適，帶小朋友都坐得好舒服，服務態度友善，讓人感覺放鬆。對於夜晚唔想煮想出去食野但又想控制預算唔想捱貴食西餐的朋友，絕對係首選！強烈推薦給大家！

同朋友一齊嚟咗呢間港式餐廳食晚飯🤣呢度有幾款 $98「東南亞粉麵套餐」，包「養生燉湯+高湯浸時蔬+東南亞各式炒粉麵一款」，咁叫咗2個揀咗「水門雞飯」同埋「大澳蝦醬雞粒炒飯」🤣「養生燉湯」：係「雪梨沙參玉竹燉排骨湯」，幾清甜🤣「高湯浸時蔬」：係娃娃菜，幾新鮮🤣「水門雞飯」：+$10 轉雞髀🍗，雞髀肉就梗係又滑又好食啦 🤩「大澳蝦醬雞粒炒飯」：呢個炒飯加咗大澳蝦醬同埋雞粒炒得粒粒分明香口好食🤩$138「港式料理定食A + B + C + D + E + F：養生燉湯 + 茶碗蒸 + 醉雞翼 + 大澳蝦醬豆卜蒸腩肉 + 米飯 + 養生茶」🤩「茶碗蒸」：大大盅超級熱辣辣蒸蛋蒸得好滑🤩「醉雞翼」：雞中翼大大隻好多肉醉得好入味🤩「大澳蝦醬豆卜蒸腩肉」：豬腩肉半肥瘦，用大澳蝦醬蒸豬有鹹香又好食🤩，廚師可能好鍾意用大澳蝦醬👍🤣

平時喺黃竹坑返工唔知食咩好？咁等我介紹呢間開喺商場地下嘅港式茶餐廳： Table。Lunch如果一點左右過嚟都要排一陣隊，但如果係一個人就好快可以入座🤣佢有大概10個固定嘅午餐菜式，另外仲有4-5個係每周嘅新款，所以keep住會有新鮮感，唔會咁快厭。今次我嗌咗「瑤柱高湯冬瓜粒雜菌湯飯配蔥油雞」$75 （凍奶茶另加$3），湯入面嘅飯量唔錯，而且湯味道好鮮甜。如果咁啱想食清淡啲，呢個會係唔錯嘅選擇！仲有啲雞都好嫩滑，我鍾意食！如果係一個女仔嘅話，咁呢一餐一定好夠食啦！😻

第一次來這裡逛商場，順便吃個晚飯，看到這家的人流不少，就決定試一次。餐廳門口在商場外，環境不錯，座位寬闊，我們兩個可以坐一個圓型沙發，夠曬舒服。晚餐選擇很多，我們選了＄138的混合套餐，組合很豐富，中式有萍果🍎桃膠排骨燉湯，日式茶碗蒸🥚🍳，前菜是🇰🇷韓式涼拌豆芽菜，德式吞拿魚🐠薯仔🥔沙律，主菜是中式，淮山勝瓜炒蝦球🦐🦐，金針雲耳蒸雞🐔，配白米飯🍚，還有一杯桂花枸杞圓肉養生茶。內容多樣化是這裡的賣點，可惜也有不足之處，所有食物一起端上，吃到最後飲品都涼了，米飯🍚很大一碗，但表面是乾硬的，明顯放了一段時間，金針雲耳蒸雞味道不錯，但雞塊是骨多肉少，茶碗蒸裡的雞肉有股雪味😅，前菜還好，燉湯也不錯，養生茶變了涼茶。😂

舊同學最近搬咗屋去黃竹坑，趁住放假就入去約佢食個晏先😜🍜越式牛魔皇：越南粉好大碗✔️入面仲有超大片嘅牛舌同埋牛味濃濃的牛板健🐃佢哋上枱嗰陣已經落埋平時我冇落嘅辣椒粒粒🌶️雖然有小小辣味🔥但原來真係惹味好多喎🈵金邊粉好滑✅個餐仲有三條越式炸春卷添💯🍛板燒厚切牛舌北海道咖喱蛋蓋飯：個咖喱汁超香口✅加埋幾片厚切嘅牛舌😋大大啖又有牛舌同埋鷄蛋🉐大滿足呀🥳☕️熱港式奶茶：奶茶控仲試埋杯奶茶💯茶底夠濃又夠熱✅滿意滿意😍☕️熱柚子蜜：呢杯柚子蜜顏色比平時d深色✔️味道冲得啱啱好👍😋

第一次黎黃竹坑個新商場，黎睇戲前🎞️食個靚lunch，見呢間價錢好實惠，選擇又多午市套餐🍳泰式香葉辣肉碎煎蘭王蛋飯 $72個煎蛋好有誠意地用蘭王蛋👑🥚，仲要係有2隻🍳蛋黃顏色呈橙紅色😍肉碎唔會太辣幾惹味😚，加埋蛋黃汁撈飯一流，仲有得免費揀多飯🥘板燒厚切牛脷北海道咖哩蛋蓋飯 $72賣相幾靚仔，牛脷好大塊，有成4、5塊，食落腍身，唔會有怪味👍🏻，日式咖哩🇯🇵唔會好辣，撈埋滑蛋🫧，好難唔好味😂現場見都好多人叫，唔食牛脷都有漢堡扒等overall:餐廳走木系田園風，商場黎講呢間真係幾抵食，幾十蚊個餐又包飲品，選擇非常多，見到佢地下午茶餐牌都好吸引

位於黃竹坑The Southside 既西餐咖啡店Table，食物融合港式、日式同西式既元素，幾有特色👐🏻餐廳環境以綠植🌳同木系桌椅為主，幾悠閒舒適😆🍴紐西蘭西冷鐵板扒餐（$138）鐵板一上枱，店員隨即淋上醬汁，醬汁可以選擇黑椒汁或蘑菇燒汁，鐵板好夠熱🍵一倒醬汁發出令人最期待嘅鐵板咋咋聲😎西冷大大一塊，肉質軟腍，牛味幾香👅另配有薯角同多款既蔬菜，份量十足👍🏻🍴港式料理定食（$138）港式定食都係第一次試，定食包含燉湯+前菜+主食+茶碗蒸+米飯同埋養生茶，非常豐富😋前菜揀咗椒鹽四季豆，四季豆外皮炸得香脆👄表面灑上椒鹽，味道鹹香。主食就揀左蒜香腰果翡翠牛柳粒，牛柳粒大粒有肉汁，特別想讚一讚甜豆，炒得岩岩好👍🏻爽脆唔油膩~🍴泰式冬陰功蝦球炒讚岐烏冬（$98）烏冬粗身煙韌，表面沾滿香辣嘅冬陰功醬，醬汁微辣帶酸味，蝦球大隻爽口🦐

今晚同朋友去黃竹坑新商場覓食, Southside 內有好多新餐廳，去到地下見有一間新潮港式西餐廳，裝修好似cafe , 全店以綠色為主，中間放了棵樹，營造清新的感覺食物方面是以茶餐廳風味為主安格斯板腱牛肉石鍋烏東石鍋滾熱辣上枱，用石鍋上keep 住熱度，牛肉要趁熱食，不然就會太熟，安格斯板腱牛好有牛味，肉質軟腍，番茄湯底鮮甜，烏冬亦都好彈牙另一款是充滿港味的套餐選擇：.總共有七種選擇：主菜選了開心果甜酸脆魚柳，味道係生炒排骨果種，味道酸酸甜甜好開胃，灑上開心果碎頗有咬口，魚柳好脆口，送飯一流另外選咗川式沙薑豬手，有點兒麻香味，滿滿骨膠原，少少沙薑辣味，茶碗蒸蛋味好濃同Q彈，養生燉湯是南北杏煲豬展，健康養生，飯可選泡菜及蘭王蛋醬油飯, 此外養生茶是酸梅湯，有清熱解渴，整體套餐相當豐富套餐付送飲品，凍柚子蜜同熱檸檬菜蜜

去完海洋公園之後決定喺呢度食晚餐，一嚟到呢間餐廳發現勁多人排隊，見今日涼涼哋，就決定坐室外都冇問題，於是都即刻有得坐。睇完餐牌之後叫咗兩個港式料理定食，其實都真係幾抵， $138 ，就有六樣嘢，包括養生燉湯、茶碗蒸、前菜、煮食、米飯同養生茶。前菜我哋要咗川式砂礓豬手同日式之豆，煮食就要咗巴基斯坦皇室咖喱牛腩同開心果甜酸脆魚柳，米飯亦都升級咗要難為蛋蛋醬油飯同胡麻醬烏冬，本身其實都幾想試吓個養生茶，但係基於今日真係超多人排隊，我哋選擇咗坐室外，所以都係想要返凍嘢飲，結果就跟餐半價咁要咗一杯話梅柚子梳打同一杯紅豆冰！結果嚟到之後先發現原來都仲係有養生茶，真係正！我覺得開心果甜酸脆魚柳最好味，酸酸甜甜，而且外皮真係好鬆脆。