德興火鍋海鮮酒家 (Closed)

這間酒樓的下午茶十分低, 食物質素ok晚飯時段的服務態度比大排檔還差= =''下午茶可以來多幾次, 但晚飯就不必了

之前去過cwb 個間, 真係幾唔錯, 用料新鮮, 服務也週到. 而mega box 個間, 第一次去都好好, 之後每況如下. 旺角呢度, 一向印象嘛嘛, 都唔係好有信心. 今日想打下邊爐, 心儀的全都滿座...唯有試試這裡.不出所料, 的確失望, 送的所謂海鮮盤, 有帶子, 勁唔新鮮, 珊瑚蚌, 一般, 蝦...真係嘛嘛! 本想用獅子頭銀行優惠, 加$25, 叫的超級海鮮盤, 都即時縮沙. 第一碟肥牛, 當算不錯, 但再叫時, 好肥, 有半片以上都係肥膏, 仲要好細片...見到都唔想食. 芝士腸無芝士. 墨魚丸有少少變壞. 最好的係津白, 超甜. 其次係底湯和鮮腐皮都唔錯, 其餘的普普通通.

一行四人上星期五黎到德興打邊爐(包括陳肥肥架!)雖然睇過唔少既食評都係話銅鑼灣個間好食D，不過旺角就我地呢班人，所以冇所謂啦不過...志在聚舊還聚舊，食評都要寫既~~~一開始安排左我地都一張枱，好迫!!旁邊走廊D人係咁行黎行去，邊坐得架!!!我地自己行左去另一張枱度坐啦~~之後都開心返既,因為每個人都送兩條蝦，一粒帶子同一舊貝肉(唔知咩黎)仲有一瓶甘蔗水送tim不過之後食既野就一般啦雖然墨魚丸係手打既,但係都係實在D唯有係度係咁食肥牛最後每人一百廿幾...唔包野飲...要多D醬都要加錢...下次都第二度lu.

睇過以下咁多朋友既食評，已知道呢間酒樓既火鍋唔多掂所以係冇意欲去呢間酒樓!!不過基於哥哥話想食冬瓜盅而呢間酒樓又有呢樣菜式! 所以最後都係去左試一試可能我地黎食野既時間唔係好晚，所以唔多人個樓面好快安排左座位俾我地!但係一打開個MENU，感覺上D菜式好唔吸引第一次打開個MENU係冇野想食!最後爸爸都簡左5"送"一湯1) 冬瓜盅嘩$78 一個冬瓜盅!好細個-_-又冇咩料D湯好似味精湯!!飲完好口渴2) 炸子雞好明顯係雪藏雞!不過炸得個皮幾脆既但係D雞骨好多血!好似唔熟咁! 我諗雪藏雞應該係咁掛不過俾你點黎食o個個酸甜汁幾好味!3) 通菜炒牛肉呢個菜.....好似D鹽唔使錢咁!!咸到飛天4) 珊瑚蚌炒蒜芯因為平時係街市好難買到蒜芯! 第一次食到都炒得幾好食!!又冇渣!個食物味道既分數本來諗住俾兩分不過呢個送拉番唔少分! 成碟蒜芯俾我清左5) 合桃蜜糖豆炒蝦仁D蝦仁都幾大隻! 味道普普通通 冇咩特別6) 芝士焗琵琶豆腐舊豆腐"LOW"左d冬菇同埋鯪魚肉落去! 本身以為會彈牙D!點知成舊野都好淋!! 夾一夾就散!個芝士汁整得太過杰身!同埋得好少芝士味順帶一提，呢度既樓面既服務態度有D幾好但係有

首先!!!好搵笨囉!!又話9:30前成人$70任食end up既係位位112 -口-" 真係呆哂,俾佢昆左已經唔係好開心算就睇佢食物點喇d位又迫,勉強加摺chair..哎...叫左沙嗲湯底冇沙嗲味既...野食泥,都係一貫任食打邊爐既management作風,你叫幾多佢例牌泥少好多雞幾好食,肥年,豬頸巾全清.最值回票價既野食係...不過d丸呀,其他叫做平d既野食..反而唔好食墨魚丸係粉泥架囉!!!!!!!!!!!!!!!!!!!!!!!!!!!!!!!!!!!!!!!!!!!!!!!一世人打邊爐冇食過墨魚丸囉!!!不過一提,蔗水幾好飲 所以.我都唔知俾咩評好.一定唔會係最差但係好一定唔會係囉想隨意飽肚既都可以接受既食肥牛就夠喇

晚上走過彌敦道經過北海道活壽司之際有人向我們派發傳單說「霄夜時段特價48蚊任食火鍋」由於飢腸轆轆價錢亦相當吸引故馬上便乘電梯住創興四樓一上到去發現48蚊原來真是騙人的加湯底,荼芥,服務費等等後每人88元其實都是意料中事標榜特價的火鍋店都向來如此但一場來到88元亦可接受便進來用膳是次點了沙嗲清湯湯底由於沒有認真去呷一口只覺灼過的食物都有侵怪味似沙嗲非沙嗲既油膩味道亦淡這個也算了「墨魚丸」點了墨魚丸看得出是自家打的煮好後一入口是實實的口感不好還帶有「叔」味墨魚味當然也沒有難食得馬上要吐「貢丸」貢丸也不見得好依舊很實沒有香菇味卻有一浸臭肉味不知是否變壞了令人不敢再吃「粟米」丁點甜味也沒有像煲了湯很久的湯渣「烏東」不彈牙也算了煮了很久還是硬, 有雪味「魚皮」竟然有厚厚的炸粉很韌, 似乎放了一段長時間「脆肉鯇」超腥「白菜仔」不似白菜味, 味道又是超怪「雲吞」超多豬肉吃下像肉餅不爽口亦很實其他方面竹蔗水和酸梅湯味道還可,可以任飲肥牛和蟹子丸亦可以吃完胃部極度不適大底是湯料太油膩火鍋料又新鮮可謂本人有生之年吃過最差的火鍋我永遠也不會再光顧亦奉勸各位不要到此店吃火鍋

上星期五同3個friends出o黎食飯, 我係最遲到o個個. 一到步除左出入o個條路外, 簡直唔可以分到枱同枱間的路, 當我唸緊點入時(我已經走過兩張枱), 然後個部長好無禮貌咁大叫我係後面入, 我當時正正係作所謂的後面,我唸唔左走上枱外應該係無一條正常o既路, 所以我就好滾咁講點入呀! 原於我真係好興, 所以我就好無禮貌咁叫d食客移櫈借過(唸番都唔係咁應該).......老實話雖然我唔識食肆o既消防條例, 但我肯定若有意外我一定死係到, 因為真係走路到.之後食左d我都唔係好記得o既o野食, 因為除左本身係熟食外(如: 腸仔, 午餐肉, 玉子豆腐), 其它o既唔係口感怪, 就係味道怪, 我唔知係食物問題還是湯底問題(原來港式沙嗲係無味, 只係有油膩o既口感)......認真講我明白旺角係一個舖租貴o既地方, 但一般食肆都應該二選其一: 1. 食物好服務唔好2. 服務好食物唔好. 而佢係一間"火煱老店"選擇3. 乜都唔好, 我只好同佢講永別啦......p.s. 任何一間無名氣酒樓或大排檔都好食過佢...完...

之前係MegaBox試過一次火煱自助餐，值德再去又再去，諗住轉下第二間分店啦，點知去到旺角創興4樓，見到座位勁逼，隔離枱仲係食小菜，好恐怖，隔間- 直頭係並排，好似搭枱果隻。最大問題就係我望住張火煱紙，竟然係同MegaBox果張唔同，大部份上次食過食物都係無，仲要有好多種食用都要另外收錢。哈哈，仲俾我發現到竟然有散叫火煱，都好得意，第一次食左一次咁唔滿意的火煱自助餐。

今晚同Mummy仲有佢d朋友去德興食飯, 之前睇到報紙有個套餐見好抵咪去試下lor, 6位$666 全包。我地6點半去度話要order lee個set, 個部長話要9點交枱, 我地都覺得ok la, 但係我地7點鐘叫佢起菜, 唔洗40分鐘已上到炒飯, 炒飯上左都唔夠5分鐘, 佢地連美點都拎埋來, 真係咁趕咩, 唔係話9點前交枱咩!!!! 我地一路食就一路覺得佢地係咁趕我地, 我地每食完一碟就有人馬上以9秒9之快去收碟, 未到8點, 佢地已經上埋果盤, 我諗全香港佢地o既效率都算數一數二。講到食物o既質素, 真係一分錢一分貨啦, $666蚊都唔可以expect太多, 只可以講ok la, 油多左d, 食完好似飲左油咁。我地決定去lee度不如去大家樂, 我諗大家樂都唔會趕客趕成咁。

去德興吃蟹當然有點奇怪不過對吾等初出來社會打滾又想豪一豪夾份請大家吃吃蟹的小朋友價錢著實吸引假日1388六位是日最終人數有七位要多加百餘元添蟹等了很久還未齊人先起一半蟹吃著等蟹聲稱四兩出來還不算小大家都要輪流捧著這一大碟蟹來拍照要慢慢拆也花了不少時間黃色的和白色的羔份量均等蟹肉不少亦鮮甜反比之前在太湖(2008-02 -08食評)128一隻的還好吃過兩巡蟹過後再來小菜都是那些一般小菜套餐的菜式和貨式即是翅呀魚呀雞呀兩熱葷之類再加上小籠包和壽包質素實在普通不過事實上我也不覺得其他同類套餐中除了甜品就甚麼也加蟹粉的小菜又有甚麼特別蟹收貨便算了與東海和鴻星比起來每位一百元的差異一半是廣告一半是環境和服務除了贈送的花雕和橙汁薑茶沒有提供害得寒底的朋友要自己張羅回家拍薑自製還有就是要和一眾打邊爐的朋友為鄰肥牛氣味就有了氣氛是稍欠的也許mk的因素也有關吧在其他分店或許會好一點差距會少一點的

今日係情人節.諗住同我女友食一餐普普通通既晚飯就算.點知一坐底就覺得好有問題喇...d位太迫喇..d人行過一定會撞到你囉..d通風又差..又嘈..服務又唔好.係街邊食大排檔都開心過佢十倍..仲有粒牛丸.粉多過咩咁..唔好叫牛丸喇..叫粉丸啦.下次一定唔會食囉

昨天(星期二)想同朋友晚上去打邊爐，於是3:00pm 打電話去德興預訂3位，但接待員說不接受3人訂位，最少要有4人才可訂位，接待員話7:00pm 前都會有位，叫我們walk-in 取位，於是我們約於6:50pm 到逹酒樓，當時酒樓真的很多位，但7:30pm 後就好多人了。成人每位$112，食物的質數都唔錯，又多種類可選擇，蔗汁及酸梅汁又可任飲，服務員的服務態度都好好。

上幾日同事去打邊爐３個人又唔多人，都唔知去邊好，不如去德興啦去到都深夜１點多得番兩三台打緊，人少ｄ重多８８蚊任食ｄ款都幾多，包心丸，三寶丸，肥牛，大概打邊爐都有之前去過〔反斗／富臨同福臨都好〕啤酒又唔貴，大生力都係＄１２個主任仲驚我地唔飽，ｌａｓｔｏｒｄｅｒ我地填左大半張，都叫我地填多ｄ不停地食，幾平，如果有機會再去！

今天想去打邊爐，由於今天星期六，於6:15pm打電話去訂位，但接待處說不接受2人訂位，必須walk-in；於是由銅鑼灣搭車至旺角「德興」，約於6:30pm到酒樓，當時酒樓很少顧客，本人要求兩位打邊爐，接待處說：「兩位唔得」，本人反問剛才已致電查詢，其職員曾表示可以walk-in，為何現在不能，職員竟說不招待兩位的顧客；這算是什麼服務態度，非常差勁，以後都不會再幫襯！！！！！

My friend and I booked a table for 8 at 7.15pm on a Friday night. We arrived there at 7.20-7.25pm and the table was already taken by other people. No one ever informed us that the table would not be hold for even 5-10 mins during the booking. Even worse, no phone call was given to us before they tried to re-allocate the table to others. The worst part of it is the managers there asked us to wait till 8.30pm. While we decided to wait but looked for other forms of compensation like discount or fre