德興火鍋海鮮酒家 (Closed)

我們一行十三人晚上打邊爐, 門口寫住恆生信用簽賬「任飲任食每四位一位半價」、「遂碟點有九折」, 其實都寫得好清楚, 不過我們還是問清楚個帶位員, 以下是我們的對話。問：「我地13人係唔係即係有3個可以半價呀﹖」答：「唔係, 只係有一人可以半價。」問：「你個度有個每字喎, 咁即係逢係4個人啦, 咁一係我地一張枱分三張單咪得攞。」答：「唔係四個人半價, 係五個人先有一個人半價, 一張枱只可以有一張單。」白紙黑字寫住既優惠佢又話無, 講講下仲有不明文規定添。由於我們都不是搞事分子, 所以便不和她理論。入到去再問個高級少少既, 答案同個帶位員一樣。似乎大家的中文水平及理解有很大的差異, 咎其原因都不知是恆生銀行、德興集團還是服務員本身的問題, 為免麻煩我們還是算了。我們13人他給我們一張八人枱, 我們先後叫了服務生兩次, 才有人來為我們把枱加大。我們選擇了遂碟計, 食物及湯底的水準都平均, 但米綫上枱後, 問題又出現, 那碟價值18元的米線是用既小且平的碟平舖的盛載著, 份量非常少, 我們懷疑是廚房搞錯了我們是任飲任食, 所以便向服務員問清楚, 他的解釋是米線會「線」下, 所以就只這麼少……是

早兩日前同幾個朋友打邊爐不停想邊間好呢,行下行下入左去d野食真係好差睇到都唔知食唔食好 小弟睇到這段文章(完全同意)但小弟想加好多一樣野,他的服務員差到冇得頂,好野,甘都好得做我比個叻佢\,我發現他們的碗,好像比人用過的,我向服務員說這幾個碗很不清楚,唔該換一換比我們,他們說係甘架,不清潔我比手巾你自己整囉,心想我來食野,你叫我自己洗碗,你忙是你問題,不要向我發洩,我是客人啊第一、話係任食，其實根本呃錢我點左三文魚腩骨共三次!三次都無黎到。跟住d肥牛切到0.03咁薄，又得個4至5條。完全係呃野。總之，菜就俾多多，貴野又少，甚至唔來都有。第二、無味湯底我要左一半麻辣，一半清湯! 個麻辣係一d都唔辣，仲好油膩。完全唔合格。第三、搶錢咁搶我隔離個台話想要多碟辣椒碎，但個伙計話要收10蚊一碟。真係搶錢咁搶。最後、我地唔食，俾左隔離台。講到service真係足以我以後都唔幫襯佢\ 伙計:再唔離開我就加你錢!條友都唔知痴左邊條線，我就係6點50分入黎。咁九點鐘度我地個爐熄左，叫個伙計開番。咁佢\ 無啦啦話我地要走，如果唔係要加錢。跟住我地計到仲有20分鐘先夠鐘。咁我就話我地仲有成四五個字的時

12月7日, 晚上在此與BAND友慶功兼驚喜慶生~其實心知呢間麻麻, 訂位個BAND友都講明麻麻...但...大家本住為求一聚, 所以都"屈就"一下0係度烚烚下啦~睇在小女子的偶像共進晚膳的份上, 那些食物的質素我都不理太多了... 當個舖面咁多人0既時候, 個經理0既服務都算好喇~環境超逼都預0左...衛生超普通都預0左...唔理喇, 重要在偶像的存在同同班BAND友開心慶功, 嘻唯一一樣我有D頂唔順0既係...佢D碟係油LUM LUM!!! 當我地叫0野食多到要碟疊碟, 碟底咁0既情況, 真係好嘔心........@__________@"""牛骨髓幾得意, 偶像誤以為係腸的物體XD貪得意叫魚生...唔算新鮮...好彩無食到肚痛...@_@"啤酒夠凍, 蔗水夠甜唔夠蔗...以呢餐0既意義0黎講, 真係一流到震啦~只打邊爐, 位位$112, 不過成班人叫呢樣呢果樣, 加加埋埋都唔知幾多埋單XD 是但啦, 當晚領班萬歲~~~至於個SURPRISE生日蛋糕, 在另一食評介紹吧~!! 又一城的COVA見~

今日同兩個朋友去打邊爐!d野食真係差..而d service 真係差差差差....首先，講返d食物先!第一、話係任食，其實根本呃錢我點左三文魚腩骨共三次!三次都無黎到。跟住d肥牛切到0.03咁薄，又得個4至5條。完全係呃野。總之，菜就俾多多，貴野又少，甚至唔來都有。第二、無味湯底我要左一半麻辣，一半清湯! 個麻辣係一d都唔辣，仲好油膩。完全唔合格。第三、搶錢咁搶我隔離個台話想要多碟辣椒碎，但個伙計話要收10蚊一碟。真係搶錢咁搶。最後、我地唔食，俾左隔離台。講到service真係足以我以後都唔幫襯佢伙計:再唔離開我就加你錢!條友都唔知痴左邊條線，我就係6點50分入黎。咁九點鐘度我地個爐熄左，叫個伙計開番。咁佢無啦啦話我地要走，如果唔係要加錢。跟住我地計到仲有20分鐘先夠鐘。咁我就話我地仲有成四五個字的時間，點解要走?最後佢先知自己衰左就話:「我都係提你地姐!」咁到左咁上下，夠鐘，佢即刻走過來就話，你地好離開啦，我加你地錢啦!(真係@#$%^&*)我覺得可以好聲好氣同我地講，我地又唔係惡霸，一定要霸住張台。無啦啦駛成百幾蚊，野又難食，服務又差!一定無下次!

今次上黎食套餐$1333有乳豬珊瑚蝦仁荔茸玉帶羊肉卷蟹肉生翅扣瑤柱甫老虎斑一品雞炒飯壽包$1,333 算係唔錯! 味道可以但服務奇差, 叫都冇人認, 用了Maximum capacity, 檯與檯之間的"大"道要側身過. 好壓迫!!!!

旺角德興超差，同灣仔德興差好遠，都唔知係咪同一個集團。食物只有肥牛保持水準，花枝片同牛柏葉硬到咬唔落，又無墨魚滑食，墨魚丸尚且夠爽，但又唔夠彈牙，魚肚超腥。食物唔乾淨，在湯底發現毛髮。食物種類選擇不夠多，又水晶系列。湯底選擇不多，又不夠濃，加水後就淡了，隔離枱個沙爹湯底「傑」到嘔。沒有醬料盤任加醬料。仲有個帶位的非常惡，服務不好。原本好鍾意食灣仔德興，所以去開旺角先食德興，結果非常失望。

我在上星期得朋友介紹去德興火鍋打邊爐,聽朋友講佢去開係megbox個間分店,但由於相約朋友旺角區比較方便,所以選擇去旺角分店,只係地點唔同,無想過相差咁遠,服務,環境,質素可以用天堂與地獄形容,原來香港今時今日仍然有咁差質素大機構食店,每張台相距一步距離都無,離哂譜,有d走火通道都放一張台給客人坐,仲要對住幅牆,環境差都不在話下,食野最重要講求衛生,佢就一d都唔衛生,樣樣食物好似放左好耐咁,又無人執台,又焗冷氣唔夠,環境衛生都算,服務態度仲差,我地一班朋友出黎緊想開開心心食餐飯,點知竟然要受d侍應氣,嬲到爆,就算日後無野食都唔會再去呢間德興食,大家如果唔相信可以上去觀察下,仲差過大陸,點解要比香港價錢,但得大陸都無既水準.....請檢討

上星期五5大1小1BB 早於個多星期前訂檯已講明有小朋友有BB 麻煩她安排一下單邊檯一出lift 已覺得此地方又混亂又嘈又焗張檯位置走在差不多最入又不是單邊又迫又細環境已十分惡劣..同我地去過0既銅鑼灣九龍灣差天共地...出名企理0既"調味料"係冇供應0既..但檯面係免費送上...椒絲同熟蒜各二..再加或其他調味料係要10蚊一碟湯底..蕃茄湯...原全冇味.."係"原全冇味..叫個經理黎問有冇得加湯..係有味0既湯..就算味精都好呀..因為個湯同水冇分別..但個經理話冇..一向都冇..冇味都冇辦法..一向都係咁..他叫我地叫多幾樣配料煲湯..會好味D..下咁都得呀??? 配料方面..牛肉唔掂肥到不得了.冇特別叉燒包同水晶包..原全同其他"德興"唔同..我地入冇去錯呀?到兩個半鐘準時有人黎埋單...竟然收我六個大人..我地好聲好氣話收錯錢喎..個所謂經理(仲衰過剛才那個)樣衰衰用對講機同個支客講:呀支客XX檯話你收錯錢呀..人地有小朋友你冇計呀..轉頭個支客走過黎..凶神惡剎..登眉凸眼..大大聲聲話係我朋友取檯時冇講...我地即時反駁話有..連留檯時都有講啦..點會冇呀??就算冇..你

第一次去德興去左megabox 分店, 食物質素超強, 牛肉雖然稱唔上頂級, 但係每片都係雪花, 非常酥軟, 有少少驚喜。隔了幾日, 黎到創興分店, 整體仍然係唔錯, 但奇在肥牛遠遠比唔上megabox 分店。最大問題係空氣超焗促。佢本身已經唔算大, 竟然電梯口都放張枱畀人打邊爐, 但空氣非常唔流通, 店內十足蜂窩密室, 食到一半, 突然焗到想嘔。經過一輪觀察, 空氣最流動既位置, 竟然係電梯口果一張枱, 大家去既時候寧願坐電梯口, 都唔係坐入面。不過, 下次寧願去megabox 店.值得一提, 入場前, 接待員會講埋「加一、茶芥、湯底」既價錢, 講到明你埋單時要畀幾多錢, 呢種手法值得一讚。

一行四人晚上七點半左右黎到，唔駛等位，一入坐已講明每位$108任飲任食、免加一茶芥，限時兩小時埋單，超時每位加收20個鐘，湯底有幾款，(沙爹鴛鴦，皮蛋荽茜、清湯)如另選特別湯底要另加收費，叫了鴛鴦湯底味道一般，食物都有好多選擇，不過每次送黎都係以番人數比例分配食物，出菜速度都算快，食物都幾新鮮，每位送蝦、帶子、珊瑚蚌一隻，如果想食海鮮類或大碟肥牛要另外落單，任飲飲品只有兩款竹蔗矛根同酸梅湯，你一飲晒一榨好快待應幫你添加，個晚我地飲竹蔗矛根味道超甜，可能係用好多糖水黎煲，以咁既價錢食物都算可以，待應招呼態度好好，無話黑口黑面，最唔好就係枱與枱之間好迫，椅背貼椅背，想起身都要左移右移，坐較窗位置比起坐場中好少少。

昨晚與數名友人到旺角德興打邊爐任食, 食物都幾好, 其間有蝦, 帶子等送. 埋單時找數5百幾, 有一項是28元的蝦, 我問朋友全部都冇人叫過, 因要另外比錢, 而我地食左兩鍱, 經理話第一次係送, 第二次係要比錢, 但我地話冇叫過, 要求佢check下張點菜單, 如果真有叫, 就一定比錢, 點知佢話搵唔番張單, 然後話我地食左應該要比錢及說"唔通我比鮑魚你又食呀"及"算喇, 唔好計, 費事為少少錢嘈", 最後都減番28元, 埋單時, 有朋友說比28元tips算數, 因真係食左, 但我拒絕, 因當時感覺好似係我地呃佢咁, 所以比原價就算. 而且以上對答係此酒樓最高級的經理(穿灰色西裝, 及我問他想找最高級的負責人, 他說他便是...), 所以冇辦法唔投訴.ps: 走時係電梯旁半隱蔽處見到一張恆生卡優惠宣傳, 四人食, 一人可半價, 埋單時冇人講, 走時問服務生, 她說有, 但唔會主動同客人講(態度冷漠).當時有一想法, 是否這酒樓欠糧?

去左任食火鍋~11人~7點食到9點幾~飽到嘔,everyone有蝦有貝送~野飲任飲算係咁la~食咁多間~任食火鍋~食物唔係呢間最好~但service就一定係呢間~~d ar姐~你未開聲巳幫你加飲野~又自動波係suitable timing幫你收返d碟~後尾發現用credit card找數~無比discount第二日打電話去問返用credit card 無比discount的事客戶部姐姐對過去式的enquiry同build up reputation唔多上心,叫我打返去間分店問...(可能佢地做得成生意有得收commission,so唔想spend time落我呢d 過去式customer)收線前我問左可唔可以退返錢~~佢話prove到有呢張單就ok~語氣尚算良好....之後打左去分店問...peak hour個姿客小姐不耐煩應付不到這類問題,很快轉了給經理...經理強調可能尋日伙記忙,故無留意....,其實我只係想退返錢,無意compliant佢地的service,更可況d ar 姐尋日ok勤快~~經理再三強調後,發現我無意收線,佢終於好有禮貌咁問...請問有咩我可以幫到你...我話我

上年尾同過同事去灣仔分店食火鍋...好正...環境食物都好好, 於是尋晚就同男友去旺角分店食啦,預左無灣仔果邊咁掂,但都無諗過差距實在太太太太遠!!先講個場啦，我同男友尋晚六點十去到，個場無乜人既，好多”吉”桌．．．但waiter安排我地坐一張二人桌（電子爐），係同另一張二人桌（gas爐）”痴”埋既~　當堂打個突，不過見近電視就算．．．諗住咁"騎呢"既桌子都無乜第二啤人坐架啦!!　如我地所料，前後三啤人見到張桌都走人，到八點左右，我地都食到尾聲，全場爆滿．．．終於有啤中年男女肯”就範”!　其實成個場都好迫，　桌同桌之間得半個身位闊，食到中途就開始同後面椅背貼椅背坐，埋單時我既四周已比放食物果張小桌子封晒路，　最後要隔離桌合作起身讓位先走到!!　搭時，好多人都話呢個場無乜通道，一有事實死唔少人，好危險，一定無下次!! 而家講下食物啦，整體不過不失，同屋村酒樓差無幾囉，每桌送一榨竹蔗水（另有酸梅湯選擇）同鮮蝦二隻，珊瑚蚌帶子各一隻（呢四樣灣仔係無既）！可能我地早去，竹蔗水都夠味，ok la...但八點左右見到隔離桌既竹蔗水淡色左唔少啦!!鮮蝦珊瑚蚌帶子都算新鮮，蝦送黎時仲識郁，味道唔錯!!

人愈大，我地5個見面既時間愈黎愈少...今年索性一次過補祝返5個人既生日。夜晚走黎呢度打邊邊，每位$108，包茶芥免加一。好彩翠茜姐醒目，一早訂定位，唔駛等。至少有50樣任叫，鍾意佢地既餃，好快就俾人掃清光，但雲吞肥牛魚皮就麻麻。另外每人加送兩隻蝦、一隻帶子同一粒珊瑚蚌，可惜無咩人食..好一個美麗回憶。

除左個炸蝦餅之外, all things are bad.......... >-<