Video
Opening Hours
Refer to the park opening hours
Above information is for reference only. Please check details with the restaurant.
Signature Dishes
迪士尼入邊咁多間餐廳呢間係我比較喜歡嘅🤡因為亞洲菜色味道比較穩陣😅而且有種部落嘅感覺🏕️坐係室外感覺比較Chill😛今次就用左生日買一送一優惠相對黎講比較抵💙⭐️ 牛油雞配椰漿飯 🍗牛油雞髀較滑嫩辣味唔重而且牛油香不錯🧈 椰漿飯都好濃椰奶嘅味道🥥 唯一係雞肉份量比較少 蝦片同埋香葉配雞肉都好有東南亞風味⛱️⭐️ 巴東牛肉配椰漿飯 🥩巴東牛肉相對嘅香料味比較重但係都係唔太辣 🌶️ 值得一讚係蕃茄同洋蔥中和返口味🍅
continue reading
買了迪士尼年票的我們，又周圍去試園內既餐廳啦。這一次，我們看中了一家很園林的餐廳《碧林餐廳》 (Tahitian Terrace)。位於獅子皇慶典的劇場旁邊，半露天的一個以熱帶雨林為主題的餐廳。主打的，都是快餐，而且是一個南洋及南亞風味的餐廳。咁就一於來，食吓咖喱，食吓印尼、印度餐。而且，這餐廳更是 Halal 的啊。在樂園內，大部份餐廳都有個有價錢的餐牌放在門口，圖文並茂，一看就知道這兒有什麼好食。而我們亦長期地被這一間餐廳吸引著，一直都想來試試。但，通常都是下午入園，玩到夜才走的我們，好多時都會選擇回去 "火箭餐廳" 邊吃邊看煙花。而這一次，就專程早來到，來這兒吃午飯。大家都餓，而且感覺飯餐比叻沙湯粉餐看起來抵食好多，所以我們一家四口都叫飯。而這餐廳的素食選擇是黑蘭度豆配印度香飯及印式烤餅。這是一個很印度的餐，Lentil 豆比起鷹咀豆更啱配咖喱食。粉粉地口，入口即溶的 Lentil 豆，味道融入了咖喱當中，伴飯食，伴薄餅，都香口得很。咖喱煮的椰菜花同樣是可口，胡椒脆餅更加不用說，是非常好食的東西之一。另一個素食，是素春卷。香口香脆的食物，小朋友最是喜愛。我們點這一個小食，當然也是為了氹小朋友開心食飯而設的。除了阿女說好食之外，我、太太同兒仔都異口同聲的，稱讚。仔仔選了一份牛油雞配椰漿飯。Butter Chicken，是一個不辣的印度咖喱。味道比 Korma 更加是溫和，但解發出來的香味，香料味就比 Korma 更強。個咖喱汁非常之香甜，伴以一片印尼蝦片同兩件印尼式既香葉炸雞肉，全都是香口的食物，令我們感覺非常之滿意。巴東牛肉配椰漿飯，也是一個汁汁香的食品。牛肉香，巴東牛肉汁更加之香。真的，我們所點的飯餐，單是個汁已經是可以攞高分。也可以說，只用這汁去伴飯吃，已經可以好開心。真的，so far，這是繼火箭餐廳之後，在園區內，我們感到最滿意的一個快餐。我同太太都說，這是一間可以返兜的好餐廳。
continue reading
睇完個獅子王慶典，走去附近間碧林餐廳醫肚。間餐廳造型好似篝火晚會。有露天及半露天坐位。我個人點咗$135雞肉喇沙，加埋杯$35巨鋒提子特飲。總價$170。個雞肉喇沙好大碗。麵條好彈牙。雞肉好鮮嫩，個湯底微辣。好重東南亞風味。杯巨鋒提子特飲好清涼，好重提子味。沖走個湯底辣味。個人誠意推介。
continue reading
同朋友入左迪士尼玩見到呢間餐廳有開原來主要係中東菜，不過都有兒童餐，飯，喇沙我地叫海鮮同雞肉喇沙海鮮份量正常，不過蝦就嘛嘛魷魚同帶子反而相對ok不過最好食係豆卜，因為好吸湯喇沙湯底好濃郁又唔會太辣幾好食👍🏻雞肉都係正常對比起價錢出面一定有更好食不過迪士尼黎講都係唔錯👍🏻
continue reading
得戶外坐位但係懶得再行同埋見好多位照食諗住食碗熱嘅麵叫咗雞肉喇沙 跟嘢飲$150如果怕辣嘅話可以轉做雞湯 或者可以喇沙溝啲雞湯 啲雞係白烚無味 麵係米粉 豆卜都索唔到汁 似係就咁擺面 雞蛋太熟…蘋果汁意外地好飲牛油雞配椰漿飯$145蝦片幾脆 雞肉燶味少辣 青瓜蕃茄呢啲天氣唔係幾想食😂洋蔥太生 綠色葉包住嗰兩個係勁重香料味嘅肉 素春卷幾好食 包住蘿蔔
continue reading
You may be interested in