太興 (綠楊坊)

Open Now

Now Closed

叉燒同煲完湯嘅瘦肉完全冇分別，乾柴且無叉燒味，綠楊店已經試過吃到全碟頭尾燒肉雞飯，今次之後，直接入黑名單！曾經向太興電郵留低聯絡俾意思，完全石沉大海，收一個貴價錢，質素比美心快餐燒味更差一班，仲話係燒味名店，知唔知個醜字點寫？

今日星期六下午以為大家都北上容易搵食，點知道幾間想去餐廳都排隊，太興只是最後選擇，因為之前去其他幾間分店都吾得。去到都要排3,4分鐘，OK啦！新店應該開了差不多半年左右，所以裝修都好光猛舒服，幹乾淨淨。服務都好快手，對其他客人亦是客客氣氣，唯一失敗系估計漏單，問左兩次至來茶走。燒鵝賴($38)4分— 叫了兩碗燒鵝賴下午茶，兩碗燒鵝分量差1/3，雖然少果碗分量都合格。—建議燒鵝可以分開碟上，因為本來第一口燒鵝好好味，但食到中間已經沈”林”曬，可惜啊—賴粉真系難得的滑和爽口。—連湯低都非常好。茶走(4分)—難得系茶走練奶系分開上，自己想幾甜都得— 茶未加奶試過幾好，幾香。檸檬茶(4分)— 亦系難得比咸檸檬，雖然檸檬味吾夠，檸檬皮味比較重但睇到旁邊檯食炒蛋同三文治個樣就幾難睇。

著背心嘅女職員(相信係經理或主任)，服務態度差，查詢與MTR優惠現金券時未搞清楚第一句就已經話無～仲叫我哋自已睇清楚(但佢公司响表列入邊），最後要用返同佢相同嘅態度，佢先走去嘗試睇吓同掃唔掃到CODE,最後係用到嘅～點解係會叫我哋搞清楚，究竟係佢响度返工定我响度返工？話就話唔係顧客大哂，但唔通妳都唔可以用返做服務業應有嘅態度去返工？最後比埋錢成個過程一句基本嘅多謝哂同唔好意思都無聽過～所以打返段長文比貴公司或其他有同感嘅客人暸解吓佢🙃

在香港（中國香港 / 一國兩制的香港 / 香港特別行政區）其中一間「太興」餐廳 - 下午茶餐（粉麵飯）Tea Set （Rice & Noodles） 頂級什餐肉滑蛋公仔麵 加PEPSI （飲品）。 價錢實惠約 HK$44（港幣）加HK$3（港幣）冷飲。很好吃😋，對女性來說份量可以，而且賣相好。

雙拼燒味飯，點了油雞燒肉，送上來是少肉雞背，燒肉是沙尼篤兼部分甩皮，分量少兼質素差，比起坊間便宜一半的質量也比不上，當時已弄亂了碟飯，（不弄清楚根本不能看清有幾差）， 不知店方會否因此為我更換，勉強吃了，都心情受影響。已將此事聯絡電郵通知佢集團， 未知回覆會唔會石沉大海。

閒日大概10:30鬆啲，一個人去呢一間位於荃灣地鐵站附近綠楊坊嘅太興食早餐 。入去之前望一望見到裏面都有五六張嘅空枱，喺門口同阿姐講一位諗住好快就可以有位 。點知個阿姐搞咗一大輪，求其指咗一個位叫我去坐 。我見到眼前有張空枱所以就行埋去坐低咗。坐低完佢9秒9衝過嚟，原來佢叫我行後幾步去另外一張枱同人搭枱。我就同阿姐講附近有好多張空枱喎，可唔可以俾我自己坐呢張，如果一陣間有人嚟嘅話我再讓番個位呀 。然後阿姐就話咗我一輪，話就算我一個人坐呢張枱佢都要即刻搵塊板擋住我前面。我問佢可唔可以等有人嚟先放塊板，因為其實而家都真係有好多張空枱。說時遲那時快又有兩三張枱嘅人埋單。然後佢就話「你唔好理，我哋係咁」。真係唔係好理解我自己一個人坐一張枱對佢有咩影響 ，我都係想一個人靜靜地食個早餐啫 。

想食燒味飯，但又要坐得舒服啲嘅，我會選擇去太興，唔係話其他燒味店唔好食，只係買完野拎住幾大袋，而又想食燒味飯，首選太興，仲要係綠楊新村新開嗰間，地方較為闊敝，坐得會舒服啲。食咗個燒腩仔飯燒腩仔係五層肉燒腩，外皮香脆，肉質彈牙，白飯夠熱，整體來講食物唔錯，味道好 👍🏻不過加埋杯熱飲價錢都唔平，埋單都要 $71 服務態度就一般，落單自己用手機落單，好明顯係唔夠人手，啲亞姐都忙到唔得閒理你，不過食物質素尚算好味的。

我叫左杯熱既高級咖啡，問佢點解個咖啡咁多奶，咖啡又唔熱，佢竟然話呢杯係正常高級咖啡，仲叫我下次嗌少奶或者齋啡。三文治等左30分鐘先到，凍冰冰，估唔到咁難食，咬左一口轉場。真係冇諗過，佢會畀d咁既野果客 。

原本開張去過幾次，開張時員工態度麻麻，搞到我都唔係好想去，後來請了一個男經理，服務明顯有改善，所以而家每次去都是一個愉快的經驗。 食物質素好，環境都可以，早前覺得冷氣唔係好夠，可能10點啱啱開舖就去，而家覺得OK。而家食早餐會多咗個選擇，以前要去就要行落下便銀龍對面，但係好遠，會令到我唔想去，而家近啲，可以多個選擇。而家人流越來越多，遲啲唔知使唔使等位呢？開喺呢個位置都幾好，容易見得到，又容易去到。

今日有折扣，和家人去試新店。排隊等了10min。和手機點了燒鵝飯和叉肉飯。燒鵝看來很多，但骨稍多，味道okay, 俾梅醬不多。叉肉則斬太薄，口感不好，跟熱奶茶很久未來，追了2次單。個飯底唔錯，比一般大型快餐店好。

12-6-2023(Mon)同老公請假帶亞姨一齊出中環前食嘢,由於只係老公肚餓,就由佢決定食邊間,佢知道呢喥有間新開嘅太興,於是嚟呢間.我哋唔係繁忙時間嚟,冇人等位,但叫我哋等,我老公見到入面有位嘅.我回應佢係味未執.等咗一陣,就俾位我哋.我哋睇完menu,老公要$79.00嘅三拼燒味飯,揀叉燒,燒肉同燒鵝,加$8.00要鮮忌廉紅豆冰,佢推介亞姨飲$22.00嘅冰鎮奶茶.亞姨飲咗話好飲.三拼燒味飯呢?叉燒太甜但口感係好好,嘥晒啲肉;燒鵝連刀,佢同燒肉嘅口感同味道都正常.味道:3分鮮忌廉紅豆冰呢,味道好淡,唔似用奶嚟做紅豆冰,鮮忌廉都唔甜,紅豆係好夠腍.味道:2.8分環境:全卡位設計.服務:一啲人醒目,客人坐低就即俾兩個杯,一啲人就要叫至俾.抵食係2.6分