大澳餅店

Open Now

Now Closed

今日假日入到黎大澳唔係好多人天氣又唔算好熱，行得好舒服☺️搵下OpenRice 見到呢間餅店既沙翁，記得之前食過係好好食既，今次再去，嘩好好彩只係排十個八個就得，記得上次假日黎係有過百人圍住餅店門口，仲要排隊等攞籌，然後再等好耐先有，今次咁少人應該係因為暑假啲人出晒去旅行🤭沙翁 $15好好食😋水準keep到好香蛋味，質地又好鬆好軟紫貝天葵茶 $20正常，幾好飲沙翁真係好好味，下次黎大澳都會再買黎食😋😋😋

坐的士入大澳嘅時候的士司機介紹我地入大澳必食的美食，就是這間大澳餅店嘅沙翁，司機重講不要唔少心去錯另一間，有排隊嗰間先好去。於是好努力尋找這間店，果然入大澳不久就見到一間賣沙翁，但望落唔多新鮮的，想着應該不是那間，最後行耐少少就見到要排隊的店，聽司機話呢啲係心機嘢，要6粒6粒咁炸出來，買左來食，超好味，又軟又香又甜又新鮮，食完想再食，隔多陣又賣埋佢嘅芒果及花生糯米糍，芒果糯米糍好鮮甜，感覺好味過平時出面的，而花生糯米糍都好有誠意，勁多料，正過出面，可惜我覺唔太夠甜，多返少少糖會再好食啲，如果我面皮厚啲，會問個店主俾啲糖我（糖沙翁嗰度有成盤糖係度），不過如果喜歡健康啲，就超級正，所以都好推介。

見評分咁高今日遊大澳，特登去體現一下，可能比較早，無乜人排隊，要等2分鐘，就有沙翁，真正即時製造。經品嘗之後，感覺係新鮮，因為熱辣辣有沙糖的外皮比較甜，但入面就無味，而且唔覺有蛋香味，油味會重啲，所以覺得唔算話特別好食，份量好輕巧，幾淡就食完。完勝在新鮮製造，其他一般。

講到大澳美食，好多人都會諗起大澳餅店嘅沙翁。假日好多人排隊，有時候5點幾已經賣哂🥲今次🐷係平日黎到，係第一次見到出面無人排隊😂雖然少人，沙翁都係即叫即炸，保持食物水準👍🏻💛沙翁$15店家一句“蛋之香，糖之甜，回味無窮”已道出沙翁嘅精粹。即叫即炸沙翁，等兩分鐘左右就炸好，再灑上砂糖。入口外脆內鬆軟，外有砂糖，適合鍾意甜嘅朋友，而且甜而不膩，每啖都充滿蛋香味🥚內裡鬆軟輕盈，唔會過份乾身。手掌咁大，好多人都會覺得唔夠喉，再食多個😋🍑冰水蜜桃 $8炎炎夏日食完個熱辣辣嘅沙翁，最好就配搭一個冰爽甜品。呢度嘅冰水蜜桃清甜爽口，冇出面果啲咁大陣糖水味，消暑之選👍🏻店內仲有賣其他小食飲品，包括芒果/花生芝麻糯米糍、各式自家製健康特飲、椰絲撻😋

大澳漁村景觀靜雅，藍天白雲萬里，水上風光十年依舊，時間如同靜止🎏。而講到大澳名物，大澳餅店嘅沙翁必定榜上有名，每粒沙翁都係新鮮製作，長期大受遊客歡迎，平日14：30同朋友過到去，都有10幾個遊客排緊隊。慶幸佢哋嘅沙翁係keep住製作，等2-3分鐘左右就到我哋有得食，店主阿姨同店員哥哥亦好有禮貌，唔會催趕我哋。🥢沙翁 💰15 (👅：9.0/10)即炸嘅沙翁呈金黃色，形狀圓碌碌咁好飽滿，新鮮熱辣。沙翁表面沾滿幼細砂糖，為微微酥脆嘅外皮增加莎莎嘅口感；而內裏就似棉花糖柔軟綿綿，囗感上保留到少許濕潤度，鬆軟輕盈但唔會過份空氣。每食一啖都感受到濃郁嘅蛋香散發，砂糖入囗後亦會慢慢融化，帶出香甜。其實沙翁可以話係油同糖嘅組合，但我同朋友食完之後都冇好甜膩嘅感覺，感覺再食多一個都冇問題。呢種懷舊嘅滋味同漁村嘅純樸古貌相映成襯，為大澳增添咗唔少特色，令人懷緬。如果你嚟到大澳，真係不妨一試呢到嘅沙翁，體驗下地道嘅風味。

大澳既排隊店🤣千奇唔好比條隊嚇親因為好快就會到你！佢哋系會keep住炸新鮮既沙翁，所以每一個上手都系熱辣辣！即時系你面前裹滿沙糖，食落口蛋香味極重，沙糖份量剛好唔會太甜，好似食緊一粒巨型勁鬆軟既棉花糖～兩三啖K.O，真系必食！

大隻仔今次覓食嘅店舖就係💥 大澳餅店 💥假日入大澳，真係人山人海，周圍都係排隊人龍，買食物或者搭車、搭船都要排好耐。每個人都話入大澳，必食沙翁，大隻仔覺得冇想像中咁大驚喜，又未去到必食推介，而且真係太多人，人龍排足4行，目測50人以上。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️抵食 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 沙翁 $15沙翁新鮮熱辣，每次大概出爐20個，每一個形狀都不一樣，唔算好大個，大概拳頭大小。剛剛炸起既沙翁做到外脆內鬆化，食落比較空氣感，食完會覺得好似冇食過嘢。其實沙翁做得不錯，但鹼水味太重，應該落得太多臭粉，完全蓋過蛋香味，大隻仔就唔太鍾意鹼水臭粉嘅味道，所以就算沙翁炸得好出色，都唔係大隻仔杯茶。

🌕🌕🌕🌕🌕🌕🌕🌕🌕每次黎大澳必食既野就係呢到既沙翁球就算幾多人排隊都會買一件十分推介所有人黎大澳都要試下以前食無咁多人知呢到既沙翁球而家黎都要排隊買了差唔多每一件都係新鮮炸起等候時間會仲耐但食完真係值得外脆內軟之外沙翁裡面充滿蛋香唔會食緊空氣亦都無任何油益味配搭埋沙翁面頭既砂糖可想而知 就係街頭小食的滿足感記得要一人一件因為食完會唔夠喉😛難怪舖頭貼左句「蛋之香，糖之甜，回味無窮」

大澳名物即炸沙翁大澳有好幾樣小食都好出名，其中一樣就是沙翁！基本上我每次去大澳都一定會食！但不是每天開門，就算假日亦試過沒有開。所以每次都係撞彩希望佢有開！由10元加價到現在15元一個。但因為是即炸，所以同其他出面食的始終有分別！食的時候記得要小心，小心燙到口呀！它的外層是佈滿沙糖，內部並不是只有空氣，軟綿充滿蛋香！食完非常有滿足感。去到大澳值得一試!小總結❤️❤️❤️📌新鮮即炸！📌名物值得一試！

Weekend好多人同我地一樣黎大澳散下心～食下野🙈！見網上都好多人介紹呢間嘅沙翁～我地又點可以唔食呢🤪 排隊人龍有啲長，不過好彩出爐得快，人龍都消化得好快，我諗15分鐘就到我地喇！😋 新鮮出爐係唔同嘅～拎係手仲係熱辣辣！一口咬落去成口都係沙糖，口感軟綿綿，入面唔係得空氣🙊 放心

大澳 hit snack😊唔係日日開鋪，限量制作，去了3次，只有1次先買到 😅新鮮出爐 👍仲叫碌多幾下，痴多d sugar 😆上手熱辣辣🔥入口真係好鬆化 😋新鮮出爐 🔥排

從來冇去過大澳，趁生日諗住搭昂坪360免費，去到昂坪反而冇咩好行，於是就搭咗巴士落去大澳睇吓。因為係平日所以好多舖頭都冇開門，我哋隨便周圍行吓，又因為我唔興上面可以食嘢嘅地方選擇唔多而且好貴，所以去到大澳差不多三點嘅時候都仲未食午餐仲諗住周圍搵吓嘢食啦。聽人講去大澳要食莎翁，突然間經過一間餅店寫住有莎翁賣，本來唔知道佢咁出名，亦都冇人排隊，打開見到老闆拎住一盤大約九個莎翁出嚟熱辣辣新鮮炸起，咁就買咗兩個試吓。熱辣辣有蛋香又好味😋，不過唔鍾意食甜嘅人未必會鍾意，但係從來冇食過莎翁嘅我就覺得非常好食。後來起埋左一邊食突然間就好多人排隊了，然後上網睇返呢間餅店係好出名食莎翁的。

每次去大澳都見到大澳餅店排長龍。見個個都排佢嘅沙翁。但係一直對呢種食物觀感麻麻，記得以前食過嘅沙翁涷，好甜，油膩。所以唔係好明點解咁多人排隊。直至有一次同阿妹去大澳，佢話一定要排下隊去買嚟食。佢話係超好食同埋係網上沙翁嘅評價都非常高。估唔到一試之下就愛上咗呢間鋪頭嘅沙翁。終於明白點解咁多人排隊。佢因為係現整現買，一炸好即刻放係砂糖上碌兩碌，再入袋買俾人，成個過程都唔使1分鐘，沙翁到手仲係熱辣辣，一咬落去，軟棉棉，有蛋香，唔太死甜最重要係唔會食到滿口油。嘩，真係令人好驚喜呀。原來沙翁可以咁好食🤤原本買咗一個share嚟食，覺得唔够過癮，排隊再買過🤣下次去大澳，呢個係必食。

🍽️ 大澳餅店 📍大澳吉慶街66號-💫沙翁（ $15）超香濃蛋味，店員放完沙翁入袋後，不忘加多一匙羹砂糖入去，香濃蛋味配合砂糖，令人上癮😍😍😍-🌟店員服務態度良好，貼心提醒沙翁好熱，要慢慢食🫶🏻🫶🏻🌟每次嚟都排晒長龍，每一個沙翁都係新鮮熱辣出爐👍🏻👍🏻🌟食一個其實已經好頂胃，建議兩個朋友分享一齊食推薦指數：4/5抵食指數：4/5#foodloverin852 #852 #foodie #hongkong #TaiO #大澳 #大澳餅店

適逢假日好天氣，就去大澳小郊遊一下掃下街食下野~🤣🤣見到網上好多人推介哩個必食沙翁(⁎⁍̴̛ᴗ⁍̴̛⁎)滿懷為期待咁樣去搵哩間鋪頭，果然遠處就望到人龍((不過排左10分鐘左右就買到了~))，可能期望太高，覺得冇咁驚為天人~新鮮出爐即炸 熱辣辣嘅油炸沙翁配糖粉~感覺好油 亦冇咩蛋香😵‍💫😵‍💫🥲🥲未去到難食，但又未至於要排隊~可能係我期望太高。。反而好想試下同樣係澳門好出名嘅蛋球(其實即係沙翁)~~