大澳餅店

Open Now

Now Closed

入到大澳，當然要試下必食沙翁，果然未到鋪頭門口，已經排長龍。等左大概5分鐘之後，開始派籌，店員話拎左籌可以周圍行陣再返黎。感覺幾貼心，周圍行左10幾分鐘後再返去就差唔多到。沙翁係keep住即炸即出即賣，終於可以試食啦🤤，熱辣辣嘅沙翁，鋪滿砂糖，大細剛剛好，一人食完一個，仲可以繼續掃其他嘢食。沙翁外脆內軟，入口鬆軟，咬落去有啲似食緊梳芙厘嘅口感，亦唔會覺得特別甜，砂糖豐富左口感。果然係大澳名物。👍🏻紫貝天葵茶天時暑熱，加埋支酸酸甜甜嘅紫貝天葵茶，真係一流。

由於水燈節，所以同朋友專登入左去大澳，諗住經營入得嚟咁梗係要試下大澳啲美食啦，咁我上網睇到一間餅店，喺大澳出曬名，而佢出名嘅係即叫即炸既沙翁。除左沙翁佢都有其他野食既有糯米糍同埋一啲飲品。即時見到店員或者老闆娘啦！好快手咁將岩岩炸出嚟既沙翁上好砂糖，然之後分袋畀我哋。岩岩出爐既沙翁，真係好金黃，聞到香味都流曬口水上好糖既沙翁，仲吸引。。影完依張相之後瞬間已經畀我哋消滅曬喇。。口感鬆軟，雖然係油炸嘅一啲都唔膩，仲真係好香蛋味。

星期日趁假期入咗大澳唔知係咪因為花燈節嘅關係所以人都比較多舖面唔係特別起眼但見到人龍就知道係呢到了🤣因為人多嘅關係所以老闆會派籌，等大概二十分鐘左右返返去舖頭聽到叫號碼就可以買到即刻炸起嘅沙翁!我當日就攞完籌去附近行咗陣返到嚟就啱啱好有得食(>^ω^<)唔洗企係到排隊勁正!沙翁面頭會有薄薄地一層砂糖，沙翁唔會太熱令到啲糖溶，所以咬落去仲會食到砂糖嘅顆粒感(⁎⁍̴̛ᴗ⁍̴̛⁎)雖然係炸但一啲都唔油膩!外面炸得金黃，入面係軟綿綿咁同埋有濃濃蛋香(*¯︶¯*)食完有滿滿嘅幸福感!!$14必試（＾ν＾）

一場入到黎大澳，一定要試吓名物 -大澳沙翁。市區出面真係好小搵到即叫即炸嘅沙翁,上一次去大澳咁啱舖頭唔開門，今次嚟到有開，雖然見到條人龍有成十幾人，一定要排買嚟試吓。果然名物唔係浪得虛名，熱辣辣, 外脆內軟，蛋味香濃，雖然沙參面頭沾滿砂糖，一啲都唔覺得好甜，味道啱啱好，仲好食過西班牙油炸鬼churros.另外仲買咗花生糯米糍，後悔淨係買咗一個，真係皮薄餡靚，啲餡多到流出黎,下次一定要買半打返去做手信。

《大澳馳名沙翁 超軟熟即炸即食》聽聞沙翁係大澳必食嘅名物😋，一場嚟到大澳，就排隊買嚟試嚇啦～沙翁 💰14呢到嘅沙翁係即叫即炸😋嘅，要排隊等一陣先有得攞㗎🥡，沙翁嘅表面沾上一粒粒嘅白砂糖，咬落去口感好鬆軟😍，唔會過甜，食落去好似食緊甜嘅油炸鬼咁，但一啲都唔油膩，大家記得趁熱食啊🔥～〰️〰️〰️〰️〰️〰️〰️〰️〰️〰️〰️〰️〰️〰️味道👅：9/10（值得一試！）環境☺️：N/A（只限外賣）服務🙇‍♂️：9/10抵食💸：7/10〰️〰️〰️〰️〰️〰️〰️〰️〰️〰️〰️〰️〰️〰️🍴 大澳餅店 Tai O Bakery📍大澳吉慶街66號 66 Kat Hing Street, Tai O〰️〰️〰️〰️〰️〰️〰️〰️〰️〰️〰️〰️〰️〰如果你鐘意呢段食評嘅話希望你可以幫幫手讚好同埋分享比其他人🙏🏻〰️〰️〰️〰️〰️〰️〰️〰️〰️〰️〰️〰️〰️〰️  

大O必食小食，2個鐘頭車入到黎點會唔試呢～沙翁，14蚊／個，人生第一次食沙翁，即炸非常新鮮，排第2個，所以第一輪就有，一輪約5～7個，之前冇食過冇比較，但係佢整體外脆內軟，只係本人唔係特別中意食沙翁糯米糍，10蚊／個，27蚊／3個，佢唔係大o必食，但係依家係我嘅必推list，皮薄，餡料多到爆出黎，果陣食得太狼狽冇影到爆餡相，果日食完，回頭買左半打做手信，放室溫第2日，皮只係硬左小小，但係皮本身夠薄，對口感影響不大P.S. 個姐姐好搞笑又親民，2次出爐都有大叫：要打卡就黎啦下，影靚d，今日影我老公好啦，我冇set頭呀下

呢個可謂大澳名物未食過沙翁嘅我以為佢同冬甩差唔多見佢一舊麵團炸到金黃色 以為佢會好油膩 所以買一件分黎食就算點知一食就為之振驚上手仲暖 外皮微脆帶有沙沙口感 內裏鬆軟 有著蓬鬆感食落滲出陣陣蛋香 加上表面甜甜嘅砂糖就好似甜蛋咁 一啲都唔油膩食完想買多個就排長龍🤦🏻‍♀️🤦🏻‍♀️————————————————————————

沙翁Price：$14📌沙翁係即製，所以要等一陣先有得食😌炸完就會即刻痴啲砂糖上去，拎上手真係好熱下，熱到辣手🧐size仲要好大舊，記住要趁熱食，蛋香味好重，入面嘅麵包好軟熟，一咬落去外脆內軟😍😍雖然係炸嘅，但完全無好油嘅感覺，食完真係好滿足🥳🤩打完篇食評，又好掛住佢😚

5月21日，结婚周年日，和老公請假去大澳玩。入咗大澳，行下大澳水乡，去大澳文物酒店影下相，已用了上半日。再去行大澳哋街市，行下行下，發現有细个便喜欢吃沙翁，原本計劃吃一倜，但结果一个人吃咗2個。好香好軟熟，又熱辣辣，正。如果再去，必再吃

好好食既沙翁好好食既沙翁好好好食既沙翁重要既事係要講三次依個真係大澳必食既名物高生戒左甜野都要食既甜品依度無堂食，就算世界首富黎到都係同我地一樣，企係條街度欣賞美食啦蛋之香真係一啲都無吹噓完全完美地做到蛋之香食過就会知道原來蛋甘平凡既食材，原來有甘不凡既香味外皮炸得薄薄地香脆，食落香脆之外，內裹鬆軟糖之甜聽落好廢，糖梗係甜架啦做到甜而不膩就係成功既地方，最神奇既地方係我眼見既甜係-----白砂糖而係食到小甜而不膩既感覺價錢14蚊一個米芝蓮欠佢一個膠袋

📍大澳餅店 (大澳) 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️沙翁 ($14) 冇得去旅行就緊係要喺香港搵多啲地方去下玩啦！😆 黎到大澳，一定要試下呢個咁出名既沙翁！咁啱今次去到仲要新鮮出爐炸起，😍 沙翁超大粒脹卜卜咁，攞上手仲熱辣辣，🧡金黃色既外表為佢加左唔少分！沙翁充滿蛋香味，加埋砂糖令到口感豐富左！佢既外層唔會有過多既砂糖沾住，食落去超級鬆軟，絕對做到外脆內軟，空氣感滿滿！😈 而且雖然係油炸過，但係食落一啲都唔油，令到罪惡感都即刻減輕左~ 黎大澳一定要試呢個呀!! 𝑨𝑫𝑫𝑹𝑬𝑺𝑺:📍大澳吉慶街66號66 Kat Hing Street, Tai O

大澳沙翁聽就聽得多，但今次就第1試。果然名不虛傳。我地一行人大概11點幾12點入到大澳，路經大澳餅店既老闆娘話新鮮出爐，岩岩炸起，我地就被吸引過去。睇住盤沙翁新鮮熱辣老闆係度沾緊砂糖上面，又未有人排隊，我地都即刻買左黎試。13蚊一個，唔算平，但有幾可成日黎大澳，所以值得一試。大小適中，咬開非常鬆脆，有空氣感，雖然油炸但唔會有個陣好油既味，亦唔會成口油，甜甜地唔漏，係輕輕鬆鬆既街頭小甜點。黎大澳必食👍🏻遇到新鮮出爐就更加唔好錯過!

去過大澳 應該都見過呢間長期有人排隊嘅餅舖事關佢每次出爐嘅數量都唔多 買唔買到真係靠下運氣喇🤭 有機會等1-2輪🔖 ᴛᴀɪ ᴏ ᴅᴏɴᴜᴛ標榜「蛋之香、糖之甜、回味無窮」果然名不虛傳 一試難忘(`･ω･´)ゝ大大粒 脹卜卜 沾滿白砂糖 外脆內軟鍾意佢口感軟綿並帶有空氣感 有啲似梳乎厘班㦸而且唔會太甜 不過記得趁熱食費事影響口感～

.2021.05.01.原本以為沙翁賣晒，但返轉頭發現仲有人排隊嘅😯，原來店主意思係因為唔想排隊排到隔離鋪門口，比隔離鋪頭話，所以一直叫諗尾唔好排隊、而龍尾又誤會左賣晒叫人唔好再排🤣～ 各位去食嘅話記得店主呢句係叫你遲少少先再嚟排😋‼️.呢個沙翁都喺等大約半個鐘，每次炸起都喺得幾個沙翁😱，個個都一買就幾件幾件，好彩見大約幾分鐘就炸起一籃，仲要唔太多人～～～只係排左一個灣位，所以半個鐘到就食到啦😎🤫.本來都喺想買一份🤣，不過諗落都係買2個，🥲好彩真係有買2個‼️真係⋯超級好食😆😆😆😍！新鮮炸起唔單止熱辣辣，入面仲要超香蛋味😩，早知再買多一個啦🥲 我哋唔夠食啊😩～ .💰HKD13/個

無錯一d都唔誇張，對我黎講呢個沙翁真係「驚為天人」！可能本身對沙翁無咩期望，覺得可以好食得去邊呢？點知......門面簡簡單單，但keep住人流，大家行過都會買個食下一個沙翁只係$13，CP值相當高每次都只出爐少量，代表住所有沙翁都會係熱辣辣送到客人手上！店家都會keep住出爐，所以每一round都唔會話等好耐~一咬落去，~哇~不得了~好重蛋香味，個口感係類似蛋糕同麵包之間的質感柔軟得黎又有d咬口而且充滿空氣感~成個沙翁其實一d都唔甜淨係靠外面d砂糖帶出甜味所以一d都唔漏好食到我又Encore左一次🥰🥰🥰另外仲有d糯米糍同椰絲撻賣我就無試啦~臨走買左支檸檬薏米水，酸咪咪幾開胃幾好飲~