大澳餅店

Open Now

Now Closed

上次星期一嚟到，遇著休息日 ...這次終於食到想食的大澳沙翁 ~~大澳必食的名物，梗係多人排隊 ...現場即炸，睇著姐姐將剛炸起的沙翁蘸上砂糖再入袋 ...大澳沙翁〈HK$13〉金黃脹卜卜，外層沾滿砂糖新鮮炸好，拎上手熱辣辣，食的時候小心燙嘴外脆內軟，啖啖蛋香，甜度啱啱好，食落不油膩，大愛耶 ~~果然是來大澳必食耶 ~~ ** 以上分享是以我的口味、體質和情況作出分享及感受，一試 / 合用與否請自行決定

新年之前特登同朋友請咗一日假入大澳遠離塵囂🤣平日真係好靜呢！➼ 沙翁香港已經好少地方有賣沙翁呢種懷舊嘢食🥲我本身其實唔係特別好沙翁，但個個都話係大澳名物，就點都要試吓嘅！沙翁嘅口感係外脆內軟，入面係好Fluffy，亦好重蛋味👍🏻另外值得欣賞嘅係雖然佢係炸嘅，但一啲都唔油！強烈建議一買就即刻食！趁住佢仲熱熱哋就食，蛋味更岀眾！

大澳一向係我嘅bucket list入面，但因我搭唔到長途車而一直冇去到。直至有日發現原來有船搭，先至去番一次，但去到大澳除咗喺阿田阿牧嘅橋度打卡之外，當然要去掃街啦！一到咗之後我就行哂所有景點，包括呢個好鬼遠嘅文物酒店，再沿途買野食。但已經見到沙翁小店大排長龍，所以我朋友去排沙翁，而我就再周圍買嘢食返條龍度，一路排，一路食。雖然話係餅店，但就只有沙翁、椰撻、糯米糍。 沙翁size大舊，但好容易食得哂。同樣都係即叫即炸，所以每次只可炸四/五隻。外層香脆可口，金黃色嘅。內裏氣孔疏散，一咬就扁咗。口感綿密漿口，蛋香甚重，外層裹滿沙糖後為本體添加風味而有另一層脆感。個人認為一場黎到大澳，排吓食返次都無坊嘅。

⭐️大澳餅店 (大澳)📍大澳吉慶街66號一入到去大澳就想試呢個名物好耐❤️呢間燒餅店淨係買幾款食物 沙翁就係其中之一😋 假日排隊排咗半個鐘🥲 但係個人覺得非常值回票價 係全香港最好食嘅沙翁🏅️值得一試⭐️ 沙翁 💛一路見到即叫即炸💥喺油鍋拎出黎就入袋食得😋 新鮮熱辣辣已經好加分 咬落去超級鬆軟 Fluffy綿綿的感覺☁️ 再咬第二口食到少少蛋漿 🍳 蛋味香濃但不太甜 面頭嘅糖粉點到為止🧁 雖然炸過 但入口感覺都係好輕盈 宜家寫返仍然回味無窮

去到大澳肯定唔會放過沙翁 先14蚊一個 雖然排曬長龍 但係唔會太長時間 因為老闆真係好快手 係排隊期間我都唔放過 玩貓咪🐱 只貓真是好高竇 沙翁好香好重蛋味 幾鬆軟甜度適中 大家真是好值得一試

☀️沙翁本身行過幾次，因為見到太多人所以諗住一陣先，點知一直都係咁多人排😂😂😂但係其實實質排到落去唔係真係等好耐，都係10幾分鐘左右！個莎翁好大舊！因為佢係即刻炸出嚟，所以先至要排！仲有好多人慕名而去，包括我哋🤪表面都會有好多糖喺度佢鍾意🤣好鍾意食呢啲甜甜地嘅嘢🥳佢帶夠10幾蚊唔係貴，都可以試吓食^_^

In Tai O Bakery, they only have 3 menus: donut, mocha and coconut tart. I only tried the first two because the coconut tart was already sold out. The most popular menu is the donut and it tastes like HEAVEN. The pastry is very soft and it is coated with sugar. The filling is also soft, kinda like an egg tart. Although the line is quite long, it is worth waiting😋 The Peanut Sesame Mochi was also good. It is very chewy, but the powder is maybe too much that I could feel the flour powder. Inside a

即炸沙翁真係好難先見到，難得入大澳行山，梗係要試下啦口感： 熱辣辣軟綿綿味道： 唔會油膩，沙糖同包嘅感覺好夾缺點：要排好耐隊，我去嘅時候係平日嚟，都要排20分鐘先買到，不過都值得等🤤

入黎大澳一定要食沙翁即叫即整排左大約十五分鐘佢最好係每隔幾分鐘又拎一盤新既出黎唔會一下子炸好多，包保一定熱！買左兩個沙翁 $14一個仲有花生芝麻糯米糍 $27三個沙翁好香蛋味，入面好鬆軟，出面既糖粉又剛剛好，唔會太甜，好好食！花生芝麻糯米糍冇諗過咁好食，糯米皮軟軟煙靭，唔厚皮，又唔會好薄皮，剛剛好，入面d餡都好多，好香花生芝麻味，好足料👍🏼👍🏼👍🏼性價比好高，未食過咁好食既糯米糍😋😋😋

朋友說大奧名物除了蝦醬，便是沙翁， 對甜品有要求的我， 當然一試， 我們還買了糯米糍， 首先吃了沙翁， 個個讚不絕口， 炸的食物最怕成口油，但此沙翁內沒有油， 只有蛋香及濕氣， 外脆內軟， 回味無窮， 即刻想買第二個。糯米糍也是，餡料足夠，花生香芝麻也香， 沒有舊的油益味， 皮厚度適中。但自己要帶備零錢， 老細沒有太多零錢找換， 沒有八達通， 不過要讚一讚他們 服務 態度好， 並沒有因此而令到 客人不滿。 抵讚！

大澳嘅沙翁出晒名好食😋，我次次入嚟都一定要食返個，今次專登寫返個食評，支持吓。之前一向申請自駕遊，平日揸車🚗入去，平日好多鋪頭都冇開，尤其星期一，可能經歷完星期六日繁忙嘅日子所以星期一係公休，大家千祈唔好揀星期一入去。好彩沙翁平日有時都有開，但都試過一次冇開門，好失望。今次星期日去食，原來係要排長龍，長到去白雪公主嗰度仲要轉晒彎🙈，平時唔使咩排隊即叫即炸。睇到個店員真係炸到手軟😆，我哋一行八人，等咗咁耐梗係要一人食一個。雖然人多但質素沒有影響，攤凍放咗一陣都仲咁新鮮脆口，外脆內軟，沒有感覺到油膩，而且仲有種濕潤感，唔會食到口乾乾👍🏻蛋香味十足，我哋明明已經食咗好多嘢都仲覺得好好食😋真係排長龍都值得試吓😆

話說今日走咗入大澳，喺條街行吓行吓，竟然見到好多人排隊！有啲人就話我中係網紅嘅力量， 睇嚟呢間就係因為有網紅所以有咁多人？因為人多，所以每一轉都係新鮮炸好嘅沙翁！當然有人會食其他，咁新鮮嘢一定最好㗎啦就試一試！排隊也排了一段時間，他們家的沙翁特別大，糖不是很多，所以挺好的！新鮮炸出，當然是外脆內軟啦！來到大澳，都可以值得一試，正如大大粒魚蛋一樣！你問味道怎樣，是不錯的！但一定要是新鮮炸出來的時候才吃哦！

放假揸車嚟到大澳，梗係要去食沙翁，好彩今日有開門仲要得幾個人排隊。沙翁即炸起，拎上手熱辣辣，外脆內軟，充滿蛋香又軟熟，好好味。如果唔想食咁甜，可以叫店主唔碌糖或者少糖，我呢個就係少糖版。

專程入黎大澳 都係為左食沙翁🤩🤩 一定一定要食 真心推介😋😋沙翁 $14@ 呢度既沙翁 係即叫即炸 即沾上砂糖一上手仲係熱辣辣 而且十分巨形 飽滿 外胞內軟 入口充滿蛋香味 加上砂糖 口感超滿足 😋😋😋 幸福的味道😋😋 宜家香港好少地方有得食即炸沙翁所以臨走個陣 我都即刻買左6個帶返屋企比家人食即使沙翁凍左 但仍然都好好味😋😋

嚟到大澳！點可以唔食沙翁！來親大澳，呢個係我嘅指定動作！一行近就知道，沙翁就出爐啦！我喺市區係唔會食沙翁㗎！第一就係質素問題啦！第二食慣咗呢間嘅沙翁！今日都唔例外都要買返個食！老闆係一個風趣幽默嘅人！都會同客人開下玩笑！真係係一個鄕村地方有既人情味！食呢個沙翁有既唔只係甜味！係有人情味！又香脆！呢一種嘅味道係市區係買唔到嘅！有陣時食呢間野都好講運氣！聽當地居民講！有時係唔會開門！不過今日好彩佢有開！可以品嚐呢度嘅人情味嘅沙翁