嘆嘆

Open Now

Now Closed

今日諗住去食個台式下午茶，喺門口問個亞姐有冇下午茶，佢答我話唔知，要我自己去scan QR code先知喎，好啦黎晒餐，有一個餐又爭杯嘢飲要崔幾次先有，全程張枱又係冇餐具又要自己周圍去搵，到最後埋完單，我個小朋友見門口有部夾公仔機只要消費$100就有一個幣可以玩，我就同返頭先嗰個收錢個男人講係咪有，佢問我咩事，我話我啱啱食完個下午茶消費咗一百五十幾蚊係咪有一個幣，俾完錢只相隔大約一至兩分鐘，就已經唔認得個客，最後不情願地俾咗我太太，咁嘅服務態度鍾意受氣嘅就去幫襯啦，間鋪如果諗住唔做早啲執咗佢好過啦，年初二唔想做咪唔好做囉，冇人逼你開舖㗎。

同朋友黎食飯，先後用手機落單，我入左單先，我叫左肉燥拌麵加冬瓜茶，朋友叫左套餐。朋友既肉燥飯已經到左，當佢就黎食晒，我既肉燥拌麵都未到，嘗試詢問職員，但女職員態度非常惡劣，寧願隔住一張枱嗌過黎，然後佢得知朋友套餐既野飲未到，就嗌左句「出埋人地咪上你嗰個囉！😠」到後來朋友既餐飲送到，我既拌麵仍然未到，再次詢問，男職員都係非常惡同冇禮貌咁話「得啦」。野食唔可以話難食，但我既拌麵十分淋，連出單紙都可以痴住係d麵度濕晒。咁既服務態度，我諗唔需要再黎🌚🌚😒😒

之前食過一次，味道唔錯，今次返去再食，兩個人都叫咗嘆嘆套餐C，今次嘅鹽酥雞非常之出色，但係滷水雞翼就冇上次咁好食，但係肉燥飯仍然維持到一貫嘅水準唔錯唔錯！甜品同飲品正正常常，但係呢個價錢有咁多嘢食都抵食，仲要唔使加錢一😆以下呢幾款都唔錯，可以試吓！☺️🐥鐵路便當盒鹽酥雞便當盒有好多唔同嘅嘢食，除咗鹽酥雞嘅主菜，仲有大白菜，滷水蛋，豆腐，同埋湯，白飯仲有肉燥㗎，鹽酥雞炸粉唔會太多，熱辣辣入邊仲好Juicy！呢個抵食🐥古祖滷肉飯配滷水雞翼滷肉好好味，仲要比好多！足夠撈成個飯有多啦，仲有菜同埋好多隻雞翼，不過今次嘅雞翼重口味咗少少，但係入邊都係好滑！🥓夜市小香腸台灣腸又點會唔好食呀每一次都會叫！🍟炸番薯條番薯條甜甜地好味道🍰招牌珍珠奶茶奶蓋蛋糕呢個有驚喜呀，真係有珍珠奶茶味㗎，配埋蛋糕好好食呀

千呼萬喚始出來，用腳步探尋呢個被口耳相傳嘅台式美食界。「古祖滷肉飯」，咸香醇厚，滷肉又唔係太肥膩，飯粒牢牢吸盡味道，加埋燜熟嘅雞翼，真係食到停唔到口，真係一絕！滷蛋嘅嫩滑，對乾貨嚟講，真係掂過癮。拼盤係正宗嘅小食天堂，「甜不辣」外脆內軟，彈牙得嚟唔乎膩；「台灣腸」嘅皮脆肉香，濡過癮；鹽酥雞鮮嫩多汁，仲帶少少微辣，爽口得很。黑糖翼都係笑口棗，外皮香脆，蜜汁正！「香芋咖啡」冷嘅喝落去，提振精神得嚟芋香撲鼻，一流；而「桃香四季春」仲有爆爆珠玩吓口感，飲品都有得玩味。嚟到「3.6 牛乳仙草芋圓」，滋味冠絕非凡，材料新鮮多變，一個令人陶醉系味覺津津樂道嘅甜品。最後落幕大戲係「黑白配芋圓」，豆腐花同仙草搭檔，簡直係甜品界嘅最佳拍檔，呢個做法新穎，唔膩口，完美收場。體驗過呢次品味之旅，隻字不提已經食到心滿意足。食物嘅色香味俱全，每一口都有驚喜，台式料理嘅地道風味，正到彈晒！真系令人回味無窮，好想㗎㗎聲再嚟過！🥢🍜🍵

今日同朋友行街經過, 見到佢環境以花草做裝飾都幾特別!【冬日必嚐🍲明爐台式鐵鍋湯 - 滋補鴨腿湯⁣⁣】⁣天氣凍到咁, 最啱嘅就係食個滋補鴨腿湯, 絕對係暖胃、暖身又滋補嘅最佳選擇🌟湯底濃郁, 有好香嘅當歸味, 啱晒我呢啲寒底人士, 飲左佢啖湯之後即刻身心都暖晒, 鴨腿肉質鮮嫩多汁, 令味蕾感到無比滿足😍呢個鐵鍋湯可以加配火鍋套餐或者自由配, 唔大食嘅我就揀左個極上牛肩胛(100g), 肉質結實, 口感嫩滑, 係鐵鍋湯嘅最佳配搭!【戀富士山（夜）🗻 紫薯奶蓋3.6牛乳特飲】鍾意紫薯一定唔可以錯過, 加上3.6牛乳, 奶味香濃又有淡淡的紫薯味!!【鐵路便當】嚟得嘆嘆點可以唔試下佢個台式鹽酥排骨便當, 配滷肉飯、腌菜、滷蛋同埋昆布湯...鹽酥排骨脆口嘅外衣同鮮嫩多汁嘅肉質, 絕對令人回味無窮! 排骨勁大塊, 加分位係店員好細心隨便當附上細較剪比食客剪開佢嚟食! 滷肉飯配上深色滷水汁, 以為佢好濃味其實一啲都唔咸仲好好適合撈飯添~【🟣🟡紫金雙色QQ球】金色紫色嘅QQ球好吸晴, 脆脆外殼入面係煙煙韌韌嘅紫薯, 將QQ球擺入煉奶入面360度轉圈咁同佢沖涼, 然後一啖啪落口, 好味到無野好講!!【草

行完山黎到黃大仙廣場，好多餐廳唔知食乜好😂 點知望望下望到電視廣告牌有間台灣菜好似幾吸引咁！然後就去搵喇，呢間餐廳位置都幾入，唔專程去搵真係唔會搵到！餐廳係集團式既，隔離有同一集團既韓國餐廳。所以我地食台灣野，但對住韓國場景😂 感覺有少少怪，但隔離係台灣景，Balance返😂我叫左個套餐，包一杯茶，主菜同甜品！牛展醃得好入味！唔錯！蔥油拌麵好惹味！好香！麵質都好好，有咬口！同行既朋友就叫左燉湯！好足料，湯好甜！好好飲！配紫菜飯好新鮮😂 好過白飯既，冇咁寡！仲叫左個捲餅.. 但係唔好食.. 粉好厚又冇乜芝士..最後，仲有個甜品賣相好得，但係食多兩啖就係真頂唔順，太甜！！！ 雖然千層蛋糕入面仲塊芒果，但都救唔返... 或者呢個比較適合喜愛超甜既人喇！！總結，一試無妨，唔差既！不過可以再好d！

呢排天氣咁凍 真係要著多幾件衫先出街，除此之外 就係去食嘆嘆鐵鍋湯明爐台式鐵鍋湯 - 滋補鴨腿湯⁣⁣⁣大大隻鴨腿嫩滑多汁，食落一啲都唔鞋 唔韌呢個鍋湯嘅精髓係佢嘅藥膳湯，好香嘅當歸味，飲左佢啖湯之後個人暖粒粒。

台式嘢成日都食，但係鐵路便當又真係第一次食，原來都真係幾大份下😂餐廳嘅ᴅᴇᴄᴏʀᴀᴛɪᴏɴ都幾特別🤘🏻中間有棵好大好大嘅樹俾人掛卡仔同貼相上去，感覺好親民🥰而門口仲有夾公仔機可以玩下過下手癮🧸 打卡位一啲都唔少嫁📸1️⃣ 台式鹽酥豬扒鐵路便當🚋顧名思義好似便當嘅樣，用呢個嚟裝真係好貼題😆 大大塊嘅鹽酥豬扒真係睇見都流晒口水，帶骨豬扒最欣賞，不得不提佢哋真係好貼心要讚下，因為係俾埋把細鉸剪等客人可以用嚟剪開塊豬扒😚 仲有半隻蛋蛋同滷豆腐，呢兩款真係整到好入味😎2️⃣ 台車三寶鐵路便當🚋呢個有齊鹽酥雞翼、肉羹同台灣腸，一次過可以食齊幾款唔同嘅野食😆鹽酥雞翼唔會整到縮哂水，而係好酥脆好好食😌 而且個飯係肉燥飯+菜脯，食落唔會好油膩，仲加有少量花生🥜 口感好豐富😍3️⃣ 嘆嘆拼盤🍽拼盤一定唔少得，因為係可以食多啲款😎 雖然我哋嗌咗個細份但係都已經覺得幾大下😂 入面有甜不辣、台灣腸同埋鹽酥雞，甜不辣煙煙韌韌好軟糯，台灣腸甜甜地又胖胖的，鹽酥雞就有份鹹香味😍 真係好抵食🙈4️⃣ 香芒雜雜🥭嗌咗份用芒果做主題嘅甜品🍮 入面有布甸、蛋糕、雪糕同埋泡芙，一個價錢可以試到咁多嘢都真係唔錯，不過都要食得晒先好嗌🙈咁多隻入面

餓既千其唔好黎食，最少要等半個鐘，仲要比人問返d野食仲未到咩？ 🤣等左半個鐘後仲差1個餐，明明見到2個人，仲問係咪有野未到，唔識自己㩒機睇，仲話想快d出到個餐比我，救命，呢d咁既服務質素，真係頂級，唔想食到高血壓既就唔好黎受氣啦～

今日去左黃大仙北館 嘆噗食台灣菜餐廳裝修好有特色 坐位闊落 仲有好多打卡位。午市套餐相當抵食，款式又多。食物味道也不錯午市套餐招牌鐵路便當盒 $72-台式鹽酥豬扒.肉燥飯.紫菜粟米湯.滷水豆腐.滷水豆腐糖心蛋酒醉雞翼兩隻 $18拿鐵咖啡 $23招牌鐵路便當盒份量都多，豬扒炸得好酥脆惹味，滷水豆腐糖心蛋都好入味，只是紫菜粟米湯 味道偏淡。拿鐵咖啡 啡味香濃 口感幼滑 好啱我口味台式蔥油拌飯 $58-配巨人滷水雞脾.原條台灣腸.煎雙蛋甜不辣兩件 $18蜜糖桂花烏龍(熱)巨人滷水雞脾 絕對冇改錯名 大大份滷水雞髀 非常入味 最好是配上蔥油拌飯原條台灣腸好有台式風味另外仲有兩隻煎蛋 好夠飽嘆嘆抹茶紅豆大盛 $68抹茶凍.香草雪糕.小米糍.紅豆.鯛魚燒.3.6牛奶抹茶沙冰口紅豆大盛 非常足料 味道好有台灣風味 最愛芋圓 口感煙煙韌韌招牌珍珠奶茶奶蓋千層蛋糕 $48賣相好靚 甜度適中 班戟皮夠薄 口感軟滑

黃大仙中心原來有間好啱打卡嘅台式店！環境好靚，有一個色彩繽紛嘅大樹，影相一流🤩⭐️鐵路便當 - 滷水雞髀大大隻雞髀好誇張，滷水好入味，便當有菇湯、滷肉飯，溏心蛋、高麗菜等，好豐富，又抵又好食👍🏻👍🏻⭐️蕃茄牛肋條配滷肉米粉呢個米粉嘅質感好幼細，偏軟腍易入口，米粉索晒啲滷肉汁，好好食😋😋牛肋條好腍身，勁好食🤤🤤都有7至8舊，份量唔少！⭐️醉雞翼好重酒味，凍食好開胃😋😋大大隻啖啖肉，秒清！😆⭐️古祖滷併盤😮😮好大份，擺盤都好靚，意外驚喜！！每樣都好滷得好出包，尤其係牛𦟌，好好食👍🏻👍🏻⭐️芒果千層蛋糕最後叫番個甜品作總結，芒果好甜👍🏻千層蛋糕好香好滑，價錢唔貴，性價比高😋😋

今天要介紹的餐廳位於黃大仙，是一家台式餐廳。餐廳價錢定位係中間，除左有台式食物食之外間離仲有間同集團既韓國餐廳，有兩個選擇比市民選擇，幾不錯呀。嘆嘆招牌牛肉麵牛肉麵有牛筋、牛腱、甘筍、蘿蔔、娃娃菜，餸菜份量足夠，台灣麵亦好掛湯。鐵路便當配湯 滷水雞脾便當好豐富除左有主角雞脾外仲有昆布湯、蛋、滷豆腐、高麗菜、肉燥飯。主外雞髀既滷水味好夠相信都用左不少時間醃。滷大豬雙拼 係滷豬耳拼滷五花腩，呢款滷水味偏甜係非常入味的，而且有豆腐放低，非常抵食。香酥鹽酥雞雞的份量幾多，都是粒粒大約一口既size，相信係剛剛炸起，食落外脆內嫩。嘆嘆紫薯奶茶紫薯味道偏淡近況飲唔到紫薯味可能係奶茶味太重味。3.6牛乳黑糖芋圓特盛有3.6牛乳加黑糖整成既沙冰做底、配料有牛奶布甸、三色芋圓、珍珠、紫薯等等，兩個人都未必食得哂。嘆嘆 黃大仙龍翔道136號黃大仙中心北館地下G06E-G06G號舖🚇港鐵黃大仙站 B3 出口, 步行約1分鐘

好耐冇嚟過黃大仙啦！發覺原來黃大仙都開咗好多新嘅嘢食😍經過見到呢一間個餐牌幾吸引😗價錢又唔係話太貴喎😆即刻試吓先！🧊養生燉盅湯個燉湯係椰子🥥紅棗雞湯，除咗個燉湯之外仲會包埋個飯㗎！所以唔使驚唔夠飽😗一打開個湯，超香椰子味！仲要係超多雞肉，啖啖肉😍做湯飯都唔錯🧊紫金雙色QQ球平時去到台灣啲夜市，最鍾意就食地瓜球😍今次食台灣嘢都嗌返個做小食！😆鍾意佢哋唔係淨係得一種味，有兩種顏色🥰仲可以點埋煉奶食冇咁單調！🧊台式鐵鍋 冬天硬係鍾意打邊爐😂食台灣嘢都唔放過！我哋嗌咗麻辣鴨血湯😗鴨血嘅份量都幾多！大大嚿😍再加埋啲配菜落去吸收晒麻辣湯嘅精華🥰梗係唔少得放返個泡麵同埋新竹米粉啦😗會話嗌新竹米粉係必須！唔好睇佢細細個！放咗落去份量都幾多㗎😝🧊 3.6牛乳仙草大盛最後就梗係要叫返個甜品做結尾啦😗有分大盛同埋特盛😆而我哋得兩個人食嘅！所以叫一個大就完全OK啦😆因為大都超級大份！仲有好多嘅配料✨有我最鍾意食嘅芋丸同埋珍珠🔥性格價比:8/10好食程度😋：8.5/10回頭指數💓:8/10 📍嘆嘆 (黃大仙)黃大仙龍翔道136號黃大仙中心北館地下G06E-G06G號舖

天花佈滿乾花裝飾的台式輕食咖啡店，設有打卡位之餘價錢還很合理。而且有好多選擇，如台式主食、火鍋、便當、特飲花茶、甜品等等🚂 鐵路便當 （配肉燥飯&醃菜&鹵蛋&昆布湯）❋ 台南三寶（鹽酥雞翼&肉羹&台灣腸）$72有五款便當可供選擇，我選了三寶，有我喜愛的台灣腸，鹽酥雞挺酥脆，菜脯和肉燥飯一起吃口感豐富，而肉燥不是全肥，不會太油膩。昆布湯有點清淡但足料。🧆 肉燥高麗菜 $38有少少驚喜，平時不太好肉燥都覺得好好味～🗻 戀 ♡ 富士山（日）＜奶蓋藍橙乳酪特飲＞（凍）$38賣相像藍天白雲下的富士山🗻底層是藍橙乳酪沙冰，在上面鋪上奶蓋，增添了不同的層次感。☕️ 草莓百香果紅茶（熱） $48採用阿薩姆紅茶、錫蘭紅茶、祁門紅茶以及大吉嶺紅茶四大紅茶混合而成。附上蜜糖，有點酸酸甜甜的感覺🍰 招牌珍珠奶茶奶蓋千層蛋糕 $48一層層的千層蛋糕，班戟皮好薄好軟熟，加上珍珠煙煙韌韌，有口感又不會太甜，但茶味不算太重。🥛 3.6 牛乳黑糖芋圓特盛 $88（手工QQ芋圓，3.6牛乳黑糖沙冰，香草雪糕，珍珠，黑糖紅豆麻糬，牛奶布丁，紅豆）十分豐盛的芋圓特盛，非常足料，份量都挺多，其中三色芋圓甜度都不高，有煙韌口感，還

今日和朋友去黃大仙中心逛街，發現了一間門面幾靚的休閒台式café -「嘆嘆」，佈置幾特別，有一棵大樹🌳在餐廳的中央位置，仿似坐在樹下進餐一樣🤭二人各點了一款招牌鐵路便當盒，配有湯、菜、鹵水蛋和豆腐 ，雪梨冬瓜茶跟餐不用加錢， 甜甜地，暖笠苙，清熱滋潤。滷水雞脾便當盒 $72，味道不過不失，但雞脾面加上了黑芝麻和白芝麻，增添不少香味。夜市小食盤便當盒$72，非常豐富，有鹽酥雞翼、肉羹和台灣腸，好有地道風味。餐廳環境確實很不錯，除了打卡之外，也是和朋友聊天的好地方。我和朋友吃過午餐之後，繼續坐著傾偈，之後再點了甜品和飲品打卡😆招牌珍珠奶茶奶蓋蛋糕$48，嘆嘆紫薯菲菲$68，兩款甜品賣相都非常精緻，味度不會過甜，蛋糕餅皮夠薄，但略嫌忌廉不夠幼滑，嘆嘆紫薯菲菲份量頗大，特別喜愛紫薯蓉的味道。戀心富士山（日）奶蓋藍橙乳酪特飲$38，味道酸酸地，顏色好特別。戀心富士山（夜）紫薯奶蓋$38，奶味較濃，紫薯味略淡。