臺味冰點

Open Now

Now Closed

屯門屋邨，小型屋苑眾多，除咗屯門站同大會堂被大型連鎖店雄霸之外，特式小店遍地開花。適逢午飯時間，街坊、地盤真漢子、同我都令小店全場爆滿。 裝修平實，枱櫈尚算好坐。鹽酥雞翼肉燥飯跟凍檸茶$39入鄉隨俗，午市都係以碟頭飯為主，當然全部都係台風款式。見套餐跟飲品，諗住叫杯珍珠奶茶試吓，阿姐好理直氣壯咁話我哋無賣珍珠奶茶喎雖然唔係台式餐廳老奉要賣珍珠奶茶，但又如果體現到呢問係台式餐廳呢？一試個飯，我彷然大悟。雞翼只係焯熟再煎，事後灑鹽，既不酥脆亦無腌過，連一般茶餐廳水準都無；肉燥汁不甜不香，只係蒸或焯熟豬肉碎再撈冬菇粒，似將肉餅打碎上碟，再加幾條豆角而成一碗飯，其實味道唔算好難食，但同我所認知嘅台式肉燥飯真係天淵之別，常言道，誰認真，誰便輸了。呢個午餐，唯一可取之處係份量十足，食完真係夠氣夠力去開工。 可能正正經經賣茶記碟頭飯，一樣可以生意興隆，但如果以港式方法，試圖煮台灣菜，反而不倫不類，既委屈自己，又得失客人，何必呢？

閒日人很多，但流動率蠻快的，畢竟很多人等著都不好意思吃太久，也有很多外賣者在門外等著，所以等位的最好跟店員說一聲，以免混淆。這店的餐牌跟天水果圍那一家有點分別，需看清楚。雜扒飯＄42 附飲品 凍飲加＄2可以自選汁，是次選擇了黑椒汁，還有洋蔥、鼓油等選擇。雞扒，豬扒肉都是大大塊，都是醃過的，雞扒肉嫩，皮也是脆的，能咔擦一聲。豬扒，肉也是嫩的，但有點假，應該是加了鬆肉粉，但還可以接受。腸仔，不是便宜的雞肉腸，應該是略貴的廚師牌。豆角，配菜，單賣份量多的要＄16元，過口癮的話，叫這個飯就好。份量很足，整體偏油膩，學生們跟愛重口味味者會喜歡。而且價比性很高。臺灣牛肉麵＄36 附飲品 凍飲加＄2可以自選麵，是次選擇了上海麵，還有米粉，公仔麵等選擇。牛肉，略韌，份量蠻多，醬的味道像柱侯腩汁。湯底帶咸，配上冬菇，栗米、椰菜一點清清甜甜的，中和一些油膩感。星洲炒米＄４5 附飲品 凍飲加＄2跟傳統的最大差別是米粉，吃下跟新竹的粉絲很像，彈性太強像吃像筋，咖哩味夠濃，配料有火腿、蛋、洋蔥、蝦、韭黄等等。鹽酥豆角＄16先炸後再灑上淮鹽，不脆，但咬下豆的清香跟淮鹽混合，味道剛剛好，是不錯的小吃。蜂蜜綠茶 跟餐

這台式食店已經開了多年，也路經了不止百次，但到了今年才因為屯門朋友力推才一試，晚市人來人往，keep住全滿，然而外賣生意更好，放滿一桌，而且要拎籌取物，到後來終於明白為何外賣人多一行三人走入店內，店員立刻請近門口的一對情侶調位，好讓我們可以安座，不錯。怎料原來調位是這裡的家常便飯，有一人客被調了三次  搭檯搭到一個程度是，一個位也不能吉，我們一家三口吃到中段，店員也著一男生坐進我們靠窗的吉位，情況大家都尷尬聽聽其他人的order，也大致猜到熱賣的食材，點了$41藕餅肉燥飯，看著面前一堆肉碎，好似整比小朋友食咁ge色水，就算當減去老抽怕色素云云，也絕對不是台式肉燥應有的質感一邊吃，一邊見其他客人不停調位，心也煩了，難怪外賣的人那麼多，多得要取籌號認領，但面對眼前那碗招牌的肉燥飯，心想，連外賣的機會，也應該不會再有。這區餐廳多的是，還有更好的可取。

平時中午食飯時間經過都會見到門口有好長既人龍， 今日提早半個鐘食飯， 終於唔需要等。餐廳細細，約容納2,30人，位與位之間唔算寬闊，環境尚可蓮藕餅豬排飯配洋蔥汁份量大既大碗飯， 細食既女士建議叫少飯汁既份量唔夠， 蓮藕餅味道較淡但非常爽口豬排煎得非常金香，整體尚可台灣肉躁拼鹽酥雞翼飯肉躁好好味， 該店肉躁顏色有別於出面，顏色較淺 ，食落非常juice, 用黎伴飯一流， 而雞翼只有外邊有味，內裏冇味，較為遜色

今日去探下老友個bb，上樓前，老友帶我去食呢間臺灣野，下午茶又幾好食喎，我叫左個秘製豬扒上海麵，睇下點秘製法！碗麵一上枱，聞落幾香，豬扒都有大半個碗咁大塊，睇佢白白地色，面頭有啲辣椒碎，呢度啲豬扒腌得夠稔又入味，以為係辣點知反而有小小甜，果然係秘製，上海面軟硬適中，作為下午茶，27蚊連埋凍飲，抵啦！

星期日到屯門建生睇中醫, 因為執藥要等上一段時間, 於是到附近邊吃早餐邊等. 見有間台式食店, 門面看似不錯, 店內坐滿食客, 門外亦有等候的, 應該不差吧, 於是我們都排隊等候, 大約5分鐘就有位. 坐下時已過了早餐時間, 唯有選擇湯麵類.臺灣牛肉麵 $34牛肉用上牛腩位而且切成粒狀, 帶少許脂肪, 肉質都算腍和入味, 份量都頗多, 當然味道不及於台灣吃到的那麼好味, 肉面灑了些炸蒜粒, 五香味尚算可以. 配料份量多, 有椰菜, 粟米粒和冬菇, 可惜冬菇的味道與五香牛肉味格格不入, 有點破壞了整體的味道. 而上海麵麵質偏向腍身, 可能浸了一段時間. 臺灣排骨酥麵 $32排骨剛剛炸起熱辣辣, 雖然另上但炸得有點乾身, 味道一般不算太好味, 份量得幾件, 每件排骨骨多過肉, 無肉食. 這湯麵改轉公仔麵, 比上海麵彈牙一點. 配料同樣有椰菜和粟米粒.湯麵餐包了一杯飲品, 我們選擇了最普通的好立克和阿華田. 這小店以價錢和份量取勝, 味道就較一般, 始終屋邨內的小店也不能期望過高呢!

我每個星期都最少吃1次，都唔係好貴，我最喜歡吃燒汁牛肉 飯 同埋野菌牛肉飯，超Like!!!!!!!!!!!!!（雖然很多油）但個人真係極like放心，如果唔係日日吃的話,是唔會好肥的XD

雖然要轉車才去到，但我每放假有空都特意來到建生食而個麻辣炒雜菜年藕餅 公仔麵有大、中、小同唔辣揀我揀左中辣，超級多菜，雜菜以椰菜為主好入味年藕餅口感好爽口同新鮮即造次次都食唔哂吖聽朋友講焗飯係超級推介，甘我下次會再試埋焗飯先眼見好多枱都有人叫小食，相信下次都會試埋～～

今日專登去左屯門試食呢間餐廳,係正輕鐵站隔離唔難搵。叫左個臺灣牛肉雞扒飯,牛肉係類似用牛腩方法做,面且仲好有五香牛腩味。雞扒就大大塊,夠晒香。凍飲仲唔洗加錢,大大碗飯都係40蚊,好抵架。

呢間餐廳可以話係我同D中同嘅集體回憶,,因為佢嘅三杯雞真係好好味架!!但事別5-6年後再返黎食,,原來已經無左三杯雞呢味飯食啦搞到我地落單果時都真係諗左一諗,,試下其他野食,,於是,,我就叫左呢個肉躁雞扒飯。呢間係台式餐廳,,以主打肉躁飯黎講,,佢D肉躁其實都幾好食,,起碼唔乾,,而肉躁份量都算多嘅,,都可以一啖肉躁一啖飯,,雞扒D肉都幾嫩,,佢塊雞皮煎到脆脆地幾好咬架~

復活節假梗是唔好浪費啦,一早就約左朋友入屯門咁早起身梗系肚餓到爆啦, 即刻搵下有咩食, 跟住去左建生村附近果條食街,馬路2邊都泊滿車, 所以我地都泊系街邊即刻搵野食最終去左 臺味冰點如果純講食物應該比笑既, 不過環境服務都是難頂左少少, 所以最終都決定比OK算,因為比人趕住食趕住走, 所以其實D食物名都是大約記得,希望店主可以改善下呢樣就perfect la ,每人平均消費都是40幾蚊連野飲應該,抵食

剛搬咗係附近住,就係樓下搵食喇,呢間每次經過都見到坐滿好多人,終於係個幾月既今日去試吓,11點幾去食lunch,冇位要等一陣,太約5分鐘有位我叫咗酥排骨燥肉飯,份量好足一大碗,肉燥唔用出邊有D鹵到啡色,佢係天然肉色嘅,而排骨亦算正宗係用一字排,切成3吋長一件再炸,食落肉燥好夠味,送飯一流,而排骨就稍為炸到好乾,有D硬,我叫咗一杯凍奶茶,原來珍珠要12先供應此店食物算幾好,但服務唔多掂,想搵個阿姐落單都好難,好多時得一個樓面,呢個出咗嚟第二個又入咗去,等咗好耐叫咗幾次先落到order,好似冇人理咁，到埋單又係,收銀冇人既,企係度呆等又冇人理,如果唔係有不可不吃,我唔會再嚟了

在盈豐這邊都有很多不錯的食店,這家雖然是以茶餐廳形式的台灣食品小店,但出品卻有點驚喜!椒鹽四季豆雖然不太夠熱,但味道卻不錯!豆十分乾身,幾近沒有半點油份,微焦更突出豆香,點點椒鹽就己經十分吸引了!可以的話真想來杯啤酒伴著吃!肉燥飯不似常見的深色,但味道很濃!這有點意外!而且更與飯分開上,不會吃到最後那些飯被醬汁浸到很鹹!飯粒品質很好!不會混太多水煮得糊糊的!這對組合很適合己工作了一整天累透的人呢!我點了個外邊較少見的藕餅排骨公仔麵.不得不讚這店的藕餅!在肉餅中混以粗切的藕粒,咬下去十分爽脆,外層亦煎得金黃!口感,味道都配搭得很好!如果再來一碗白飯,夫復可求?!可是我點了公仔麵,下回絕對要來碗白飯!飲品方面都是那些果汁配紅茶,綠茶之類的,同行友人點了珍珠奶茶,我則來杯蜜桃紅茶.不過這家店的飲品不及食品出色了,友人的珍珠奶茶沒有太大問題,但我的那杯蜜桃紅茶則有點過甜了!整體來說,這店來碗白飯,配個藕餅己經很爽了!

呢間野平時成日坐滿人繁忙時間好多時都要等位，但多數唔駛好耐就入得！佢有焗飯，烏冬等，個人極度推介炒公仔麵！！一份份量好似有1.5個公仔麵咁，麵多芽菜多，唔會太咸，正呀！！另外大多數捧場既人都係食焗飯，我都好鐘意！有芝士海鮮，肉醬等，而且個飯好大，一樣飽爆！蓮藕餅烏冬都好好食！以上野食全部都係三十幾蚊架咋！！不過，美中不足係間野多左d烏蠅，小昆蟲，令我食得好唔自在！但總體黎講係值得去！

下班後獨自入了屯門覓食兼打個白鴿轉，原想去彩華花園附近覓食，可是卻又恐怕目標餐廳落場，唯有轉移陣地，往海麗花園覓食。早陣子到附近覓食時，已經留意到臺味冰點，今天既然來到，就不妨入內坐下來吃個臺味。而吸引在下進入原因，全因為了這個吧！在餐牌裡看中的，是他們的魚餅，一是吃他個魚餅麵，或者一個魚餅飯也好。其實兩者在下都較喜歡吃的，可是一時之間卻難以取捨，最後還是選擇了後者。送上來的時候，煎魚餅肉燥飯是在下沒想到也沒預期這麼大碗的，魚餅表面沒有預期煎得燶，而且也欠缺脆口，但是勝在煎得可口，而且內裡的馬蹄也頗多，而蒽亦較預期為多；而肉燥沒有外邊的深色，顏色較為淺淡，味道也不及外邊的濃，淡淡的味道已經足夠吧！但是米飯有點稀爛，是放多了水的綠故。凍抹香綠茶是跟餐的，抹香較濃味如水仙，而綠茶卻因為被抺白搶去了不少茶味，但仍有點綠茶的味道。杯中的冰粒較少，可以喝到茶的原味呢！整體味道不錯，而且份量也不少。進入餐廳時，顧客也較多，相信是這村的人氣店吧！而消費方面，也較合理和都幾抵的。