臺味冰點

Open Now

Now Closed

此店是平凡日子裡在家附近晚膳的好去處(之一)光猛的環境內總有滿滿的客人 偶爾需搭搭枱但不會影響我倆聊天吃飯的"雅興" XD每次來其中是為了喝到這兒的"特色飲品" 台式餐廳來說 飲品選擇不算多 但制作不馬虎 而且配餐就有 感覺划算 之前幾乎每次都點"焗芝士雞皇意粉"點到他都說我沒新意 今次特意換口味點其他==============================他點的"洋蔥汁雞扒焗意粉"==============================我點的"茄汁焗豬扒意粉" 看來有點焦 但沒影響味道 ==============================蜜桃綠茶及凍檸茶(BOTH少甜)總括來說 是很抵食 服務的姨姨一般都醒水的 態度也不錯 標準的上菜時間嗯..這裡的扒肉類主要是雞豬 肉質蠻嫩 尤其我愛焗類的意粉 因調味適宜 份量充裕對於女孩子來說份量是過多了點但勝在能跟他"分享" 然後大家都飽飽滿足

今天拜山後回到田景村，差不多三點了要吃飯，這地域的確有很多餐廳，妹給我選食飯地方，我最後選了臺味冰點。上星期六才在元朗吃過士林台灣麵，三天後又食台式野，都說我很喜歡吃台式食物哦。這時候店內都高朋滿座，想吃就要等位了，不過店員表示可以開一張枱放在窗口的一角，我們都OK啦。坐在獨立VIP位，代價便是迫到不行了。妹說這裡重新裝修不久，的確，之前有幾次經過這裡看到入面暗暗灰灰的，現在店子很光亮，其中一面牆身裝上鏡面，反映著外面的天然光，也幾舒服。妹說冷氣比裝修前更清涼，而我看到的是衛生情況非常一般，不時有很多蒼蠅在周圍飛，很擾人。下午茶餐款式非常之多，價格也算相宜，得知其出品是非常大碟的，令我好期待﹗餐飲包凍熱台式飲品，只是珍珠要加多$2。入店時我便留意到有食客食緊一碟超巨的豬扒飯，上面更有我喜歡的肉燥汁，我見餐牌上只有一道秘制豬扒飯是近似我看到的，下單時便問一問阿姐：我：唔該，我想問個枱(指住隔三枱的那張)的食客係咪食緊秘制豬扒飯﹖阿姐：咁遠我點睇到姐﹗(超兇)我：下，個張枱咋喎，門口個張...(阿姐，幾步路距離咋喎...)阿姐：我地有咁多個飯點知佢食緊D咩姐﹗我：咁好啦,我諗下先。(費事叫

呢間野見9:30後就減4蚊就入去食下入到去人唔係太多可能個陣太晏我係個到叫左雞扒肉燥飯個碟飯真係好大我都食唔唒個D肉燥好好味雞扒煎得好令食落去好香口

作為自己第一篇食評, 就一定要寫自己食開嫁餐廳la! 我記得臺味冰點一開個時, 我就去過食, 如時大約三年前! 當時評語係: 無誠意, 唔會就去!三年之後, 因為朋友一次介紹, 我再去了一次, 跟朋友一樣叫新竹米線, 大有驚喜! 先唔講味道, 新竹米線質感一流, 好似我細個個時d 米粉咁, 好好好幼!味道方便, 都好好! 炒雜菜好多!(因為張相係 iPhone 度, 遲d 先Upload Photo).

剛剛起身，見自己一個就去外賣個干炒公仔面．．佢俾左個ｎｕｍｂｅｒ俾我叫我等陣，點知我企左成20分鐘都無人伶出黎俾我，咁我就入去伶啦，點知原來ｄ職員一早放左係收銀處而無通知我！！伶完個面返屋企，最好笑既係個面炒完之後　仲好似剛拆出黎咁，個面底打晒結．．

剪完頭髮，走到屋企附近食飯，臺味冰點在海麗花園第一間舖位夠就腳。見到 menu ，價錢合理！$30 左右已經食到午餐，抵食！滑蛋玉子叉燒飯 $29用大碗裝，可以保暖，唔錯！夠大堆頭！份量多！ 叉燒係肥叉燒，有些少餾。熱好立克大大杯，好立克粉多，味夠濃！

冰點是同事間最常到的食肆之一，以每星期計，最少也要幫襯三至四次，原因很簡單，因為有同事是fans。在午飯時間，有的同事無所謂，也有的像我一樣懶得去諗，於是多數出現下面的對話：「食咩呀？」「是但啦！」「唔好望住我呀！」此時一定有一把堅決的聲音說「咁去冰點啦！」冰點在午飯時間通常都滿座，普通人如我會另覓他處，但fans的反應又豈會和我這等普通人一樣，老鷹自有他的堅持：「就因為冰點又好味又便宜，所以才這麼多人！」眾人全完明白。於是，他會像老鷹一樣在冰點的枱與枱之間盤旋，找尋他的獵物 - 快將完成午餐的人，然後就像雕塑一樣聳立在旁，由於他那高大的身形、堅決的態度，獵物會很快投降，完成午餐離座。老鷹理直氣強地教導我們：「食完就應該讓位給其他人才對，小商戶就趁飯市都生意的！」一眾全完同意。冰點食物以台式為主，以合理的價格售賣質素不俗的食物，同事喜歡的如下：豬排肉燥飯 - 豬排肉質不俗，夠鬆，但沒有鬆肉粉的味道，略油，肉燥不夠台式，似肉粒多些。盬酥雞翼肉燥飯 - 喜歡炸物的同事之選玉子豆腐叉燒炒蛋飯 - 蛋炒得剛好，不會太乾，配玉子豆腐很滑，叉燒倒成了吊味的配角了。台式湯麵 - 配搭選擇多的湯麵餐配

今晚唔想煮飯，所以就落左去食台灣野，覺得無以前咁好食，我地有時想朝早去食都好full，ｄ員工完全都唔會理你有無位坐架，連serve你話叫你等陣都費時果隻．我明既，成日都有常客黎食，少我一個唔少．煎蠔餅：似菜餅多ｄ囉，ｄ蠔煮得唔太熟．上面個pat醬，味道怪怪的．三拚鹵肉飯：雞翼，排骨，豬扒，前兩者炸到好乾，後者比較好少少，但都係硬左ｄ．好在個鹵肉飯整得幾好食．

第2次來這間食店,因為杯椰香雪泡好好味,今次點了午餐和麻辣湯麵,午餐不過不失啦!!!反而碗豬軟骨什菜麻辣湯麵有少少驚喜,豬軟骨夠"淋"同入味,湯底比想像中辣唔錯唔錯

食過幾次, 最欣賞佢既雞扒同凍啡(泡沬咖啡)雞扒醃得好入味, 外層煎得金黃香脆, 咬落去非常juicy (雖然亦頗多雞油)配上附近獨有既新竹米粉, 每啖都非常爽口加上啡味夠既凍啡台味算係附近最好食既餐廳之一佢既雞扒飯($30)亦非常大碟一個女仔一定食唔晒! 男仔就會感到好滿足~逢星期一至五都有一個$16 既早餐, 食到新竹米粉之餘, 凍飲仲唔洗加兩蚊, 非常抵食!惟獨是午飯時間有個侍應真係十問九唔應, 行過都扮睇你唔到.. 好采其他侍應, 尤其晚市, 都幾好禮貌!

下午要趕出去九龍塘交學費，又未食飯喎！正值下午茶時間，去買個焗飯吃也不錯~~去臺味冰點買個芝士焗雞皇意粉下午茶，配珍珠奶茶走甜不用另外加錢，都只是$21外賣另加$1，超值！這間店子是第2分店，第一分店位於天水圍新北江商場一樓不過比起人流同人氣量，就遠遠不及總店的多人呢~~有幾次去天水圍那間吃...不是要站住等位就是搭枱，阿姐們抹枱都來不及呢~~雖然商場有許多食肆...但說真的這裏的食物質素不錯喇~~但地方清潔就麻麻的喇~~呀~~越扯越遠添...不過屯門分店的價錢比總店的食物便宜點，我記得總店下午茶貴$1而且這裏每晚9：30過後，每客套餐減收$4，對於食宵夜來說都是一個不錯的選擇不過同區也有不少食店開到凌晨2~3點...唉~~做生意真的很難耶！芝士焗雞皇意粉$21等了約10分鐘，用鍚紙盒盛著，感覺到剛剛焗起熱辣辣，底下有紙皮隔熱打開看看...一陣陣香味飄出來喇，白汁滿滿的鋪面...嫌芝士份量不夠多雞肉份量都有很多，不過吃完真的很濟的感覺...意粉比較粗身及淋身珍珠奶茶走甜奶茶的比例不成對比，茶同奶對比8：2，以致奶茶帶苦澀珍珠幾大粒，可惜帶硬身，浸泡時間不夠...地方尚算清潔，但出面鋪面

今日去食下午茶,叫左個手撕鶢什菜麻辣米線同凍咖啡.個面我叫少辣但好辣,什菜炒左放係d面上邊,但d芽菜重好生.不過正體上係好食的杯凍啡都好好飲唔太甜,飲落去好有啡味,唔似得其他d咁得個甜字好似飲糖水咁!!!!ps: 唔食得辣的朋友一定要走辣,食得的朋友請由中辣食起呀!!!!!!

日期：2009年1月27日屋企樓下有咁多野食，點都要黎試下架，趁今晚唔知煮咩既時候，黎幫襯下，一試無防架！１。台式蚵仔碎肉泡飯：湯底略salty，Ｄ蠔都幾多沙，煮得比較焾左Ｄ。２。冬菇豬軟骨新竹米粉：煮得好入味，好大碗，女仔食，食到傻。

晚飯時份...路過見到新開的台式店舖...因為想飲台式飲品...所以決定試一試...點了個炸排骨酥台灣麵+芒果雪泡(<$30)朋友要了香菇牛腩陽春麵+茉香奶茶加珍珠(<$30) 珍珠加$2...食物方面:‧炸排骨酥味帶蒜香...不過食得比較困難...哈哈...因為真係成條骨...‧台灣麵/陽春麵都唔好食...‧香菇牛腩的牛腩味道不錯...不過油了點...飲品方面:‧芒果雪泡...得人驚...似芒果布甸粉加冰水而成...又有少少似芒果雪糕溝水開策x__x‧茉香奶茶...好味...好香茉莉香味...不過都甜了一點...‧紅/ 綠茶系列都略甜...之後都有再食過...肉燥好食...不過不是正宗肉燥...豬扖好肥好油...但都好好食...而且大大碟的...如果食厭了其他食肆...試下呢間台式野都ok既...服務方面:好明顯是新手的年青人...所以唔太熟悉運作似的...好亂下...不過...過得去就算喇...

久不久就有鋪珍珠奶茶癮~見附近開了間台式餐廳~就試試看原來這分店是天水圍少數吃得過的餐廳的分枝~~大概都不差的在這區的餐廳~大多都提供了單車外送的服務~這間也不例外~因為這是在本區生存的工具~生意難做~舖頭開朝七晚十二~九點半後仲特價用上紅色梳化椅~也坐得夠舒服~也夠寬敞~雖說這兒以台式食品為題~但卻不乏港式的洋蔥雜扒飯~小菜~西式焗飯~雖然感覺唔係咁好..但還是遵守遊戲規則~當然點的是台灣野~香港人對台式的飯~印象可能也只有肉燥飯~小比就來了個在餐牌上唔知係乜的臺灣焢肉香菇肉燥飯~一上桌的時候~~小比的雙眼大得差點掉下來了.........五...花...腩一見到碟飯就想起肉騰騰的扣肉~~結果就只是專心的吃椒鹽豆角和菇菇~haha當交給大比的時候~整個飯也只剩下焢肉與飯~肉燥菇菇豆角都所剩無幾~弄得他好像在乾吃焢肉與飯~~哈哈~~對不起呢豁出去吃了一口焢肉~~用上肥瘦間隔的腩也選得得宜是真的~但五六件頭中~著實有一半是全肥肉的部份~而瘦的部份入味~但有點黏口新竹米粉向來在其他台式餐廳也要加錢~但這裡卻與米線陽春麵等同等價錢~大比就要了個鹽酥雞翼新竹米粉~這還是我倆第一趟吃新竹米粉~原