台灣麵 (Closed)

沈日同朋友一齊食第一次.上菜OK快!我點了台灣牛肉米線,牛肉都夠淋,湯底夠味。椰香珍珠都OK~特別一提我:「唔該有冇廁紙?」待應姐姐:「廁紙冇得餐巾.」一分鐘內呀姐姐就羅左一堆餐紙黎。我地4個人佢比成6,7張我。我地去既係店2(點菜單上寫的)....4個人都唔知佢有分店..就無聊問待應店2係咩?待應雖然答我地唔知道,但佢都好好笑容又有禮貌咁幫我地問其他職員~

台灣麵的珍珠奶茶真係好正呀.當然同其他茶餐廳唔同,識飲的人就知台灣的奶茶不會太濃而帶有清香.而暫時台灣麵先可以做到,勁!冬天個時,如果叫杯珍珠奶茶熱飲,更是一試難忘.第一次叫個時,睇落真係覺得D珍珠好少,哈哈...後來飲飲下就會發現好多架.真係唔明白D人點解嫌少.D珍珠都好彈牙.我試過飲其他的珍珠奶茶,可惜飲到一半總會有好"流"的感覺.但呢間就唔會,所以值得推介.

今日同媽咪行行下街，見肚餓就入左去食野…首先我地坐低睇牌有咩食啦…有位姐姐走過黎放快子、牙籤、同墊檯紙…冇幾耐我媽咪同我講…點解我地兩個人，佢\比得一支牙籤過我地??跟住我睇睇…真係得一支!!!心諗…唔係掛…兩個人用一支牙籤?!跟住都算啦(因為我地有帶牙籤出街既習慣)…就睇返餐牌，見都冇咩o岩食…就求其點左2個下午茶餐黎食…但當我想叫人寫野時…叫極都冇咩人應…而且其中有兩個明明同我四目相投都唔過黎…咁而家咩事先…同你十怨九仇都唔洗彩都唔彩下呀…話晒我都係客wo~叫左差唔多5、6聲，先有位剛剛執完野既姐姐雞咁腳走黎同我地寫野(但當時店入面得幾檯客，同我四目相投既果2位姐姐就一直企係度唔知做咩…)好喇…講返食先，我點左個麵…麵質同湯底都係一般…冇咩特別，而果杯「珍珠奶茶」呢…冇奶味又冇茶咪…珍珠又得幾粒…冰多過茶，得個淡字…美心既珍珠奶茶仲好過佢…= ="食完之後…我地睇睇張檯想搵餐紙…重大發現!!竟然冇餐紙!!!!!喂大佬呀…人地美心同豆腐花舖都有紙巾比丫~~~仲平過佢多多聲啦…而家真係咩事先??乜紙巾真係咁貴咩???唔係連咁平既野都買唔起呀麻…唉~~~我同我媽咪食完之後…都即刻鬆人…奉

係附近開工，一陣都應該係得個睇，無野落肚，於是試下咩叫台灣麵。聽講佢個湯底係肉牛肉煲成十幾個鐘，飲落，淡出個鳥來，唔好話同九記比，就算華姐個清湯都濃過佢，又說九記，5點幾時去，會見到人地一桶桶煲完既牛骨放出來，唔洗講，大家知咩樹，呢度用十幾個鐘頭煲1定2兩牛骨？無米粥煲得再耐都係無米。又說個麵，確係唔錯，煙韌有麥味，確係值得一試，但咩係台灣麵？食完都真係搞唔清。寫埋D花絮先：惡男：「小姐唔該可唔可以比張紙巾來？」小姐：「我地無餐巾同紙巾，比$2買包TEMPLE啦！」惡男：「辣塊媽媽的！偶食到成面油，用脷LAM乾都唔比$2妳賺！」呢間野真係食到火滾，認真係出爐鐵唔寫唔得。P.S當日是在銅鑼灣拉麵橫町下麵的分店食。

本來想食翠華,但未試這裡點了雞扒乾拌麵及百香果綠茶麵方面:碗大,內容少雞皮煎得好脆,麵ok飲品方面:百香果味比茶軒濃,但有耐唔夠台灣的好飲雖然好多冰,但都唔凍(當時氣溫約16度)服務水準麻麻,尤其有一位不知是姐姐還是哥哥的侍應態度冷漠過機械人雖然午飯時間兼幾多人流,但係都唔滿座對面的清亭有20~30人在店外等位以現時食物質素,服務水平及價錢這裡要努力的一點

(23/11/05)門口的介紹好似幾吸引,咪入去o羅。蚵仔麵線─好咸,蚵仔只得三四隻,$22攪錯,同台灣食的差好遠。排骨雞腿飯─一碗少許的鹵肉粹飯,排骨...就是切左件,又薄又鞋又咸的無骨豬排,雞腿是炸小雞脾一隻,拌著的椰菜,油得很。飲品,我要香芋綠茶,都ok,有綠茶味,無被椰味香芋蓋過。男友要珍珠奶茶,茶味好夠,唔太奶味。我諗哩度飲品會好過食品o羅。如果無得坐卡位,好似我地被安排坐邊台,都有點逼。

我想講台灣麵既下午茶係+$3先有野飲架囉~~而且佢地平時咁旺~~你冇講清楚佢地點知你食lunch定tea姐~~同埋你個餐食既野都唔係tea既份量啦~~咁俾正價麵好應該呀~~而且都係個$7蚊姐~~你唔洗話唔係$$既問題啦~~如果你真係覺得咁差既~~你下次咪去間再平d既地方喥食tea囉~~

D 服務唔算好差, 但D 野食就非常之惡劣, 叫左個雪菜肉絲麵, D湯好似滾水咁, 見到都唔想食. 環境亦唔太好, 好多蚊之飛來飛去.

位於（銅鑼灣）景隆街的台灣麵店，女侍應態度十分差，寫錯單，本來下午茶餐變正價野，25元一碟雞係下午茶有野飲，現在寫錯了正價野，價錢都係25元，不過唔係下午茶餐，飲品要$10元，仲有其他女侍應唔知錯，仲要維護住做錯野那個女侍應，真係呢間黑店黎，無端端被騙了7元，本來58元可以了。真係望佢地俾人裁員。

上星期日去左食. 第一次食呢間. 其實係因為隔離間壽司鋪實在太多人所以先入去呢間"台灣麵". 哈哈~! 廿幾蚊個飯都算係咁.D野飲好得~! 不過就唔連餐. 十幾蚊杯. 兩個人埋單唔過一百蚊. D service都算係咁,因為我個飯唔多夠"老水汁"叫佢地比過兜汁我都可以.

銅鑼灣總統附近果間好唔掂，服務差到爆，筷子係掉落檯，野食唔好食。食左雞脾豬扒麵，雞脾勁乾，貢丸麵，再黎鴨舌，熱的，唔好食。一杯愛情果汁，唔好飲。

我係去佢新開銅鑼灣0既分店食麵,我叫0左個台灣牛肉麵, 我個frd 叫0左雞扒麵~ 牛肉麵0既牛肉,係炆林0左0既牛展肉,都okay好食但湯底就係..............重味精食完真係口渴到不得了...........最後要去7仔飲杯大0既汽水先止得住口渴囉~

我今日同男朋友去左le間野食飯,d飯真係幾好^^唔錯!但d侍應就唔係咁好喇...我地叫左二個飯,之後諗住叫多個菜食下la~叫左個菜一分鐘都唔夠個飯就到左lu~點之原來個飯係有埋菜ga~咁有埋菜就梗係唔想再叫多個菜la~咁我地就同個侍應講話想唔要個菜wow,點之個侍應話叫左唔比唔要,我心諗:一分鐘都唔夠就唔比唔要,又唔比轉另一樣野=.=\" 咁無計la~到個菜來喇,我地叫左個菜心,唉...跟飯果d菜仲好味過le碟,仲要15蚊一碟=.=\"叫碟蛟食下仲好...<br />我下次唔會再叫佢\地d菜＝～＝

同細妹去食lunch，佢要左碗香酥雞扒麵，我要左碗椒鹽排骨麵~ 雞扒幾好食，但我o既排骨麵原來係豬扒麵，而我最唔鍾意食豬扒... > < 至於麵質我唔覺得有咩特別~

我每次去都一定會食--涼拌海帶絲,好味~~~但每次去都覺得服務態度好差囉!有次我買外賣,成手都係,竟然連門都唔幫我開呀,幾過份呀