台站 (Closed)

假臺味 飯一半不熟一半水份太多太軟 滷肉滿滿八角味道也沒有入味 味道也不行 身為臺灣人本來滿滿的期望真的有失望評價刷出來的嗎？ 吃之前滿滿期待吃了傻眼，從天堂掉落到地獄 傻眼

台站三個人一齊搵食幾乎叫左佢半個menu🤪自在咩都食少少樽仔奶茶：小巧方便，不愧係外賣店嘅精髓😀👍🏻 茶味同埋奶味都有好嘅平衡，夾埋其他小食，一濕一乾，係好好嘅配搭。😋 豬頸肉滷肉飯啲飯唔會太濕身，微乾，我覺得以晚餐來講都夠飽，但豬頸肉唔算太突出，表現一般啦。但你考慮價錢嘅話，$30都唔洗喎🤩 就會覺得係抵食🤷🏻‍♂️櫻花蝦烏醋茄子最鍾意係呢個，茄子整得好琳，上面鋪左櫻花蝦碎，都幾新穎，外觀靚嘅，當然食落去最主要嘅味道就會係微酸嘅烏醋，有少少似喼汁😂酥脆炸魷魚鬚：炸得好香脆，份量足夠。可以買來送啤酒過下口癮。因為唔會太韌，可以輕易咬得開、一定唔會黐牙😬台式肉鬆蛋捲餅（左下角）：片都做得幾薄，唔會太油膩👍🏻 肉鬆好夠份量㗎、同埋唔會太多沙律醬，掩蓋左/整濕左肉鬆嘅味道。不過就略嫌乾左少少 🤏

今日係荔枝角搵朋友，經過見到一間台式小食店，都幾多嘢食，依家因為疫情冇得去台灣，咁就食下啲台式小食頂下癮先。呢個肉鬆蛋捲餅，蛋味好濃，煎到金黃色好令，肉鬆配蛋一流。因為我好鍾意沙律醬，如果佢再多少少沙律醬就好！個黑白花枝丸好彈牙。食到d粒粒墨魚幾好味。呢個櫻花蝦烏醋燒茄子我好鍾意。佢酸酸地，加埋櫻花蝦既鮮味，食落去味道好夾。呢個秘汁涼拌青瓜好爽口，佢應該落左唔同既香料同醬汁先調配到咁好味。即使佢酸，我都唔會覺得酸到震，反而覺得好醒胃。食台灣野緊係要食鹽酥雞。佢炸粉唔算好多，而且都幾多肉，價錢唔貴但份量好多，讚！佢呢個蔥油拌麵賣相好令。佢有微微既蔥油味，麵軟硬度適中，好有口感，好鍾意個麵既質地。價錢唔貴但食到咁多款小食，抵！

經過見佢貼到間鋪咩咁就諗住夜晚叫黎食下邊個知到咁就出事先得架熱唔熱我唔怪佢啦，話晒我叫外賣，當d野凍晒唔關佢事但肉燥飯又乾又瘦柴皮咁款生煎包煎到冇汁，個包本身已經好硬仲要冇味，煎到個底黑晒雞翼得個炸皮勁咸，入面啲肉咩味都冇，同冇醃過冇分別櫻花蝦茄子，蝦呢？仲要執漏左一個蔥油撈面，不過其實佢執漏左都好嘅，起碼食少一樣咁難食嘅嘢姐係見你黃先比D意見你，見啲食評全部都係好嘅，唔知點解會咁樣，希望你下次失準都唔好咁多野都咁差

平時久不久都飛下台灣, 宜家無得飛, 成日都好想食台灣野~ 特別掛住台灣D 卷餅同鹽酥雞!!!行過見到呢間台站好多人等緊外賣, 有大大幅連儂牆, 一睇就知要支持呀!! menu 好簡單, 主要係做台灣小食多, 仲有幾款飯同麵, 佢個肉燥飯$29仲連一個送, 例如豬軟骨果d, 會唔會太平呀????不過屋企煮左飯, 我買左幾款小食番去加送, 叫左牛肉卷餅($25), 鹽酥雞($28), 醉雞卷 ($18), 同埋生煎包 ($17), 好似幾款都係推介的!牛肉卷餅肉眼睇唔係好似牛肉, 因為偏紅色, 食落甜甜地, 個牛肉好好食, 不過唔係好知咩汁同埋都幾大卷, 好足料!!!鹽酥雞一盒都幾多, 雖然佢細細粒, 不過炸得幾juicy, 唔會太咸, 好脆, 一口一粒就岩岩好生煎包個底夠脆! 不過唔係爆汁果d生煎包, 似菜肉包又脆卜卜好食~最後醉雞卷散左, 可能因為拎番屋企中途整散左,, 不過個汁酒味唔會太重, 對我黎講岩岩好, 好食呀!!

第一次幫襯台站 好趕時間，快快手order 雞排肉燥飯，$30 有找，真係非常相宜。由俾錢到攞飯，唔洗5分鐘。飯盒份量適合OL , 打開好香八角味，肉燥汁偏稀，但味道ok, 唔會好多獻汁。肉燥肉有好多冬菇粒，雞排都唔錯。 整體黎講都好抵食，平靚正快，包裝簡便夠環保，值得幫襯。

荔枝角工廠林立，雖然唔喺附近返工，不過之前周不時都會過嚟呢區，上yoga class，行樓上bb舖，仲有文青味濃成日有市集嘅D2 place。呢區仲有好多餐廳，不過撞正食飯時間都咪話，真係好難搵位。有時餐與餐之間想食下小食，除咗魚蛋燒賣，呢日仲發現至愛嘅台灣小食呀！成間舖滿文宣，同路人自然心領神會。全店食物都喺30蚊以內經濟實惠，試咗好耐無食嘅鹽酥雞&黑白花枝丸，堅係即叫即炸，企喺度等時店員俾定支凍奶茶飲住先，係港式奶茶嚟，原支雪凍無落冰，奶味茶味都剛剛好鹽酥雞同黑白丸即炸其實已經無得輸！雞唔會炸得太乾咬落juicy ，味粉調配得剛剛好；黑白丸唔係普通平貨，用料唔錯有用心製作，堅有台味一解無得旅行之苦

近排少出去食飯，但係日日喺屋企煮飯都唔係辦法，因為真係太悶啊！一於喺工作地點附近買啲外賣返屋企做晚餐啦荔枝角有一間超級黃店係後生仔主理，價錢都好實惠，大大盒飯都只係$29 ， $30都唔使，仲有好多其他台灣小食可以試吓！咁我哋就揀咗一個滷肉飯，一個肉操飯（+排骨），同埋黑白花枝丸！兩盒飯個份量都好多，我就覺得滷肉飯好食啲，因為有肥有瘦；肉操飯亦都唔乾，所以都好吸引，仲可以加到款餸菜，排骨方面都幾軟林。啲飯粒都比想像中飽滿，好方便又唔使喺屋企煮！花枝丸，充足鹹香，口感有彈性，好似去咗台灣食！不過當然熱辣辣會更好食啦！

今日去荔枝角搵朋友，朋友行唔開，所以就去附近買外賣同佢一齊下午茶人生路不熟，所以就直接喺朋友附近搵餐廳，就比我發現到呢間黃店，咁就梗係諗都唔使諗就揀呢間價錢好親民，經過滷肉飯都只係$29, 但由於已經係下午茶既時間, 所以今次就冇試到飯下次再黎搵朋友既時候就要試下今次主要買左D小食上去, 推介魷魚鬚, 炸粉唔會好, 外層鬆脆, 味道唔錯鹽酥雞都係即叫即做, 新鮮熱辣紅油炒手味道少辣, $15就有4粒, 餡料都好飽滿, 外皮唔算好厚另外仲買左樽裝既台式奶茶, 係珍珠奶茶茶底既味道, 唔會太甜大家係荔枝角記得支持下啦!

今日咁岩去荔枝角果邊攞口罩，攞完有啲餓，無計啦，鬼叫我係餓鬼咩😂見到有一間餐廳排晒隊，個個都向到等外賣，咁我就埋去睇下啦，原來係一間台式餐廳，但佢地只做外賣，而且價錢重好平民化，吾怪得咁多人幫襯啦👍🏻經過一個連儂牆，就到左收銀櫃位。我叫左兩樣野食，酥炸芝麻雞翼同埋台式肉鬆蛋捲餅。個雞翼好大隻，炸得好香口，而且佢個醬汁好好味，加埋一齊食，正呀👍🏻 食完後悔只買左一合😂台式肉鬆蛋捲都吾差，個皮好脆口，入面充滿肉鬆同埋雞蛋，好飽肚，食一份，應該會好飽😂不過如果齋食蛋捲會好乾，所以我買左個台式奶茶👍🏻價錢吾高，質素吾差，大家都去試下啦👍🏻

一入店內，非常有特色，很有台灣風味。在荔枝角地鐵站行3分鐘便到。我叫一個古早滷肉飯也不過是$29 ， 十分經濟實惠。店內亦有不同的台式小食，例如黑白花枝丸、風味鹽酥雞、酥脆炸魷魚鬚也只不過是25蚊，非常惹味。中意既可以叫多個冷盤，7蚊既秘制溏心蛋。真係試過都想返轉頭。下次經荔枝角，趕時間既一定係必食首選。店內亦十分有特色。👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

本來4月會去台灣玩，但因為疫情嘅關係，被逼要取消🙈🙈 去唔到台灣，就食台灣菜補返數啦 (-^〇^-) 芋頭控應該會好中意呢個肉鬆芋泥三文治，我對芋頭敏感都覺得好吸引，可惜敏感唔食得🙈魯肉飯都好吸引🤤呢度係立食嘅~ 亦可以外賣~附近好似冇地方可以坐低慢慢食，所以我哋就決定立食~我哋order左一個涼拌皮蛋豆腐同花雕雞卷做頭盤🤤涼拌皮蛋豆腐個醬汁好開胃，酸酸哋，咸甜咸甜，豆腐好滑，加埋皮蛋同肉鬆一齊食好夾😋😋花雕雞卷好香濃花雕酒味，雞唔會煮得太熟，啱啱好😋😋魯肉飯配雞排食到好香滷水料味，亦有少少藥材味~用呢種紙盒裝載，好有台灣鐵路便當feel😍醬汁肥牛捲餅醬汁偏甜，啱晒我🤤個捲餅係似墨西哥捲嗰種肥牛份量都好多😋下次要試下鹽酥雞🤤🤤支持小店💪🏻💪🏻💪🏻溫馨提示:Menu唔見有飲品賣，可以過隔離買埋台式飲品🤤

留意到最近返工附近都有好多店有做外賣自取，留意到呢間黃店啲嘢食幾抵，價錢主要都係10幾蚊到$30左右，變咗同一個價錢就可以試到好多唔同嘅嘢。食物選擇都好多，餐廳裏面就有好多好似連儂牆上面貼左好多label紙！餐廳並沒座位，但係亦都有枱可以立食。因為買返屋企食，所以我就揀咗兩個唔同嘅飯，一個係肉操飯一個係魯肉飯，都好吸引，其中肉操飯就可以揀選配料，我就揀咗豬軟骨。魯肉飯方面個肉肥瘦適中，口感甚佳；肉操飯就每一口都有好多肉粒，調味充足，更有幾舊豬軟骨加添口感。兩款飯都非常之有台式風味，飯同埋肉嘅比例亦都非常恰到好處，d飯唔會食得來覺得太dry，而且份量不少，我都差啲食唔晒⋯揀多個小食黑白花枝丸味道咸香十足，而且口感比較爽口彈牙，非常不錯。

本身打算支持下， 唔打算俾食評， 但真係非打不可， 希望佢哋凅日改善一下。 放工6點幾， 去左台站買左個「肉燥+雞扒飯」，去到個陣已經有幾個order， 我叫左， 等左5-10 分鐘就有得拎。 一拎到手， 我已急不及待， 打開試食首先，第一個問題係唔熱， 只係微温。之後， 我就食左啖雞扒， 雖然佢係炸的， 但一啲都唔脆， 係淋的， 都算啦， 炸物做便當🍱，水準係咁上下（雖然真係剛到手）。但最致命的係，有陣雪味， 解凍未夠？ 因為嗰3 件仔雞扒係一啲味都無，所以陣雪味好出。不過都有野值得讚嘅， 個雞扒都好厚實試完個雞扒就食左啖飯， 個飯好清楚明白地向我示範咗咩叫「生骨飯」， 我聽人諩就聽得多， 試真係第一次，望落一pat pat 的飯， 以為佢只係會好濕， 一舊舊， 點知係暗藏玄機， 兩種極端的口感走在一起， 仲真係好奇妙😑😑😑最後食埋佢嗰肉燥， 食落口， 好嚡。可取的係， 唔會好鹹， 而且香味十足。 最後， 我都好抱歉， 我浪費左食物， 我無食曬。🤯🤯🤯雖然29 蚊， 但都希望可以做返好少少， 不求好味， 只求正常水準🙏🏽🙏🏽

第一次食台站非常失望外賣嗌咗肉燥豬扒飯，攞到返屋企食嗰陣發現啲飯根本就未熟，肉燥又難食，最慘係塊豬扒，乾晒無味，我忍唔住要話比大家知唔好再幫襯。仲有啲嘢飲，奶茶淡而無味、綠茶一啲綠茶味都冇...絕對唔會再幫襯...