台站 (Closed)

呢晚放工之後，立刻衝去這間位於荔枝角的台灣外賣店，趕在它8點關門前買到外賣。來到的時候，舖頭擠滿了人水泄不通，好不熱鬧。擠到櫃檯旁邊拿到了餐牌紙，大部分主食或者小食都是大概$20-$30左右，價錢極之親民！來台式店鋪總不能錯過滷肉飯吧！這個價錢$29的滷肉飯，米飯份量算頗多，滷肉是半肥瘦富油香，淋上了適量的醬汁在米飯，既使米飯更濕潤，其鹹香也令提升了米飯整體味道。另一主食挑選了蔥油拌麵，粗麵條以蔥油拌勻，簡單的配料卻是恰到好處。單單蔥油拌麵當然單寡，所以我們也點了紅油炒手，肥牛捲餅，櫻花蝦烏醋燒茄子，和兩條台灣腸。紅油抄手不會很辣，水餃皮很薄，一口咬下去可以食到飽滿地韭菜餡料。肥牛捲餅是店家推薦。肥牛加入了甜醬，味道甜甜地，卷餅煎過，口感微脆。整體而言，價錢真喺便到癲咗，雖然話喺外賣店，但要揾到一間便過佢嘅台或外賣店應該有啲難度，咁癲咁喺要懲罰佢。但賣相與海報有點距離，如果是外貌協會可能會有點失落。

食左個魯肉飯加蛋餅加鹽SO 雞, 雞同蛋餅都OK 蛋餅中間果三舊足料, 左右兩邊食皮only. 鹽SO 雞唔油最乾身感覺唔錯但係個魯肉飯唔知點解太油,油到唔好食, 本身D米都係靚既, 但係太油令到成件事失敗左...個人認為要改進..

疫情之下，最近都要瘋狂食唔同既外賣店今日就見到呢間裝修得好吸引人既小店又點可以唔食呢選擇唔算多，但應有既都有，而且價錢都幾相宜，附近返工的話係一個好選擇滿載而歸我點左懷舊肉燥飯配雞排、酥脆炸魷魚鬚、醬汁肥牛捲餅懷舊肉燥飯配雞排肉燥有滿滿既八角味，非常惹味鍾意食八角既朋友一定要一試而肉燥肥瘦適中，仲索晒ｄ醬汁味雞排數量都唔少食落口都幾嫩滑，雖然係雞胸都唔會鞋口特別推薦呢個酥脆炸魷魚鬚炸得金黃酥脆，最重要係拎到返屋企居然都仲脆到索索聲必食捲餅厚實有質感肥牛數量都幾多，而且醬汁香濃，放涼少少食都仲好好食

今日天氣好熱好焗 吾想食粉麵飯 就去左買台站d小食😛紅油炒手 - $18有4粒🤟辣椒油吾係好辣但係好香 岩晒我呢d平時只食到BB辣既人 加左黑醋 酸酸辣辣 好開胃 餃子係上海皮果種 餃子皮吾厚🥟 菜肉餡有調味過 有醬油味花雕醉雞卷🐤最欣賞佢無骨 啖啖肉 好入味散發陣陣酒香🥃台式肉鬆蛋捲 - 個皮比較硬😂 可能因為拎到番公司凍左d 不過好足料 啖啖都食到肉鬆🐷直頭多到跌出來 食到中間加埋蛋同沙律醬就覺得好juicy黑白花枝丸 - 好入味 雖然小小咸左 因為撒左好多調味粉 黑色有墨汁墨魚味好重 好彈牙😋等野食期間睇吓佢既文宣 成間店貼滿晒 好多都design得好有心🖐 仲有套餐優惠送飲品！🥤🧃醫護仲有半價！！🏥下次要試埋佢既魯肉飯 好抵食！！🤣

下班晚飯後閒逛到荔枝角附近，突然感到有點餓及口渴，於是先到隔壁的李圓圓購買飲料，再到台站點了些輕盈小食。先點了一個台式芝士肉鬆蛋餅。蛋餅十分足料，食得挺飽的。肉鬆味道很不錯，質感豐富。蛋餅也煮得不錯，不油膩，不過略嫌乾了點。如果可以鬆脆點就更好了。之後再點了個招牌生煎包。抱歉忘記了拍照。生煎包味道不錯，夠熱和脆。只是外皮略嫌厚了些，加上蛋餅一起吃就顯得太乾了。（幸好先買了飲料）最後，店內雖然空間不大，但也挺舒服和乾淨。店員服務態度也很好

荔枝角有呢間主打外賣嘅台站，食經典台灣小食仲有滷肉飯！呢度魯肉飯$29咋！不過今日我唔算好餓，想食下啲小食。我就揀左以下：台式肉鬆蛋捲餅（$25）個皮係比較硬身好似墨西哥卷咁，中間有芝士、肉鬆，味道方面都唔錯。經典生煎包（$17）每個細細粒，方便share。外面煎得微脆，入面嘅餡又唔算多，但勝在飽肚。涼拌皮蛋豆腐（$19）豆腐涼浸浸，涼拌皮蛋，酸酸地嘅汁。花雕雞卷（$18）全部係雞髀位，花雕酒味大致上都正常。呢度除左外賣，都有啲位置可以立食架。

疫情稍為小小好轉，終於可以嚟荔枝角Studio 做yoga。 上堂前係附近見到間小店，啲小食唔貴又好似幾吸引，可以同朋友食少少野醫下肚先上堂😆 係D2 place附近，好方便。小店只有企位，都係比人哋食下小食，或者方便喺附近返工嘅人👍🏻見佢個招牌係古早魯肉飯$29嘩，打開都幾多飯，魯肉半肥瘦，唔會太肥，仲有半隻蛋，好多汁，夠晒撈飯，唔驚食到最後得白飯，講真呢個價錢真係好抵食。我仲加多左隻溏心蛋$7好彩，冇失望，真係有溏心！經典生煎包$17 有3個啱啱整好，熱辣辣，煎到表面熱有啲脆脆地。入面應該係豬肉餡。醬汁肥牛捲餅$25捲餅係墨西哥餅做餅皮，入面啲醬汁好夠多，好juicy，甜甜地同肥牛又幾夾喎。仲有好多款小食，最緊要係價錢真係好抵！走嘅時候先見到原來可以跟餐加嘢飲🧃

荔枝角有好多餐廳，而呢一間就係主要做外賣，或者可以立食。呢間餐廳都說得相係非常黃店，見到裏面貼滿晒Label紙！餐牌選擇都有好多，而且價錢都好合理，一般食物都係介乎10幾蚊到$30左右！因為我哋兩個人嘅晚餐，所以就揀兩款唔同材料嘅飯同埋加多個小食， $80有找，方便過自己煮！懷舊肉燥飯$29B豬頸肉 及 D豬軟骨每個$29 ，啲汁同埋飯分開，所以真係食嘅時候先撈埋一齊，啲飯嘅口感會好啲。  豬頸肉或豬軟骨分量唔算話好多，不過絕對對得住價錢，而且經過調味所以味道都比較入味。未食之前啲香味已經漂晒出嚟！酥脆炸魷魚酥$20雖然呢個魷魚放左一陣，不過口感都算仲有啲香脆，最重要係嗰調味都幾香，加埋呢個小食真係飽到不行！

少咗出去食飯，多咗叫外賣，相信係好多人係疫情底下嘅寫照⋯我都唔例外，但係叫外賣當然都要揀啲價錢合理，而且好味嘅餐廳，而呢間餐廳我都幾推薦！佢唔係一間普通嘅餐廳，而係主力做立食及外賣，價錢實惠，所以可以叫多幾個都唔肉赤。餐牌選擇多多，但由於已經係下午時間，已經冇咗早餐，但係其他食品價錢同樣實惠。攞到返屋企唔係好遠，啲飯仲熱辣辣古早魯肉飯$29會見到啲肉肥瘦適中，而且做得夠入味，個外皮仲有啲彈性又滑，加上佢用嘅飯質素都唔錯，所以都幾好！台式肉鬆蛋捲餅$25 呢個啲肉鬆鹹鹹地甜甜地，加上要求師傅手勢嘅蛋卷餅，好似去咗台灣咁，好值得試，唔怪得知其他人都叫呢個！黑白花枝丸$ 18黑白配，男仔女仔配？味道小小咸，如果送白飯食就OK，口感都幾有彈性。

同男朋友行過見到呢間係新開既 就黎左試一試！佢好似food court咁～ 好多間唔同既店鋪比你選擇！ 揀完就可以係一入去個到比錢，之後就自己搵位坐 等叫號碼攞餐啦～古早魯肉飯 $29呢個非常抵食 $29就有一盒 飯既份量亦唔少 個汁可以撈曬成碗飯！惹味蔥油拌麵 $25呢個可能唔太岩我口味🤔 普普通通的醬油撈麵～台式肉鬆蛋捲餅 $25這個不錯👌🏼 好似墨西哥卷既皮配肉鬆再配上蛋幾夾～秘製溏心蛋 $7好大陣花雕酒既味道～ 如果遲小小食 裏面亦都夠溏心。風味鹽酥雞 $28鹽酥雞好好食 佢係一粒粒 方便入口 雞肉亦夠嫰滑！

今日去位於荔枝角既台站食台式小食，食物款式唔算多，但勝在價錢親民。口痕想食下炸物同台式小食，黎呢到都算幾方便既。一口鹽酥雞一口一粒，脆卜卜，味道都OK。唔會太重口味，又唔會太油膩，個外賣盒拎到返屋企都係乾身冇乜油既。台式肉鬆蛋捲餅餡料都幾多，而且個皮幾有蛋香，口感唔錯。如果可以多幾款唔同餡料既蛋餅就好了。蔥油麵呢個味道就比較單調，有淡淡既蔥味。同埋我覺得油份重少少，個麵濕潤啲會更好～但麵既份量係好多既，絕對可以食到飽一飽😹下次會想試埋炸魷魚鬚外賣包裝設計幾好，拎到番屋企都完全唔會漏～

今日去荔枝角D2 Place 拎之前訂落嘅產品， 經過一間黃店係食台灣嘢嘅，我哋兩個都入去支持吓！雖然食物選擇唔多但係樣樣都好吸引， 有飯有麵有小食雖然冇飲品但可以提提大家看邊的飲品店亦是黃店， 睇個 youtube行介紹話好飲嘅。懷舊肉燥飯配豬頸肉$29除咗豬頸肉，佢仲可以揀 ，排骨，雞扒，豬頸肉做伴飯餸菜。 豬頸肉同埋肉燥嘅份量都很多， 豬頸肉被調味調得得鹹鹹香香，半肥瘦，肉燥又唔肥膩， 啱曬香港人， 成日話喺台灣嘅肉燥飯油油的， 黑飯都幾大下兩個人一盒飯再加多兩三款小食咁就十分豐富了。惹味蔥油拌麵$25$25的蔥油拌麵冇諗份量會咁大, 佢呢碗麵真係有不少嘅蔥豉油同埋蔥油嘅味道好夾，和彈牙嘅白色長麵混為一體.經典生煎包$17一共有3個， 都係煎得香香，熱辣辣，外脆內軟，個餡有香葱同唔油嘅豬肉，令人滿足。花雕雞卷$18唔善於飲酒叫朋友話好大陣酒味,我就覺得酒味濃郁，好入味，肉質又唔會因為被浸得耐而梅左咁，啖啖肉，好正～黑白花枝丸 $18涼拌皮蛋豆腐$19今次食黄店嘅體驗係positive!值得推介呢啲態度正確，食物又上好嘅餐廳俾大家！

平時都有去“鬆一鬆”嘅習慣，依家間舖頭搬左去荔枝角， 享受之前去食少少嘢嘅頂一頂個肚先。惹味蔥油拌麵$25由於天氣幾熱下唔係好想食飯所以叫咗碗蔥油拌麵, 份量十分充足， 雖然只係得葱，油同埋面但係唔會好dry，叫多樣小食一齊食剛剛好！風味鹽酥雞$28一打開個盒我心裏面嘩咗出嚟！ 估唔到佢有咁多粒， 佢咁樣細細粒好易入口， 有啲似爆谷雞粒， 當然呢個好味好多啦， 一嚟調味唔同，二嚟佢應該係即叫即炸，好新鮮。古早滷肉飯$29呢一個係我買畀爸爸嘅外賣， 同樣豐富， 爸爸話佢咁有心機將啲豬肉咁樣切法， 出面比較少有， 豬肉肥瘦分明，而且入味， 仲有半隻鹵肉蛋,個飯都有汁，好惹味！其實個鹽酥雞同埋個蔥油拌麵味道同埋口感都好夾， 加埋都係$53, 性價比都高， 難怪佢坐落於 工業區，響係公眾假期都可以有咁多人幫襯啦！

呢排好少出街食飯，無得坐低食就唯有買外賣，呢間小食店以前次次行過都好多人，趁呢排公司早放即刻走黎買，果然無咁多人店面簡潔無浮誇裝修，一睇就知食台灣野小食價錢合理，炸魷魚鬚都係$25，呢個價錢無理由唔食，為左試多幾樣，一共叫左5款小食，涼拌青瓜，花雕雞卷，酥炸芝麻雞翼，風味鹽酥雞同酥脆炸魷魚鬚第一樣係花雕雞卷，酒味唔係太重，係淡淡既酒香，唔使擔心好重酒味難入口，雞肉好嫩，啖啖肉無骨咁食真係好正雞肉似係雞髀肉，去晒骨，又嫩滑之後再食酥脆炸魷魚鬚，炸粉好薄但調味好足，份量算足，魷魚鬚好爽口，如果係一買就食唔等拎回家應該更香脆酥炸芝麻雞翼比我想像中好食，唔似普通炸雞翼，炸粉好香好酥脆，雞肉好嫩滑仲有好多肉汁，芝麻香又令雞翼更加惹味，好有驚喜，絕對會食唔停口食完肉同炸魷魚炸雞翼，就食返個涼拌青瓜清一清先，青瓜酸酸地好爽口，醃得夠入味，好解油膩，份量唔太多唔太少，食緊炸野食返一兩粒中和下剛剛好最後亦係我最鍾意既鹽酥雞，佢用既調味粉係台灣夜市鹽酥雞既味道好耐無食過呢個味道啦，真係超級開心，炸雞份量好多，細細粒易食，炸粉好脆口，好似去左台灣旅行咁魯肉飯都係$29，下次食呢個

今天和2位友人去了一間台式小食店，是立食的。Screen上展示了menu,可以看一看。仲有screen show 下唔同野食咁。價錢合理，雖然不是太多選擇，但3個人都夠食的了。一看內裏都感受到員工對香港人的熱愛。店員都做到有d踢腳，由於我們叫了很多食物，所以等候時間比較久。由於店不能容納太多人，所以找了附近地方去食。好啦，盒子看起來都很不錯呢。小食的份量也很足夠，我吃的是魯肉飯。魯肉飯味道都唔錯，幾香，唔會好多油，不過d飯就比較大舊。鹽酥雞都幾脆口，都夠味。青瓜都幾開胃，酸酸的，都有唔少呢。佢有幾款野飲可以叫，我地叫左奶茶，淡淡清香不太甜。總結黎說，呢個價錢比既食物份量都幾夠，多d人就可以試多d唔同野食。