台正燒牛涮鍋 (Closed)

終於有機會試試，每位百幾蚊任您砌，質素都在預期之內。唯一食得過就只有雪花肥牛，願主祝福您 ﹗樓下座位已滿，侍應妹妹接待到樓上雅座。閣樓好矮喎，高少少都頂頭鎚，其實依幾個食肆舖位既閣樓都一樣啦。坐低環顧四周再望望點菜紙，居然要自己行出行入取食物，對連自助餐都唔食既我來說，件係非常厭惡的事情 ﹗肉骨茶湯底，清淡如水，求其掉點藥材，清雞湯做底就算數。雪花肥牛，賣相都十分吸引，掉到滾湯中拖兩拖，嫩紅色即捲上蒜蓉指天椒豉油享用。滑溜又有咬口，香甜味美，牛味濃濃，牛脂牛肉汁非常豐富，加上豉油清香及辛辣味道，味道更加突出，好味喎 ﹗添食添食，真的停不了。特級肥牛，瘦猛猛沒半點脂肪，鞋烚烚地嘴嚼，牛味特濃但韌到死囉 ﹗豚肉片，不嫩不彈，不香不甜，比瘦肉還要瘦，失望。海鮮併盤，另加 $108 蚊無緊要，眼見一大堆生料都未能使我提起興趣啊。鯇魚片，還似為係脆鯇，原來是普通鯇魚，跟粥檔魚片一模一樣，草青味突出，試一片便夠。花蟹，細細隻水蟹無肉食，幸好肉質不霉帶滑，味道還算甜美。中蝦，爽爽彈彈又滑滑，配上蒜蓉指天椒豉油蠻不錯。蛤蜊，BB 蜆沒半點肉，幸好新鮮彈滑有海水咸香。蠔仔，的骰但肥美，蠔汁在嘴裡爆開，可

收左工好肚餓，住上水甘多年好多餐廳都食過哂，😂但台正燒牛涮鍋仲未食過，今晚決定試試看。本想叫個特別d既湯底-肉骨茶，但驚熱氣，所以叫左椰子雞，湯底甜甜甜地，椰子味好淡似有甜味既清水。勝在材料新鮮，出面有蔬菜可自己拎，叫左$168特級肥牛，牛肉色均勻，食落口感唔錯，牛柏葉夠淋，羊肉唔so，蠔鮮甜，魚皮餃好食，其他都正常，不過不失。唯一不足今日無蝦同蜆。唔洗加一，又好食過市區打邊爐，唔錯選擇，下次簡其實湯底應該會更好味。

以前想食牛涮鍋都一定要出九龍食，但儀加上水就有得食啦。今次揀左特級肥牛，椰子湯，配一杯港式野飲。個湯底有小小失望，有幾條椰子肉，罐裝椰子味，比起另一間既椰子湯差得遠。先會上一碟豚肉加一碟肥牛，之後可以無限encore。肥牛我地追加左5次，因為實在太合我心水，我同朋友都唔中意食太肥既肥牛，儀加好多都話果d先係雪花肥牛，但係問題係人地雪花肥牛真係入口即溶，通常任食既雪花肥牛，所謂既雪花其實就係肥肉。哩間既肥牛帶有一點點肥肉，食幾多碟都唔會覺得濟。仲有就係哩間既肥牛完全冇雪味 至於豚肉就比較一般，我地食左一碟就冇再encore。醬料方面都算齊全，麻辣醬好味 除左港式野飲之外，汽水任飲。除左肥牛同豚肉要額外落order，出面都有唔少野食任夾。推薦炸芋頭，好香芋頭味同埋好鬆化。果日全部青菜都好新鮮，好似岩岩摘出黎咁

我地一行四人係8:30到，寫咗order, 點知佢地嘅侍應經理正正係到食雞煲，可能係晚餐。我地等咗再等， 大半個鐘， 唔止一樣食物都未到， 連湯底都未到！我叫佢地跟跟， 佢地竟然話等佢食完先。最後我地兩個鐘內， 係食咗兩份牛同豬， 同睇佢地食足八個字雞煲，不知所謂！！

朋友介紹我黎呢度 就即刻試試啦價錢都幾接受到 打邊爐仼飲仼食$148@1人 免加一 另送一杯港式飲品但鼓勵四人以上過黎食 會送雞煲 更抵食同朋友兩個人食 雞煲要加68蚊 所以冇叫到環境都幾乾淨企理啊蔬菜類同調味料係自助形式一坐底就有侍應問要咩湯底朋友想食冬蔭公就叫左 湯底內有蕃茄 味道酸酸甜甜睇翻食材種類 原來都偏少冇廚師腸冇蟹籽丸冇牛筋丸 有點失望總結 一般啦 始終打邊爐都係講求配料

第一次試呢間台正燒，平日接近7點去到無訂位被安排到二樓坐叫左個雞煲同埋任食普通肥牛，每人包一杯茶餐廳飲品，其餘汽水任飲，不過佢啲汽水係斟好哂一jar jar放係雪櫃入面自己斟，感覺不太衞生。唔係罐裝，唔係太想飲。 比起一般任食火鍋，唔太多野食可揀，無乜丸，不過佢又有蝦，蠔同蜆畀你試，不過大多數食物質素只屬中下，蝦好晦，芋絲部份係散及有渣，丸類又唔彈牙。唯一可取係粟米好甜。最後仲有牛奶公司雪糕。不過如果有其他選擇，可以唔使揀呢間打邊爐。食完走人，都見到唔少人等位，應該係因為上水無乜任食邊爐既關係。。。

打邊爐一位$159，每人包杯特飲。我揀左百香果～火鍋叫左椰子湯底。湯底有驚喜！椰子味好清香，好天然、唔似香精味。完全估唔到椰子湯底同豬肉牛肉咁夾！台正燒既肉又唔係話特別好味，但係個質地就好正！好鬆化！又唔肥！切得好薄！完全唔會韌、又無渣。海鮮方面有蠔仔、蜆、蝦、蟹。除左蟹好似凍壞左有點兒霉霉地，其他都好新鮮、無沙、無腥味！我最鐘意既牛柏葉都好爽口同新鮮。另外點菜紙當然都有丸呀、餃呀、雞呀...唔一一介紹啦！自助吧方面，有好多野拎...川味涼菜（芽菜、青瓜、菠菜）芋絲、芋頭、海帶、南瓜、響鈴、山根、蕃薯粉、出前一丁、淮山、雀巢雪糕等等，仲有幾樣菜。我個人比較鐘意自助形式，因為自己鐘意拎幾多、拎咩都得。另外醬料方面好開心有麻辣醬拎！賣飛佛！唯一不足係飲品，佢係一扎氣水斟，唔係一罐一罐供應。 總括黎講性價比高！抵食呀！台正燒除左邊爐，仲有串燒食...好耐之前食過，都好正架!

我有打電話去訂位,所以唔洗等,如果星期五六日我叫各位都係下午打定電話去訂位先。首先就係個價錢先啦, 其實呢個價任食真係好扺(最主要係4位已經係可以有9折), 以前係上水任食火鍋會去金都酒樓, 但佢一早d食物質素已經差左所以無去, 呢間d食物質素,新鮮程度會好過平時d酒樓, 同埋佢有個bar枱可以自己去攞野食,自助食品多數係蔬菜類、菇類、麵烏冬同薯粉都可以自己攞, 其他肉類係叫的。我地夠六位送個雞煲, 真係估佢唔到, 無人會覺得主打邊爐0既地方個雞煲會咁正,我已經係度食過兩次個雞煲都好正, 雖然隔幾間鋪頭間永發專做雞煲, 但我覺得呢間呢個我更加想食。簡單離講,六位本身已經有一個爐, 但再送多個半隻雞煲變相有兩個爐, 試問邊度搵? 平同貴果隻牛我都試過, 平有平食好食, 貴有貴食唔會令你失望。其他食物質素幾好。呢度環境幾好又乾淨, 二樓比一樓大, 我見到仲有一間房可以坐十個人左右。可能以食物種類離講, 酒樓會多款d, 但呢度仲有串燒燒烤, 每位送台式飲品一杯,奶茶我覺得幾好, 薑母茶我係上年冬天時試過, 薑味超辣好正。串燒我睇隔離台食都唔錯, 我自己暫時未試過, 下次會去試吓, 聽講燒蠔個

琴日同幾個住上水粉嶺嘅朋友相約小聚，見到有台正燒係舊墟開左好耐，既然開得係上水緊係要試一試啦我同3個朋友叫左個沙嗲煲，佢冇雙沙底，建議6個人食因為6人邊爐佢會送雞煲架。 佢嘅邊爐野食任叫，豬牛羊雞就基本啦，仲有小小海鮮可以揀。小弟叫左d蟹仔食，細細隻都幾多膏唔錯唔錯。住上水嘅都知想打邊爐嘅選擇唔多d酒樓黎黎去去都係個d 丸同腸，悶得黎又唔抵食。宜間台正燒叫做帶到d 新鮮感比上水嘅朋友啦。一黎湯底同食物嘅選擇都已經多過其他上水嘅食店 。二黎d野食同環境都幾乾淨，小弟認為乾淨比味道更重要，仲幾好坐tim。 佢會送一杯台式飲品，我叫杯珍珠奶茶，個人認為一般但可以一試嘅。整體來講算唔錯，係貴左d

星期三5點入座, $128, 兩個鐘任食.見平平地, 咪試吓.點知有驚喜牛肉質素唔差, 有牛味+新新, 豚肉就好好, 有雪花紋, 肉嫩. 個人認為豚肉仲正過牛肉!!refill都ok快. 牛同豚order後5-10分鐘就嚟, 仲幾大碟(我地係2個人食)食物仲有羊片, 醉雞, 墨魚, 蜆, 蝦, 蟹, 鯇魚同啲丸類. 都唔錯.雪糕係雀巢杯裝, 係雪糕櫃任拎.

見到呢間野午市打邊佬$48 (免加一) 咁抵，仲有杯雀巢雪糕送四人以上仲有雞煲送！可惜我地得兩個人 可能當時已經兩點幾，入到去好少人，得四、五台客一人可以揀一份肉 (牛/ 豚 )，湯底應該冇得揀，一黎就比左豬骨湯底D牛黑炆炆湯底都好一般，不過$48要求唔好咁高汽水、配料都係自助既，部汽水機怪怪地，一禁D汽水噴得好犀利下；配料一眼都望晒，菜、丸都有幾款，仲有響鈴、公仔面、小食……每款都唔多D生菜可能老得濟，有少少黑色邊邊；同埋油麥菜太大片，個碟都好難莊；D丸、魚皮餃(應該係四海果隻) 都OK既至於小食，由於我地食兩點幾，小食應該擺左好耐，咖哩角、炸餃子、煎午餐肉都凍晒；仲有D四川小食，撈芽菜、青瓜都可以一試，酸酸地，少少辣；好似仲有炒飯，不過冇食到雖然野食麻麻，但$48我已經冇咩要求！

話係台式其實唔係好覺同港式有咩分別不過食物種類同水準都唔錯每樣野都幾新鮮同幾好食例如佢有蜆啦蠔仔啦  無沙又新鮮午餐肉係梅林牌  厚切仲要炸過芝士丸都唔係cheap cheap 果隻D肉又有肉味  連d菜都幾嫩下一句講曬  有誠意之作  好過牛陣同酒樓不過如果佢d丸同蝦蟹果d都係自取就好啦咁就會就住拎唔洗食剩野因為佢食物種類好多每樣食一件已經飽飽地Anyway 有機會會再幫襯

老豆生日同佢一齊食飯，佢話呢間唔錯，有台灣FEEL。我地叫咗個「蕃茄湯底」，配咗D靚肥牛，一個字「正」！最叫我驚訝的係見到佢地個師傅原來係以前喺智昌路間糖水店の「台灣師傅~蘭姐」，同佢講開佢話呢度個老細好會堅持「原台灣風味」，讚！讚！讚！佢D台灣珍珠奶茶同台式甜品真的與眾不同；雞子和台灣貢丸好有台灣原味。Very GOOD!下次一定同女朋友再食多次！！