大班麵包西餅

Open Now

Now Closed

見到大班餅店個迷你蛋糕都係買$55元..好抵咁個樣又ok...所以貪心地買左個回家食...估唔到味道都ok又夠多栗子容, 蛋糕上面既水果又夠甜唔錯...以$55來講真係抵食..抵過平時係餅店叫一件cake食

今次要向大家推介的是大班的英式鬆餅佢買6蚊3個,可以自由選擇其他的迷你麫包鬆餅雖小,但絕不欺場內有足夠份量的提子乾質地不是太硬,比其他的scone較鬆(反而我還更喜愛)甜度適中,不像有些麫包店的十字包只有口感,但欠奉味道很喜歡把他一開二再塗上果醬享用享受一個各英國色彩afternoon tea是做小點和下午茶的選擇!

蛋撻：大大個，幾正喎，返歸叮返熱食，個底仍好脆，最欣賞佢個撻底好'實在'魚柳包：中間有條魚柳(有d魚皮)，表面焗到稍火農，香口忘記名。(一分為二的)腸包$6：幾好味，面層個醬也不錯

吞拿魚包：包面是香草金黃色界面，內裡分兩三個位置釀入吞拿魚，少得可憐！(平時食開既吞拿魚包皆是裡面一堆吞拿魚餡，但呢度的是''特別化''~開小洞式)焗吞拿魚包：長狀形，表面是吞拿魚和沙律醬的混合，無咩特別，吞拿魚仍覺不足牛油蝴蝶酥：獨立包裝，外貌金黃色靚絕，香口鬆脆，甜味剛好，岩晒鐘意食蝴蝶酥的我

細個既時候好鐘意食呢度既紫菜肉鬆卷 , 麻麻每人都會買一個比我做早餐 , 到宜家仲仍然好記得個種味道 , 但係時光飛逝 , 昔日味道已經不再 , 加上麵包款式又越來越多選擇 , 係時候要試下新野。 薄餅批 ~ 由於材料同醬汁都好少 , 令到個麵包食起黎好乾身 , 咬左兩啖就放棄左啦。 雞絲粟米沙律薄餅 ~ 相比之下 , 好明顯呢個材料同沙律醬份量較多 , 所以就拎去叮返熱先再食 , 雞絲幼身唔"鞋" , 而且配埋一粒粒粟米更加左咬口 , 最重要係有埋好味道既沙律醬係面度一齊食 , 暖笠笠既薄餅滿足返我個胃。 孖寶條 ~ 另外仲買左香橙﹑朱古力既孖寶條 , 味道質素同以前依舊差不多 , 一條有6個 , 大食既話真係可以自己食哂一條保證夠飽。

長期 fan 既我今日食晏無咩胃口, 於是買個雞批當Lunch $8 合理價, 批皮很香牛油味夠脆, 內面有雞肉粒,火腿粒與白汁混合, 好飽肚食完也不覺太膩 。

尋晚一個人食左一個冰糖燕窩冰皮月餅,綠豆蓉好多好豐富,一食已經好大綠豆蓉味,不過要食到中間先食到燕窩,話就話係冰糖燕窩,但係完全無冰糖味, 燕窩當然亦係無味,所以只覺得自己食緊一d透明滑溜溜既野,好似啫喱咁,其實無乜口感,唔知係咪豆蓉比較甜,蓋左冰糖味呢?個皮好快溶呀,沾到隻手一pat pat,同埋都叫做厚厚地,食到最後,個咀覺得好糊同好粉,但都算係不過不失啦!

今日午餐食唔飽, 所1去左大班睇下有咩麵包買黎做下午茶, Woo~~~芝士捧真係好長, 二話不說就買左一條黎食, 上面有d七味粉同芝士既味道幾夾, 而且食哂一條都唔會覺得好肥膩, 唔會好似有d麵包夾起黎之後會見到個盤度有好多油~~~抵得一食, 只係價錢好似貴左少少ja!!!

裝修過後，環境好好多，而且地方仲見用咗，可擺多好多貨。要了條特價中的卷蛋$12，大大條很經濟。估佢唔到有咁嘅質素。很軟熟，而且cream不太多，啱晒我！但買咗要速速食，一係就放雪櫃，因為d cream 好快變壞。

$6.5三件mini鬆餅~~抵唔油,有牛油味,鬆化,多提子good再"茶"d jam係上面食甜甜酸酸做早餐/下午茶一流

一早返工遲大到，冒住比工頭鬧既危險都係買左早餐先返去﹗飛身走去買袋包算數﹗揀左呢個黑麥五穀麵包，麵包面鋪滿了芝麻及0的類似nuts碎的顆粒，食落有口感﹗麵包鬆軟有提子粒，整體幾好味﹗11蚊一包，其實想想都幾貴﹗

這幾個月來的通貨膨漲有多厲害,作為麵包迷的我就最清楚了,這個大班的吞拿魚包,從幾個月前的$4升至$6這間大班的水準一向不錯,麵包鬆軟用料豐富,吞拿魚包的餡裹有大大粒的蛋白,是誠意之作,雖然真的很好吃,但老實說真的不值這個價錢.看來之後一年都要捱貴麵包了~

中秋佳節,又有得食大班冰皮月餅,屋企有一盒八件裝,有好多唔同口味,我試左黑芝麻綠豆蓉同埋玫瑰紅豆蓉,兩款都唔錯,可以話係各有特色!黑芝麻綠豆蓉食到芝麻味,但唔係特別濃郁果隻,口感軟軟的,反而食到個心有的淡黃色既綠豆蓉,又比較實淨,好得意!味道唔甜喎,有少少芝麻味,又唔會過淡,清清地,幾好!玫瑰紅豆蓉甜少少,不過真係少少啫,口感又唔同,因為好似趙到一的野咁,不過又唔係粒粒紅豆,可能係紅豆碎或者紅豆絲之類,似纖維質物體,同時有少少玫瑰香或甜香,又真係幾過癮!比起最普通果隻綠豆蓉口味(我覺得太寡),呢D唔同口味好好多呀!

中秋節一定要吃月餅，以前討小弟歡心的，總是留油甘香的多黃蓮蓉月，但人大了(你才不知15歲，大你個頭)，吃得多了，想轉轉口味，近年吃的不是冰皮便是雪糕月餅。論冰皮，小弟覺得大班的總較其他出色，所以是年的月餅選了大班產品－冰糖血燕綠豆蓉冰皮月餅。冰糖血燕綠豆蓉冰皮月餅＄２４５：一盒９個，一大８小，大的灌有血燕，小的只含綠豆蓉，中秋節當前，當然先吃大的了。吃前放置room temperature for about 5-8mins，這樣的冰皮才達到質感適中，味道當然會較佳。看過一眼月光，吃一口月餅，月餅皮軟綿，不厚，薄得來有質感，不錯，月餅中的綠豆蓉不過甜，綠豆不夠豐盈，更石惜的是微甜的綠豆完全蓋過冰糖血燕的味道，質感像jelly粒，冰糖血燕慘被淪為沒有味道"咖哩啡"，連配角都當不上。PS:圖中的月餅是key上去的，因為拍月餅時的背景很爛，所以要換過背景，再人工重造，手工應該ok吧。PS:這個月餅的血燕好吃與否跟小弟沒有對衝，因為從小到大小弟就不愛燕窩，小時侯一星期吃2天燕窩，瘋狂期一星期3天，但每次都只吃2口(哥哥如事)，便轉到媽媽手上，不愛吃就是不愛吃，唔識食就係唔識食，難道這只是媽媽愛

星期日去買左四個包仔，加埋都係$5，非常抵。包括：菠菜紅豆包薯蓉肉鬆包朱古力鬆餅合桃麥包味道都好好，兩甜兩鹹，吃完很滿足呢。