大班麵包西餅

Open Now

Now Closed

星期日去買左四個包仔，加埋都係$5，非常抵。包括：菠菜紅豆包薯蓉肉鬆包朱古力鬆餅合桃麥包味道都好好，兩甜兩鹹，吃完很滿足呢。

見賣相幾吸引又屬於健康系列,便即管一試.點知好難食,麵包又薄又甜,一點也不健康.

Lately, i almost got daily breakfast here. maybe someone still remembered i recommended the egg tart ,.just like one kind of Chinese egg dessert,v,. nice. so i tried to take one of my fancy - egg salad bread, but it's not really common type, extra add half piece of fish fillet in it, but i was so awesome of it didnt like that, it should be a pork ..and seemed to be overnight ....so highly recommended the eggtart and some packed snacks, others are no comment here.

嘩!今日返工前係到買左件旦撻,好好食呀!估唔到d 旦好嫩好滑架!我仲以為自己食緊燉旦添呀!

大班的麵包比起幾年前有進步,多了一些健康款式.1.迷你健康包$5.5四小個~ 包面鋪上麥皮,食落又唔甜,真的稱得上健康.2.迷你朱古力SCONE及迷你紫米提子包$5四個~ SCONE好硬,唔得鬆軟,而且又無朱古力味.而紫米包就一般啦,勝在抵嘛.3.亞麻籽吐司特價$6.50 ~ 沒有切割的,要自己動手,包中充滿亞麻籽,而外層鋪滿芝麻,正!4.南瓜子曲奇$5.50四塊~ 又幾好食喎,又厚又脆.

次次經過九龍灣都想買ga, 次次都唔買, 偏偏今次$2.2一個先買, 平時$10有6個ga.今次買o左4個.1. 黃梅味:佢個圖係有好多黃梅醬流出o黎, 但事實上係好似空心gum.2. 綠茶紅豆: 佢ok有綠茶味ga wor,d紅豆好脆ga, nice3. 芝士: 不過不失la, 因為panash o個d太有芝士味la, 依個都唔錯4. 巧克力: 我的最愛, colour好黑, 我個人覺得ok.如果prize o黎計, 買佢好過買A-1 wor

成日都聽人講大班d冰皮月餅好味d但以前食過名x屋既都覺得唔錯加上名x屋有我至愛既鐳沙芝麻味所以一直以來都無試過大班今年有人送俾我食又即管試下大班出品聽晒instruction早一晚放o係雪柜普通格果然冰皮夠薄又唔太甜煙煙韌韌係唔錯餡料綠荳蓉唔太甜又夠滑中間係帶紅色既血燕雖然唔知係咪真係燕窩但份量都算多果然大班冰皮係好d喎but我唔識食丫食左血燕同官燕兩種又唔夠有咩分別喎

一直都無食月餅既癮但今日有人送左個冰糖官燕綠荳蓉月餅叫我試下好,又即管試試冰皮厚薄唔一致上層較薄但底層較厚幸好尚算煙韌中間既綠豆蓉唔太甜又入口即融,幾好中心位置有燕窩一粒一粒細細小小既燕窩碎好有口感但好似計番每個要$30幾蚊個人黎講唔多值送禮就幾大方既

買左兩個橙味同兩個朱古力味既麻糬波波,我覺得只係麻麻地…好香香橙味,,但係比較油,有少少似酥,朱古力好少少,因為朱古力味蓋過左好多味道,而且有少少朱古力粒/醬,不過就比較普通,我都唔係咁喜歡食呢隻麻糬波波!其實有少少似山崎既葡式朱古力球, 葡式芝麻球等,但後者好好多!

見到個名好特別,又好似好健康咁,所以買黎一試…一袋六片,連皮大大塊,好在包心軟,所謂五黑,包括黑芝麻,黑豆,黑糯米之類,食落好有口感,但唔會分得清邊樣係邊樣,雖然勝在材料夠健康,但係由於咁多唔同野撈埋一齊,根本食唔到味道,只係有少少甜味,同一般健康食品一樣咁寡…味道唔可以話好,但總算ok同多營養囉!

今日行街經過，入去買個包來食，問下職員邊d包係新鮮出爐的，佢\話只有大size的包係新鮮出爐，咁大個一個人點食呀！後來見到冷藏柜內有個叫做吞拿魚沙律包，才料有生菜、芝士、火煺及吞拿魚沙律，買完立刻試食，芝士及火煺只得一小片，最過份係成個包的主角吞拿魚幾乎食唔到，成個包的最多係薯仔沙律，呢個價錢食薯仔沙律好唔抵，但好彩個包的質地及口感都唔錯，如果多d吞拿魚及芝士，呢個包就抵讚啦！

返學前買2個面包食下先,9秒9取了一個香腸包$5和一個沙律粟米包$6.9(唔係好記得個名),即刻走去排隊(放工時間勁多人),前面有個大肚太太已比完錢,個2位收銀仲向度狂sell個太太買乜乜綠豆餅,杏仁酥.....,天呀,收錢先啦,成條人龍都出晒黎啦,仲向度sell野,都唔知有冇搞錯! 其實香腸包$5個,都幾好食架,條香腸皮有少少脆口,面頭仲有少少茄汁,不錯,底食!沙律粟米包$6.9,好似係新出品,不過冇沙律味,有十多粒粟米,面包鬆軟度一般,冇下次!

平時鍾意買美心蛋糕，不過冇細個裝所以買大班，士多啤梨蛋糕，好好味，竟然連圍邊果朱古力塊都食埋（美心果朱古力塊唔好味）。日式芝士包($5.5)，新鮮出爐，個面脆，味道又正，食完好想再食，另外美奶肉鬆&雙色麵包（橙味），都幾好味

買左個吞拿魚薄餅($6)麵包食都唔錯, 面頭有好多沙津dressing同幾多料..而且個麵包又唔會太硬身. 比起佢其他款式麵包, 這個算好味

有紅豆, 亦係一個包, 但係食唔到忌廉亦無菠菜味. 不過作為一個紅豆包都幾好食!