大班麵包西餅

Open Now

Now Closed

大班麵包西餅有限公司---北海道特濃牛奶蛋糕日期：2009-10-12 在"大班麵包西餅"(荃灣眾安街分店)買了"大班麵包西餅有限公司"出產的"北海道特濃牛奶蛋糕"($12.8)。"紙盒牛奶"造型的包裝十分可愛。北海道特濃牛奶蛋糕---蛋糕濕度適中，口感非常軟綿。當中加入了北海道純牛奶，牛奶味濃郁，甜味輕怡。

放學後趕到港安探望入了院的B，坐小巴前到大班買麵包。麵餅是我喜好物之一。大班是其中經常光顧的麵包店。要數大班最有名及出名的非1989年推出的突破傳統的全港首創冰皮月餅莫屬。而大班出品的麵包雖不及其月餅出名但亦有一定程度的競爭力。雖然大班是有規模的連鎖式麵包店，但各店的出品卻有一定的差異。其中的原因是一些分店內會有「自設的生產工場」，定時提供新鮮出爐的熱辣香軟麵包，例如上水的兩間分店，粉嶺分店，東涌分店及旺角始創分店等。而一些"細鋪"則出售由中央或分店工場提供的麵包，始終不是新鮮出品，品質及款式一定不及"大鋪"的多及好。到達荃灣已差不多下午三時半。三點三，十有八九的麵包店都會有新鮮一批出爐。在此店附近的幾間傳統包餅店亦參與其中，途經時亦有入內搜獵，可惜包款是平常普通的，不太吸引 過了馬路，進入店內，的確有一刻想調頭就走的念頭，原因是店內的包款亦同樣不多，但最大的原因是看到每個包是用了一個個有點厚度的透明膠袋"獨立包裝"的，袋內沒有任何水蒸氣的物體，亦即是說，包是不熱的！拿上手，連基本的暖也談不上 趕時間的關係，也只好低頭，簡麵包！情況不妙，簡麵包也費了不少時間，其間兩名店員不斷落力推銷，

o係蛋糕櫃度,睇到已想食(可惜在我差勁的的鏡頭下變成一團糟)。鬆軟既蛋糕,有點彈牙,朱古力味….老實說,濃度真係濃好驚喜!加上on top的朱古力漿也是特濃,濃度像最perfect的75%!仲有薄薄的兩層朱古力奶油,不會感油膩,能令黑忟忟蛋糕不會太dry,和增加蛋糕幼滑感。推推推呀!

迷你麵包, $6/3個, 選了藍莓鮮奶球, 吞拿魚及叉燒, 藍莓味吃得滿咀都係...論論盡盡, 味道有點假, 麵包球是脆的, 吞拿魚餡料幾多, 三個中最好的了, 叉燒只吃得醬...叉燒不多, 麵包不太鬆軟, 麻麻!

** 此 食 肆 的 第 三 個 笑 **尋晚(17-6-2008 Tue)食完晚飯,都係唔好懶,行去豆豆買麵包先,中途諗諗吓,夜晚呢o度冇乜選擇,而且收銀o既都冇乜禮貌,於是過對面o黎大班睇吓,行到大班門前都望一望過去,豆豆已收舖啊.時間應該接近9:00pm.而大班就有人抺o野準備收舖,但仍有麵包,於是都走入去.um…都係唔買麵包喇,見有包好晒o既蛋糕,就揀一個啦,被北海道牛乳蛋糕吸引,於是買一個作為今日o既早餐.未打開包裝都臭到香味,同按吓都幾軟同有彈性.影埋相搣o黎食,好軟但唔太滑,味道唔太甜但比紙包蛋糕濃.佢o既英文名係Hokkaido soft cake,呢個名就o黎得直接得多.不過唔明點解係季節限定.

** 此 食 肆 的 第 二 個 笑 **前日(25-5-2008 Sun)晏晝餓餓地,就食埋深啲色o個個雞蛋糕,一咬落去,味道比尋日o個個香濃,口感亦差唔多.OK啊.

** 此 食 肆 的 第 一 個 笑 **尋日(24-5-2008 Sat)朝個淺色o既雞蛋糕,雖然事隔幾日,蛋糕依然鬆軟,冇問題.

** 此 食 肆 的 第 四 個 OK **今(23-5-2008 Fri)朝食前日買o既提子合桃菠蘿包,因為媽媽尋日冇食到.但咁大個,我都係食半個算喇.表面舖滿好多瓜子肉,開頭以為冇合桃,但食食吓原來有,不過好少,提子乾都係唔多,合桃有小小苦.呢個只係花巧版菠蘿包而已.

** 此 食 肆 的 第 三 個 OK **媽媽o係尋日(21-5-2008 Wed)出院,而我又要到荃灣整啲o野,諗住買今日早餐同順便買個麵包畀媽媽,本應想去豆豆麵包,但記起好少o係大班買,於是入o黎睇吓先.見有全蛋糕,$8.00大大個o既提子合桃菠蘿包,$5.00o既和風肉丸包,於是鎖定最後o個兩個.而全蛋糕都可以買o黎放o係o度o既,咁o岩職員話全蛋糕$9.00兩個,我問一個幾錢?佢答$6.00.嘩!差咁遠,咁我買兩個啦.搭車返屋企時,一直嗅到好香,係和風肉丸包上面o既木魚味.到今朝食和風肉丸包,木魚煙煙韌韌,個包甜甜地,內裡有三粒肉丸,都好鬆軟,味道可以,算唔錯o既.其他遲些講.

今日論到我買, 入到去都有幾多選擇, 美心既英式方包唔錯, 幾軟熟, 於是揀六塊包裝既英式方包, $8!我又係用黎夾芝士, 都幾軟熟, 但最可惜既係佢比一般既方包仲要薄, 於是食落就無咁踏實同滿足!

今早經過買了個提子合核麥包($6.5), 選擇它是因為今早有一點點肚餓想吃多一點點, 另外有我最喜歡的合核, 但有點可惜合核碎很少....麵包質感也不是太軟熟!

一個長形提子麥包, 面頭有幾條奶白色, 好似雞尾包上面個d甜甜地既東西, 此外仲有好多杏仁片! 成個麵包最好食就係杏仁片, 因為好脆, 而且都幾多, 不過跌晒落個麵包袋度, 而個提子麥包就好唔得, 提子只有幾粒, 都算, 因為我之前都冇諗過會有提子, 但個麵包唔夠軟又冇味, 加埋個幾條甜既東西, 令個麵包一時好甜, 一時冇味, 更加唔覺得有鮮奶味, 食左幾啖已經唔想再食, 早知去美X買個$3.8既提子麥包仲好, 反正兩者size都差不多! 雖然我唔係成日食大班既麵包, 但食過幾款都冇一款會令我想再食一次, 下次都係唔揀大班喇!