偶遇台北 (矽谷山)

Open Now

Now Closed

啱揸車上嚟，見附近冇咩餐廳又肚餓就求其入咗呢間點知又幾好食喎😆可以話仲好食過出面啲台灣餐廳😂😂叫咗個大腸雞蛋滷肉飯，加多$28就有個鹽酥雞食。價錢雖然比起出面唔算話好平，但係啲豪宅區樓下嘅餐廳都算性價比OK，都值得一試👍🏻味道方面啲大腸都滷得好腍幾入味，唔會話太鹹，加埋個滷肉飯都幾惹味，我個人鍾意食滷肉飯多過肉燥飯，呢個幾啱我口味，有啲肥肉再加埋瘦肉唔會漏。雖然呢度附近都幾多蚊，但餐廳入面都幾乾淨。下次再過嚟試吓其他嘢食👍🏻

今日同朋友去呢度吃晚餐，先唔講價錢啦，＄100蚊一個飯。黎左個滷肉飯。肉就好少，飯就好多，我就問經理可唔可比多一匙size既肉我。佢既神情表現不滿同憤怒，然後比左一小碟油肉我。該碟就80％油及20％肉。我就講道理表示，如果d肉好貴，你覺得咁樣會蝕錢既，你可以直講架，唔洗係度passive aggressive 我。佢就表示好多客人都係咁，所以公司規定左，如果係咁樣，就會比一碟多油既肉我。咁我話同你爭論3日3夜冇意思啦。唔會再幫襯。

今天和朋友去白石角附近踩單車，到了晚上就附近找點吃的，看到這家台灣菜便來試試店面不大，服務員積極熱情地給我們介紹餐牌，晚上有一人套餐，還蠻實惠我點了鹽酥雞扒滷肉飯，這是一款很經典的台灣料理。酥炸雞扒的香脆鹹香，配上滷肉飯的濃郁膠質，一口咬下先是「喀嚓」的酥爽，緊接滷汁與米飯的綿密甘醇，鹹甜交織、油香不膩！消耗的體力瞬間被充實了！朋友點了紅燒牛肉飯，牛肉份量也很足，看著也很不錯這家寶藏小店算是意外驚喜，和朋友決定下次踩單車再來惠顧

今日踩單車入白石角見到有台灣菜 決定試下店鋪周邊環境舒適清幽 適合一家大細或一班朋友聚餐 店員服務態度好非常熱心介紹了店內的招牌今次試了鹵水豆腐飯亦有多種台式飲品選擇 下次會帶屋企人一齊再離👍

今日坐車去到白石角見到一間偶遇台北，想起在台灣食過的牛肉麵，所以就入去食坐下來睇周圍環境不錯，服務員亦介紹餐廳內有名的牛肉麵給我們，我就點了一個麻辣半筋半肉麵和珍珠奶茶🧋，當食品到來後看見賣相不錯香味撲鼻，可能真的有肚餓所以馬上就試了我的點半筋半肉麵，牛筋入口軟滑湯麵亦彈牙這個半筋半肉麵我十分滿意之後飲了一口珍珠奶茶，想不到飲得到台灣口味的飲品和食品，食飽後埋單服務員亦有禮貌，我覺得這間偶遇台北可以再來！

有一日午餐和同事去覓食，本來想揀茶餐廳，見到有台灣店，即管試一試。入門口有一位穿着T恤的大叔招呼我們，我以為係廚房佬因為他的T恤十分污糟，原來他是樓面。員工外表唔緊要，食店最緊要食物質素好。餐廳係手機點餐，我和同事各自看手機的菜單，我先行下單，同事仲揀緊。我聽到呢位污糟大叔同另外一個夥計講「喂，佢地落得半份咋喎」，語調表示嫌棄認為兩人叫一份餐咁孤寒。我聽見即刻同佢講我同事落緊單，你唔使咁緊張。 我叫的牛肉麵唔使2分鐘上枱，麵條發脹，好明顯煮落咗好耐，快快灼翻熱，牛肉兩三舊碎牛，蘿蔔仲大嚿過佢，湯底偏鹹。飲品選擇以罐裝飲品為主，台灣麵店連熱烏龍茶都冇，同事飲的手打檸檬茶好難飲。 同事叫的牛肉飯，牛肉同我碗麵一樣又碎又細舊。這店的價錢與食物質素不成正比，服務態度惡劣之餘仲要收10%服務費，茶木價錢相若，質素好佢幾倍。總而言之，偶遇之後可一不可再。

佢個臭臭鍋 臭到出面都聞到 又貴又難食 唔好呃人係台灣野 個肉燥飯少肉到得白飯咁 牛肉麵味精又勁 無餐飲跟 全部加錢 唔會再食 唔會推薦 十分難食 臭臭鍋not recommend not recommend

入到去 無招呼自己落完單 即刻同你講無牛肚 然後個待應自己取消咗張單 完全無再理我哋我哋自己發現個飯比人取消咗再點過另一樣個紅燒牛肉飯啲牛肉好慳 得5舊1.5cm x1.5cm嘅牛肉（ 不過啲味還可以 ）仲有杯飲品 到我食完飯都未到 我再望下啲員工係度做乜一個係度按電話一個行黎行去一個係咁望住廚房完全無人理過我哋到我問佢地係咪漏單三個人望住廚房？做乜嘢完全唔交代下最後黎咗一杯 劣質嘅檸檬茶擺低 又無人交代下 唔會再幫襯就實不過想提下啲唔小心入咗去嘅人姐

只有三枱客都可以漏單。叫完一個牛肚滷肉飯，然後話無牛肚就走咗去，又唔講係要重新落過單定係點。之後自己睇返手機訂單先知取消咗兩個飯，得返兩杯野飲。重新落過兩個飯之後，食完兩個飯，兩杯野飲都未到。問起先嚟叫廚房整，仲要整完又送錯去隔離枱，最後仲要剩係嚟得一杯。前後等咗30分鐘左右先有一杯野飲？？？最終嗰一杯都無飲，決定直接埋單兩個飯走人。望一望張單，咁嘅服務都收到服務費？基本服務都唔掂？絕對唔會有下次。

呢間嘢啲食材用料普通過茶餐廳,飾物質素非常一般,食個酥炸雞扒飯,塊雞扒好似街市買十蚊三塊嗰啲,價錢又貴仲要收一,唔知嗰個10%服務費憑什麼收？,QR code點菜 連水也沒有一杯咁不如直接收30%啦

見鋪頭新開無幾耐，就走去試試，假日唔洗排隊就入到去，而附近得一間餐廳，叫做獨市，但人流又唔多，相信很多人中伏了。我就叫左個滷肉飯雞翼雞蛋飯，滷肉全都是肥豬肉，很肥膩雞翼就3隻，普通滷水味道無咩特別。另外加左杯珍珠奶茶，杯茶甜到全糖咁，唔建議飲。員工服務態度就一般，幾個年輕人打理，不過不失，但食飯中途，有員工掃地，其實掃地應該要開門或收鋪時做，始終會有塵周圍揚起。最後價錢唔算平，但比客既份量同料就性價比極低。

1. 滷肉飯沒有滷肉，量少與圖不符，食落只有一堆肥膏。基本上圖中夾出嚟既肥膏份量就係所謂既滷肉份量2. 鹽酥雞係佢menu圖既1/5 都無，全都是炸粉，肉又係無滷肉飯同鹽酥雞呢2樣食材仲要擺明唔係貴，係要1舊水埋單賺足你99蚊。3. 珍珠奶茶是粉沖出嚟，完全無茶味，飲落大量糖份奶精化學味，飲咗2啖搞唔掂放棄。呢間野簡直劣食之最，無下次4. 地下成地垃圾，食食下野員工先慢慢掃成日叫人留港消費，但香港飲食業當人水魚未見過台式滷肉飯係用100% 肥膏做出嚟如果你想山長水遠偶遇劣食，絕對可以挑戰

在這裏已經吃了兩次第一次職員 也是 在發夢一樣 不知在做什麼 問問題他們很多也不知 或者選擇 說沒 第二次去 有所改變服務態度 比較熱情食物方面 價錢方面 較貴 上次吃了一個 肉燥雞扒飯 白飯多 肉燥 很少 一碗白飯 只看見 兩個五蚊銀的肉燥 得咁多雞扒炸得不夠 鬆同脆， 一口咬 就感覺到 全部都是油 牛肉麵就真的不好吃 量少只是這裏沒有其他吃的 如果有得選擇不會再在這裏吃 價錢太貴了， 又不是特別好吃 飲品方面 有驚喜嘅 蘋果梳打 麥茶但奶茶 要加錢 不是特別好飲 差

四圍行，雖然未餓，趁人少少，就早啲食個晚飯。兩個人叫左台式紅燒半筋半肉麵👍🏻👍🏻👍🏻👍🏻👍🏻，酥炸花枝丸👍🏻👍🏻👍🏻👍🏻，蟹柳粟米起司蛋餅👍🏻👍🏻👍🏻👍🏻。湯麵分量足料，花枝丸夠彈牙，蛋餅好食。服務100分。💯💯💯兩個人去食，無叫飲品。服務員好主動俾兩杯水我地。我都叫左一碗麵share，服務員都即刻俾個碗仔我地分黎食。Total食左$200，合理價錢，推薦👍🏻👍🏻👍🏻👍🏻👍🏻

周末周老公去白石角睇樓，行到攰攰地就見到呢間偶遇台北，所以我地就黎一場偶遇🤭入到去，啲店員都會即刻照呼我地，佢地都好年輕，雖然店員講嘅野都係平時餐廳食野聽果幾句，但feel到佢地態度係好好同好真摯好肯協助你，令我地好似真係去左台北啲餐廳咁🥳再黎就係野食，我地兩個點左一份鹽酥雞捲蛋餅同一個蕃茄豚肉鍋，我真係想讚一讚個鹽酥雞捲蛋餅，佢一次過滿足左我又想食鹽酥雞又想食捲蛋餅嘅願望，我個人非常鐘意，5塊捲蛋餅我爭食食左4塊，我老公正係得1塊🤣可想而知個味道同配搭真心吾錯👍🏻另個個蕃茄豚肉鍋，所有食材都好新鮮，個份量好足，我地食極都重有豚肉🤣食得好開心同滿足最黎想講嘅係，間餐廳簡嘅歌好正，全部都係我地好有回憶嘅台灣歌，我同老公一路食都不自覺地一齊唱左幾句，個體驗好正👍🏻今次呢個偶遇好好🥳💕