台灣麵 (Closed)

今日係EMax食lunch想清清地食碗麵，所以就嚟到呢間「台灣麵」12點鬆啲嚟到，餐廳已經坐咗一半人，再晏啲嚟到就要等位啦～望吓餐牌有咩食先，幾多選擇～鮮茄濃湯韭菜餃米粉（ $63）米粉係台灣出名嘅新竹米粉，口感爽身香濃蕃茄湯底，真係有一舊舊蕃茄㗎再配上六粒大大粒嘅韮菜餃，唔錯肉燥油麥菜（$27 ）清炒油麥菜，配上台灣肉燥，味道唔會太寡，啱晒平時中意食肉，又想食啲菜嘅食肉獸有啲喉嚨痛，仲點左杯鹹柑桔物 （跟餐加$4)

星期六到九展裏的一間台灣麵食午餐， 其實這家台灣麵已經食過好多次， 今次覺得食物水準相比之前進步了很多。 朋友點一個台灣三寶麵$65， 凍胚芽奶茶（ 跟餐價 $4）， 而我就喜歡吃雙排雙格餐$65， 台式滷肉蛋肉燥飯＋ 椒鹽排骨米線， 熱珍珠奶茶（ 跟餐價 $4）。台灣三寶麵～ 首先講下個湯底， 飲到有濃郁的牛肉味，三寶有牛展、牛肚和牛筋， 份量豐富， 三款口感都很腍， 我最喜歡牛筋，又腍又滑的，正！雙排雙格餐（台式滷肉蛋肉燥飯＋ 椒鹽排骨米線）～ 這一款基本上我每次都會食， 因為一次過可以滿足兩個願望！ 台式滷肉蛋肉燥飯有好多肉燥肉汁， 滷肉半肥瘦， 再加多半隻滷水蛋， 食得好滿足。 仲有半碗椒鹽排骨米線， 估唔到每樣一半份量都咁多， 米線口感剛剛好不會太腍， 豬扒厚身啖啖肉，超推介雙排雙格餐。凍胚芽奶茶～ 胚芽份量多， 奶茶入口香滑，唔會死甜。熱珍珠奶茶～ 珍珠奶茶對於我嚟講真是飲極都唔厭， 我都算對呢一款台式飲品幾有研究。 這一杯奶茶味道不夠濃厚， 但要讚一讚珍珠的質感， 軟腍帶點咬口，輕輕咀嚼還有點甜甜的。記得以前經常到九展睇戲或者聽演唱會都會食台灣麵， 希望疫情快啲過去， 大

住九龍灣老友話想逛國際展貿中心，午飯時間行經台灣麵見坐無虛設，我們不用趕時間，等到二時才吃飯。原來下午茶更抵食。我們點左吉列豬扒麵配椰香芝麻露，大大件豬扒夠鬆軟、炸得甘香可口，真美味。芝麻露很香滑。鮮茄牛肉麵配珍珠奶茶，牛肉腍滑，珍珠煙韌軟糯，不太甜，極不錯。豬扒包餐配椰香杏仁奶露，+$7有酸辣湯麵🍜，包身鬆軟，豬扒厚切夠腍，中間 夾生菜🥬和沙律醬🥗，很惹味好吃😋👍。酸辣烏冬麵材料豐富，杏仁奶露味香濃滑，這餐有驚喜超好味超抵食。

公司附近既lunch 好似都差唔多食過哂今日決定走遠少少 過一過九展個頭搵野食同事話想食台灣野 所以一入到九展 見到今次間台灣野就入左去既然間灣叫台灣麵 所以緊係要叫個麵食喇✨紅燒牛筋牛肉乾伴粗麵✨牛肉非常入味 牛筋有咬勁麵既硬度岩岩好 味道剛好 都幾彈牙份量岩岩好 一個lunch 份量剛好✨香煎雞扒肉燥飯✨開頭以為細細塊雞扒 點知原來差唔賤有成隻手掌咁大啖啖肉 岩哂我呀 雖然係煎 但係一d 都唔油膩配埋我最中意食既肉燥飯 不得了跟餐可以另加野飲丫我同同事分別叫左杯蜜桃紅茶同凍豆漿岩哂咁熱既天氣😁😁😁

今日忽然想食台灣菜，所以就行去九展食呢間台灣麵。我最鍾意叫佢呢個雙排雙格餐，因為變相我兩個人嚟可以食到四份主菜，真係大滿足！仲有一啲都唔貴嘅小食！跟餐只需加$4，抵玩吖！首先我哋點咗一個雞絲粉皮做前菜，我鍾意佢落勁多芝麻醬，真係一啲都唔吝嗇！第一份雙格餐係揀咗「台式滷肉蛋肉燥飯」拼「椒鹽排骨乾伴麵」，滷肉即滷水五花腩，入口既溶，加埋肉燥同蛋撈飯另外嘅乾伴麵其實係用汁撈麵，排骨份量多而且肉質嫩滑。然後另一份就係「雞扒新竹米粉」拼「台灣牛肉麵」，新竹米粉非常幼細而且爽口，雞扒煎得香脆，牛肉麵嘅牛肉份量亦多。仲加埋杯紫貝天葵檸雜花釀同芋香牛奶，真係好有身處台灣嘅感覺呀

今日去了九龍灣e max,在九龍灣德褔廣場有免費車可以搭去e maxe max 平時好小去的！今次是朋友話e max 有好多平野食！睇戲都好平！e max 睇戲都是$45 好抵！我們今次去左食台灣麵下午茶！我們點了咖哩叉燒麵配炸水餃味道不錯麵的份量好多！蕃茄湯手撕雞米線配水餃！蕃茄湯酸酸甜甜！豬扒包，加$7有酸辣湯麵！全部下午茶餐都包熱飲！原來熱珍珠奶茶都幾好飲！🤣🤣😂👍🏻我們還點了芝麻奶茶紅豆奶茶胚芽奶茶

來到Emax，想隨便吃點東西，就坐進了台灣麵，點了個雙拼套餐，原來左右兩邊可以有不同的食品，超有才的！座位不算很闊，但算滿乾淨企理的。食物：雙拼A+A $68台式肉燥飯+紅燒牛肉麵，一邊的肉燥呈扣肉形，另半邊是帶點辛辣的，配合煮至彈牙的台灣麵，非常出色。牛肉有分腩位跟牛展位，牛展入口即化很不錯！肉燥飯用上了扣肉跟滷蛋，扣肉的肥美度不俗，很快就KO了這邊一半特飲+4芒果熱情果蘆薈甜度頗高，最抵的應該是底下大量的蘆薈可供食用吧

今日和同事來九展吃中午很久沒有吃台灣菜了就試一試這間吧這間價錢實惠，大概50多元已經有一碗飯或麵 還不用加一呢同事叫了個全天候套餐清湯牛肉麵 $61牛肉湯底湯頭真材實料 配上牛肉鮮嫩 正我就貪心一點什麼也想吃 雙排隻格餐就最適合我 可以有A版選一樣B類別選一樣或可以AA,AB,BB 多種菜式令人眼花撩亂 我就選了A5台式滷肉蛋肉操飯配B8白菜肉雲吞拉麵 $65 放在一個大碗上 賣相已經10分精美 滷肉飯好吃 多汁可以伴飯 白菜餃子餡料十足 吃完10分飽！本身餐已經包了凍豆漿或熱飲 或可以加$4選台式特飲我們當然要了個凍珍珠奶茶啦 夏日炎炎喝這個真是透心涼！最後埋單每人也不用$70元，超值又好吃！

依家wfhb自己煮飯， 但係都係 簡簡單單又一餐 ，一啲 炆燉煮菜式自己真係 唔想做 ， 尤其係外省菜， 冇嗰啲特別的醬油及調味料 。 所以今次就去咗我屋企附近的 台灣麵 ， 解相思之苦 之餘又食下台灣牛肉 。 台灣麵位於九龍灣展貿， 喺德福樓下有shuttle bus過到去， 都幾方便。 最重要係佢比德福商場小人好多，坐都坐得舒服啲。 涼拌雞絲粉皮 先叫了一客小食涼拌雞絲粉皮，粉皮口感彈牙，雞肉唔鞋口，配埋香滑的麻醬, 令人無可抗拒! 牛筋牛肉肉燥飯 牛筋牛肉與肉燥飯分開上， 呢樣抵讚， 唔會搞到肉燥飯個仔又油淋淋。 牛筋勁爽， 而且膠質勁重， 牛展厚切，滷得入味，牛肉味濃，配埋肉燥飯，抵食。 酸辣湯牛肉麵64 麵條粗身，咬落有彈性， 質地紮實。 酸辣湯配料豐富，滿滿一碗 ，筍，冬菇、肉絲、豬血、木耳和豆腐，鮮美中帶著清新，酸辣而不嗆。 跟餐可配港式飲品， 或加四蚊轉台式飲品， 各適其適。 熱珍珠奶茶4 珍珠有嚼頭，口感一流，煙韌軟糯。 熱檸茶 茶夠熱，檸檬也夠香。

本身鐘意飲Bubble milk tea所以都黎飲下，唔錯，飲完好飽，仲叫左個麵線，麵線好幼所以吸到好多湯汁😯味道不濃不淡算係剛剛好，可以再返黎試下，糧尾都可以一戰

起九龍灣行完街，過黎emax 醫下肚～呢間台灣麵既野食款式都幾多，價錢幾經濟。✨滷蛋豆腐肉燥飯（$43): 佢個飯量真係超多，肉燥雖然瘦瘦地，但撈埋個汁幾好食。滷蛋入味，伴菜又加左d 蒜蓉，清清地幾香。豆腐有輕輕炸過，外皮有少少脆，感覺香口d~✨燻蹄拼海蜇（$68): 食落好冰感，燻蹄海蜇份量都幾多，食落爽口，點埋酸汁好開胃。✨炸雞湯拉麵（$61): 個炸雞上枱果下嚇一嚇，個樣好搞笑，成條油炸鬼咁xD 脹卜卜，顏色好金黃，同平時見既炸雞有分別。食落原來粉漿係好鬆化，但入面d 雞又好嫩，點埋沙律醬係正既。✨拉麵雖然唔知係咩湯底黎，但夠入味唔會太腍，入面仲有粟米，四舊魚蛋，半隻蛋同菜，夠飽肚。✨跟餐加$4, 要左個芝麻奶茶，個味都幾特別，少少芝麻香又有好香甜既奶茶味～不過茶味同芝麻味濃d 就更加好， 但整體黎講係抵食既。

疫情之下不知為何想吃一點刺激一些的食品，或許不能抗疫，但刺激的食品總幫到一點新陳代謝，不能運動也能出點汗吧。這次也是第一次吃到台式的咖哩食品，想不到原來都真的頗辣的，幸好都算是自己的可控範圍之內。配上雞扒很不錯，外表脆脆的，肉質夠滑，更有不錯的肉汁。更有一碗香軟的珍珠米，很有米香味，配上刺激的咖哩味，入口滋味有不同的層次。來一個冷盤也為刺激的咖哩加上安舒。流心的皮蛋夠滑，配上特製醬汁，很滋味。豆腐夠滑，又夠凍，豆味也香濃。當為飯後的小品也是不錯的選擇。

星期日一家大細好難得咁去九龍灣展貿食野，其實呢間台灣麵啲野食係幾好嘅，野食唔差！ 但佢啲員工嘅態度不太友善！ 事緣係我地四個人，淨係叫得三個餐，咁因為我地唔肚餓吖嘛！其實我建議如果員工真係想我地嗌多啲野，其實可以提議我叫小食叫野飲，但唔係落單嘅時候「俾說話我聽」！但佢啲員工嘅態度極差！事緣係我地四個人，淨係叫得三個餐，咁因為我地唔肚餓吖嘛！我覺得員工如果想我嗌野，其實可以提議我叫小食叫野飲，但唔係落單嘅時候「單單打打」，俾說話我聽！即是你啲嘢食幾好食都無用，啲態度差到咁！酸辣湯貢丸麵 $64你鍾意佢個酸辣湯，都算幾足料又幾多木耳，又多豆腐粒。但係我個人覺得佢個麵條唔算好好食！同埋上面有五粒半粒貢丸，呢個價錢，一般！台式豬腳麵屋企人食豬腳麵，佢哋話都幾好食！台灣紅燒牛肉麵都係屋企人食紅燒牛肉麵，我夾左舊牛肉，都唔錯都夠入味。

呢幾日都係公司食lunch，今日冒住生命危險，去左公司附近既EMax食lunch。論經濟實惠既話，台灣麵應該係唔錯既選擇？我同朋友經過一間台灣餐廳，名字叫台灣麵，可謂相當直接。然後再望一望餐牌，價錢算合理，即管試下。餐紙印上多款小食，彷彿向我講「快啲食我，快啲食我」。餐廳相當大，總共有兩個鋪位，所以唔駛驚lunch時段要等好耐。-台灣牛肉粗麵除左粗麵，大家可以轉特別啲既滷肉飯或新竹米粉。牛肉麵份量適中，牛肉煮得幾稔幾入味，不過湯底淡茂茂。- 白菜雲吞乾伴粗麵雲吞皮薄餡料肉質新鮮，乾拌麵彈牙有咬口，肉燥同埋滷水汁嘅完美配合，真係簡單就是美。- 酥炸花枝丸每一粒花枝丸都係漂亮既金黃色，而且灑上少少胡椒鹽，味道方面幾香口，而且幾彈牙。- 熱胚芽奶茶胚芽有少少嚼勁，令奶茶口感更豐富，味道亦唔會太甜。

因工作關係，今天又來到九展💁🏻‍♀️由於時間不多，決定匆匆在地下那層吃個台灣麵就算了平日午饍時間，人流多但不用等位😃餐牌選擇非常多，心大心細的我完全被AB雙排雙格的餐牌吸引到😍😍AA/AB/BB的組合都可以，只是價格稍有不同🙂最特別的是連飯麵組合都有😂😂我叫了一碗原味台灣牛肉麵拼蒜香雞翼新竹米粉🍜一個大碗內可以吃到兩款麵食，感覺新奇也很特別🤗牛肉麵的肉質腍滑，麵質軟硬適中🙌蒜香雞翼的🧄味不算太突出，但煎得很香，雞肉亦不會太乾～麵量感覺上比正常單拼的少，所以多叫了一款小食🙈這一款台灣糖心皮蛋豆腐，對於喜歡吃肉鬆的我，賣相已經滿分🥰實物甚至比餐牌照片更吸引～吃下去更是驚豔!! 豆腐冰凍軟滑，皮蛋Q彈，肉鬆的比例非常誇張☺️☺️完全沒後悔叫了這款美味的小食～AB餐本來包一杯港式熱飲或豆漿，我就選擇加$4要了這杯荔枝柑桔蘆薈💕蘆薈很多，柑桔味很濃，即使冰溶化了都一樣很好喝呢👍🏻離開時見到餐廳台式飲品外賣自取的話只需$13，還包括我在餐廳喝的這一杯柑桔蘆薈飲品～抵😆