台灣麵 (Closed)

位於九展既呢間台灣麵，有點偏遠地鐵站不過有shuttle bus可以入黎食下，或者行街睇戲後可以試幾好味，又唔貴，又有台灣風味，食得過！🔶酸辣湯牛筋牛肉麵 $64本身係牛筋腩麵，賣晒所以轉左牛肉麵，出乎意料好味牛筋有淋有彈牙既，牛肉好厚肉而且炆到好淋👍🏻個酸辣湯好多料，又唔會太酸，配麵可以連湯飲預設係台灣麵，比較粗，好似烏冬咁，幾好味！呢個晚餐仲有杯餐飲送，真係好抵食！🔶鮮茄濃湯雞扒拉麵 $65個湯底好濃好結，我覺得比譚仔個蕃茄湯底更好味入面仲有鮮茄既料，塊雞扒好大塊又嫩滑🔶滷大腸 $38份量都幾多，而且好有滷水味👍🏻抵食跟餐送豆漿/咖啡茶，我叫左豆漿好滑好香豆味總結：兩個人呢個份量食到好飽，價錢真係唔貴

晚上過來人不多，和朋友主食選了雙拼，可以一次過滿足你兩個願望實物都大份，四款裡面覺得酸辣湯麵最好味~滷肉飯d肉有點乾。滷水拼盤分量好多，味道尚可。紅油抄手不算很辣，岩曬唔食得太辣既我

今日下午午飯又跟同事一起去吃台灣麵，因為之前有儲印花，有免費小食！ 我就點了韮菜雲吞關廟麵配熱柚子薑茶雲吞很足料，關廟麵爽彈，還配上肉碎蔥花！柚子薑茶就偏甜了些，但是都很有薑味至於免費小食我們就點了酥炸花枝丸酥炸花枝丸看起來炸得黑黑的，原來他灑了胡椒粉，花枝丸外脆內熱，所以有時都不可以只看表面平時我們都不會點小食， 因為價錢偏貴，今次就可免費試試，都算不錯！

這間台灣餐廳在短時間內開了數間分店， 數量之多令人為之驚訝， 作為一個忠實的食家當然要回一回這間台灣餐廳。和朋友於下午茶點了珍珠奶茶， 個人認為珍珠奶茶是最能夠代表台灣的食物！ 但很可惜， 他還是逃不過台式餐廳的飲品非常難飲的這個宿命😭 我學到的珍珠奶茶就是一味的死甜， 唯一可取的就只是他的珍珠， 起碼有咬口， 和依稀帶有一點飽肚的感覺。我和朋友喝完這杯珍珠奶茶之後， 也有一個共識， 就是當你要喝珍珠奶茶還是選擇街舖。

話說今日中秋節補假， 咪同太太去咗九龍灣國際展貿中心行下囉，之前就到過 某間 食肆 坐低咗， 發現嗰間食肆假期都係得一個樓面招呼啲客， 幾台啲客人都係喺度等食， 於是我哋就起身 搵過另一間食肆囉， 行行下有間台灣麵，幾多客喺度食緊喎， 招呼都幾好!咪坐低囉， 叫咗碗豬軟骨烏冬。再嗌咗一碗酸辣湯 燻蹄拉麵， 一杯芝麻奶茶， 一杯蘋果綠茶。 豬軟骨烏冬， 係個豬軟骨就炆得夠淋， 湯底一般都係咁上下啦。 至於碗酸辣湯拉麵就唔酸唔辣， 兩塊燻蹄， 碗麵 近乎凍嘅，小啦星!仲收我$64囉， 左計右計 我覺得唔值囉， 希望下次有機會再幫襯，第二啲嘢食會好多少啦。

星期日相約朋友去左eMax 睇戲，順便吃個優閒下午茶。在eMax 底層見到呢間台灣食肆，裝飾唔錯，又多款套餐選擇，所以入去試試。我叫左一個蕃茄湯底拉麵，再加雲吞，餐飲係薄荷奶茶☕️。蕃茄湯底超濃味，麵亦唔會太較太硬，口感唔錯，份量適中。飲品亦有驚喜，薄荷味很濃郁，奶茶不太甜，非常好飲👍🏻👍🏻👍🏻

九龍灣國際展貿中心裡餐廳選擇唔多，睇演唱會前隨意入左呢間台灣餐廳醫下肚。我同男朋友各自叫一碗，我叫 《原味台灣牛肉麵 + 胚芽奶茶 》 牛肉份量多，帶有少少筋，煮到好軟腍好易咬入口已經覺得麵質好硬，當時估到根本未煮熟，望一望中間個心真係白色....!!!! (成碗麵都係)呢個全天候套餐 (我係D餐) $61再加$4 台式飲品，整體普通，再加上麵都未煮熟，完全不值呢個價錢!

今日去咗九龍灣展貿徑1號，國際展貿中心 地下， 我去左一間台灣面食下午飯， 入到店內侍應很有禮貌，問我幾多位， 侍應安排咗一個很優雅，同很寧靜的地方給我坐，我叫咗一個咖哩雞扒飯，同凍朱古力奶茶， 十分鐘我的咖哩雞扒飯來到了， 飯很香咖哩味同椰汁味， 還有很多薯仔， 我食一啖雞扒，嘩！雞扒的皮很脆很香， 不太油膩， 雞扒的肉質很滑很香， 醬汁不太濃烈不太鹹很香， 朱古力奶茶來到了， 有少量朱古力味很重奶茶香味， 不太甜很好👍

今天九龍灣展貿有*初音*展覽，我便去走一趟然後累子使去了一間台灣麵吃東西其他商舖都坐滿了人，吃了一個酸辣鴨胸麵+一杯豆漿，我朋友就叫了一個豬頸肉澡飯配特色飲品，他說特色飲品比較甜，飯比較淡，食物質素一般，酸辣湯配合粗麵是一個非常好的配搭，但是面不夠味，很清啖，，每一次吃酸辣湯麵的辣度都不一樣，上一次就很難辣，今次不太辣，服務也不錯，值得過來吃，吃完後我們便去了德福商場逛街，九展的店舖服務是不錯，平時很寧靜，今天就比較熱鬧。

今日放假，去九龍灣行街街，之後去了九龍灣展貿中心，看看有冇什麼outlet貨品啱買。行到咁上下，梗係要搵食啦，我好耐冇飲珍珠奶茶，所以就去咗“台灣麵"食。餐廳有樣特別，就係可以叫雙拼，一個碗有兩樣食物，最啱我咁多心既人，我叫咗個鹵肉蛋飯併香蒜雞翼新竹米粉。 滷肉一片片，比較'鞋'，另外肉碎尚可，不過汁太多，食到尾，好似d飯仲有好多汁~香蒜雞翼炸得很香，新竹米粉幼幼地，係我至愛。朋友叫咗紅燒牛筋腩麵， 辣油係表面都見到，見到都覺得辣呀! 朋友食落話少少辣，不過牛筋腩都算淋，牛肉湯味香濃。小朋友叫了清湯牛肉麵，佢食食下都話啲牛肉好辣，食唔到， 只係食到啲麵。跟餐叫了兩杯珍珠奶茶，我哋叫少甜，味道啱啱好，珍珠好煙韌，都唔錯。呢度價錢平民化，不過食物質素就一般般。

因為黎開睇戲，早左到又未食晚飯，因為呢個商場選擇唔多, 覺得呢間係一個比較健康嘅選擇所以就馹左去。晚飯黎講都算平（可能因為商場位置偏僻），兩個人百幾蚊已經可以埋單。我地叫左牛肉面同豆腐滷肉飯， 包埋珍珠奶茶。牛肉麵味道OK，滷肉飯就真係麻麻，唔係台灣果種，係港化左嘅滷肉飯，似係蠔油豬肉碎飯，其實都食得入口嘅～珍珠奶茶味道OK，冇咩特別，冇咩complaint 。因為餐廳都幾大間，晚飯時間都有好多位，唔洗等。侍應都有禮貌，上菜速度都好快。不過，如果唔係黎開睇戲都應該唔會特登返嚟食，因為呢個商場真係有啲偏僻。

嚟九展，通常都會選擇台灣麵，皆因喺呢度嘅特色雙格餐，我可以一次過食兩款唔同嘅飯麵，滿足哂我呢d眼寬肚窄嘅人! 基本上除咗正常麵飯餐，呢個係我覺得幾特別嘅雙格餐，你可以任選A牌或B牌嘅餐，再選擇要飯或麵，麵又可以選拉麵、粗幼麵、米粉等等，真係一次過滿足兩個願望!今次我選咗兩個B餐，滷水雞翼拉麵同椒鹽排骨新竹米粉，雞翼夠入味，排骨唔韌，不過可能浸咗湯，椒鹽味無哂!朋友叫咗個台灣牛肉麵加雞翼米粉，牛肉嘅質素好唔穩定，有d勁林勁好味，但有d就勁韌勁難咬，睇你好唔好彩!餐飲加錢要台式飲品，質素正常!

睇戲前同朋友食個快嘅晚餐，見到呢間好似唔錯喎，就立即入去！發現有個係雙排雙格餐，可以一次試多一樣嘢食！我揀咗滷水雞翼肉燥飯拼紅燒牛肉麵，你揀咩餸都可以揀粗麵、幼麵、肉燥飯、拉麵、米線、關廟麵、新竹米粉。紅燒牛肉煮得夠腍、如果個牛肉湯底再濃少少就仲好食，依家辣味有啲蓋過牛肉味！呢個餐包一杯熱飲，加$4就可以揀台式飲品，所以加錢飲薑母奶茶，奶茶茶味濃滑、薑味不會太勁，個人認為真係幾好飲！而朋友揀雞扒新竹米粉、韭菜雲吞粗麵，朋友話個米粉好味、雲吞都有三四粒，不錯不錯呀！

台灣麵🍜呢幾年嘅分店愈嚟愈多，但從來都未食過，中午時見到冇咩人排隊就試下啦！上菜速度極快，由坐低落單到上菜都唔使五5️⃣分鐘，難得係仲係熱騰騰♨️，豬腳滷肉飯🍚份量一般，食完大概七成飽，豬腳切得好細件，好方便一口食一舊，而且好腍一啲都唔韌仲好入味，配飯食真係一流，滷肉飯🍚嘅滷肉唔算太肥，不過汁略微少，唔夠送晒食碗飯，只夠頭兩三啖，整體嚟講作為一個quick lunch 係合格有餘，味道亦可以接受🈴

星期日過嚟九龍灣行傢俬店，行了mega box 人多小朋友多，過到嚟九展，人少少地方冷清，反正行到腳攰攰，就搵間餐廳食個下午茶，唔想食麥記同埋759車仔麵，見到呢間叫「台灣麵」的人客都挺多，就入去試試。$40 有碗麵、有小食、仲有一杯台灣或港式特飲，住慣港島物價貴，嚟到呢度食下午茶又覺得幾平喎。叉燒拉麵，要咗炸醬麵湯底，味道比較港式，不過講真$40平時係啲日式拉麵店都唔只呢個價錢，拉麵店至少要$70-80碗。所以覺得呢個價錢已經好值得食。我嘅小息係炸墨魚丸球，剛剛炸起，熱辣辣香脆，不過唔知點解要灑上調味粉，其實唔使調味已經夠好。朋友叫了雞絲米線，雞絲係用雞脾肉，成個面夠晒清淡。另外小食是菜肉雲吞，又係清淡野。飲品叫了一杯珍珠奶茶走甜，一杯檸檬咸柑橘。珍珠奶茶嘅珍珠太稔，差點就要糊開了。檸檬鹹柑桔味道幾好。唔記得咗影相，唔係專業食評人，唔記得食飯前每次都要相機食先，唔好意思！