馬祖台灣養生湯麵館 (和安里)

Open Now

Now Closed

藥膳養生湯農場雞米線：湯底是清雞湯，不油膩，可以當湯飲；雞肉嫩滑；米線爽口滑溜，米線份量可以多加一點；紅棗好甜，有認真處理過（沒有紅棗核）；杞子很多，明目養顏；雲耳爽脆，整體上質素高，特別適合女性，很有養生的功效。

香辣養生湯農場雞(小辣) $66湯底好鮮甜 見到有杞子同紅棗(？) 咸度適中 加埋小小辣度 養生得黎又好惹味🤤米線份量都多 就算食唔哂個麵都想飲埋啲湯雞方面 選用農場雞都好嫩滑 雖然湯底較濃 比較難話食得出雞味 但食得出新鮮

尼間餐廳已經翻刷過好多次，諗唔到食咩就揀佢！尼間餐廳既藥膳做得好出色！啲濃夠濃但唔係咸、好多味精 令人想飲水個隻！feel到個湯底用左好多唔同料去整！啲雞都好滑，我自己最中意叫有桃膠個個湯底餐廳既服務都唔錯，想lunch hour去試食既朋友 要早啲排隊 因為餐廳入面既位置唔多 基本上繁忙時間都需要排隊的美中不足係佢外賣既話份量會比堂食少左…大胃口既朋友未必夠飽 我本身比較細食 食哂成碗面都只係覺得啱啱好夠飽的

又係食晏時間，每日其實揀食咩都真係幾頭痛下，今日就來到蘭桂芳前面條街裡面搵食，呢間野呢比我既感覺就係食完一次可以一排唔駛食，點解咁講呢，因為佢所有餐都係一個味道既啫，就係紅棗藥湯味啦，其實我無話唔好味，其實食落去係好味既，但有時食得多同一樣野都悶啦，所以建議下可以有其他款俾客人選擇會好d囉，今日叫左 香辣養生湯白菜豬肉餃米線，66蚊呢個價錢中環來講算合理，湯既味道係濃濃既 紅棗藥膳味囉，個餃呢不過不失啦，有五粒，就係肉少左d囉， 希望下次再試會好d啦

今晚喺中環好夜收工，想快快脆脆食完晚餐返屋企。呢間雖然之前已經食過，但係唔知點解覺得經過聞到啲紅棗味好濃好香，就入咗去啦。今次叫咗藥膳養生湯墨魚春卷拼白菜豬肉餃米線，同上次一樣，啲料好足，湯底都好香，亦都冇上次咁油膩！

以前係台灣食過麻油雞，所以想係香港試下，結果比我揾到呢間餐廳，結果就食左好幾次，有堂食，有外賣。以外賣自取黎講，由落單到拎得既速度都幾快，每次由公司行去餐廳就即刻有得拎。拎翻公司之後，啲湯仲係熱辣辣，啲料都算多，同事食牛肉麵，佢都話多到食唔晒。味道方面都非常豐富，完全唔會淡而無味，就算係外賣，都冇任何影響，而且會好想飲晒所有湯。可以試下轉手工麵，對我黎講特別好味。非常值得一試既一間養生餐廳，可以每個月都補下

星期日晚經過，成條街都冇乜人，見出邊有啲落雨，就入嚟食米線啦。叫咗個藥膳醉雞湯米線，$65勁大碗，d雞滑身，好重紅棗香味。連啲米線都好入味，但係就覺得湯底油咗少少，同埋偏鹹。另外就係唔知點解入邊嘅冷氣開到好凍，所以等嘅時候就越坐越凍，突然間來一碗好熱嘅湯麵，果下真係覺得好幸福

行完山帶朋友嚟食，想食啲「濕濕地」嘅嘢，就嚟咗呢度啦，之前已bookmark咗呢間，想試特別啲嘅米線。第一次嚟。藥膳墨魚卷豬肉餃米線：鍾意佢嘅米線因為米線掛湯，好入味。紅棗好甜。湯我都飲咗幾啖，飲嘅時候覺得唔會太鹹，不過食完之後都有少少口渴。墨魚卷同埋豬肉餃都冇乜特別，一般啦。其實叫呢兩個餸因為我唔想食雞或者牛丸。同行嘅朋友都覺得好味。另一位朋友話如果有得配埋一杯中國茶會更好。（唔想飲一樽樽冷泡茶或者紙包茶）中環星期六食過60幾蚊嘅lunch都算係咁啦，仲坐左成個鐘（食完冇俾人趕走）

搵搵下餐廳for lunch，見到呢間主打藥膳湯、蟲草花雞嘅餐廳，腳步就慢慢咁行咗入去😆😆😆試下嚟一個養生嘅lunch🧘🏻‍♀️🧘🏻‍♀️🧘🏻‍♀️▪️蟲草花藥膳農場雞 $67 (配白飯，可轉米線)蟲草花爽脆但帶有草青味；農場雞雞肉嫩滑唔韌；藥膳湯有啲油，見有杞子同紅棗係湯度，味道帶有甜甜地，配白飯變湯飯，但愈食感覺到有啲口渴🫣🫣🫣▪️藥膳養生湯墨魚春卷配白菜 $65 (只可配米線)呢個藥膳湯多咗木耳，湯底較另一款清淡啲啲。墨魚春卷幾彈呀，唔錯喎👍🏻👍🏻

重油到咁啲評論仲話佢養生😅😅🥲味道都好一般2個都係咁粉又唔吸湯味 隔油都隔唔晒 唔會再食飲品方面問拎水 話要比錢所以買左野飲 一般 茶包黎見評論話不錯…. 又比人呃左希望下一個見到我既評論同真實圖片啦🙃

Today I went to 媽祖養生湯麵館, ordered the 醉雞米線, the bowl was very big，紅棗is a bit 甜，茶飲is a bit 貴，overall so and so

本來諗住簡簡單單食個譚仔🤣不過醒起附近有呢一間米線感覺而家要養生所以帶咗個朋友嚟食 我叫咗個藥膳農場雞配飯 $65之前你食過呢一間呢就係米線 其實都唔錯嘅亦都有試過佢哋嘅手工麵不過今晚想食飯另外叫咗個雞翼雞翼就普普通通 $39 飲咗個湯都唔會覺得好口渴原本想去食譚仔 不過諗諗吓都係食清啲好😂要養生 同埋喺蘭桂坊附近啦呢一間性價比都算好高平時晏晝都會大排長龍 今晚我諗七點到啦都開始多人 走嘅時候已經人係外面排緊隊！

一直以嚟都好想試呢間主打養生米線嘅鋪頭，不過次次午市行過都比佢個條長長嘅人龍嚇怕。個晚見咁啱夜晚8點左右收工，就諗住去撞下彩，睇下可唔可以排到隊食下養生米線。好好彩，個晚去到門口都係得2個人等緊位，即刻決定個晚嘅晚餐就係呢間餐廳度解決。排咗大概15分鐘隊就入得去，雖然餐牌上有好多唔同口味、好吸引嘅米線款式，但個晚真係好想食麻油雞，所以即刻落單叫咗碗藥膳麻油雞米線。落咗單無耐，大概5分鐘左右，一碗好大碗、熱辣辣嘅藥膳麻油雞米線就送到枱上。碗米線一放低喺枱面上，一浸好香嘅麻油同紅棗味即刻撲埋個鼻到，同時視覺上亦都被出手大方、份量十足嘅紅棗震撼到！第一啖試飲啲湯底，雖然就咁望落去碗湯好似好油咁，但飲落去一啲都唔覺得油膩，紅棗、桂圓同枸杞味好重，亦令到啖湯恰到好處咁甜，成啖湯好順暢咁就吞咗落食道。雞就有4件，肉質非常嫩滑，唔會覺得乾爭爭或者鞋口，好易咬開啲肉，雞肉味都足。米線就不過不失，都尚算彈牙。於是乎，一碗咁大碗嘅米線就比我一啖湯、一啖米線、一啖紅棗、再一啖雞肉咁喺15分鐘之內解決咗。雖然碗米線入面有好多紅棗，但成碗米線真係好食到我唔想停口，最終我將啲紅棗全部食哂，一粒都無放過。概括嚟講

本身今日既選擇吾系佢🤣 但因為有啲吾舒服想食下熱食/湯面 所以最後揀左佢🥰今次叫左藥饍麻油雞米線 佢會湯同面與雞分開咁樣幾好 倒左部分湯落面到之後 我會飲埋剩低既藥饍湯配料有木耳同芫莤 吾好芫茜既我會夾走佢地先落湯🤪 雞既麻油味都出 飲湯個時麻油味都出到黎 又好夾 😋😋😋湯方面 就咁望既話材料有杞子紅棗桂圓 飲落有當歸味 相比上次鐵行里個間個人偏愛呢間 個湯味濃郁啲 同埋會帶有少少甜🤓

馬祖台灣養生湯麵館🍜又到了吃米線的時間，所以這次就選擇了這間試一試，馬祖台灣養生湯麵館😂藥膳養生湯農場雞米線：非常重的藥膳味，也看到很多養生的配料，像紅棗，紅棗味聞的時候也是特別的重,但是吃下去不會太重所以對我來講是lucky😚米線爽口和湯一起吃下去不錯😆份量也很多所以吃到最後非常飽🙈我覺得是值得一試，因為在中環算是比較便宜了🤤但是如果你不是很習慣紅棗味就可能不會太適合你了🙈。。。。。。。。。。。。。。。。。。。。。。。藥膳養生湯農場雞米線：$65餐廳：馬祖台灣養生湯麵館 Overall (Out of 5): 🔆🔆🔆地址：中環和安里6-7號聯安樓地下及M樓