馬祖 (形點 I)

Open Now

Now Closed

戲院重開, 急不及待一個人馬上入場，散場見餓去下午茶。路過馬祖麵館，有麵餐（原來不只做火鍋的）二話不說，即入。平日下午人客不多，服務員偏偏帶我搭坐一張四人枱(己有一人在食)，左右枱亦都有人雖說疫情暫緩但進餐要除口罩嘛...「吓！唔坐嘞」便轉身走人，店長即時建議我選坐其他空枱； 一早咁咪好囉。服務打了折扣，坐下叫了一客最平宜的「藥膳養生湯雞(選吃新竹米粉)」飲品黑糖薑茶(好在冇貨,原來只是罐飲）轉叫熱奶茶。鷄米一上 “嘩！” 好大碗... 米粉，好多紅棗，芫茜一撮，杞子幾粒，黑木耳幾小片，鷄只有4小塊（見圖）那4塊鷄件味道OK，湯底藥膳味OK。新竹米粉浸泡湯後真心好味嘅，雖餓但也食剩，實在太多呀，紅棗也沒有食。奶茶港式無特別，一般啦！56元OK啦, 鷄件多一两塊，服務向道由顧客感受出發，評分會高些。

90分鐘台式一人鍋放題🌟🤙🏻美國極黑和牛肩脊肉🤙🏻西班牙伊比利亞黑毛豬👍🏻極上生頸脊👌🏻Prime Grade肩胛肉眼👌🏻西班牙無激素豬肉片（🤙🏻正到encore、👍🏻好味、👌🏻普通)4個女仔試3款湯底：☝🏻藥膳田園番茄濃湯 *濃到最快燒乾✌🏻藥膳花雕清雞湯 *有酒味🤟🏻藥膳蟲草花桃膠雞湯 （排名由高至低） 任食Movenpick 雪糕、仲有微熱山丘嘅鳯梨雪糕😍😍4位大人$1,232

上網見到咁多人讚…就不停同屋企人講想去食呀聽講好好食架…好多人讚架！好啦…即刻星期六去食，2大2小，入門口時就揀左$208（+$10星期六）價錢既牛一坐底即上湯底…出去攞嘢食一出去真係嚇親…種類少到離譜…丸丸同丸係多數心諗：算啦～可能d肉好好食啦！返埋位即刻烚左幾塊牛肉！我個心「嘩？佢真係硬過我條命喎…唔係講笑」另外佢係冇鴨血…要另叫$10（鴨血3片+蜂巢豆腐3粒）勁咸………………好失望～成餐火鍋越食越咸…加哂湯…唔點豉油都好咸同行另外三個人都話食物唔好食…選擇真係太少…完全唔值…真係好失望結論我成餐飯都好後悔……上網睇既食評到底真定假…點解咁既質素會比人讚成咁…$8xx唔係貴，但至少希望可以食返有基本質素既食物我個人就一定唔會再食～因為至少同一價值可以有其他好少少既選擇…

疫情期間已經多次叫馬祖嘅外賣覺得佢價錢合理份量又充足，而且藥膳湯底感覺好健康。每一次我都係食佢嘅蟲草花藥膳農場雞米線佢哋個湯底10分足料，見到有紅棗、杞子等，味道好濃，感覺好養生。而且配料都好足，有大量蟲草花同埋雲耳，而雞件每次都好滑，而且雞件大大件好多肉。如果叫外賣佢哋會分湯，我成日都唔到晒個湯落米線度，咁可以就咁飲個湯。因為個湯落咗落米線後就會淡味左，如果就咁飲就香口好多。如果係夜晚做外賣自取仲會有折扣。

爆漿溶岩芫茜火鍋火鍋任食，多款台灣藥膳的湯底，但被芫茜爆漿吸引了！喜歡吃芫茜的，一定會好開心！👍🏻90分鐘任食放題，一人一鍋，五點前離座可人頭費減$20湯底選了《爆漿溶岩芫茜湯》和《藥膳台灣麻辣湯》（中辣）《Prime Grade牛肩胛肉放題套餐》$208Prime Grade牛也不錯！鮮紅色！肉質也很幼嫩！好吃！除了牛肉，亦有西班牙無激素豚肉，厚度適中，品質也不錯呀！👍🏻👍🏻點上沙茶醬去吃，特別好吃！😂自助區方面也很足料，多款食材任君選擇，有台灣腸、台式沙茶牛肉等等，飲品和雪糕也有大量選擇！👍🏻👍🏻👍🏻總結：芫茜愛好者必去！不過吃完會比較口渴！😅

呢排疫情，好多餐廳都冇開，突然間好想去食靚牛肉，諗住火鍋又好、烤肉又好，總之係牛就ok😂😂，點知Yoho mall 連續行咗三間先搵到呢間有開，所以都唔理價錢，點個和牛火鍋放題（午市$318/人），滿心歡喜諗住下晝都可以食餐好嘅，也支持一下食肆。坦白講，而家咁嘅經濟，呢個價錢絕對唔係平，但係食物同服務就遠遜預期，令人非常失望。一坐低，好快就上咗個湯底，同埋放題所包嘅和牛同埋黑毛豬肉。先講食物，和牛放題內嘅「美國極黑和牛肩脊肉」肉質非常軟冧，肉味雖然一般，但係淥幾秒，就可以放落口，算係入口即溶，唔錯，愛牛肉人士應該收貨，呢款已經係套餐內最好食。另外兩款牛肉：「極上牛肩脊」呢款雖然肉質比美國極黑和牛差少少，但係牛肉味比較濃郁，都OK，值得一試。最令人失望嘅就係「Prime Grade肩胛肉眼」，肉質好鞋身、零脂肪、肉味亦一般，呢款完全可以唔試，不用浪費quota。服務方面，真心講，估唔到係而家呢個經濟環境、午餐價錢$300/蚊會係呢個服務！每位呢個時勢會差到咁但係之後要追加食物，簡直係可以用痛苦黎形容，我明白而家好多餐廳人手唔夠，但係真係可以等好耐，都唔會有侍應走過來睇吓客人張檯有冇需要，

▶️大家聽得多馬祖應該係無限時打邊爐任食，元朗呢間唔係無限時，但之前食開都係打邊爐，入去食麵都係第一次🤣香辣藥膳牛肉手打拉麵🌶️🥩🍜超級大碗麵🍜第一啖湯入口都幾辣🌶️食真啲原來係勁麻，個湯底麻辣味足🔥麵就正常爽彈，配埋麻辣湯底係幾爽👍牛肉🥩係牛腩，煮得夠淋唔會韌，啖啖肉🤤麻辣鴨血拼凍豆腐🧊一嚟到見到咁少覺得唔係好抵，但食完就覺得正🤣兩樣都勁入味，個汁係麻辣加咸香，好惹味，會忍唔住想係咁食😋🌟仲有食咗少少蟲草花藥膳農場雞米線🍜幾清新同有藥膳味👍開頭見到六七十蚊一碗麵仲要加一覺得唔係咁抵，但佢嚟到真係好大碗同好足料，味道都幾好，對得住個價錢👍

藥膳台灣麻辣湯底藥膳台灣麻辣湯底的味道十分濃郁，麻辣香味重，非常推薦，絕對值得試一試，打邊爐一流。西班牙無激素豬肉片西班牙無激素豬肉片十分新鮮及嫩滑，可以試一試。火鍋配料火鍋配料新鮮，供應量充足，蔬菜選擇多 質素非常差。

The service is quite disappointing. The waitresses kept chasing us to return table and finish diner. I had told them we still had time and needed to finish the ice cream on hand. But several waitresses kept coming and asking us for payment. They even printed duplicate receipts for us. I provided the feedback to the deputy manager on site but he just asked me to leave my number and note on a white paper. It just ruined my dining experience on Christmas… on the food side, the soup and ingredient a

老公想食火鍋，咁啱見Yoho Mall有一間藥膳養生鍋，冇得訂位星期日怕多人，今日特登早啲嚟試。11:25am左右到，唔駛等即刻可以入座，喺門口先要揀定食咩餐同埋要咩湯底，每枱要揀埋同一個餐，一人一鍋就揀自己鍾意嘅湯底，湯底我哋揀咗椰子雞同埋壽喜燒，餐我哋揀咗牛肉最平嗰隻Prime Grade牛肩胛肉$208。坐底好快湯底就到，跟住每人上一份牛肉同豬肉，要再加就同佢講，出邊基本嘢都有，腸仔，丸、菜，響鈴，豆卜等等，飲品選擇都唔少，甜品就有雪糕雪條，有貴價Movenpick 。呢度最值得一讚就係佢哋嘅服務，個個都好有禮貌好好笑容、reorder嘅牛豬肉上得好快，雖然呢個係最平嘅牛肉，但係肉質都唔錯，湯底味道都唔差，05:00pm前仲可以每人減$20，算抵食，一定會再嚟。

今日放假陪媽咪拜完神就去咗yoho打算飲茶，點知太多人等位，就轉移目標入咗嚟呢間馬祖食午餐，當時店內唔多客人，所以好快就可以入座了。一坐低就聞到好香的麻辣味，火煱味，但我哋就點左午餐，叫咗藥膳番茄湯農場雞，可以改轉新竹米粉，是免費的蕃茄湯好濃，仲有一粒粒番茄添，仲叫咗黑蒜藥膳濃湯雞米線，個湯真係好好好味，上面有芫荽，雲耳仲有好多紅棗，小食點咗麻辣鴨血，一碟六片！整體餐廳環境算乾淨的，熱水温水任飲（自助），食物都唔錯，算足料抵食

性價比高的一間放題店 肉叫了十碟後還很新鮮只是配菜 款比較少 但甜品方面 幫補了不少 加上一人一鍋湯底 也是他特別之處 是不錯的選擇環境也算大 坐得很舒服 希望大家食完也有驚喜吧

路過形點打算吃午飯,碰巧經過這間沒有嘗試過的台式藥膳米線,便入內嘗試一下。餐廳面積頗大,光線充足,座位也尚算舒適。由於是早上11點,餐廳人流不算太多,侍應的態度也友善積極重點是米線的質素,因為當日想要吃得比較清淡,便叫了一個蟲草花藥膳農場雞米線（$58）加一杯餐飲（+$6）可能因為客人不多，所以米線很快就上桌。湯底清甜，鮮味濃郁。雞件肉多，骨不太多，值得稱讚。米線偏硬，適合喜歡有咬口的朋友。另外有大量蟲草花和紅棗，看起來也很補身。最後結帳需要加一，需要留意一下。

假日夜晚真係唔使諗，超難等位，尤其有左消費券等位等到仲痴線。今日就晏晝黎，見都係好多人就行下商場先返黎，行一行估唔到三點先返，ok喎即刻有得入。食個最平嘅牛豬餐，呢個grade嘅牛都ok啦，要求唔高嘅其實已經好好食。個個都叫唔同湯底，幾款都好味，個花雕頭個陣啲酒味真係好香，不過三十分鐘到已經揮發晒變返普通湯底。個麻辣湯比想像中辣，食肉都ok嘅，但食菜個啲吸湯太多超辣，同會一口辣椒核。其餘個壽喜燒同桃膠雞湯無乜特別囉。飲品同雪糕都好多款，可以任食正呀～

一入去發現個爐唔著已同職員講職員懶理不理到等左十幾分鐘我開始不滿職員先肯換爐前後等個爐著等左足足廿分鐘跟住同貌似經理投訴要求佢地補番時間佢第一句係話都要埋單先跟住我地再話係佢地問題佢先解釋話因為唔埋單要加錢因為計時 要埋左單先再補時間咁其實一早答我地可以補番時間再講埋單先唔得咩？聽落勁令人躁…中間換爐時有個岩岩带位既哥哥仔都有加入佢態度都真係麻麻換爐時佢叫我：出黎先好似命令個客咁其實我覺得黎呢間野食野真係好受氣呢間野其實相對其他唔係平甚至都偏貴但佢對比其他同類既服務質素真係爭好遠我都成日食好多間同類打邊爐餐廳但第一次受到咁對待反而細既員工相對有禮貌似係大位既o個幾個真係服務好一般仲比我聽到佢地口up up討論我單野好似覺得我好無理咁有個見我換完爐都唔著仲o係度笑我換完爐後個爐都係咁關我前後開關左十幾次完全心情勁差真係未食過一間咁差既餐廳我除左雪糕都無出去拎過野完全食到一肚氣而野食都少種類同好一般真心唔會再去貼錢買難受雖然佢最後比左9折我臨尾補句唔好意思但感覺似佢怕我投訴先咁做因為由頭到尾我無聽到員工有任何一句「唔好意思」淨係埋單時講句咁即其實爐唔著本來就唔會咁嬲係d職員既態度令人更嬲食