德昌里

Open Now

Now Closed

趁復活節長假期帶屋企三個嘴刁人到油麻地呢一間小店，喜歡喺橫街窄巷搵珍寶嘅感覺。入到去店面唔大，但可以坐到我哋一家四口。睇menu 好似樣樣都好好食。點好餐，老闆娘一個人，逐個精心炮製。好有返屋企食飯嘅溫暖。叫咗佢哋嘅醬油飯、滑雞太陽蛋咖喱飯、肥牛烏冬同豚肉滑蛋飯。醬油飯冇油膩感覺好香醬油味又唔鹹，配埋個雞扒同太陽蛋，旁邊仲配有乾香蒜。睇得出仲食得出好有心，阿女食咗咖喱飯，咖喱唔係太辣有甜味，小朋友都食到😋，仲食咗少少daddy個烏冬。我哋四個人差唔多輪流食大家嘅嘢🤣，我真係可以樣樣都試，樣樣都超出預期。咖啡☕️令件事更加圓滿🥳佢all day breakfast 同下午茶啲小食都好吸引。期待下次🥰

自製咖喱汁真是好好味，辣中帶甜，食物配搭十分好，食過雞肉，嫩滑可口！店面雖小，只有四個位，店舖設計也沒有什麼主題，但每樣擺設都很有意思很可愛，令人能夠放鬆心情會心微笑。想不到飲品也是10分好，只是過咖啡及朱古力，用咖啡豆炒煮的咖啡香醇，朱古力加棉花糖，小朋友自愛！有時老闆娘要一腳踢，食好西是值得用心等待，進來就是放慢腳步，品味人生！

Mark咗好耐，上年年尾終於試咗第一次食完之後就同女朋友一得閒就encore 數唔清究竟試咗幾次 🤌🏻 4.5/5🥹🤩次次都嗌意粉、醬油飯或者咖喱飯食物質素好好 老闆用心經營 😋😋😚價錢合理，冇加一店內乾淨企理 不過店內冇太多座位 有一次直接嗌咗外賣之後出店外食 老闆娘好好咁加咗兩張凳俾我哋🙈間唔中會轉餐牌 唔同款式意粉都係咁好味醬油飯調味好n好香口 咖喱飯小辣惹味牛乳紅豆冰jengg！！！好難言語形容佢嘅魅力 要親身體驗先知道不過試過咁多次仲未Try佢嘅烏冬 下次一定再嚟幫襯～～

今日係星期日嘅中午12點，店內無其他客人，只有一位女士一腳踢，相信係老闆店內空間較小，只有兩張小桌，四個座位-老闆有人情味，當我坐喺高櫈有啲失平衡時，佢即刻關心我又會主動拎開桌上嘅紙巾盒，以騰出更多桌面空間比我使用-叫咗和風柚子檸檬難煮雞胸炒意粉，雞扒煎得啱啱好，非常香嫩，完全唔嚡口，意粉好滑，唔硬唔軟，帶著微甜柚子醬汁，雖然食幾啖之後會有輕微油膩感，但食返啖檸檬就平衡返，意粉配搭好脆嘅紫椰菜絲、洋蔥絲、紅蘿蔔絲，增加口感層次-加左杯凍美式咖啡用酒杯上嘅咖啡，屬於nutty口味，唔苦，喺炎熱嘅中午品嘗，十分爽-值得支持嘅小店！單從食物質素已經看到老闆嘅用心推薦！

今日剛剛要出旺角，湊住小朋友想食啲好味又衛生既食物，就帶佢地再黎「油麻地隱世小店」叫左幾款未試過既一齊試試佢啦！*鴨胸就食得多「煙燻鴨肉就真係要試試」*醬油飯啦（嘩！一聲好正！）午餐（1130-1430）及晚餐（1800-2030）時段供應1號 香煎櫻花蝦海鮮蛋餅配特製醬油飯 $522號 炙燒煙燻鴨肉稻庭湯烏冬 $60講1號仔個櫻花蝦海鮮蛋餅醬油飯先個醬油飯好好味感覺有啲似鰻魚汁咁甜甜地，個海鮮蛋餅𥚃面都有啲墨魚仔、蜆肉、魷魚鬚、蝦等等，整體我太欣賞個飯！再講2號仔個炙燒煙燻鴨肉湯烏冬湯底味道十足，兩片蛋甜甜地，最緊要以為件鴨肉好肥好膩，但原來唔係，經主廚炙燒製作後竟然又香又有咬口，完全同我所想不同，一口愛上最後當然叫埋甜品啦！伯爵茶生芝士蛋糕 $34Tiramisu 意大利芝士蛋糕 $32原來下午茶時段會送飲品𠻹！

p1 咖啡味同朱古力味平均 好好飲p2 紅豆好足 紅豆味唔影響咖啡味 非常好嘅配合p3 炎炎夏日食嘅冷烏冬 好解暑 炸蝦外脆內軟p4 柚子味好特出 鷄胸口感軟熟彈牙 唔會太乾又多汁整體食物外觀好睇令人好有食慾 味道又不失水準 讚讚😋

喺油麻地果欄附近嘅一條窄巷，有間只有4個座位嘅隱世cafe，食物質素好有驚喜🤩 想有質素嘅小店可以有更多人支持，記得follow, like & share💕.除咗食物定價好親民，淨係呢個咖哩飯已經令我想再encore! 飯預先加入咖哩汁撈埋一齊炒過特別香🤩 仲有靚到震嘅太陽蛋配埋juicy嫩滑嘅唐揚炸雞真係超滿足～.另一款係爆汁芝士漢堡扒bagel！切開就見到超厚juicy嘅漢堡扒，整體調味易入口，唔會過鹹！啤酒薯幼身好脆卜卜😝.嗰日唔想飲咖啡，所以飲咗最中意嘅紅豆冰，呢度用嘅係4.3牛奶唔係椰汁，加埋綿密紅豆，唔怕甜真係可以試下呢杯嚟重拾童真～.整體呢間係會令你想再翻兜食齊menu上嘅嘢，睇下仲有咩驚喜😋.價錢參考爆汁嫩滑雞太陽蛋飯 配自家咖哩汁 ( $60 )120g重量級洋蔥漢堡扒貝果包配啤酒薯( $68 )*加$10鮮檸檬茶/玫瑰伯爵茶/可樂*加$12美式咖啡*加$16拿鐵咖啡/卡布奇諾/4.3鮮奶紅豆冰

隱藏小巷裡的一間小店，地方細細，堂食座位只有4個，由店主一手包辦，菜式同咖啡都用心製造，食物款式簡單但食得出心機，最重要一腳踢情況下店主都親切有禮芝士漢堡扒太陽蛋飯配自家咖哩汁漢堡扒用雞肉同豬肉製成，肉汁豐富，加上中間濃濃芝士湧出來，再有太陽蛋加持，蛋汁再撞上咖喱飯，少許微辣，視覺味覺享受香煎櫻花蝦海鮮蛋餅配醬油飯即叫即整，像芙蓉蛋做法，但餡料卻是多姿多彩嘅小海鮮，有小蝦仁，墨魚，蜆肉同櫻花蝦，爽口彈牙，配埋粟米粒同炒過嘅醬油飯，口感豐富，另有一番風味最後還有杯驚喜熱黑啡店主選了單品，偏fruity，正合心意實在難得，悠閒的一個下午

軟殼蟹沙律是一道結合了海鮮和蔬菜的美味佳餚。這道沙律以其獨特的口感和鮮美的味道。軟殼蟹的軟嫩肉質和脆爽的外殼，搭配新鮮蔬菜和特製醬汁。外觀：這道軟殼蟹沙律的外觀極為吸引人。新鮮的軟殼蟹被炸得金黃酥脆，外殼上散發著誘人的香氣，令人垂涎欲滴。蔬菜被巧妙地擺放在盤中，增添了色彩的層次感。沙拉醬汁另上，因應食客的口味可自己隨意選擇多少將醬汁淋在蔬菜上，為整道菜色帶來了豐富的視覺效果。口感：當你咬下第一口軟殼蟹時，外殼的脆爽，你會感到軟殼蟹肉的嫩滑和鮮甜。搭配著清脆的蔬菜，口感的對比令人難以忘懷。完全冇油膩的感覺。味道：軟殼蟹沙律的味道豐富多樣。軟殼蟹肉帶著微咸，與蔬菜的清爽相互襯托。蔬菜的甜味和醬汁的酸味與軟殼蟹的鮮味相融合，構成了一道平衡美味的組合，我覺得每一口都充滿驚喜。總結：如果喜歡沙拉，這裏的牛油果軟殼蟹沙律絕對不能錯過的美味選擇。小店除咗美食外還充滿人情味，你去過就會感受到。人生第一次寫食評希望店主可以繼續將佢嘅美食和咖啡發揚光大。

德昌里.支持小店系列呢間小店真係好值得推薦！老闆娘十分健談，每次去都有濃濃嘅人情味，十分有心機去設計每一個菜式同埋飲品。坦白講，小編第一次見佢新開張，就叫咗一個早餐炭燒雞扒三文治$40，加$6餐飲可以轉ice latte，點知俾佢嘅咖啡驚艷到！套餐嘅價錢都係$40-$60內，諗唔到有咩原因唔支持！.🔥自家咖喱芝士漢堡扒煎蛋飯 $55 ⭐️9/10⭐️呢個小編主推主食，店主好有心機將飯同埋咖喱炒埋先上，而唔係就咁一個飯加上咖喱汁！芝士漢堡扒同埋煎蛋都好送飯，食完大滿足！.🔥煙三文魚牛油果沙律 $52 ⭐️8/10⭐️健康之選，重點價錢十分抵！出邊一般都起碼一倍價錢！.🔥自家咖喱炸魚柳煎蛋飯 $42 ⭐️8/10⭐️同樣係飯同咖喱汁已經炒起上，魚柳酥得好酥脆！.⭐️重點推介⭐️ Latte⭐️就係最驚艷小編既咖啡！早餐轉latte 都係加$6 小編第一次就係飲呢一杯咖啡被吸引了！店主係用單品咖啡豆！而且咖啡機都係專業整espresso既機！真心講平時出去飲一杯咖啡都差不多$50 呢度係連埋嘢食有一個咁高水準嘅咖啡都係$50！加上老闆娘十分nice，濃濃的人情味✨ 十分值得支持的小店💓

德昌里 - 住油麻地嘅沒理由不知道此小巷。德昌里 - 舖名。 一間有人情味， 有 coffee 但有飯，有烏冬 ……（可以飽肚且價錢人性化）的小地方。大家去開油麻地，去開果欄， 想hea吓，可以嚟德昌里。

今日同朋友去油麻地果欄，就順便去左附近呢間Cafe試下店裏只有4個座位，由老闆娘一個人製作食物和咖啡。但速度都幾快，10分鐘左右，食物就上枱了。我自己叫左一個套餐。自家咖哩芝士漢堡扒煎蛋飯 $40加配 凍美式咖啡 $8加配 水牛芝士條 $15飯全部都沾滿咖哩汁，亦加了粟米粒。咖哩有好微嘅辣味，係我接受到的程度。我最滿意 漢堡扒切開會有芝士流出黎，都幾開心。水牛芝士條 炸得幾脆，亦夠熱。凍美式 微酸，都幾岩我口味。如果再經過，我都會買杯美式外賣。朋友只叫一杯熱拿鐵咖啡，$34朋友話牛奶味較重，咖啡飲落口不會太酸。咖啡温度足夠，奶泡不會過厚。試完咖啡，同老闆娘吹左幾句。知道佢係用單品咖啡豆，埃賽俄比亞。以用單品豆黎講，咖啡性價比都幾高。始終外面叫單品豆，至少都$50起。如果大家中意飲偏酸黑咖啡，我都幾推薦大家黎試一杯

唔顯眼嘅小巷，靜靜嘅環境，夜晚時微光嘅門口，卻遇上濃濃嘅人情味；有美食、靚啡、甜品！看似簡單嘅menu, 但味道食得出係有要求嘅水準～住咗係油麻地3年幾，終於有一個地方可以比我享受一下慢食文化，唔係只有2餸飯嘅選擇！健談嘅老闆娘（我覺得係～），大家可以互相交換生活嘅故事，遇上一間可以交流、傾偈嘅小店，可以放底電話，享受食一餐飯嘅時間，其實，有時生活就係要呢種安然自在，交心有時；吃飽有時。最鍾意嘅係「全日早餐」，比起我係西環返工偶然先敢去Cafe豪食嘅All day breakfast, 真係半價嘅價錢但係西環嘅級數。最驚喜係「咖哩汁芝士漢堡煎蛋飯」，連白飯都要用咖哩處理過，但又唔會油淋淋，對於我呢啲腸道敏感人士，終於可以安心食咖哩！跟餐揀嘅凍美式咖啡都好有儀式感，第一次用紅酒杯飲咖啡，又幾有趣～係忍唔住要電話飲先，先影為敬！之後飲過「咖啡通寧」，攪完之後嘅厚厚咖啡泡，入口有啲似飲緊黑麥啤咁嘅feel，tonic 有少少酸味，但又未去到檸啡咁刺激，呢杯係放假mode之選。

好用心製作，食物質素相當唔錯，烏冬用上我至鍾意嘅真打，真係有驚喜！青檸梳打成罐上，老闆好nice! 同行嘅朋友話佢哋嘅咖啡好得，可惜我唔係咖啡愛好者😅 值得推介！！

下午茶。行元果欄好攰， 好肚餓， 帶住小朋友盲舂舂咁過左對面， 慘啦， 好似無野食。。。。。好彩見到呢間德昌里！門面新淨，有位，最緊要望一望餐牌， $38 有飯食， 掂！自家咖喱芝士漢堡扒煎蛋飯超抵食， 飯量足夠， 咖喱味道係日式同茶餐廳之間， 微辣， 芝士漢堡扒入面係流心芝士！ 太陽蛋係靚的！ 流心 + 無穿！ 無穿！ 無穿！（重要的事要講三次）， 要熟可以同老闆娘講。跟飯加 椒鹽炸軟殼蟹$30 ， 單骨雞翼$15呢兩款熱辣辣炸好，味道good！雞翼都系微辣的。因為咁岩小朋友唔食得辣， 最後叫多個煙三文魚牛油果厚多士$48 連飲品。賣相一流， 味道good！ 多士外脆內軟❤️咖啡。本人非咖啡控。味道OK！ 最緊要有拉花～ 見到就開心～ 心情舒暢～ 打卡正～呢間小舖老闆娘一人打理， 坐位唔多，外賣為主，打卡位。老闆娘知道我小朋友唔食得辣， 都私人醒左杯 Babycino。今次係叫突左野食。 total $131. 因為無預小朋友食唔到辣， 否則兩個人$90有找。真心抵食！