德發牛丸粉麵

Open Now

Now Closed

星期五晚上，同屋企人到尖沙咀海防道熟食中心，著名的德發牛丸粉麵，專程試吓佢嘅牛丸麵，仲因為雙拼只得兩粒牛丸咁少，所以只係要淨牛丸麵，諗住佢啲牛丸真係好彈牙、好有牛味，點知相當失望，比起超級市場嘅雪藏貨味道仲要淡，而且似乎啲牛肉（如果有用）都唔算好，size好細粒下。至於嗰啲麵，就更加差，因為有好重嘅鹼水味，明顯所用嘅並唔係雲吞麵嗰種麵，而係最普通最普通嗰啲鹼水麵，份量就幾適中，唔算多，亦都唔算特別少。至於個湯亦都算OK啦，唔係太鹹，都有啲味道。不過因為今次試食嘅最主要目標，就係佢出名嘅牛丸，所以啲牛丸唔能夠令人有驚喜，甚至應該話連合理嘅期望都達唔到，咁就相當之失色，而且呢碗牛丸麵嘅牛丸既然唔得，連麵嘅質素都唔好，唔係普通唔好，而係你食到最後嗰一啖就會覺得成口都係鹼水味，質素真係唔得，$42一碗價錢唔算貴，但係令人覺得物有所值嘅機會就好低。

之前睇YouTube見到人介紹過呢個熟食中心，對於呢個牛丸有興趣。第一次去嘅時候唔知中心冇開定我唔識路，係搵唔到入去嘅，到第二次經過再嘗試去搵終於搵到！翻新咗既熟食中心其實都好現代化，比想像中乾淨好多，又光猛，反而係入去條路經過街市就有啲濕污糟。當日唔係好肚餓，純粹係經過又想試，所以就叫咗碗淨牛丸。上菜速度都好快，落單冇耐就煮好有得食。牛丸質地相當之爽彈，可能都算係我食過最彈嘅牛丸，不過就覺得冇乜牛味，亦都唔太Juicy，就係一粒彈彈嘅肉丸咁。湯都正路冇乜特別，特別嘅大概係呢個地方同風味。

喺尖沙咀返工，有時lunch想簡簡單單一餐🍽️， 魚蛋粉麵🍜係一個非常好嘅選擇，腦海中諗起海防道街市熟食中心有間出名🐮牛丸粉，雖然天氣好熱又冇冷氣，不過有好多把大風扇🌬️再加上通風幾好，都算可以接受😄心大心細又想食牛腩又想食牛丸一碗叫碗雙拼河粉多葱， total $42蚊💰牛丸彈牙牛腩夠腍入味 河粉都好滑呀👍簡單lunch嚟講，絕對合格🈴

德發牛丸就聽過好耐，大熱天時，想會無咁多人，經過就試下啦！牛丸牛腩米42元，牛丸得2粒，但是帶濃香的黃牛肉味，彈牙爽口。牛腩太瘦了，又唔大舊，有些碎腩的感覺。德發都有茶檔，加12蚊要左杯凍奶茶三少，剛上枱時那一口，都是久違的錫蘭溝茶葉的味道，可惜飲到一半，冰融後便淡味了。共54元，計味道是可以下次再來，試其他食物

味道同以前一樣，不過雙拼只有兩粒牛丸，太少了😨。湯底有水準，牛筋好味，腍而不爛。牛丸與以前食的味道一樣。希望餸的份量可以增加。辣椒油不用那麼濃，現在的辣椒油似醬。價錢方面可以。

星期日嚟到尖沙咀，難得有小小me time咁就不如去海防道熟食市場啦記得之前同屋企人有時假期會嚟呢間德發食下午茶呢幾年都有過過嚟，轉咗裝修但係食味都係差唔多今日嗌咗個牛雜牛丸河粉

出開尖咀識食梗係去海防道入面熟食中心揾食，遊客區平時食個午餐六七拾起跳，入嚟呢度豐儉由人，選擇都多。去開果間食牛丸明明寫住星期日休息，但今日星期六喎⋯⋯點解⋯⋯？唯有食住對面頂住先。我哋例牌叫淨牛丸，牛筋墨丸河。呢度除咗本哋人，當然仲有大量遊客光顧，所以經常爆棚，但係就算點爆，起菜嘅速度依然好快。牛丸～不錯，基本爽口彈牙牛筋同墨丸河，份量小啲，但墨丸算俾到我驚喜。大牌檔此終都有一定嘅水準，亦保留傳統風味。加埋二杯凍飲，埋單佰蚊零蚊，呢個時勢算係咁。食完行左個圈，順便睇吓有乜其他好嘢食，𥄫到有間食豬扒飯嘅，塊豬扒大到呢⋯⋯預告定，下次再嚟呢度，一定試佢😉

好耐無去海防道食野。今日返去尖沙咀係德發食個晚餐。點咗個墨丸加魚蛋撈麵，加埋杯凍檸茶。總價$70。個撈麵係用蠔油。墨丸好彈牙。好味。魚蛋爽口。魚肉鮮甜。個撈麵好幼。混入靚湯，好味。

尖沙咀通常d 午餐都比較貴起碼都6-70 蚊一餐旅遊區加旺區都冇計呢間牛丸係熟食中心入面同場仲有幾檔茶檔 有食炒野la 豬排la 等等以前就環境比較一般通風差時又非常焗我諗你夏天你唔會頂得順係度食而家裝修完， 環境好左， 通風好左雖然都有d 熱， 不過叫做接受到冬天更加冇影響la一次過叫左牛丸加墨丸牛丸好彈牙， 好香牛肉味自己可以食辣， 會加佢既辣椒油 好刺激， 墨丸都不錯不過兩者之間我就會prefer 牛丸多d 唔怪得都好多上班族同遊客黎食

在2024年第一日，好想支持本地大排檔。由於早一晚，睇番某電視台節目是推廣香港不同地區的大排檔，睇完之後便好想食！第一節便是推尖沙咀大排檔。我好幾年前食過不知邊一間啦，而且當年仲未裝修。今日到此，見到新裝修，感覺較以往企理。即使如此，一入大排檔內，氣氛依舊。充滿了活力和人氣。我們到達時，都過了最繁忙的中午🕛時間，但都繁忙時間尾聲吧！我們都找了一找。先有搭台。先坐定定，環顧四週，參考吓其他食客點什麼🤔！發現都很多人食牛丸粉面。當然，我一心來，都時想試下牛丸。（因為節目有推薦）。1）牛筋牛丸米-牛筋好軟，好入味，好冧身，不錯👍🏻好食😋2）淨牛丸-湯底好好味🤤！牛丸本身都好有牛味，而且都算爽和彈牙。不過友人話，比以前差左。不過，即使比以往差左，都仍然比外面好多牛丸好食的多。兩碗盛為$80

N年前去過海防道食牛丸都覺得唔錯。。。夠彈牙。。。又有牛肉味。。。可惜嗰時未裝修。。。比較擠迫同殘舊。。。所以都有好一段日子無嚟過。。。今日心血來潮。。。特地走來吃碗牛丸河。。。😋😋😋裝修後，燈光都比從前光猛。。。坐得舒適點。。。最主要地方都比從前乾淨好多。。。無咁濕淋淋嘅感覺。。。😁😁😁下午茶時間，又不算太多人。。。不用等坐位。。。✌✌✌牛丸河味道真的不錯。。。湯不算太咸。。。牛丸跟從前一樣彈牙。。。而且食落還有少少陳皮味。。。正！再加上一碗牛丸河有五粒牛丸。。。都係$40。。。真心覺得抵食！

喺海防道熟食中心入面，除咗某間食豬扒嘅餐廳好有名氣之外，其實週圍嘅餐廳質素一啲都唔差。例如今次食嘅得發牛丸粉麵畀我想像中好好多喎，而且價錢又唔貴，都好抵食🤗🤗叫咗一個牛筋牛丸嘅淨食，牛筋炆得好入味但又唔會炆得過火，依然食到佢嘅口感，一口咬落去滿滿都係骨膠原嘅感覺。牛丸嘅牛味非常之重，勁有彈性，一口咬落去，有肉汁喺入面爆發出嚟，真係好食呀。另外有幾條生菜作為配菜喺個碗入面，吸收咗湯汁嘅味道都好食呢😛😛🌟🌟👍🏻👍🏻40蚊就有淨食牛丸牛筋幾化算㗎😉😉🤗

香港嘅大排檔已經買少見少，雖然天氣好熱🥵但係🖤黑白配⚪️都好堅持要入尖沙咀海防道熟食市場食下正宗嘅港式風味牛丸麵！如果朋友仔想體驗吓懷舊港式風味都好推介，呢度有好幾間唔同嘅小店，都係香港特色茶餐廳嘅平民美食👍🏻熟食市場全部都係懷舊年代嘅大排檔擺設裝修，一張張嘅圓枱同埋摺凳，雖然個環境冇冷氣，但係有大風扇，所以都唔算話太辛苦🌞呢間牛丸麵檔都算幾有名氣，細細個已經聽過佢個名😂😂今次過嚟食嘅係回憶😍牛丸牛腩湯米粉 $40湯底有好濃郁嘅牛肉湯味，好鮮甜，🖤黑白配⚪️食完碗麵之後飲晒啲湯😂配料方面牛丸彈牙但牛味唔算太重 ，牛腩炆得好入味，咬落去好林，肉質一啲都唔鞋😍😍😍咖吔多 🍞 $16椰香味好重，麵包咬落去都好軟熟，同埋個醬好足料

10年前黎過 10年後裝修完 今日同朋友專登出去尖沙咀海防道熟食市場打下卡 都知道入邊冇冷氣自己準備咗風扇 不過全場都有大風扇吹住唔覺得熱 朋友第一次黎 佢叫咗去得德發一定係叫牛丸既米粉食 自己就佢叫個牛雜撈麵 牛丸保持水準 多汁 彈牙反而要讚一讚個辣椒油 個人口味覺得同個撈面幾夾 ，牛雜又足料，辣油唔太辣得來又香 好味 加埋杯鹹檸七 同地道奶茶 大滿足本身諗住試埋呢佢地個西多，但係已經太飽啦 唯有下次再嚟啦懷舊歷史既老店需要值得支持 下次會再嚟

尖沙咀海防道熟食中心重新裝修之後，居然茶餐廳嘅質素都保持到，最最最重要嘅係價錢好相宜🥹 (重要嘅事講三次)牛筋牛丸米粉($40)：牛筋好入味，煮得好淋🤤而牛丸我哋食唔出佢係手打定係機做，不過佢嘅質感好彈牙，而且食落仲有陣陣陳皮香味，味道出奇地夾👍🏻牛雜墨丸粗麵($40)：牛雜份量都算正常，而且無異味，味道香而濃，不過如果可以多啲就仲正🤣。墨丸都好彈牙，食到墨丸嘅鮮味🦑 粗麵就冇鹼水味，不過不失啦！食佢哋嘅粉面就記住落幾滴佢哋自家製嘅辣椒油，味道會再上升另一個層次🤩咖吔鮮油多($22)：呢個價錢，俾到呢個質素都冇投訴㗎喇😮‍💨 咖吔味道唔會太甜，唯一挑剔嘅係牛油可以厚切啲🧈🤣天時暑熱入去呢啲熟食中心唔叫凍飲真係對唔住自己🤣❄️而且跟餐叫，嘢飲會平兩蚊雞🥹凍奶茶($18)：茶底唔錯，幾香，而且口感濃滑。甜度適中，飲完之後口腔仲有淡淡紅茶香氣。飲得出唔係用死茶嚟沖👍🏻奶茶紅豆冰($24)：茶底同凍奶茶一樣，我哋呢度唔累贅，估唔到嘅係紅豆冰加埋凍奶茶係好夾，不過食完都幾飽，女仔要留意☝🏻嚟呢度食炸豬扒，可能大家都食過，不過我哋發現除咗炸豬扒之外，其他餐廳質素都唔錯，有機會去試吓啦🙌🏻