德發小廚 (Closed)

開始見到個門口貼左好多雜誌介紹就入去試試!個樣好都Ok~我估佢都幾好味但當我試完第1口後,我後悔入去!焦糖燉蛋~好難食~好冷牙~D焦糖怪怪地食完立刻走~我唔會去第2次

發覺自己實在太肥了, 放工後同老公去游水, 之後去德發食晚飯.老公之前同朋友食過, 話幾好味.今次我地兩人叫了椒鹽鮮尢, 怪味雞, 梳乎裡同朱古力心太軟, 椒鹽鮮尢真係好好味,外脆內軟,好耐都未食過更好食,終於找返小時間長沙灣大排檔既水準;怪味雞幾特別幾好味,最後吃埋兩個租品,梳乎裡一般, 朱古力心太軟好好味, 好濃朱古力味,不過每碟份量也很少,但味道真的不錯, 我會再食, 好味.

好多年未食過咁難食嘅飯盒，咖哩粉加水，開到杰撻撻，杰到可以用筷子夾起半粒方糖咁大舊咖哩汁，最大鑊係咖哩粉未溶得晒，食落有些少沙沙地感覺，有幾恐佈可想而知，豬扒並非宣傳單張一樣嘅煎豬扒，而係慳水慳力嘅漿粉炸豬扒，雪藏到冇味嘅豬扒亦係意料事，特別係炸到好似受左幅射咁，更核突係....竟然唔用薯仔，用炸薯條撈飯，真係九唔搭八到不能接受....如果你問有冇見過咁難食嘅咖哩豬扒飯？咁你真係 無敵了....

與友人一行六人沒有訂位 不需要等 岩晒我侍應哥哥 態度好好 我地第一次黎佢不停介紹 係不停 由我地坐第一刻 已感到佢既熱誠 勁!是日一班餓鬼 未能影相下已吃光了 只能快影甜品叫了-豬紅(侍應哥哥話8蚊雞叫啦,又好味又抵)餐牌無寫架 真係幾入味wo 可能抆左幾日幾夜 浸住左 哈哈~~~避風塘茄子曾經係大埔伍仔記食過 一試難忘 入口多油到爆 但熱氣野係咁架啦!唔通乾到廋咩??大富大貴本人不吃魚 聽友人說 應該無記錯係桂花 佢地勁讚wo~!! 好快見骨 應該真係唔錯炸墨魚餅併炸豆腐又係好味到爆既熱氣野 墨魚餅真係一流,好堅wo!!又彈牙 又入味,襯埋豆腐一流啦, 因為食豆腐可以扮晒清清地咁 實質又勁熱氣~無得頂~~~籠仔梅菜菜遠友人見到隔離有 佢又扮晒野識食 :ed堅過石堅 有個籠仔wo!叫叫叫味道一般 清清地 幾好既 因為食太多熱氣野喇!無骨雞侍應哥哥推介 又係好好好入味 咸咸地幾好送酒 可惜我地唔飲油~哈哈!!隻雞好鮮甜 D肉可能滑過我地成台人~哈哈!!甜品 心太軟 , 梳乎里, 椰絲奶凍磚 梳乎里又話酒店手準?? 哈哈 ,還可以啦,無咩特別~椰絲奶凍磚 下次可以唔洗叫 心太軟 甜得

前菜炸墨魚餅併炸豆腐$108豆豉雞煲$38白飯心太軟$28梳芙厘$22合共$207.00呢度都幾多人食，一心要食埋甜品，所以冇叫好多咸餸前菜個青瓜，唔入味，可能冇出夠水，攬到個汁唔夠味酥炸併好大碟，係將兩碟例牌嘅份量，如果有細碟嘅話，就可以叫多樣餸食，兩個人食完呢碟嘢都飽到死，墨魚餅結實彈牙，炸得香酥，豆腐唔夠豆味，脆漿厚又黏牙即場表演煲仔菜，不過好大陣燶味咁，雞肉唔鞋，都有好多料頭，即係啲蔥頭嗰啲，其實呢啲仲好食過主菜，入味又惹味心太軟個朱古力餡唔過甜，唔會食到好腻口，疍糕個皮薄，食唔到質感，不過已經好有水準梳芙厘以呢個價錢，已經係合格，夠鬆軟，有香味冇疍腥味，唔過甜隔幾日，帶個朋友食心太軟，再試埋過燉疍，呢個就唔好食，好似食CREAM咁，唔滑有啲實，唔得

我同男朋友去食了兩個餸, 心太軟, 可惜差強人意, 雞肉很老, 而魚實在淡而無魚味, 只有食到配料的味道, 水準之下, 心太軟, 可能之前期望太高, 反而是最失望, 送來後都沒有一分鐘, 而開始整個下陷, 裡面夠熱, 但不太甜, 如你喜歡食不太甜的而要求不高, 還可以, 但我之前有很高期望所以失望了......最激氣的還是最後落番樓下付錢的時候, 廚師叔叔態度差劣, (可能因為我男朋友已經出了門口) 我還手握著錢他已立即等不切的一手將我手上的錢搶去, 再很快的將找續塞番落我手度! ! 重要眼尾都冇望過我, 亦連最基本的多謝都沒有! ! 這個是什麼人 ! ! 比侍應更差 ! ! 去一間食店食野, 最重要是食物水準, 其次是服務, 衛生等, 這裡什麼都做不好, 怎叫人去 ! ! !

我和老公當晚去食飯, 當晚我們去到時九點多, 不是太多人, 我們叫了兩餸一小食, 但一直等.........等了半小時......., 還未到, 看電視劇都賣了兩轉廣告, 找人幫我們追, 她竟然很悔氣的說, "得啦!", 到餸黎的時候, 我們叫了個O者O者雞煲, 送來的時候氣勢很好, "是呢沙啦"的, 但食落雞肉很韌很老, 一點都不好食, 再等多幾分鐘來了另一餸, 生煎骨煲, 一樣是很有氣勢的來, 但毫無肉味, 肉質"鞋"的, 真很差! ! !到落番樓下賣單時, 肥哥廚師出來我們賣單, 他看一看張單很不屑的眼神再望一望我們, 我真不知他什麼意思, 兩個人也不是算吃得少吧! ! 最後他連基本的"多謝"都沒有! !(註: 我們食的時候,隔離枱是一大枱人來食的, 當時肥哥廚師多次上來親自招呼他們, 極好笑容禮貌的.............)食物又不好吃, 又等得耐, 已知不可要求什麼服務, 禮貌, 但似乎連最基本的受尊重都沒有, 貼錢買難受, 我以後都不會再去 ! ! !

早幾日叫我男友去呢間野做，睇下間野質素係點，佢地對伙記算唔錯，例如：可以食埋宵夜至走、又可以飲野、又可以拎埋番屋企食…D 食物方面炸豆腐、蒸肉餅、甜品都ok，不過美中不足係無早餐囉！

唔...同而家公司既同事講左好耐啦,終於食到一餐小菜啦.係網上面搵呀搵,最終就決定去德發試一下.由於六點一放工就閃,好早就到.(不過都搵左一陣先知係邊.)去到已經有幾多人.不過一行三人去到仲有位,坐係最近門口張臺度.其實係去之前已經決定左大概食D咩,好快我地就order左.冇幾耐個老闆見到我做既資料搜集,知道我係第一次試,佢好好心禁推薦佢地既小菜.不過由於已經order左,所以唯有下次先試!!!食左大富大貴,滑滑既炸金磚豆腐,避風塘茄子,仲有就係$8既豬紅.當中,我最中意既就係炸豆腐啦,真係好好味呀,其次就係大富大貴啦,起左肉既桂花魚就係好入味,我既同事都好中意食.食完小菜,當然係要食埋d甜品啦.心太軟,焦糖燉蛋,仲有梳扶厘.當晚真係好飽好飽呀,下次要搵多d人去食先得.

今日屋企無飯食, 同同事收工後黎德發小廚食晚飯.由於得兩個人, 所以叫得三樣嘢:青瓜(送嘅): 清甜 (但係同事話金豪嗰啲好食啲.)辣酒豬紅: 辣味同豬紅好夾, 仲要$8蚊碟, 好抵食黃金豆腐拼墨魚餅: 豆腐外脆內滑, 水準之作. 墨魚餅唔係得團粉, 落足料. 好味. 啫啫三杯雞: 啫啫雞熱辣辣, 味道豐富, 有甜有咸又有薑葱味, 正!美中不足得兩個人係試唔到其他餸, 希望下一次多幾個人食多幾款小菜.

上星期約靚女同僚提早食團年飯，到咗深水埗拿出地址按圖索驥找尋開飯各食家都介紹的德發小厨，兩人傻吓傻吓係北河街市附近打咗兩個轉先揾到，見到德發門口有位男士招呼緊客人應該係老闆，佢見到我哋生客亦好好招呼，難得亦好殷勤介紹菜式同甜品。原先叫蝦兩味，但係老闆話蝦太多兩個人係食唔晒，咁淨要咗黃金蝦同老闆極力推介嘅大富大貴，好！就到新年啦，大家都要大富大貴。結果只要咗兩個餸，留返個肚嚟裝甜品同兩大瓶酒。黃金蝦外殼香脆同蝦肉好爽，賣相都好靚仔。大富大貴嘅桂花魚起肉用金針雲耳蒸得好滑同有鮮味。甜品要咗心太軟同椰絲奶凍，兩人同一感覺都話椰絲奶凍正過心太軟。兩人最後要飲清兩大瓶啤酒同紅酒，來祝賀新一年大家都心想事成，健康快樂！

要去高登買野, 咁都俾我撞正個電腦節... 迫到嘔泡.預左黎呢度, 做定功課試新野. 呢度好多較出名嘅美食都試過, 係小菜鋪冇乜點去(人少, 難叫野). 見近排容記小菜王評語麻麻.. 就去左有聽朋友講過下嘅德發小廚.小菜鋪有埋西式甜品, 早o係'灣仔金源'領教過. 黎得當然會試埋啦.兩個人, 叫得唔多.. 食左:1) 福建炒飯2) 大富大貴3) 啫啫油麥菜4) 避風塘茄子5) 梳乎厘6) 火焰芝士山大富大貴.. 我對佢期望頗高. 招牌野點可以失手架!? 當然, 一d 都冇令人失望. 起左肉嘅桂花魚, 時間更易掌握, 所以肉質非常嫩滑, 但又可以完全熟透. 當然, 其他魚好似石斑果d 就唔可以咁食啦, 因為魚味會流失比較多. 所以, 桂花起肉蒸係好好嘅選擇. 甜豉油配上金針雲耳. 好快就已經將佢毀屍滅跡喇. 通菜唔"當造", 老闆一路玩電腦, 一路話, "介紹你, 油麥菜啦!" 又好啦... 兩樣菜都係適合. 如其他食評所言, 黎到就"隊"碟炒好嘅菜入去. 好香蝦醬味. 幾好味. 不過, 我覺得食啫啫煲.. 都要係坐街邊大排檔, 放低兩支青島, 天氣凍凍地, 個煲吱吱聲, 特別好食咁~

the famous dish 大富大貴 is really good.the boss recommanded 2 of us to order a small dish.It cost HKD118.we go there b4 6pm,we ordered a tea set (福建fried rice),and also mix vegetable pot.the porton was big,we failed to finish all.Recommand to go there ar least 4 persons,then can try some more dishes and also the dessert.

本人也曾經去過一次覺得不錯，今次也介紹給我朋友去。今次本人為這一餐寫一下食評。今次我地叫左大富大貴、椒鹽肉排、啫啫芥蘭煲。大富大貴。味道不錯，起晒肉；肉質夠滑，蒸的時間不會過長或過短。椒鹽肉排。肉質鬆軟，但味道略淡。啫啫芥蘭煲。同時加了蝦米、蝦膏一齊煮，有另一番風味。整體上都不錯，但是魚的價錢比較貴。

經朋友介紹到來一試，叫左個羊腩煲，沙拉骨同菜心炒牛肉，都幾好味，沙拉骨好鬆軟，蘿蔔好淋，而且冇落味精，晚飯小菜直得一試。全店都有不少西式甜品，但很奇怪的是沒有人食，而且台椅都是中式的，怪怪的。還看到一個什麼廚藝比賽的銀牌。