德福海鮮酒家

Open Now

Now Closed

今日早茶有特價點心唔錯，藥膳雞腳、芋頭糕馬蹄糕各一合共20元。😋，另豪華孖寳、蝦餃皇、义燒包即叫即蒸，好新鮮，有驚喜感覺及食物唔錯👍在這區算用心做，有食物貭素，希望𨒂續用心經營，服務街坊👏👏

平時喺度飲茶晚飯就多但係外賣就少之有少， 見佢哋呢排有做好多外賣， 以前地下嗰度淨係買點心蒸飯同燒味而家都買埋小菜， 見佢哋啲燒味都幾靚仔所以買來試吓點不知咁好食， 個燒腩仔果皮仲卜卜脆， 而且啲肉又有鹹香😋😋😋真係好好食，今次買咗50幾蚊下次買多啲😉😉

我鍾意嚟呢度飲茶其中一個原因就係可以飲凍檸茶， 真係唔係間間酒樓都會有， 而且佢哋嘅凍檸茶底都做得幾好，所以我哋差唔多每個星期六或者日都會嚟呢度飲茶一次， 呢度飲茶有啲中西feel茶餐廳fusion 😂😂😂

嚟呢度飲茶一定要食佢嘅豬腳薑， 我覺得佢哋整得好好食， 每次黎親飲茶我都一定要叫，如果加多一隻蛋都係比多$5🤭因為一隻蛋一定要夠分😬真係第一次見酒樓都可以外賣熱檸茶凍檸茶， 可能因為附近有起樓嘅關係好多人會過嚟食飯， 見佢做埋碟頭飯同燒味飯😬😑😬

由讀書年代到現在 算不上叫街坊 懷念味道特色，連各員工及接待員都親切友善同人情味不錯的茶樓今日奇遇到其中一位可能更年期的女高級員工 我們沒有回應對方問題 唔開茶 唔開單 向小學生（我們）說教 感覺穿越回60年代 今餐茶遇了一位尊貴的高級員工值回票價！

坐係位之後要自己出黎呢個area拎野食，有蒸野、炸野同小食。d托盤隨時都有漬，感覺唔太良好。條隊都唔知係邊，d人夠大聲，就會拎到野食。腸粉係呢邊，但係你會感覺到放係最上既野食係唔熱，你唔會想拎。蝦餃既蝦可以接受，但係個皮有d厚，成粒係暖既，搞到好似食緊擦子膠。牛肉球完全唔熱，超唔好食。碗排骨飯係我突登揀碗熱d既，如果唔係，後果不堪設想。d排骨’拿’得好勁，d飯太乾。個芋角都係唔熱，又唔香。D春卷幾好，夠熱，夠脆出去拎灌湯餃既時候冇哂，個職員問我地咩枱，有既話就拎比我，服務唔錯，灌湯餃都可以接受。

今早和家人來到洪水橋這家酒樓飲茶，不是因為這店的出品，只是純粹為了回想一下與家人茶聚的情景。由於，昨晚看了這裡的食評，所以也沒有帶著期望。我們點了多款食品，包括蝦餃、鮮蝦粉果、雞扎、薑汁千層糕、鮮蝦腸粉、豬腳薑、烚通菜配腐乳和咸魚肉片蒸飯。除了烚通菜配腐乳是熱度十足外，其他食品都只是微暖。蝦餃皮和腸粉皮都挺硬和厚，蝦肉也不爽口。豬腳薑的蛋只是蛋白最外層有醋色，醋味也只是一般。薑汁千層糕則薑汁味不重。雞扎的腐皮略嫌韌，雞件肉質不滑，但勝在沒有雪味。相比之下，烚通菜算是較可取的。總結而言，只要是抱著裹腹這個目標，還是可以考慮這店。

洪水橋唯一一間酒樓，所以幾難食都會有人食，但係都要講下佢有幾難食首先，酒樓嘅服務係自助形式，即係自己攞張點心紙出去自己拎點心返埋枱食，買單就拎張點心紙出去收銀處埋單，可謂冇服務可言👌第二，佢啲食物大部份都係好普通，有小部份係難食，難食例如胡椒豬肚，勁鹹。腸粉勁油。牛肉球，咬落去係粉😬唯一好食嘅係奶皇包，佢真係做到流心奶皇第三，入面嘅細房午市都會開比客人，分成細檯，不過好焗，無冷氣，近廚房又有油煙味冇影太多相，建議大家去試吓，因為呢間酒樓轉過幾手，可能下次佢會有進步都唔奇㗎！

好耐之前黎過一次呢間酒家飲茶，個陣時無論係食物，定係服務都非常一般般呢。事隔幾年，再黎食第二次 。終於有點改善，但仍有大大的改善空間。😅😅😅今次叫左叉燒腸、燒賣、牛肉球、鮮竹卷、煎腸粉、煎鮮竹卷、蝦餃、沙嗲金錢肚、綿花雞.......總括食物質素比已前好左少少，燒賣同蝦餃都唔差，都正正常常既。😋😋但服務就可以再改善 皆因我叫煎腸粉時 問廚房姐姐可否煎燶多少少 因為鐘意食香口d 姐姐竟然係我面前說：真麻煩 😅😅聽完有點不開心呢 但仍會再幫襯

去過這裏飲茶和吃晚飯，服務態度度有待改善，特別係d上了年紀的女服務員，講野無禮貌，仲惡過d客人。星期六、日需要自己出去拎點心，星期一至五就有點心紙，價錢抵食，但款式、味道、衛生當然不及大集團的。

位於洪水橋輕鐵站附近的徳福海鮮酒家，是一間屋村酒家，有早茶、午飯、下午茶、晚飯及宵夜的不同時段。是次我們一行6人是吃晚飯小菜，同一般酒家一樣，這裡有晚飯孖寶、特色小菜、優惠海鮮推薦⋯是晚我們選擇了海鮮孖寶優惠，內含白灼蝦1斤、貴妃雞半隻，好抵的優惠$148😎！重點是蝦都好大隻，肉質鮮美又實肉！消暑冬瓜盅，一大盅夠晒6個人一人一碗，仲可以翻添冬瓜肉吃😋，其他蒸大海斑及小炒也不錯，小炒夠鑊氣！環境就比較樸素，典型之海鲜酒家的様子，入門囗右邊就是魚池，養著各式各樣不同品種的海鮮！至於服務就不過不失，都可以！

要試一間新店既功夫，最好就係等頭一浸“貪新熱效應”的熱情過後，如果新裝修後的初頭一星期前往，中伏率很高，而且客多手忙腳亂，軟硬件都唔易去消化呢個壓力測試的。佢裝修完都有一段很長時間, 照計軟硬件都應該好好調教過了, 如果到今日仍然係手忙腳亂的話, 就似乎有點兒那個了今日早左起身，就過來試試先。 相片沒有影啦，都係正常飲茶既點心，沒有驚喜之作，也沒有很失望。由始至終，德福都係走“方便街坊的酒樓”路線，大家試完有失望或者落差，好可能係因為有預設立場，有無諗過，其實佢裝修，未必係因為要與時並進，而只係因為業主（新鴻基？）要求保持新鮮感，有留意開的會了解，好多餐廳本來做得好地地，無啦啦走去裝修，好大可能都係應業主的續約要求，當然，對於食客而言，大裝修可能會覺得比較超值，亦可以趁機會大滅鼠，尚算係好事來的。 所以如果無前設去幫襯，當自己離開左香港幾個月，懷念洪水橋味道咁樣去食，可能會發現基本面一切無變，都係之前果間鴻福（地區街坊酒樓），主要功能係為左方便街坊唔想外出搵位飲茶，就係咁多了。 順帶一提，留意細節就會發現更多，酒樓係用本地著名的“明生蒸籠”，而水壺亦絲印左自己個名“德福海鮮酒家”，係有

閒日嘅下午茶時段，唔算太多人。知道呢到係自助拎點心，於是就出去睇下有咩食！但竟然得返好少野選擇，連燒賣都無了最後拎左幾籠就返位再寫紙點心方面，味道還算可以，不過不失。啲雞扎同牛肉球都唔差，可惜係放自助位到無保溫，凍左小小，唔夠熱食始終會影響左令食物減分。煎餃子比較出色，即叫即煎，香脆之餘本身餃子餡口味又唔差，值得一試但另外叫左嘅炒飯同星洲炒米就比較差，勁淡，一啲咸味都無星洲炒米色水都唔夠靚，要比起上嚟炒飯仲好食啲

下午茶時間，我說唔該兩位，(服務阿姐)命令式地答我: 坐细枱，出面大把，算，我忍左。3:05到，3:10落單，3:30無野到，揾個nice 嘅姐姐追單，(服務阿姐)佢又撲埋尼，搶答唔同我追，仲要俾佢彈，"你剛下單，啲野要蒸㗎" 跟住閃走左。再過15mins 叫主任追，她说你叫左咩？我說點心，等左40分鈡。她妙答: 過左8個字，應該冇㗎啦! …跟着轉頭同我講: 張單3:40先入。真係火都嚟埋… 她仲問我:咁你要唔要？驚人的服務態度，前所未見，祝老闆你們長做長有………裝修冇用㗎，改吓D員工態度啦！佢地係趕客㗎!

唔洗再幫襯嘅酒樓 <洪水橋 - 德福海鮮酒家>，搵笨到極點!! 見佢啱啱裝修完，就諗住去幫襯下佢啦，啲間酒樓2點鐘開始有下午茶，入座嘅時候係2:45pm，待應話冇點心紙，要自己出去大排檔攞嘢食，咁米自己行去攞囉，一去到大排檔，嘩!! 真係刮目相看呀，啲點心多到半隻手都數得晒，淨係有牛肉，排骨同埋鳳爪。咁我問下姐姐仲有冇其他點心，姐姐居然答我：冇架啦，係得呢啲架咋!! 然後我已經見到隔離個姐姐已經拎晒啲清潔用品出嚟，開始洗爐頭，而當時都仲未夠三點!! 試問一間2點先開始下午茶，3點都未夠就收工嘅酒樓，仲點會有人幫襯佢呢!!大家如果係想去酒樓食點心嘅朋友，真係唔洗嚟，因為佢係冇點心食架。雖然佢係有炒粉麵飯，但如果大家想食嘅，可以改去茶餐廳好過!!