Video
Read full review
2023-07-10
173 views
呢間鋪頭，之前仲喺寶湖商場開果陣，已經嗌過幾次外賣，每次都會食佢地既格仔餅，尤其係脆莎榛子朱古力、同埋懷舊積及橙。前者同區有另一間店都有賣，後者真係第一次見。今次閒日晏晝時間黎到 (1點幾)，前面冇其他單既情況下，等左8分鐘，等候時間合理。嗌左兩樣野，第一樣係懷舊積及橙格仔餅 ($30)。格仔餅既口感外脆內軟，面頭加左少少既糖霜。而餅入面夾左非常多既朱古力醬，基本上唔洗嗌多醬都夠，每次食果陣啲醬都會食到成手都係。鍾意食積及橙餅既人會好鍾意，係童年回憶既味道，唔鍾意既可能會嫌太甜。另外嗌左黑糖泰式珍珠奶茶 ($30)，入面既珍珠偏冧身，如果硬翻啲啲就perfect。奶茶好滑唔鞋口，幾醇厚。自己要求少冰+少糖，甜度ok。唯一要改善既係，膠袋要加一蚊，其實睇翻環境保護署既網站，「盛載非氣密包裝餐飲外賣的塑膠購物袋，每單一交易的首個塑膠購物袋可獲轄免收費」，正常應該唔洗收既，希望店家可以留意下。
今次閒日晏晝時間黎到 (1點幾)，前面冇其他單既情況下，等左8分鐘，等候時間合理。
嗌左兩樣野，第一樣係懷舊積及橙格仔餅 ($30)。格仔餅既口感外脆內軟，面頭加左少少既糖霜。
而餅入面夾左非常多既朱古力醬，基本上唔洗嗌多醬都夠，每次食果陣啲醬都會食到成手都係。鍾意食積及橙餅既人會好鍾意，係童年回憶既味道，唔鍾意既可能會嫌太甜。
懷舊積及橙格仔餅
$30
24 views
0 likes
0 comments
另外嗌左黑糖泰式珍珠奶茶 ($30)，入面既珍珠偏冧身，如果硬翻啲啲就perfect。奶茶好滑唔鞋口，幾醇厚。自己要求少冰+少糖，甜度ok。
黑糖泰式珍珠奶茶
$30
19 views
0 likes
0 comments
唯一要改善既係，膠袋要加一蚊，其實睇翻環境保護署既網站，「盛載非氣密包裝餐飲外賣的塑膠購物袋，每單一交易的首個塑膠購物袋可獲轄免收費」，正常應該唔洗收既，希望店家可以留意下。
Post
