竹麓拉麵

Open Now

Now Closed

四個人叫咗三碗麵一個Don飯，拉麵等左20分鐘，完全理解唔到點解咁慢。跟住個飯一直都無黎，催左兩次，結果係落左單半個幾鐘之後同我講廚師漏單😡 又餓又嬲。間嘢仲要係無咩人，都可以咁，如果多人你預一個鐘都唔使食🤗再黎講下個面，128和牛拉麵，湯底係無味既，牛肉係超薄嘅4塊，薄到你可以一啖食咗4塊，普通牛肉唔似和牛，面口感OK但係好少，朋友食完之後要再去食多個麥當勞😓非常非常差，完全唔明點解會有好評！

本來見其他食評講到呢間過江龍咁好食，都抱住好大期望黎試下啦，點知食完第一啖就已經覺得個湯底唔夠濃，無豚骨味，反而食到一陣陣柚子皮味，應該係想用柚子皮令個湯底清新啲，但真係唔岩追求濃郁湯底嘅食客，最起碼唔岩我口味。🥲🥲🥲份量方面，豚肉比較薄，但麵量有正常份量。如果一碗麵加一份小食，例如餃子果啲，咁就岩岩好夠飽。總體而言，食過一次真係唔會再返黎食第二次，唔係幾明點解其他大部份食評講到呢間嘢咁好食😇😇😇

今日一家三口食個early dinner試毒牛肉鹽味拉麵不錯的 可以接受 唔想出外面食係可以的但佢招牌既北海道若雞聽稱要等20分鐘先有 但唔洗唔5分鐘上枱都知小伏外面deep fried到少少老火而切開唔熟 😨😨心急隊出來收錢 入面未解凍就拎去deep fry舉手叫左店員來睇 叫佢整過隻新既但轉個頭佢係拎返我地切開左果隻雞隊比我地食果下已知呢間都唔洗再去了…連補救都亂來，廚房冇心補鑊，前線又冇心serve客理得啲客食垃圾吧重新返炸炸雞 外面更老火 硬到擦膠咁九州豬肉拉麵係正常的之後再叫咗一個小丸子豆腐花都係正常的

四點幾嚟無人食，叫咗個海老拉麵同埋豚頭背脂拉麵，海老拉麵味道唔錯但可以更濃，豚骨拉麵湯底無特別，味道單一亦唔夠豚肉味，叉燒無味肉質都比較柴，同相中叉燒好大對比，另外叫咗雞軟骨正常。

每次放假，我地就好鍾意出街搵好嘢食，今次黎到竹麓拉麵食拉麵🍜呀，知道佢地新出咗「若雞🐔」菜式，全家都好鍾意食肉，梗係要黎試試啦❤️半身若雞🐔（半隻） $78製作需時，上碟時熱辣辣㗎，雞皮非常脆口，有啲食中式炸子雞咁脆口，雞肉嫩滑唔鞋口。唐揚南蠻雞 $48雞肉炸得好香口，炸粉唔厚，咬落啖啖肉，好滋味。海老味噌拉麵🍜 $108一大塊三文魚片點少少湯食好好味，唔點湯直接食好脆口，蝦肉彈牙配上海老湯，忍唔住飲多幾啖湯，湯底好濃郁。牛脂和牛飯🍚 $98和牛入口即化，一啖飯一啖和牛，下飯不二之選。最後點咗2杯手搖飲杯，日出茶太出品嘅飲品哈密瓜🍈布丁西瓜🍉奶茶🧋$34有得飲有得食布丁，配上時令哈密瓜🍈同西瓜🍉，奶茶好飲。葡萄柚QQ🥤$32帶點酸酸嘅味道，每次都好鍾意落QQ，煙韌煙韌嘅口感。

原來將軍澳都有好好食嘅日式拉麵店，今日就揀竹麓拉麵啦。✳️名古屋白雞湯拉麵🐔🍜先飲一啖香濃湯汁，再食埋個過雞件。發現原來雞塊可以咁滑流，而且湯底濃郁，香甜而唔死咸。✳️和牛肉鹽風拉麵🐂🍜湯底是另一種鮮甜濃郁香味，和牛肥瘦均勻，入口即溶，而且和牛脂肪好似食緊淡淡牛油咁樣。拉麵彈牙可口，而兩款湯底，都係濃湯一樣，一啖拉麵一啖濃湯，不知不覺就見底了。✳️唐揚川海老🦐海老即係炸蝦，每隻都隻隻分明酥脆可口，炸得乾脆不油膩，鹹鹹地越食越想食。✳️半身若雞🐔(北海道名物)切開雞肉，流晒所有肉汁出嚟，第一啖食落去雞皮係脆既，而且食得出雞嘅本身已經醃咗再去炸，所以雞皮好脆不會油，而且肉質入面好有味道醃得啱啱好。Menu入邊仲有好，我好想食嘅食物，例如下次想食辣拉麵，唐揚南蠻雞，仲有豚肉餃子下次叫多啲人嚟食先得。🤩

南澳原來又開左新餐廳，小朋友好鍾意食拉麵，拉住我話要試，我見到雞湯拉麵幾十蚊，價錢合理，不過最優惠係可以加$58食到半隻燒雞，呢個價錢都幾抵，所以一於試吓。雞湯拉麵湯底唔會好油膩，但係味道濃郁，最鍾意佢嘅雞肉好淋，拉麵軟硬度啱啱好，仲有兩大塊紫菜，小朋友食得好開心。我就食蝦湯拉麵，個湯底超級濃郁，仲有幾隻蝦好彈牙，半熟嘅流心蛋，最精彩係有大大塊炸魚皮，脆卜卜索晒啲湯汁，真係好好味。加$58有半隻雞原來都幾大隻，加少少檸檬汁已經非常惹味，雞皮炸到脆卜卜，但雞肉都可以咁嫩滑，真係令我好驚喜，呢半隻雞真係非常抵食，另外小朋友鍾意食餃子，都係新鮮即刻整，肉味香濃非常香口，唔止小朋友覺得好食，連我都食到舔舔脷。

🍜和牛鹽風拉麵湯頭使用日本產牛筋慢火熬煮,湯底濃厚，拉麵彈牙爽口,搭配鹿兒島的A5福永和牛牛肋肉,實在一試難忘。🥩🍚牛脂和牛飯牛脂分佈均勻，和牛味濃、肉質鮮嫩入口即化，油脂滲入飯面一齊食好甘香😋！🐔半身若雞（半隻）外表炸得金黃酥脆，真係睇見都流口水,雞肉鮮嫩多汁,第一次食若雞覺得超有驚喜,好出色👍😋！🥟黑豚肉餃子餃子皮煎得酥酥脆脆,還有內餡流出來的豚肉湯汁, 鮮美十足!飲品方面有好多款式嘅特飲同珍珠奶茶🧋選擇。

半身若雞（半隻） 外表金黃酥脆嘅若雞真係睇見都流口水，未影相已經想一口咬落去，肉裡嘅雞肉鮮嫩多汁，第一次食若雞嘅我哋超驚喜，係有番咁上下水準。煮和牛辣味噌拉麵 朋友話辣得嚟都好有牛味，食得辣嘅可以試吓呢個拉麵，見我朋友食到流眼淚，我諗真係好辣。和牛肉鹽風拉麵 和牛肉肥瘦均勻，入口溶化，並唔會有太多油滲出，而鹽風拉麵底，咸香四溢。黑豚肉餃子 絶對係高品質的黑豚肉製成，口感鮮嫩，加上餃子皮煎得酥脆，非常美味。嘢飲點咗優格紅茶同荔枝優格QQ環境都好乾淨坐得好舒服

今次同MONTEREY Place的「竹麓拉麵」lunch，上次經過見到已經想試，環境舒服，坐位夠闊落，同朋友叫左2碗拉麵，半身若雞半份及小食，一齊share食，味道真係幾好，食到好飽。煮和牛赤辛辣味噌拉麵湯底香濃辛辣，和牛幾軟淋，拉麵湯好惹味。海老味噌拉麵蝦湯底又鮮味又濃烈，三文魚皮好香脆，仲配埋糖心蛋。半身若雞（半隻）金黃色的雞，肉質嫩滑又多汁，皮脆肉甜。我地仲叫左唐楊雞軟骨，2杯飲品烏龍茶拿鐵及夏日水果茶。

將軍澳 DONKI 下面新開左間拉面店我地就走去試下我地點左🍜拉麵🐮【和牛肉鹽風拉麵】 HKD 118তততততততততততততততততততততত湯底用左日本產牛筋慢火熬煮以為會好濃郁搶味但食落去原來又唔會和牛肉片偏肥美但夾埋個湯頭食又岩岩好而且加上和牛肉上面既炸蒜一齊食真係一絕🐷【九州豚頭背脂拉麵】 HKD 78ততততততততততততততততততততততত以大量豬背脂經至少 16小時熬煮湯頭香味濃郁叉燒軟腍油脂足🥟小食🐽【黑豚肉餃子】 HKD 48তততততততততততততততততত一碟五隻黑豚肉餃子一口一隻點醋食好快就光盆🐔【半身若雞】 HKD 78 (半隻) ততততততততততততততততততততত5星星推薦必點🌟🌟🌟🌟🌟外脆內嫩就算放左一陣個皮都依然酥脆裡面啖啖肉都超Juicy嫩滑可口🍹飲品好驚喜嘅係居然可以點到日出茶太既野飲當然要點返杯招牌QQ先啦🥤【荔枝優格QQ】 HKD 32 তততততততততততততততততততত估唔到咁Q咁好味裡面有超多軟糯煙韌既QQ係我中意既口味阿仔連平時最中意既水果茶都拋棄左俾我飲🍓【夏日水果茶】 HKD 37 + HKD 7 草莓爆珠তত

日本過江龍「竹麓拉麵」食招牌拉麵🇯🇵.和牛肉鹽風拉麵🍜牛肉鹽湯底比較清爽🧂鹿兒島A5福永和牛牛肋肉經過低溫慢煮🐄口感特別軟滑😉加埋溏心蛋，唔錯🤤.海老味增拉麵🥢蝦湯濃郁🦐蝦肉彈牙😆加埋炸三文魚皮同溏心蛋🐟🥚好滿足😋.半身若雞🐓雞肉用上含礦物質嘅岩鹽昆布高湯調味🥣再用低溫同高溫兩階段油炸成🔥外層炸到金黃酥脆😝肉質鮮嫩多汁😗不愧為北海道名物😱.黑豚肉餃子🥟外脆內Juicy☺️黑醋更突顯肉香.黑糖珍珠鮮奶🥛黑糖唔會過甜🖤珍珠煙韌😆.芒果QQ🍹芒果味道香甜🥭有椰果同珍珠🥥

呢間拉麵新開冇耐特登過嚟試吓！😀下晝3點幾鐘嚟到餐廳冇乜人可能因為已經過咗lunch time，樓面係冇人嘅，要行入啲先搵到店員過嚟幫手落order佢一間舖頭特別在於可以叫埋隔離段純負同日出茶太嘅嘢食飲品，一餐飯可以滿足唔同人嘅胃口✨️雞白湯拉麵 3.5🧡/5一上菜即刻飲湯試試！個湯好夠熱飲落都算有雞味，仲好似有淡淡嘅咸蛋黃沙??味道幾香又唔會過濃又或者太鹹幾好飲！😋拉麵配咗幼麵，麵質唔算好有咬口，但都唔係差嘅，中規中矩雞肉有5片，都算幾多吓黑椒味重，有少少西式冷盤煙燻雞肉嘅感覺咬落雖然淋身但比較乾同唔夠滑，一般🙄主要扣分位係啲蔥，真係切得有啲hea，粗幼不一，都幾影響拉麵嘅口感✨️哈密瓜布丁西瓜奶茶 4🧡/5個名睇落好伏但係又出奇地好飲！奶茶茶味好香，估佢唔到同西瓜味幾夾！哈密瓜布丁都幾多好飲！即時已經想外賣多杯😝總結：3.5🧡/5個拉麵唔算叫好好味，但呢個價錢有咁多片雞，湯又ok，感小姐覺得性價比係好嘅如果所有嘢可以精緻少少就更好同埋有得飲住台式飲品食拉麵都係正嘅🤣

將軍澳唐俊街MONTEREY Place地庫開咗唔同新餐廳，其中日本過江龍嘅「竹麓拉麵」係我無食過嘅，所以緊係試依間，原來依間餐廳係拉麵職人竹麓輔先生於1996年創辦，喺依度可以Order到「Cha time」嘅出品，所以飲品選擇都幾多，另外，依度嘅半身若雞的確幾高質，屋企人都好鍾意食。*此餐廳收取加一服務費。和牛肉鹽風拉麵（單點$118），鹿兒島A5福永和牛牛肋肉肉質嫩滑，脂肪比例較高，食落油脂味濃，配以炸蒜、香蔥、京蔥食用，食落好香口，溏心蛋流心效果突出，湯底採用日本產牛筋、日式天然岩鹽製作，湯頭色澤清澈，但飲落牛味濃厚。海老味噌拉麵（單點$108），表面鋪有豆苗、香蔥，三文魚皮口感香脆，鮮蝦表面鋪有蝦籽，肉質彈牙，食落有雙重海老鮮味，湯底採用赤味噌製作，味道微辣帶鹹，拉麵口感爽滑。半身若雞（單點$78），雞皮炸得金黃酥脆，雞肉食落好Juicy，一搣開隻雞脾，D肉汁、雞油已經開始流落隻碟到，採用礦物質的岩鹽、昆布高湯作調味，雞肉醃得好夠入味，食落味道鹹鮮，配以檸檬汁食用，味道清爽，最驚喜嘅係雞骨都炸得好薄脆，亦可以食用。黑豚肉餃子（單點$48），外皮香脆，黑豚肉肉味濃香，配以辣椒油

🍜#和牛肉鹽風拉麵 個湯底唔會好鹹，牛肉唔韌，麵底煮得幾好👍👍🍜#海老味噌拉麵 🦐呢個係絕對絕對絕對絕對要推介💚🧡 果塊炸魚皮大過我手掌🤣 同埋個湯底係超濃郁嘅蝦味😋😋 直情係要每食一啖麵就要飲一啖湯 😋真係好食好食好好食🤩🤩🍜#半身若雞 叫碗拉麵都可以用優惠價加呢半隻雞🐔🐔我覺得 一定要嗌👍👍佢隻雞唔大隻但係炸到好酥脆🤗🤗一搣開嗰下係有肉汁彈出嚟嫁😱😱🍜#唐揚川海老 🦐🍤好得意細細隻炸蝦仔，炸到連殼都可以食得😝😝脆卜卜 🍜飲品我都係揀番上一次嗰兩杯🤗#哈密瓜布丁西瓜奶茶 🍉🍈陣陣西瓜香，加埋布丁，真係要encore 😍 仲有#黑糖珍珠鮮奶 大哥禧禧既最愛💪