竹虎京堂

Open Now

Now Closed

今日LUNCH TIME同朋友試左尼間日本野，見到餐牌價錢都合理，叫一個SET有主食+面食/飯+茶碗蒸以及甜品都係85蚊。款式亦都多遺擇，朋友叫左個吉列蠔配湯烏冬，而我就叫左個炙燒松板豬配湯烏冬，之後我地仲加左個限定飲品抹茶泡沫加雪糕。落左單之後，飲品到先，心諗咁都好，可以食個雪糕先。第一啖食個時覺得佢唔似雪糕，似食冰多過雪糕。不過整體上杯野飲有抹茶味，都OK既。跟住主食黎左，首先我試左一塊灸燒豬，唔知松板豬本身係咪都有咁勁既豬味定係廚房唔記得辟味，我唔係好鍾意個浸強烈既豬味。跟住再試下佢個烏冬，烏冬既湯唔算太熱，食落覺得個烏冬太淋，唔夠彈牙，個烏冬既湯味完全唔襯個烏冬。跟住再試佢個茶碗蒸，唔算好熱，食落好似無咩味道咁。  朋友就覺得佢既吉列蠔岩岩炸起係好食既，但烏冬就唔多好食。 最後個甜品，係一個紅豆糕，我只可以講我個餐好食既都係得個甜品，個甜品夠紅豆味又唔會太甜。  

又黎MegaBox買野，午市時間ikea又多人，就上左黎餐廳呢層睇吓有咩食，結果發現呢間野嘅餐牌都幾吸引😋首先，有最常見嘅魚生：三文魚、吞拿魚、油甘魚，連海膽都有🤩根住，呢頁餐牌比較特別，有好多炸野，arm晒煎炸人士🤣😋 有炸蝦炸蠔炸魚炸雞炸豬扒，一定搵到你想食嘅食物🤤🤣第3頁餐牌，我就見到松阪豬好吸引，有3款味揀，我揀左明太子，真係有兩舊明太子🤪🤩🤩 我揀配凍烏冬，仲有蕎麥麵、鮭魚飯團、竹筒飯揀，亦可以加14蚊有齊前菜蒸蛋甜品😙我覺得隻豬真係幾好食，調味好惹味，明太子好正😋🥰🤪 烏冬亦有汁比你點🤤 下次再黎MegaBox一定會再食！👍🏻👍🏻

今日行過MegaBox，去foodcourt搵好嘢食😍呢間未見過又未食過，見佢餐牌嘢食幾特別，係食竹筒飯，咁就入嚟試吓啦！我哋叫左鰻魚飯套餐，刺身飯，同埋一份甲鑼燒。先講鰻魚飯套餐，每個套餐都有竹筒飯、茶碗蒸、麵豉湯同埋甜品👍🏻個竹筒飯好香，不過識落其實都係普通米飯😌另外刺身飯，刺身都好新鮮，跟餐有兩隻蠔，都唔會好腥，都幾好食😋最後想講吓個甲鑼燒，好有驚喜🤏🤩因為我同男朋友都未食過，佢勁好送飯，而且冇腥味！滿滿嘅蟹膏，真係10分吸引💯值得一試😎味道：🍬🍬🍬🍬環境 ：🍬🍬🍬🍬服務：🍬🍬🍬抵食：🍬🍬🍬

去完teamLab搵嘢食，行過呢一間日本餐廳發現都幾多人等位。心諗咁多人食應該會唔錯，就決定一試。叫咗一個明太子雞扒set 。一個套餐有齊麵豉湯、茶碗蒸蛋、伴碟前菜 (味付海螺同埋魚仔) 、大大件雞扒，仲有一個紅豆甜品 (味道少少似我哋中式涼粉，又有啲Q彈）。有咁樣嘅份量真係非常之豐富，性價比都好高食完成個餐已經非常之飽。基本上都滿意，唯獨是跟定食的竹筒飯啲米粒略嫌太乾，要伴少少湯一齊食。雞扒煎得幾香，雞肉都幾滑～

本身望落個餐廳環境唔錯就入咗去嗌咗1分鐘都冇侍應即刻拎個牛舌丼出嚟我心諗，佢有冇煮過我一食咗個牛舌丼有牛舌片，同洋蔥但牛舌片勁似吉野家個啲和風牛肉啲牛舌完全冇牛舌味仲要牛舌片好薄個竹筒飯以為本身冇乜嘢我一食入邊啲飯係好乾同好硬連最普通嘅飯都整唔好所以我冇食晒啲飯而佢比嘅暖水有一種難以形容嘅怪啫喱味我都未試過飲過呢啲味涼粉，紅豆甜品有草藥味我只係食咗一啖就已經冇食假設$50一個set我都唔會食超級失望

晚市時間叫左一個定食套餐 $8x 包曬主食 竹筒飯/麵 茶碗蒸 甜品 味噌湯 兩個小前菜仲有荔枝綠茶自己斟性價比黎講真係好高 味道就一般啦 茶碗蒸比較細個 個竹筒飯其實就無咩特別侍應都好親切 係食得舒服嘅一餐

竹筒飯好得意茶碗蒸好鮮甜好味道呢個定食好豐富好滿足口花花嘅食慾除咗正餐仲有零食同甜品雖然大福個紅豆味好假好明顯係買返黎一包包拆袋但算數啦🤣🤣🤣🤣🤣🤣

係Megabox 行Ikea行到攰上到溜冰嗰層 覓食睇咗幾間日本嘢之後 發覺呢間幾有特色入咗去坐定週末入咗去嘅時候都唔使等位仲可以坐到卡位叫左兩個貝貝set賣相真係100分一個set都有成7樣嘢燒蠔比較細隻不過都幾香口茶碗蒸幾清香有日本嘅味道主食係海膽貝貝飯 細細碗 但夠食貝貝係新鮮甜的不過比較敗北嘅係個海膽 有啲怪怪哋唔係臭不過 有啲乸喉刺身 方面有 生蠔 北寄貝 仲有白貝都新鮮好食個醬都得幾好食焦糖蛋係正常發揮黑糖珍珠鮮奶 冇乜特別綠茶牛乳紅豆 綠茶味都唔係好出總括嚟講 一餐可以食到咁多樣嘢 都叫滿足

有一日經過megabox ，決定搵間餐廳食晚餐。溜冰場旁邊見到這間竹虎京堂覺得好特別，有多款日式定食選擇。店內以日式風格設計簡約，店員服務亦很友善定食包括一款主食，可以自選烏冬、冷/湯蕎麥或竹筒飯，兩款小食加甜品，小食包括麵豉湯，蒸蛋。甜品係焦糖布甸，比目魚定食份內好多，無諗過竟然會有兩大魚扒，呢個價錢嚟講相當抵食。味道正常發揮，煎香逼到魚嘅油香，西京燒醬汁味道唔錯，甜度適中。熱蕎麥面爽口新鮮，無煮得太淋照燒雞扒定食雞扒煎得好香，雖然普通得照燒雞扒但勝在夠厚，食得好滿足。

好日都唔去Megabox原來Food Court位置已經轉左幾間餐廳經過見到哩間主打日式竹筒飯🎋幾新奇 而且都幾多人食😗 所以就一試！🦪蠔華盛盒 二人前 $388對於中意食蠔既人 睇Menu已經覺得好豐富🤤所以就選擇左哩個二人前！▫️雲丹帆立貝牡蠣冷物 & 三文魚籽牡蠣冷物▫️吞拿魚腩蓉小丼▫️焦糖燉蛋🍮▫️鹽燒牡蠣▫️吉列蠔▫️柚子牡蠣竹筒飯▫️茶碗蒸 & 味噌湯🔸總結．二人前其實都算抵食！因為真係好豐富 有前菜+主食+湯+甜品！雖然睇落食物細細份 但兩個人食絕對夠哂飽😂 而且坐得舒適 服務態度都幾好😌．食物質素不過不失，刺身同牡蠣係新鮮！但主打既竹筒飯就普普通通 味道偏淡🤔．Menu其實都有好多選擇！除左有各式各樣既竹筒飯之外，仲有其他丼飯 / 刺身 / 小食，仲會有Set餐選擇😌總會有一款岩大家口味

首先個竹筒飯其實真係同屋企煮嘅白飯冇分別同埋飯身偏硬，如果鐘意食硬啲嘅飯可能會鍾意嘅..其次個鰻魚同超市買嘅急凍都係冇分別仲有個茶碗蒸，有陣海水味👀如果85$ 感覺其他餐廳會好食好多🥹希望大家唔好中伏..

這間店位於九龍灣😲店舖內裡像美食廣場的位置一樣，不過裝修也別有一番風味😁​​​原條燒鰻魚竹筒飯​竹筒飯內加上原條燒鰻魚，醬汁特多，非常美味😋他​本身有些配菜，再追加了北寄貝及三文魚刺身🐠🐟​​​蟹肉蟹味噌竹筒飯​蟹肉🦀佈滿竹筒飯上，令人眼前一亮🤩想立刻開吃​​​海苔多春魚​非常香口，十分惹味🐟​北海道牛乳紅松葉蟹薯餅​奶味美濃，脆卜卜🥔​​​​魚板串章魚蔥​像魚蛋一樣，有章魚碎在內🦑​

一直感覺megabox都冇咩好食，好多間都試過都冇乜特別，今次發現原來未食過呢間於是試吓先。有lunch set西京比目魚配烏冬烏冬都彈牙但湯底比較淡加上冇餸比較淡比目魚都幾香，個汁都幾夾茶碗蒸偏淡前菜魚仔味道唔錯不過有啲硬甜品個焦糖好甜另一個lunch set 松阪豬呢個有麵豉湯，同埋配竹筒飯主要想試個竹筒飯，幾有趣但唔係特別好食，冇特別香松阪豬係豬頸肉，口感彈牙唔錯單點小食炸池魚仔，都幾多骨每人加咗隻柚子生蠔還好啦，加咗柚子唔會好腥，少少鮮甜

在 megabox shopping ，逐層睇吓有咩岩食，看餐牌唔算貴，有「大人兒童餐」大條鰻魚唔使 $100 咪去試吓有茶碗蒸。飲品係 Qoo 食完仲可以自選小玩具，好似開心樂園餐咁。另一個係西京燒配竹筒飯。 有甜品 係焦糖燉蛋。日式定食  性價比高。唯一令人失望係兒童要用即棄餐具。雖然我同佢換返⋯

餐廳位於Megabox foodcourt，主打係日式竹筒飯，又唔使等位，就入去試下。#三文魚籽貝柱竹筒飯見佢做緊期間限定「北海度直送貝貝祭」，一於就叫個三文魚籽貝柱竹筒飯定食，包前菜、茶碗蒸、湯及甜品。貝柱同三文魚籽都新鮮，雖然細細粒但肉質彈牙，飯有淡淡竹香味，冷冷刺身鮮味加上暖暖嘅米飯，食落口感豐富，層次分明。前菜係紫菜肉鬆卷同幾條魚乾仔，茶碗蒸好滑，麵豉湯入面有蜆肉、櫻花蝦同昆布，幾好飲唔鹹，甜品係焦糖燉蛋，蛋滑唔太甜。#吞拿魚腩蓉三文魚籽海膽刺身丼個人就最鍾意呢款配搭，簡直係perfect match，吞拿魚腩蓉三文魚籽新鮮，海膽鮮甜味濃郁。主食還附上烏冬或蕎麥麵，客人可按照自己口味選擇冷或熱，相當貼心。我就揀咗冷烏冬，烏冬質地爽口彈牙。小朋友更可選擇流水烏冬兒童餐，見到隔籬枱小朋友玩緊流水機，我下次都想叫個兒童餐。#竹虎京堂地址：九龍灣宏照道38號Megabox 10樓4號舖電話：21772108