Talk 2 DeCream (Closed)

前排帶住亞女出尖沙咀行街街！實在太炎熱☀️☀️☀️！Cotton On側門行出黎見有雪糕店！成間鋪頭仲係粉紅色的，亞女就話要食。三重奏朱古力柸有3種層次🤓🤓！朱古力控要去試試！最底係朱古力曲奇碎，之後係朱古力雪糕，面頭淋上榛子朱古力醬再加玄米朱古力粒粒，面頭仲有一塊Oreo餅仔添！超濃郁既朱古力口感超豐富！感覺有點甜，但朱古力控應該唔會太介意！榛子朱古力醬加左玄米朱古力粒食落似金莎朱古力表面😍超級邪惡😈😈😈。藍莓雪糕乳酪奶昔用冷凍藍莓打成果泥，再加乳酪攪拌😍😍面頭仲放了雪糕添！藍莓味道重，好香果味！健康又有營養，好適合炎熱天氣飲。

今日請左半日假，係大熱天時下同閨蜜去左Talk 2 DeCream嘆返杯雪糕先。呢間雪糕店以粉紅色為主調，少女感好重，好岩女仔黎。餐牌有唔少款式既雪糕，我揀左三重奏朱古力杯，閨蜜就揀左生蜂蜜玫瑰奶杯。生蜂蜜玫瑰奶杯好吸睛，牛奶味雪糕好幼滑，雪糕入面加左啲oreo餅碎，多左重口感，蜂蜜味幾出，唔會死甜，好好食。三重奏朱古力杯好濃朱古力味，除左都有oreo餅碎，仲加左榛子醬同玄米粒，口感更豐富，每啖都食到脆脆既口感。佢既甜度強過蜂蜜玫瑰奶杯，朱古力迷一定鍾意。

夏日炎炎，最好梗係食雪糕啦🤩每次去尖沙咀行街，都一定要去呢間「Talk 2 DeCream」💕激發一下我嘅少女心😂粉紅色的外牆，打卡真係好靚😍而我最鍾意佢旁邊果句說話Life is like an ice cream, Enjoy it before it melts 🥰🔹肉桂蘋果樹$52 ：每次去都必食😎我最愛既肉桂味😍肉桂最佳拍擋一定係蘋果‼️而佢呢杯雪糕入面既蘋果，係自家煮製👍🏻甜度到酸度都啱啱好🥰口感爽口得黎唔會太爛最正既係雪糕底仲有餅乾碎🤩口感層次再度提升🤤超正👍🏻🔹特濃曲奇奶昔$29 ：店員推介我地試呢杯💕佢話成杯都係用Oreo打出黎飲落真係有好濃Oreo既味道😍面頭仲有Cream加朱力醬，勁邪惡🤩今次真係想唔減肥都唔得🙈味道：5/5服務：4/5環境：4/5抵食：4/5

呢排出街真係好熱，行一陣就出哂汗，成日都想買茶飲品消下暑，但飲得多又怕肥🙈有朋友推介尖沙咀有間唔錯既雪糕店，叫我可以去一試，小店空間比較細，不設座位同堂食，不過裝修都幾靚，粉紅色為主，旁邊仲放置花同公仔，店員服務態度好好，會有簡單介紹唔同既味道.1. 三重奏朱古力價錢唔算平，都要$50幾蚊，不過鍾意朱古力既人見到應該會幾興奮🤣因為睇落真係好濃郁，榛子既味道令我諗起金莎，其實兩者真係好夾，好好味，但雪糕都比較易溶，真係唔可以影太耐相

💛沒有共產黨 沒有雪糕吃💛 今日去既係位於尖沙咀 近期好紅 趕係回歸前用富有中國特色既slogan苦中作樂既人氣雪糕店🙊呢度有唔少特色雪糕同飲品 今次我哋揀咗三重朱古力杯同生蜂蜜玫瑰奶杯雪糕🍦 三重朱古力杯係要介紹俾重度朱古力控 雪糕嘅中層同面層都加上大量嘅金莎朱古力醬😍 配上香濃朱古力雪糕 識落真係超濃朱古力味🍫 生蜂蜜玫瑰雪糕奶味香濃 雪糕入邊有一片片新西蘭生蜂蜜🐝 感覺好潤好甜蜜 底部仲有啲Oreo碎 每一杯都好多材料好滿足🌟

原來小店上年12月已經開張，係厚福街尾cotton on對面，離遠已經見到粉紅色既外牆，裝修超有少女心，雪糕標榜天然無添加，每日新鮮即製，不留過夜，可安心食用😆旁邊有張木檯，可以比客人打卡用🤣小店除左雪糕之外，仲有梳打、奶昔，店員推薦三款雪糕，包括生蜂蜜玫瑰奶杯雪糕、肉桂蘋果樹雪糕、三重奏朱古力杯，作為朱古力控，一定非叫朱古力不可🙈－－－－－－1. 三重奏朱古力杯 $53 7.5/10三重奏包括左朱古力榛子可可醬、玄米脆脆粒同埋朱古力餅碎，雪糕係意大利朱古力，好滑同埋好濃郁，再加埋榛子醬，味道唔會好甜，而且每啖仲有脆脆同餅碎，口感好豐富🥰

少女心既裝修💛天氣咁熱，仲要戴口罩😷一定要食雪糕消暑🍦今次就發掘一下香港嘅雪糕小店生蜂蜜玫瑰奶杯🌹好推介！雖然賣相冇玫瑰但係食落玫瑰味幾出😀唔會係落好多糖，因為佢係蜂蜜，好天然！仲要完全唔吝嗇，好大方😀有一大舊生蜂蜜🤤好好食🤤下次一定要encore芒果脆穀杯夏天就梗係唔少得芒果啦😝超大杯，食落就好似食緊早餐咁🤣一啲罪惡咁都冇！芒果味係主角，同埋cereal 食又真係幾夾喎😃食完之後涼浸浸，舒服晒💛

天氣實在太炎夏讓人忍不住要吃冰凍食物消消暑其實厚福街也有不少選擇但早兩天才喝完茶飲 今天就不喝了所以選擇了吃雪糕.店舖很小沒有提供座位只有店外的一張小小橫枱讓客人站著吃但感覺到店內的裝飾/顯示屏是花了很大心思去設計打卡不錯小店提供的雪糕味道選擇並不算外但只要有我喜歡的口味便已很足夠了朱古力確是很吸引.- 三重奏朱古力杯是怎樣三重呢?朱古力雪糕 + 朱古力醬 + 朱古力餅(?!)雪糕的朱古力味道濃厚 不會太甜質地夠軟滑可惜溶得快朱古力醬內混了很多脆米粒粒拌雪糕吃能加強朱古力味道不錯朱古力餅則是平日吃開的味道 沒有太特別.看到其他客人點了梳打/奶昔看看來也不錯呢希望再有機會來試試

之前一直有bookmark 呢間起尖沙咀厚福街新開既雪糕 店外充滿粉紅色 好夠少女 呢日終於同奶綠男嚟咗一人一杯 我哋叫咗杯芒果脆穀杯同三重奏朱古力杯 芒果脆穀杯 軟雪糕好重奶味撈埋脆脆既穀物片加上芒果甜甜地 配搭起嚟幾開胃另一杯係三重奏朱古力杯 有偏苦既黑朱古力雪糕 上面淋咗榛子醬加上粒粒脆米好香脆 食落好濃郁 食完勁飽肚 如果大家嚟到既話就會睇得去佢哋都真係幾有心思 唔透露太多 不過依加去食雪糕就有得掃碼做個測試 仲可以再抵啲咁嘆到雪糕 經過附近既話不妨去食返杯雪糕🍦😌

第一次食完雪糕寫食評🤗經過厚福街呢條巷仔，比呢間粉紅色小店吸引咗。天氣熱辣辣，嘆返杯雪糕就最滋味。好多口味選擇，而且好多款式都特別，唔係四圍都食到嘅口味。帶住愛吃嘅小孩，佢一睇Menu就揀咗杯特濃朱古力杯。有杯真好，小朋友食都唔怕論盡滴到週圍係...朱古力味果然係好濃郁，而且無咁易溶，軟雪糕好香滑，仲配有Oreo脆餅。唔只小朋友，連大人都喜愛😍我就揀咗「芒果脆穀杯」果然係好脆卜卜呀，平時買到嘅粟米片都無咁脆咁新鮮，芒果味好香👍🏻配香滑牛奶雪糕...裡面仲有餅乾碎添...Yummy食過就比較到質數，同平日連鎖快餐d低質軟雪糕真係無得比。真係好想試埋其他口味，下次嚟尖沙咀一定再嚟👍🏻

一家好精緻的雪糕店，夏天好熱所以都要等幾張單，不過見到店員都好努力而且有心機咁整靚杯雪糕，我都唔介意等多一陣就係O係呢個櫥窗，可以睇到職員整雪糕的過程，成個DESIGN好靚，完全係好正既影相同打卡位~!見到入面的材料都KEEP得好乾淨，令人食得都好放心。登登~~~我地點既兩杯終於整好LA~右邊既係蜂蜜玫瑰杯$52，左邊就係芒果脆穀杯$49芒果脆穀杯---香濃白滑既牛奶雪糕，配上夏天最愛的生果--芒果真係一個無敵而且永恆都咁好食的甜品~!今次再加埋CEREAL~~呢個脆卜卜的早餐夾埋入呢個雪糕之中，都陪創新同好食WOR蜂蜜玫瑰杯---呢個就冇生果，以蜂蜜配合雪糕，令質地更滑更甜，玫瑰味淡淡的，成個都好FRESH同淡淡的味道，O岩D唔喜歡太HEAVY的朋友。綜合來講，兩個雪糕都好好食，$40左右有交易，我覺得比去食大牌子的雪糕店更加有特色~~~

小店嘅裝修以粉紅色為主，門口有大大個霓虹燈牌，非常吸睛🤩標榜雪糕天然無添加，全部選用澳洲牛奶製作，每日新鮮即製，不留過夜，口味大概有🔟款🍦💗三重奏朱古力杯($53)意大利朱古力軟雪糕口感幼滑，味道香濃🍫店員即時用小爐暖溶榛子可可醬，再淋上雪糕到，有冰火嘅感覺🌰用左75%黑朱古力，所以食落微苦唔會太甜。而且混入大量脆卜卜嘅玄米粒，口感好豐富。底層係朱古力餅乾碎，朱古力更濃郁。最頂層仲插住塊Oreo，整體感覺好純厚🍪💗肉桂蘋果樹($52)牛奶軟雪糕細緻香滑，奶味濃郁🥛內層加入忌廉同自家製蘋果蓉。果醬從切粒到烹調，單單手工過程都要接近3個鐘。粒粒蘋果仲係好有咬口，唔會煲到冧哂，入口酸甜開胃🍎底層係麥維他餅碎，食落脆脆地帶少少牛油香🧈上層再撒上肉桂粉，肉桂香慢慢滲出，份量剛好唔會太搶味。最頂層仲插住塊蘋果脆片，整體感覺好清新😍

Talk 2 Decream - 粉色系夢幻雪糕屋從門面已非常搶眼的粉紅色系，配上粉紅色的霓虹燈燈管，走少女夢幻風的雪糕店，成為網上熱門的打卡熱點，今日我也不例外到這影相呃一呃like先！肉桂蘋果樹首先不得不提是最重要的軟雪糕，是玫瑰花味的牛奶口味，淡淡的花香，再配上肉桂的甜味，還有肉桂脆卡和蘋果乾，帶一點酸酸味道，三者配搭一起時相當清新。三重奏朱古力杯作為朱古力控當然要試試，幼滑香濃的朱古力軟雪糕、香脆的朱古力碎碎、再倒上上朱古力榛子醬，三重朱古力體驗，名副其實的朱古力三重奏。

夏日炎炎除了正好眠之外就係吃冰凍的雪糕，難得放假跟女友到尖沙咀閒逛。選了一杯藍蝶花梳打再加一杯肉桂蘋果樹雪糕。女友說這些梳打都採用健康天然材料，有些更是鮮打鮮製，L 選了藍蝶花貪其紫藍色特出。入口清新不會太甜。至於女友的肉桂蘋果樹就是玫瑰味牛奶，入口有微微的玫瑰香味，肉桂的味道很特出。頂部插了蘋果脆片，再加上鮮制的蘋果蓉醬令入口酸酸甜甜而底部亦有些麵包糠。整體就是冰凍版的蘋果金寶。粉紅色的外觀實在吸睛，旁邊玻璃窗下加一塊摺疊式樣板，方便即場立食會更好。

今天同姊妹去尖沙咀購物，行經厚福街，發現入面粉紅色少女風的雪糕店「Talk 2 DeCream」，裝潢西式格調，環境相當不錯，姊妹話要去品嚐雪糕。位於尖沙咀區，地理位置方便，有一份雅緻休閒，這裡十分墟冚，很多顧客前來捧埸，今次我和好友平日過來。進入Talk 2 DeCream，充滿少女風的雪糕店，佈置和擺設都十分美觀。店內佈置優雅，周圍添置了很多充滿風情的藝術格調。店內見到好多雪糕款式，雪糕都圖文並茂，雪糕的相片好吸引。餐牌添置雪糕的款式及價值，杯裝 / 筒裝都可選擇，未食巳吸睛，期待品嚐雪糕。我喜歡蜂蜜，選擇生蜂蜜玫瑰奶杯，朋友選擇特濃朱古力杯。生蜂蜜玫瑰奶杯蜂蜜是優質的蜂膠取出來，雪糕是天然的玫瑰水混合制成，雪糕質感夠細密，裡面軟滑，入口好輕盈，口感清甜，帶出絲絲甜意在心頭，入口甜而不膩，帶到另一個新層次，令我喜出望外。特濃朱古力杯雪糕杯有很多朱古力，朱古力雪糕很香濃，陣陣朱古力味道，仲有oreo及朱古力醬，二者配合非常合拍，質感夠幼滑，令人心曠神怡，充滿優雅不膩的滋味。Talk 2 DeCream   地址：尖沙咀厚福街9號豪華閤地下A號舖