Talk 2 DeCream (Closed)

今日請左半日假，係大熱天時下同閨蜜去左Talk 2 DeCream嘆返杯雪糕先。呢間雪糕店以粉紅色為主調，少女感好重，好岩女仔黎。餐牌有唔少款式既雪糕，我揀左三重奏朱古力杯，閨蜜就揀左生蜂蜜玫瑰奶杯。生蜂蜜玫瑰奶杯好吸睛，牛奶味雪糕好幼滑，雪糕入面加左啲oreo餅碎，多左重口感，蜂蜜味幾出，唔會死甜，好好食。三重奏朱古力杯好濃朱古力味，除左都有oreo餅碎，仲加左榛子醬同玄米粒，口感更豐富，每啖都食到脆脆既口感。佢既甜度強過蜂蜜玫瑰奶杯，朱古力迷一定鍾意。