Video
4-min walk from Exit B2, Wan Chai MTR Station
continue reading
Telephone
23278630
Opening Hours
Today
11:30 - 21:00
Mon - Sat
11:30 - 21:00
Sun
Closed
Public Holiday
Closed
Public Holiday Eve
11:30 - 21:00
Above information is for reference only. Please check details with the restaurant.
Recommended Dishes
做gym前又去左間食有健康餐嘅餐廳 Tallore, 喺正灣仔利東街隔離條街（廈門街）。好欣賞佢有好多多款唔同種類嘅素食選擇，但係沙律都有11款，仲有墨西哥卷餅、椰菜花飯、營養碗等套餐，我淨係諗食咩都諗咗一段時間😂最後我揀咗嫩滑雞胸椰菜花飯套餐，加咗兩款細沙律同埋細湯品。南瓜香草湯香滑又好濃稠，好有飽足感！菠菜蘑菇鮮薊沙律 + 角切吞拿魚沙律配橘子芝麻醬兩款沙律擺埋一齊，上層係菠菜蘑菇鮮薊沙律，菠菜清爽唔澀，蘑菇調味過，味道唔錯，鮮薊注入左一絲酸甜嘅口感，整體加埋個醬汁係偏濃郁帶酸甜嘅感覺。而角切吞拿魚沙律配橘子芝麻醬嘅醬汁係我平時食開日式柚子醬汁咁，但係呢個橘子芝麻就再新鮮啲～吞拿魚鮮嫩，角切有咬口，沙律菜都好新鮮好爽👍🏻嫩滑雞胸椰菜花飯（附自家秘製香橙醬汁）** 雞胸肉出奇地嫩滑，唔柴！配埋佢個香橙醬汁真係冇得頂，香橙醬汁好fresh，有一種平淡清甜嘅感覺，配雞胸好夾😍椰菜花切粒大小恰到好處，配埋藜麥增加口感，所以唔會好似自己屋企煮咁，食到好寡。其他配料都好健康，包括紫椰菜、糖心蛋同埋車厘茄，真係增肌必選。其實我飲完個湯同埋沙律已經有啲飽，真係食菜都飽，所以大家可以衡量自己嘅胃口去揀想食嘅健康餐💪結論好味度：8.5/10回頭度：9/10
continue reading
餐廳：Tallore地點：灣仔廈門街菜式：輕食店餐牌：Wraps，沙律，湯，高能量營養碗，椰菜花飯，都有套餐今日叫左兩個combo。煙三文魚梛菜花飯 $82呢度有特色梛菜花飯，有6款餸揀。煙三文魚有三片，油脂豐富，好肥美，送沙律食一流。梛菜花飯有成半碗有多，暖暖地，伴有少少紫梛菜、粟米粒、車厘茄、枝豆同雞蛋半隻，色彩配搭豐富，營養充足。另上一兜自家秘製香橙醬汁比你調味，味道香甜。煙三文魚牛油果捲 $78呢款煙三文魚牛油果捲係新野，試試先。即叫即整，一開二方便食用。塊捲皮好薄，有烘過，少少脆，入面爆餡。非常多波菜苗，大大塊煙三文魚，仲有爽脆青瓜、番茄、香辣洋蔥、滑溜牛油果，真係啖啖有料，口感多重，味道好好，而且完全唔乾，好食呀！自家製沙律 細 加$35自家製細沙律可以揀兩款，係雪櫃揀，今日一共有11款可以揀。角切吞拿魚沙律配橘子芝麻醬角切吞拿魚有兩大粒，好新鮮，加有黑白芝麻粒。配有沙律雜菜同青瓜粒，味道唔錯。羽衣甘藍紫椰菜配西班牙曼切格芝士沙律羽衣甘藍爽口，而紫椰菜好多，配有紅蘿蔔絲，味道甜甜地，加有好多曼切格芝士，好夠味。經典凱撒沙律經典凱撒沙律好爽脆，配有好多雞肉同法包粒，醬汁豐富。菠菜蘑菇朝鮮薊沙律菠菜好鮮嫩，而面頭芝士粒令到d菜好夠味。澳洲諾亞天然果汁 加$22出面無見過呢款澳洲諾亞天然果汁，係玻璃瓶裝，一共有4款，我地揀左Apple, beetroot, orange, carrot, ginger, veggie juiceApple, pear, mango, feijoa, yuzu, matcha juice smoothie味道複雜而好飲，感覺健康，非常高級！呢餐非常健康！入面有幾個位，可以坐低食。附近返工又想食得健康人士可以考慮。
continue reading
今日想食得健康d, 發現原來灣仔近利東街有呢間專賣salad wrap既餐廳佢擺出黎既salad都幾多款式, $68蚊可以簡3款我簡左分別簡左:-Pesto Pasta Salad with Blue Cheese意粉配左淡淡既blue cheese,調味岩岩好-烤蝦羅勒醬藜麥佛陀碗沙拉沙律藜麥充滿羅勒醬,好香口,入面仲有好多蝦肉-南瓜沙律配楓糖醬入面既烤南瓜配上楓糖醬好香甜, 仲有好多烤南瓜籽, 令到口感更加rich呢個份量真係好大份,成個盒都塞到滿滿, $68呢個價錢真係抵跟住仲簡左個湯 Smokey chicken soup佢有D似羅宋湯,入面好多雜菜,仲有雞絲,口感好豐富係咁凍既天氣下飲即刻覺得暖番個胃我仲叫左個Wrap, 佢Wrap既選擇都幾多今次我簡左the chicken 入面有手撕烤雞肉,生菜,蕃茄,青瓜,車打芝士手撕烤雞肉既份量好多, 係滿滿既protein! 生菜蕃茄都好新鮮食落好滿足又飽肚呢個真係好岩追求健康既人去食, 有時食健康野唔一定話唔好食同貴其實都有好多選擇
continue reading
灣仔廈門街附近有間專門賣自家製沙律、墨西哥捲餅和椰菜花飯嘅舖頭。點咗兩個Set Menu， 第一個點咗煙三文魚捲 （$78）材料豐富，有煙三文魚、馬蘇里拉芝士、牛油果、菠菜苗、蕃茄及青瓜同埋配上自己製香草蒔籮醬，捲餅蔬菜比例重，食落清爽，而且份量有兩隻手掌大，食完一定夠飽。再額外加咗個自家製沙律（細）（+$35），餐廳提供多達11款沙律，而細沙律入邊可以揀其中兩款。我哋就揀咗三色番薯栗子南瓜配黃金楓糖醬&羽衣甘藍紫椰菜配西班牙曼切格芝士沙律，兩款沙律都好新鮮爽脆，有機會都想試埋其他沙律朋友選擇咗煙三文魚椰菜花飯，煙三文魚含有豐富Omega 3，喺健康好食之選，除咗煙三文魚之外，仲有鮮粟米、糖心蛋、車厘茄、紫椰菜、椰菜花飯配合，食落清爽無負擔，而且高纖維、無麩質同埋豐富蛋白質，都幾適合減重/注重健康既人朋友受選擇加點湯品（細）（+$30），南瓜香草湯，質地濃稠，香草味明顯，咁凍既天氣飲尤其適合。我地飲品都選擇咗澳洲諾亞天然果汁（+$22），total有四款果汁可以揀。我地選擇咗以橙、蘋果、菠蘿為基底嘅果汁，充滿熱帶風情
continue reading
又到左星期五，忙完一個星期要食餐好嘅慰勞下自己，喺利東街睇完聖誕燈飾，就喺附近睇下有咩好食，比"Tallore" 鋪頭入面嘅介紹吸引左，好難得有咁健康嘅鋪頭，有沙律、有烤捲、有椰菜花飯、仲有湯。真係啱曬想減肥，又鐘意食好野嘅我⭐️招牌南瓜香草湯新鮮滾熱辣，好香南瓜味，係南瓜嘅甜味呀。仲有香草吊下味，好夾，好好味⭐️墨西哥捲餅：煙三文魚捲大大舊，好足料，入面有煙三文魚、馬蘇里拉芝士、牛油果、菠菜苗、蕃茄、青瓜，仲配埋自家製香草醬，真係又健康、又好食、又有營養⭐️⭐自選沙律⭐三色蕃薯栗子南瓜配黃金楓糖醬顏色好靚，蕃薯、南瓜好淋，仲好甜添。估唔到栗子都可以用黎做沙律，好新穎嘅配搭，但係又好食喎，豐富左個口感⭐️蝦烤蝦羅勒醬藜麥佛陀碗沙律有蝦、三色藜麥、車厘茄、青瓜、火箭菜，材料好豐富、好健康，食落嘅口感都好豐富，正呀，大滿足⭐️雞肉薯仔沙律薯仔好淋，雞肉唔會一大舊，撕碎左，好方便食，個沙律汁好輕微少少辣，同薯仔、雞li類本身冇乜味嘅食物好夾3個沙律總括黎講就係：又高纖、又健康、又好食，真係一次過滿足你3個願望呀
continue reading
You may be interested in