譚仔雲南米線 (華商會所大廈)

Open Now

Now Closed

養生暖胃之選：雞肉鮮淮山黑蒜清雞湯天氣轉涼，試咗哩款米線！湯底係好養生嘅味道~味道足淮山好爽口，平時食開好淋嘅，覺得爽口口感好正😂雞肉配炸蒜幾夾，配合蟲草花，夠滋補！

譚仔雲南米線係2023年1月5日推出全新嘅「雞肉鮮淮山黑蒜清雞湯米線」同埋冬季限定小食同2款限定特飲❄️🥰，連《飯戲攻心》嘅情侶 王菀之、陳湛文 都已經試咗啦🤟🏻：-1️⃣「雞肉鮮淮山黑蒜清雞湯米線🐓🧄🍜」黑蒜熬製嘅雞湯湯底十分甘香鮮甜，好好飲！仲有配料：鮮淮山、黑蒜同嫩滑juicy嘅雞肉🥢 ~Rice noodles in chicken and black garlic broth soup👍🏻-2️⃣「海帶牛蒡白切肉($23)」(限定)(1月16日起發售)小食同樣有驚喜！肉條香嫩惹味，配上滑lulu嘅海帶，小編清晒成碟！🤣🔥👍🏻-3️⃣「生薑香橙白玉特飲🍊 (原價$17/ 加配價$14)」(限定)生薑搭配香橙同粒粒白玉，飲落酸甜微辣~Ginger orange soda-4️⃣ 「三色檸檬可口可樂🍋🥤 (原價$16/ 加配價$13)」(限定)鮮檸檬、青檸、咸檸檬配上可樂！飲落3重酸爽！~Cola with 3 types of lemon

🍜 #譚仔雲南米線譚仔又出新嘢喇😍 今次係雞肉鮮淮山黑蒜清雞湯米線，啱晒最鍾意食雞肉嘅我😚！🐣 雞肉鮮淮山黑蒜清雞湯米線黑蒜清雞湯清甜唔油膩, 再配搭埋健脾補胃又潤肺嘅鮮淮山同嫩滑嘅雞肉, 可以喺呢個冬天幫大家提高人體免疫力, 更加可以驅寒暖胃🥰! 我加咗$8加雞件, 碗米線有超多雞件, 好嫩滑好好味😋! 另外淮山都可以再加, 淮山軟腍度適中, 浸埋黑蒜湯雞湯好好味咖☺️~🐷 海帶牛蒡白切肉呢個係一個冷盤嚟, 養生嘅牛蒡同海帶, 配搭爽口嘅白切肉, 口感豐富~ 意外之處係佢雖然辣, 但唔油之餘仲可以解膩😆!🍋 三色檸檬可口可樂呢個係用三種檸檬配搭可口可樂嘅特飲, 三色檸檬包括鮮檸檬、青檸、咸檸檬, 層次豐富, 加埋可樂gur晒喇🤤~~🍊 生薑香橙自玉特飲呢個係加咗生薑同白玉嘅橙汁特飲, 生薑嘅辛辣中和咗橙汁嘅酸甜, 加埋白玉啫喱, 味道同口感都一級棒!

超香的黑蒜作為米線味道主調，配搭清雞湯，口味鮮美而不油膩，當中有足量的嫩滑雞件，肉質厚實彈牙，加上爽口的新鮮淮山，非常健康養生！以愛玩小生所知，淮山健脾補胃，加上黑蒜更可提升免疫力，真係好健康呀！

今日去左呢間譚仔米線，因為佢哋出咗新嘅Apps落單方式，所以第一次使用有少少混亂。明明自己落咗10小辣，唔知點解會撳咗雙大辣，店長即刻過嚟幫我換咗佢，仲同我講咁你一定食唔到啦！個Apps有少少蠢，係order唔到細嘅木耳，店長又即刻幫我轉人手order，我覺得呢個店長都好忙，又要收錢，又要落單，又要上菜！簡直就係一腳踢！但係咁忙嘅時候服務態度依然好好，佢仲要係一個好後生嘅男仔！之前去過呢間譚仔都唔係呢個店長，不過呢間譚仔嘅態度一向都OK嘅！

一直都係譚仔既fans想試下佢出既早餐 但偏偏唔係間間分店都有 難得返工前見到中環既分店有售就試一試啦🤓睇佢個早餐menu 大部分同普通茶餐廳差唔多最特別就係土匪芝士多士仲要係推薦選項所以就叫左外賣來試下😌可能唔係繁忙時間 唔多人等 好快就出餐可以攞走 返到公司打開賣相都唔錯❤️ 個外皮唔會太淋被倒汗水影響仲有少少烘焙香味 個內餡滿滿既炸醬同芝士超有咸香味但又唔會過咸 是炸醬fans值得一試既選擇🥰不過價錢連左一杯熱飲要價31蚊 就有少少偏貴🙈

🥢 譚仔雲南米線絕對係香港人嘅福音，不論返工行街見到都會有衝動想入去食或者打包，而我地呢啲中環打工仔難得公司樓下有譚仔，梗係要時不時幫襯一次啦🤭🤭🤭 💡 中環午餐係超級繁忙時間，建議提早打電話去叫外賣自取，如果唔係現場買真係可能等半個鐘頭㗎 ✨ 兩餸米線 魚腐 牛肉 小辣湯底譚仔麻辣湯真係好惹味，麻感好重，湯底唔會好油膩，就算加辣都冇乜油，但辣得黎仍然保留譚仔清湯嘅甜味，真係一流，而且牛肉魚腐用料選擇都好有特色，點樣可以唔上癮😊

平日下午去譚仔試吓呢個新嘅口味-濃汁豬軟骨花椒重慶酸辣湯寛麵-$45(2.5/5)寛麵唔夠彈牙，麵質比較實在，冇米線咁好食，湯底偏辣，但都係本身嗰隻麻辣/酸辣好食啲，豬骨好入味，好食，但對個湯底就有少少失望。

依家市面上連鎖麵店好多, 譚仔就係其中一個非常高質嘅選擇,所以今日又去譚仔試左晚餐。今次叫左左一碗份量十足嘅過橋米線同埋5隻雞翼。份量十足嘅過橋米線水準唔錯,米線嘅麵身非常易入口,而作為襯托嘅配料都好足,所有配料都香味濃郁。湯底方面因為辣我食唔到,所以只可以係清湯,味道夠健康。至於今次雞翼嘅水準都唔錯,外脆內嫩,再加上整叫即整,好啱雞翼愛好者嘅口味。譚仔已經係香港係一間好出名嘅連鎖麵店, 大家一定要親身試一次佢水準之上嘅野食。總括黎講,譚仔係一間CP值top連鎖麵店。

真係估唔到譚仔成日都會有新搞作！佢地呢排就真出左豬軟骨寬麵🤩唔再淨係得米線同薯粉🍜豬軟骨炆得好軟腍又入味🐷湯底酸酸辣辣 豆卜同寬麵都好索湯 超級惹味呀✨寬麵彈牙又有咬口 好食😋

譚仔真係成日都出新野🍜最近佢哋就全新推出咗豬軟骨寬麵💕個人覺得真係唔錯！豬軟骨炆到好軟腍好入味🐷湯底係花椒重慶酸辣湯 酸酸辣辣 好惹味🤤過麵好滑溜 仲好掛湯 加埋索晒汁嘅豆卜 真係好正！！

譚仔又有新款推出喇‼️<濃汁豬軟骨寬麵>今次仲聯乘左阿婆走得快 & 大麻成既創作人本地漫畫蘇泳康 設計出包括全新譚仔姐姐角色在內既三款「譚仔米扇」🤩fans們8月1號就開始嗌濃汁豬軟骨寬麵就有得獲贈喇🙌🏻🌟濃汁豬軟骨寬麵豬軟骨經燘煮後濃郁入味 仲好軟腍搭配升級版既花椒重慶酸辣湯 惹味十足配餸同麵條都吸收哂湯底精華😋而寬麵麵底口感彈牙仲好掛到湯!🌟 甜辣雙併雞卷口感嫩滑 仲要係無骨啖啖肉再配上惹味既秘製辣汁 好惹味👍🏻食到辣辣地就可以食番粒好甜既車厘茄中和番😆🌟菠蘿野菜汁特飲一杯有20多種蔬果營養💯使用野菜生活 100 甘筍混合汁製成飲落完全沒草青味之類‼️再配搭新鮮香甜既菠蘿蓉🍍呢杯真係好refreshing 👍🏻🌟 青檸薏米特飲夏天最岩飲 祛濕消腫等功效多多🙌🏻酸甜青檸汁搭配檸檬薏仁水飲落清甜不膩 甜度剛剛好 又夠解渴 最緊要係夠健康👍🏻

素食越來越廣泛... 原來譚仔依家都有素食提供!Order咗👇~ 蟲草花素湯 Omni 新豬肉芹菜餃子配青通菜菜底 ~ 紅油 Omni 新豬肉芹菜餃子~ 三花清潤綠茶感覺上蟲草花素湯底幾香濃... Omni 新豬肉芹菜餃子口感清甜! 而小食紅油 Omni 新豬肉芹菜餃子好啱我心水... 辣辣地... 好開胃!飲埋冰凍三花清潤綠茶即時凉透心!

ℂ𝕖𝕟𝕥𝕣𝕒𝕝 • 譚仔雲南米線 🍜📍中環干諾道中𝟚𝟙-𝟚𝟚號華商會所大廈地下至𝟙樓🔍太多不能盡錄::::::::::::::::::::::::::::::🌶 @tamjai_hk 繼去年推出的「麻辣汁烤雞炸醬撈米線」，今年新推夏天開胃新口味「烤豬柳芝士泡菜撈米線」🧀，鹹香的芝士加上酸辣的泡菜，豬柳鮮嫩多汁，芝士份量澎湃卻沒有飽膩的感覺，有點像豬柳蛋的味道。另外加推「隨意撈」，讓食客撈出專屬自己口味的譚仔～兩款全新特飲包括荔枝青檸寒天特飲和玫瑰草莓 Tᴏɴɪᴄ 特飲，小編較喜歡前者的酸爽清甜，正好消暑解辣💦

譚仔撈米線回歸喇👏🏻真係好岩夏天食 夠哂開胃😋🌟烤豬柳芝士泡菜撈米線充滿鹽香既芝士汁配上酸酸辣辣既泡菜撈勻米線一齊食係非常之夾 實在非常滋味烤豬柳外脆內軟性 鮮嫩多汁💯另外仲可以追加其他配料 我加左竹笙同魚蛋完全無違和感😆仲有另一款芝士泡菜隨意撈 可自由配搭👍🏻🌟玫瑰草莓Tonic特飲用左玫瑰同士多啤梨果汁調配出來 👍🏻飲到啖啖🍓香味之外仲有🌹花香味 酸酸甜甜 特別refreshing 💯🌟荔枝青檸寒天特飲飲落荔枝味濃夠鮮甜 配酸酸既青檸正好中和番個甜度💯加埋Q彈既寒天 口感更豐富👍🏻