譚仔雲南米線 (Moved) New Location

譚仔最近新出咗一款米線，仲搵埋七師傅宣傳，身為七粉嘅我梗係要試吓啦。因為見到app做緊優惠，所以都係外賣送上門。講吓有咩餸先，長蟹棒有一條，帶子就有三片，魚片頭有一片定唔知兩片，再有埋啲紫菜。湯底係泡椒酸菜魚湯，不過就唔係好濃郁，辣度ok。覺得失望嘅係因為帶子薄到好似個$5銀咁，食落仲有雪味，不了。不過$40左右，譚仔都唔可以太高要求。試過一次就算啦，下次都係會叫返其他米線。包裝方面，米線同湯分開，送到黎都唔會好淋，但始終冇堂食米線咁好味。如果因為方便叫都冇乜所謂嘅，最好就梗係去返門市食啦。

米線精又出場！前排去左個長旅行，有成個日期無得食中餐，返到尼緊係整返碗墨丸雞肉米線啦間間譚仔係煮得有少少唔同，個湯式同d面既軟硬度係唔一樣！而天水圍天澤商場呢間呢，係煮得比較好，軟硬度適中，湯底辣度合理，點解我咁講？有d 譚仔師傅既十小辣係無辣，有d小辣整到中辣咁，幾肯定佢地無standard比班廚師跟。仲有我個人喜愛譚仔雲南米線多d，因為裝潢靚d，d姐姐服務態度好少少！食野要食埋個氣氛架嘛！！！！另外呢間既芽菜幾fresh

寻晚好地地谂住去天水围谭仔简单食完就走，点知等咗十分钟叫人落单，都冇人理，连续嗌咗四个人，都敷衍说等等就行开， 跟住有个所谓嘅店长就过嚟招呼我，我就有礼貌同佢讲话我叫咗四次都冇人嚟落单，点知佢个反应大到我真係估唔到，竟然当住咁多人面前大大声声凶我，话你都见到我哋客人多喇，等多一阵唔係咁大问题嘛，我话我见到前边迟嚟嗰两个客都落咗单，问点解落单咁简单嘅事都搞咁耐，早啲处理到就唔使我等咁耐，啲客早啲吃早啲走咪仲好，我问佢姓乜嘢，佢话私隐唔讲得，吓！所有连锁快餐店例如大家乐大快活的店长个名字都写喺铺头裏边，呢间连锁店特别奇怪。好似日本公司已经收购左谭仔，日本人管理的公司员工服务态度不嬲都好好，我真谂唔明呢间公司嘅管理层，到底知唔知员工嘅服务态度如何。老闆请员工去帮佢公司赚钱，唔係请员工帮手赶走d客，咁样做法真好似捉咗隻老鼠入米缸食晒佢啲米咁样。请个咁恶劣嘅员工同佢趕啲客我都第一次见。寻晚同埋今日打咗两个电话，去反映一下，竟然到而家都仲未有回复。所以有一句说话係好真嘅，有乜员工就有乜嘢嘅管理层，我一家大细同埋叫埋啲亲朋戚友以后一定唔会再去谭仔食嘢。我一向好少写食评，今次是例外，可想而知寻日个店长

都有一段幾長時間冇食譚仔，今日去到見到佢個餐牌有少少唔同左😵😵小食嗰邊多左幾款菜可以揀，而米線配料嗰度就冇左豬膶😧😧😧咁我惟有嗌酸菜豆卜啦，佢個酸菜分開上嘅，一食，咸到呢......除左咸，都仲係得番咸，有啲失望呀

通常諗唔到食咩就一定會揀譚仔， 可以簡簡單單食一餐又唔容易中伏~ 所以就算去到好少去嘅天水圍，都係選擇返食譚仔 ，係我長期嘅飯堂吖🙂~今次叫咗雞肉豆卜米線， 譚仔嘅雞肉係好多人哋必選， 我都唔例外~ 份量夠多，又淋又入味。湯底都係鍾情於三小辣， 夠辣夠刺激之餘接受到~ 再辣我驚連味覺都冇埋😂 食唔出配料嘅味道。食麻辣就梗係要叫嘢飲啦。叫咗杯咸檸七， 咸檸檬篤到一半就可以啦，如果篤太多會好咸，蓋過7-up嘅甜道， 都係半咸半甜最好~

今日嚟到天水圍嘅新北江， 新北江是天水圍嘅人氣商場，這個商場有得多食市， 發現譚仔。晚上近8點的時間也要排隊 ，大概都只是等了五分鐘就可以入座。清湯淨米線 $18豬肉米線 $34 湖南酸辣湯底鐘意食辣味，所以選這個酸辣湯底，果然無失望湖南土匪雞翼 $23 三隻次次來譚仔必叫的雞翼， 夠香脆過橋米線套餐$ 55魚蛋，牛丸，墨丸，豬潤，牛肉，雞肉，豬肉，腩肉， 火腿，炸醬，酸菜，竹笙，芽菜，韭菜，腐皮，生菜，豆卜 共17樣，尼個其實2個人分享食都足夠咸檸7 $10

同朋友食午飯，只有一個鐘時間..兩個都二話不說話要食譚仔..我指明要係譚仔雲南..因為超級米線控既我最愛最愛當然係食譚仔雲南先有既湯底（重慶酸辣），同朋友都一樣點了呢個湯底..朋友吃雞肉，炸醬，重慶酸辣三小辣而我吃雞肉，酸菜重慶酸辣中辣食開都知雖然雞肉是雞胸但都不會鞋，而酸菜更加是去每次必食之選..配落湯底簡直冇得輸😍另外點了青瓜，夠味夠爽夠脆..非常清新..凍檸茶..朋友點的..他說茶味夠..同茶餐廳味道一樣好飲

星期六起身肚餓諗住食個早餐，係樓下成日都食大快活果d，於是就行遠少少去新北江食。以前新北江20蚊一個早餐周圍都係，但物價飛漲，食依家閒閒地食一個早餐都要30 蚊以上啦行左幾間，都未決定好咩好，突然俾我見到久違既譚仔，仲有早餐賣添，睇睇下個Menu 價錢好似幾親民bo，於是就決定入內一試咁有d肚餓，緊係食多份量d 既早餐A,有個通粉，都夠味仲有件多士，炒蛋轉左煎蛋最後飲埋杯熱奶茶。Overall 唔錯，唔駛等唔駛爭位，平價抵食之選。

雖然譚仔平時都會有dd韮菜附上做配料，但我試過一次係其中一個餸直程叫韮菜😂真係好多韮菜！本身我就好鐘意食韮菜，所以好滿足喔🤤🤤🤤不過如果淨叫一餸得韮菜又難免太齋了，所以當然有每次食譚仔我都必叫嘅炸醬✌🏻✌🏻✌🏻有時仲會加個蒜泥白肉，再叫杯飲品，當蒜泥白肉一份係同朋友share食，咁樣其實最後埋單都要五十幾蚊，食譚仔而家都唔平了🤔

同媽媽+BB去完健康院，之後就去新北江商場呢間譚仔試試，叫左個$51大碗過橋米線一齊食，嘩！！個清湯底超級咸，米線又煮得硬，我諗我以後唔會再黎食囉！！媽媽只係話杯奶茶唔錯囉~~

中秋節既午餐突然想食譚仔為左易泊車同埋跟住要入機場就去左新北江譚仔男人去到說呢間好 因為佢小食分量比外面既多今日小食嗌左木耳 成個兜 裝滿左木耳不過無撈"暈" 要自己撈食到最後都食唔晒仲嗌左蒜泥白肉（小)酸辣腩肉米線同麻辣湯底唔知咩唔知係咪中秋節見佢地今日4點收工既關係個湯底好似比出面淡左少少同埋呢間譚仔d位比較迫同新裝修既唔同 見佢地阿姐既野都係放門口既自己locker平時呢d野都係放裡面架嘛不過我諗呢個就係佢地大份又無加價既原因掛🤔

今晚收工去搵野食就行左新北江商場，呢度嘅餐廳開左好多間🤔，而我今晚就去左呢度嘅譚仔雲南米線餐廳食晚餐，我見到呢度嘅座位較為窄少少😣，但都坐得舒適，而我睇佢地餐牌嘅選擇亦都好多，由於覺得好肚餓我就叫左一個過橋米線加一支豆漿🤔，等左大約5分鐘左右碗米線就嚟到🤔，我見到佢地配料非常多有牛肉，豬肉，雞肉，牛丸，魚蛋。。等等，一碗米線裏面有咁多嘅配料，加埋個米線唔太林有口感，湯底又清甜重要配埋個酸菜感覺酸酸地，而配更有一碗炸醬配個米線一啖一啖咁食，呢個米線$51真係物有所值，我就加多$8叫左支豆漿，呢個晚餐真係好滿足，總體嚟講譚仔雲南米線可以值得再去㗎。

食個簡單晚餐都要一肚氣，唉 譚仔服務係零太家都知，但唔使差到咁囉，叫落單話部機無電叫搵第二個，第二個又無電，第三個又係，火都黎，無電唔使食咩？！千辛萬苦先叫到野食，一睇張單再火都黎，要凍檸茶走甜落左凍奶茶，要重慶酸辣三小落左湖南酸辣，少米線全走完全無，頂覆單個陣啱哂點解落單可以錯哂？！！好彩碗野幾好食，米線彈牙，冬菇厚肉鮮味，魚蛋爽口，今晚個湯底夠濃，夠酸夠辣又幾好味喎，杯檸茶茶夠濃 雖然服務零，但又會繼續幫襯