譚仔雲南米線 (Moved) New Location

今日心血來潮想食譚仔，係app禁完入座都算快。但係入座點餐後等咗差唔多半個鐘都未出到餐，最後食得好急，感覺有啲差🫠［期間限定］炸雞炸醬撈米線 🍝呢個撈米線入面有炸醬，酸菜，烤雞。上餐嘅時候都有啲嚇親，賣相好唔掂好彩食落都算ok。原本以為個只係炸醬，但都有加到辣椒油，食落都香口。烤雞同炸醬正常發揮，酸菜就超級甜，最後放棄咗。整體嚟講都喺一般，除咗堂食，等外賣嘅人都好多，大家都等到好燥，趕時間就唔好食呢間啦

得一個樓面做，冇人幫手。仲要爆曬場呢間咩垃圾公司嚟㗎？香港飲食業真係艱難，就算啲嘢幾好食都冇用呀，都冇人做好服務，只會越做越差，希望你間公司請返多少少人如果唔係都好難做

閒日星期二帶住疲倦既身驅收工一個人諗住過黎食個譚仔 本身打算快快手食完走人入到去坐左成個字 一路舉住隻手完全冇人理樓面唔知去晒邊 完全係浪費時間😵‍💫😵‍💫舉到手都軟埋都冇人應機 隔離姐妹店唔夠樓面都識用qr code落單啦睇番comment原來呢間都出晒名用黎消磨時間係一流既 落唔到單冇機會見識下佢個廚房係咪會漏單最後等唔到一個樓面都冇起身走人算🤦🏻‍♂️呢一間譚仔真係冇下次Totally time wasting

係灣仔附近返工，幫襯呢間譚仔都不下20次以上，個廚房有50%機率係會漏單既，如果你等左15分鐘都未有野食，就記得催佢如果唔催，坐足半個鐘九個字都係唔會有人理你。每次門口叫完你張單就算，無人會帶你埋位無人會話你知要坐邊，咁我一個人食就無所謂啦見位就坐，如果多過一個人就記住要追問下邊度坐得邊度唔坐得，如果唔係個呀姐就會話鬼你架喇。前前後後都見過唔少顧客當眾投訴出餐慢，漏單，職員十問九唔應，但好明顯情況一直都無改善。總括來講趕時間既千萬唔好黎呢間食。

一坐低 等左成10分鐘先有人理你 落單問下野又唔耐煩 重情不自禁串你 串完重話講下笑唔好介意等個米線等左25分鐘 等左15分鐘先崔問又味 又唔耐煩應付下你走鬼左中途聽都聽到出錯左幾碗

今日喺灣仔附近，唔係好諗到食咩，朋友就介紹話不如食呢一間新開嘅譚仔，反正又近地鐵站，行出去唔使30秒就到！午餐時間都要等位大概20分鐘，我哋安排咗喺近門口嘅位置，有少少熱由於我哋兩個都好肚餓嘅關係，我哋分別叫咗一個過橋米線，我就要酸辣！米線份量非常多，而且軟硬都非常適中，唔會有太林嘅情況！特別鍾意食佢嘅墨魚丸非常爽口彈牙！豬潤亦都做得好食，份量都唔少都有三四件，其實50幾蚊都非常抵食！會再返嚟幫襯

當晚去演藝學院睇舞合劇．搵下附近有咩食，見到灣仔站附近新開左譚仔，毫不猶疑去幫襯。魚腐米線番茄湯底(少米)+豬耳(一人小食)魚腐件數頗多，少米都好似正常份量甘，但呢間分店嘅番茄湯底相對無甘濃味。豬耳就唔洗評論啦，一如既往嘅好味，每次譚仔必嗌。

🍜木瓜魚湯米線配豆漿魚片不新鮮，像醃製了及煮左好耐的樣子。木瓜很少不夠甜，湯都未有吸收到木瓜及魚的味道，彷彿只係清湯加魚片及木瓜似的。米線煮得冧的，但和木瓜及魚及湯配合得不夠好，整體麻麻地。豆漿味道還可以，都有很濃郁的黃豆味。午飯時間，等了超過半小時才有得食，也有送錯單的情況。#譚仔雲南米線 #灣仔 #木瓜魚湯米線 #豆漿