唐順興燒味

Open Now

Now Closed

剛才在石陰路既唐順興買兩個12蚊特價飯，因為是特價，平時買既時候份量及質素都比一般的少也是明白。點知今日當佢斬完放上櫃面加色的時候，發現佢少得離哂大嫂！飯就得底下的1/3，燒肉得4件薄片，同幾片椰菜。咁就同佢講啦，話好似少左啲喎，點知佢一句就話收你12蚊咋喎。你真係當我同你乞呀！特價飯係你公司做黎吸客黎買，唔係我要求你減架。之後我話12蚊都唔係少到咁嘛？點知佢仲話唔鍾意唔好要，同個收銀員講話俾番錢我！真係火都黎，即時收番錢走人！以後唔買唐順興既野！

想求其食又想有要求，有保證又要飽肚又要抵食，要滿足咁多要求我就簡食個叉燒雞雙拼飯$18，$18蚊喎雙拼飯仲送埋野飲抵到無可挑剔啦！叉燒邊位燒到岩岩好有少少燶燶地，好大舊半肥瘦，差不多有6-7件，好少可以食到高質素叉燒仲要咁平，雞都好食雖然得4件左右，但夠嫩滑色澤油亮。最愛食都係叉燒肥瘦適中，食落去感覺唔會太過油膩，叉燒醬汁加埋熱辣辣既飯一齊飯，好味到震，應該有碗半飯煮到粒粒分明；再飲埋包綠茶，真係好飽啦！滿足

家禽有雪味兼無肉汁。叉燒衹得瘦叉，燒肉太肥，猪手勁硬。價錢是否便宜見仁見智。分店食品種類少又無八達通收費需找贖不便。對無甚要求的人惠顧尚可，若真正燒味迷來說去美心大家樂太興好過

試過好多燒味檔，好多都愈加愈貴，只有依間愈開愈多分店，但價錢加複小，質素保持穩定，可能因為連鎖公司比較有規模，依到有好多款不同整法既雞；有白切雞、鹽焗雞，仲有款特別既手撕土窯雞⋯⋯但我地買左豉油雞同滷水豬手😁原隻登山豉油雞$48；仲係微微熱，直接用手都可以撕開，首先撕開雞肶雞翼1人1隻，再係中間有條骨，撕開2邊雞胸，唔食皮就健康d同埋食咁多雞肉好飽😂滷水豬手$20；估唔到咁林又咁入味，真係好平，依個價錢未計自己整，買隻豬手都唔得

辛苦工作一天返屋企又要為晚上一頓飯思考煮什麼?有時真的想到頭都爆 ... 前晚男友提議晚食燒味太好了!! 我可以想少一味餸本來想到裕滿買燒味不過當晚燒味質素麻麻唯有轉攻唐順興去到見到淨返不多選擇可能係呢個原因燒味價錢都相應調低店裡既收銀姐姐都好落力地sale我最後挑選了$23 的燒鴨賣相好像偏黑了些少小插曲: 係回家搭電梯途中整架電梯都充滿燒鴨氣味, 好香~~到正式開飯時候:雖然碟底都是用鴨頸墊高不過燒鴨肉份量不少脾位更加係厚身且啖啖肉幾乎無什小/ 軟骨燒鴨皮下脂肪不多不會有一堆白雪雪油淋淋地出現適合我既合味~

今日Lunch經過~~突然好想食手撕雞於是入去買左隻黎飯$50可以比佢擲或自己擲~我比較懶叫佢擲埋都會用手套撕~感覺好衛生味道唔錯~～成隻食晒~正~~食完先記得無映到相-0-另外一提呢間野平時都有做開特價,例如乳鴒個d咁~都好抵食~

唐順興的燒味, 賣過幾次, 但水準時好時壞, 昨天行過, 見到燒鴨特價HKD28.00半隻, 之前賣過都幾好味, 于是再賣啦! 但今次..... -燒到過了火-皮亦不脆-味道很淡水準很差, 已前賣過兩次雞, 兩次都不好吃, 所以不會賣雞, 下次再想想, 是否繼續幫陳

唐順興 - 燒味外賣連鎖店 .講真 , 我或家人都會來幫趁 , 不過交易手法好有問題囉 ! 例如我買過它的走地雞 , 佢地會唔知係邊度拿出來比你 , 你是無得選的 , 更沒有得先看囉 .... 我覺得唔係好公平 , 根本佢無得比你看 ! 不過味道還可以 , 唔可以說出色定唔出色 , 一般貨色 ! 所以如果買燒味 , 我還是會行多兩步 .... 後三間店舖 , 去番正宗的燒味檔幫趁好過囉 !

其實我只係食過好少次,只係男朋友成日係電話邊食邊鬧,不得不寫d燒味時好時差,水準勁唔穩定今次燒肉皮燒得脆同靚,下次可能會燶左苦既雞水準好穩定呀,每次都好肥架如果是燒味飯的話....飯有時是可以很爛的,有時又ok佢係底食咁囉-_-買唐順興真係好刺激,買之前請做足心理準備