探客 (Closed)

探客 - 不好飲的木瓜奶，木瓜不夠熟，打得唔夠爛，飲落口感有啲唔熟硬硬地既木瓜粒，而且似用左福壽果而唔係大果種木瓜。而且我叫凍飲唔知點解比個熱飲杯我，但個蓋又蓋唔實，好危險，差啲倒瀉了。可惜好飲既小茶堂執左了。#test_mk______________________________🏠 探客📍旺角廣華街1號仁安大廈地下1C號舖💸 27‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾.

喺附近返工嘅OL朋友瘋狂推介呢間探客😂😂😂 佢喺旺角返工，基本上成條街嘅台式飲品都試勻晒，但只係對呢間讚口不絕!!!永遠無伏咁話😆😆今日就試咗兩杯 芝士奶蓋嘅飲品 : 芝士木瓜🧀 同芝士莓莓🍓 芝士木瓜用新鮮木瓜打成，芝士奶蓋香濃醇厚，一啲都唔嬉場。奶蓋嘅鹹味同木瓜嘅甜味非常夾，而且飲落滑溜!😋😋 我嗌咗少甜，甜係來自木瓜嘅原味而唔係死甜，入面仲有d d 果肉，相當之清新可口😍😍 絕對適合少糖一族!!而芝士莓莓用咗藍莓同草莓混合，初初以為會偏酸，但飲落原來都係甜甜地，食落仲有大量莓肉 🍓🍇 堅足料!!!! 加埋奶蓋非常之相襯， 無論分開飲定撈勻飲都有唔同嘅味覺享受👍👍 重點係佢地都非常之巨型，喺大熱天時消暑解渴，又性價比高飲品!!!

探客我係為咗佢嘅芝士系列以來嘅因為見到有人打卡話之前係好好飲咁我梗係要你飲佢啦係位於廣華醫院對面嘅呢一間親民小店🌤芝士莓莓（士多啤梨同藍莓-$38）上面係鹹鹹地嘅芝士奶蓋☝🏻☺️而且佢哋嘅奶蓋質地非常厚滑🤤而下邊就係士多啤梨溝藍莓嘅沙冰！ 真係見着佢切生果放冰入去搞☝🏻士多啤梨微酸😊夏天飲用啱晒🌤手作香芋鮮奶（$26）明治牛奶🥛 香滑有保證另外佢哋嘅香芋製作成細細粒！同牛奶完美融入而且仲可以揀甜度冰度！朋友飲嘅話真係真材實料最好嘅事佢哋收八達通，而且仲見到最近好似都推出左啲新飲品！喂下次試吓先

修完甲又口乾 秒衝落去買杯手搖飲下 中午過後唔再飲茶嘅我主攻鮮奶類飲品見到兩款紫配白做緊推廣 即時心心眼所謂紫配白就係手作紫薯鮮奶以及手作香芋鮮奶等咗大概3分鐘就有得飲 好快手 我杯紫薯鮮奶 ($26) 呈丁香紫色 外表顏值💯 打卡呃like正店員都好細心提醒要攪恆先飲到最佳味道第一口飲到綿密細滑嘅紫薯夾雜奶味濃郁嘅鮮奶冰糖都係跟標準 完全無死甜感 唔會越飲越滯至於老公嘅香芋鮮奶 ($26) 偏向藕荷色 香芋泥順滑之餘帶小顆粒 係芋泥澱粉獨特口感 呢杯香芋迷必點 原來兩杯都係用上明治鮮奶 難怪比奶精香濃自然得多 而且少咗人工化學成份 健康得多 下次係旺角唔使再猶豫買咩飲好 直接過黎買杯手作紫薯牛奶就快靚正

廣華醫院對面街嘅呢一個台式飲品—-探客——🎈芝士牛油果🥑（$32）🎈上層厚厚芝士！濃味香滑下面清真牛油果🥑！沙冰☺️夏天消暑，透心涼排毒清宿便精選👍🏻🎈手作香芋鮮奶（$26）🎈上層明治鮮奶下層厚厚芋泥☺️☝🏻記得要搖勻先至飲！叫咗少甜！岩岩好☝🏻😳係用可循環再用既水樽！☝🏻☺️一杯嘢飲兩個願望 飲完洗乾淨個樽仲可以再用🎉仲可以儲印花下次換嘢飲😍*8達通比錢好方便☝🏻😳

旺角廣華街一帶越開越多不同的台式飲品店！上次經過探客沒有開、今天專登再去試吓！1-芝士黑提子🍇 👍👍👍👍👍芝士黑提子-非常足料！每一啖都有黑提子果肉！黑提子唔會酸、反而有一種清新嘅甜味！配合芝士奶蓋份量非常足夠、芝士味道非常濃郁，口感好滑同好creamy ! 讚！2-黑糖珍珠厚鮮奶👍👍👍鮮奶選用日本鮮奶！味道非常香濃！配上黑糖珍珠！味道更加突出！珍珠亦都好有咬感！最重要係唔會太甜！朋友真係冇介紹錯！的確係一間有質素的店舖！比起好多連鎖店更佳！

今日lunch食完辣野，又掛住探客既飲品，基本上每星期都黎一次。係旺角區實在太多選擇，試過唔少鋪頭，始終都係呢間至啱我口味！平時飲開水果茶或檸檬綠茶，今日轉下口味叫左一杯芝芝莓莓！芝芝莓莓 - 勁足料呀！用左好新鮮既草莓，啖啖鮮甜既草莓汁加果肉，而芝士奶蓋既份量係剛好，令到杯飲品好creamy，飲完好滿足！同事叫左杯四季水果茶（四季春）- 水果好新鮮，有橙、西瓜、番石榴、青檬、百香果，配上清香既四季春，真係解渴之選！

超好飲！！第一次飲就飲上癮，其實見到佢冇乜人買，我都覺得幾奇怪，啲人個個就係掛住飲乜老虎堂幸福堂，都唔會飲下其他店嘅，我好希望呢間鋪可以有多啲人買！而且價錢又唔係貴，平過其他手作飲品店，非常推薦大家去買！！！

芝士奶蓋牛油果🧀🥑 而家市面上已經好少張芝士奶蓋做得好飲嘅台式店， 呢一間嘅奶過算係數一數二 !! 芝士奶蓋好濃郁好滑溜 🤗飲落非常creamy 牛油果味好重😋最鍾意佢唔係太甜，唔會冚咗牛油果本身嘅清香味!!! 加上哩杯勁大size，比一般嘅大起碼30%!! 抵飲! 黑糖珍珠口鮮奶🥛🥛🥛鮮奶全部都係用日本明治鮮奶嘅，特別香濃，黑糖珍珠都比想像中好食好多，非常煙韌好有咬口😁，比係出面的連鎖珍珠奶茶店好好多，下次一定會番黎再飲！🤣🤣🤣

同同事食完午飯，特登行黎飲杯野其實都唔係第一次飲，但係次次都無失望，所以行遠少少都會特登黎今次一人叫左一杯芝士野飲芝士黑提子同埋芝士莓莓最中意呢間野就係佢材料新鮮又份量十足黑提連皮都俾埋你士多啤梨味好出，仲啖啖肉芝士真係要搖左先飲芝士同果汁果肉大大啖一齊飲 真係好match其實本身唔係好喜愛芝士 但係呢個芝士好易入口 又唔會飲完覺得好heavy呢間d野飲岩岩好唔會太甜 都係用料本身嘅甜味飲完都無咁大罪惡感 （無限期減肥中...) 正

唔知幾時興起左飲芋頭牛奶🥛既熱潮😂最出名應該係迷客夏🤔咁我就唔多講😂今次介紹間無咁多人識，但都好好飲既😍最重要係平d又唔駛等😂探客唔同其他鋪，會有漸層效果，打卡黎講無咁靚😂但係芋頭同牛奶就會融合得更好😍飲得出係天然既芋頭，叫左少甜，個人覺得岩岩好😚唔會飲到覺得要糖尿😂飲曬成杯都唔會有罪惡感🙈牛奶味好濃郁，好似係用左明治既牛奶🇯🇵濃得黎又唔會搶左芋頭既味❤️野飲入面仲有芋頭粒粒，好有口感🥰•唔知幾時開始，$30以下杯野飲已經覺得平😭😭對比其他鋪，探客既性價比真係唔錯👏🏻大家可以去試下😍😍

今日同老公行街，無意間發現左呢間探客！見它新出左杯手作紫薯鮮奶，好像好吸引咁！就買左杯黎試下！好驚喜wo,事關呢杯手作飲品，無將所有紫薯打成蓉，反而留有一些粒粒紫薯係底層！一飲就有啖啖紫薯肉，令口感更豐富！仲要加上100%全鮮奶，又唔會太甜，好飲wo

台式飲品店成行成市，左一間幸福堂，右一間老虎堂，就係無一間好似探客咁討我歡心！探客嘅水果茶，茶味夠濃又唔會太甜！生果仲好新鮮！食完個heavy lunch之後一定會掛住呢杯清新嘅水果茶！個人最愛係滿杯🍋綠茶，貪佢消滯解喝！特別值得一提係佢地嘅桃膠系列，唔係四圍都有，仲比珍珠健康！

身為一天一杯的奶茶控  好久嚟旺角一次 行到最後邊雖然冇咁多人，但系發掘一家奶茶鋪，多見嘅紫薯鮮奶、芋頭鮮奶，仲有新奇栗子鮮奶，更加有桃膠同埋芋圓，最愛嚼芋圓喇!!!無法忍!!!有D鋪頭唔比加好多材料，其實對於一位鐘意奶茶鐘意嚼材料嘅人黎講，即刻冇噻胃口要飲嘢，好彩探客可以做到，更加驚奇系，桃膠竟然系一顆顆好似自己屋企泡發果樣!!唔系好似其他鋪頭碎碎哋一D都食唔出系桃膠，這細節讃爆!!芋圓OK 好Q彈，杯量足夠加兩款材料，同埋料都好足!!! 炒雞炒雞喜歡!! 栗子泥吸到的口感很柔滑，好喝！！

之前飲過呢到嘅飲品，都唔錯😎行過經過又買番杯嚟飲下🤣手作香芋鮮奶 ($26)本身應該打得溶啲，我話想影出嚟靚啲，佢地就將香芋放係杯側邊😂結果要自己搞勻佢，勁辛苦，完全覺得自己多舊魚🤡裏面嘅香芋都幾多唔算特別甜，奶味道都好濃😗有啲係芋泥狀，有啲係一粒粒，口感唔錯呀😆大大杯幾抵飲的😎👍🏻