譚魚頭火鍋 (Closed)

Good in Hotpot and 小菜,價錢略貴, 但個湯同d 料唔錯

幾星期前經網友介紹的,知道呢度有蕃茄湯底既鍋,加湯都係加蕃茄湯,引到我呢個鐘意食蕃茄既人流哂口水=u=...琴日終於去左試啦,不過...帶我去試既都係呢個網友^3^原本plan去灣仔分店既,不過最後都係去旺角分店2個人,叫左個蕃茄湯底,難得我唔睇價錢前前後後叫左6碟餸(不過每樣野價錢比我預期中平O_O);;;湯唔係完全蕃茄味..飲得出佢加左一d香料落去,我覺得有d怪味囉@@不過唔影響d材料味有白菜,魚皮餃併菜肉餃,水晶叉燒飽,蘿蔔,駝鳥肉菜肉餃好好食,雖然我唔好九菜,不過真係好食駝魚肉一般,唔夠滑身蘿蔔好苦>.<(最後成碟蘿蔔碌哂冇食過~)被大家超推介*水晶叉燒包**,果然真係要試!!樣子一個白波波點知碌完之後晶瑩透明的,而且d叉燒好好食,好甜~^^食到我上引,朋友都好鐘意呀!!佢地d醬好得意好特別架,幾樣香料mix的,湯滾就會將少少湯沖入碗醬度,形成醬汁,味道係酸酸的,怪怪的,哈哈~地方都幾迫(我地7點入已經係坐加木台);服務都ok,因為我地叫錯左西洋菜(以為是西生菜),臨食先發現叫錯佢地都係幫我地取消~呼~埋單預期中平呀真係,$301,原本我預左2舊水去食添呀^_^

唔明點解rating咁差。一行十人訂了台，好開心因為有房坐，又靜又好傾計，無min charge。蕃茄湯底好得，野食同service不錯，只是坐房有時難搵人幫。Worth trying!

一年前食過，現在再去食番，都依然甚至更好味。湯底選了麻辣拼蕃茄鴛鴦鍋，蕃茄味濃又不會把食物味道蓋過，真係好味！王冊瑚蚌和貴花蚌都很爽口鮮味。魚頭經濃味的火鍋湯'烚'熟，更是值得一試的配料！我會約朋友再去食！

上星期六同媽黎飲早茶叫左幾個點心,炸菜排骨蒸飯-排骨好咸,咸到嘔~!只係食左D飯粉果-不錯,鮮味皮夠薄流沙包-好流沙,好味叉燒飽-唔夠熱,個飽硬的蒸饅頭-夠熱辣呀,幾好味蒸白腸粉-夠滑,OK la.... 水晶飽-D蓮蓉餡同豆沙餡勁甜,個皮好乾好硬,好似塑膠咁硬,真係好難食..Ｄ員工就黑口黑面,特別係Ｄ女人唯一讚係環境就真不錯,坐得好舒服嫁埋單$78，很便宜, 但食物好唔掂lor... 總括來說肯定唔會再來lu....

佢地成日推介佢地的天麻唔知乜的湯，好濃，好夠火喉，不過我覺得仲可以好D。我差唔多每去一間有得賣蘿蔔絲酥餅的地方都會試吓，so far，一定係譚魚頭最好食，酥皮真係又鬆軟，又香，蘿蔔絲超有口感，味道做得啱啱好，我所有朋友食完都係讚!

想飲下午茶, 稻香service 勁差,又話唔搭台又要坐非吸煙區的話會好耐,於是改黎左呢度!!原來呢度有茶飲架!仲有好多點心, 又唔洗搭台喎,又唔洗吸二手煙喎,好過稻香啦!叫左帶子餃, 味道唔錯!蟹子燒賣, 好咸! 較差呢個!沙薑雞腳, 好入味! 有d肉又夠腍!蛋煎墨魚餅, 好得意, 好好味!一碗貴妃雞米線, 好味! 但米線不是彈牙那種!一碗蝦球生麵, 好味, 蝦球大隻爽口!!服務唔差, 不過埋單時發現佢地把下午茶時段的特價野當正價計,佢話我地冇畫落下午茶果張紙, 咁都得??好彩我地同佢講, 佢都肯俾番下午茶個價錢我地~但都唔平, 兩個人都要$100埋單...

由於天氣太熱，所以放棄HOT POT，改為食小菜…份量比想像中多，而且幾夠"鑊氣"…不過貴妃雞就太淡…如果唔怕食苦瓜，涼瓜鱔球是個不錯的選擇

12/06/2005 09:15端午過後的星期日，好耐冇同老媽子飲早茶，今日實行做乖仔。假日早上的旺角頗靜，即使有特價早點亦不用排隊入座，一行四人叫了不少點心，大概都有七至八碟。最抵食係皮蛋肉碎粥($3.8)，粥底綿皮蛋又靚，其他點心都係由($7.8)起。最衰係編排我地坐到好遠，冇乜冷氣又太過靜，不過o的位就坐得好舒服。總共都係$126埋單，超抵！

雖然未試過打邊爐, 但飲過飲茶,一d都唔好食,choices亦唔多,唯有重覆叫同一樣,一窩粉麵份量亦唔多,最後埋單仲5個人每人差唔多成舊水!

上星期, 一早約好朋友一行四人去試試呢間賣行廣告的打邊爐, 都預左貴架, 只希望試試出名的湯底同食物的質素......試過之後, 總結幾點....1. 湯底味道係惹味, 但很易試出是勁多味精的原因;2. 魚頭不見得特別好吃, 跟隨便在街市買的一樣;3. 服務的員工同"周星星"功夫戲內的居民一樣奇怪;一試無妨, 再試無謂!

三個人去，埋單大概要９佰多，略貴。但番茄湯和點食物的醬料頗惹味。

早排上黎呢度打邊爐，因為得兩個人所以一定迫你要個魚頭......湯底要辣辣地果隻(唔記得個名) !!!叫左碟午餐肉，因為聽人講話好味喎.........食完就覺得真係好午餐肉味,冇乜特別!!!叫個象拔刺身食，新鮮食都幾好唔，幾鮮甜﹗其他野普通啦!!都會再去

佢地既蕃茄湯底同味料的確有特色得嚟十分十分之好味，但咁既價錢同咁既服務... 真係令人深深體會到「魚與熊掌，不可兼得」一話的意思。老實講，去過三四次，好的服務唔係未遇過，每次遇到時，我會覺得嗰日應該要買六合彩... 食過好味得嚟又印象深刻既有：魚頭、番茄湯底、味料、瀨尿蝦等。

上星期family day, 一家人o係下午茶時段黎飲茶. 雖然係優惠時段, 但係點心款式都幾多. 最鍾意係奶黃流沙包, 味道唔錯, 不過奶黃同鹹蛋黃蓉撈唔勻, 中間有dd鹹蛋黃粒.