稻香.茶居 (馬田路) (Closed)

天氣凍去附近呢間酒樓食羊腩煲。環境唔錯，好大間，坐得舒服，唔多人。但係食物就一般。羊腩煲份量少味道淡唔係好抵食。龍蝦伊麵龍蝦比較細仔麵都煮得太淋。乳鴿亦都偏細隻。全晚係得生炒骨同燒雞唔錯，外炸內軟。

做完一蚊雞又做一蚊羊腩煲，低價搶客呀～富x都做緊一蚊羊腩煲死頂，個邊要連埋個任食邊爐一齊，稻香就半價火鍋料，各有各好啦。個潽洱茶黑過墨斗真係唔多好飲，不過抵讚佢個煲水枱，唔使搵伙計沖水係方便嘅，懷疑佢啲水係點fill㗎？倒左嘅水又去左邊？好想打開佢部機睇下。個羊腩煲都ok呀，有六、七舊羊左右啦，仲有啲豆卜、筍、馬碲咁啦，加滾水煲佢兩三轉就夠淋食得，味道唔錯可以再黎食。後加左豬肉片同羊肉片，都幾好份量唔太離譜，諗住佢半價會縮水添，又啤酒又盛，八半入座坐到人地收工，都係百六蚊好鬼抵食。

今日晚飯再用外賣平台落餐自取。對比起上次的經驗，今次準時30分鐘就有得攞，無需要等。而且今次店員對網上外賣自取掌握得較好 (可能因為今次係部長處理)。食物的質素方面，首先係全部食物都較咸，我要強調並非味道濃的問題，而係真係較咸。3個小菜裏面，最咸的係個咕嚕肉，而且亦較為heavy，食食下已經覺得好飽。味道以外，每個小菜的份量都好足夠。3個小菜再加一個小食其實係有啲過多。或者只係一個小食加2個小菜更加適合現時顧客的要求。

因為九龍灣間分店嘢食好味道、服務態度好，今日帶阿媽嚟食，點知遇着一個態度超差嘅姨姨😡我同佢講個水機有問題，同埋好污糟，可唔可以換過俾我，佢轉頭就換咗個俾我，跟住好大力咁「砰」一聲放咗落水機上面，之後好粗魯咁撳水機，再話：「得咗啦」。個問題係1）佢好得閒咁企喺度都冇嘢做；2）我自問都好有禮貌，唔該前唔該後，但係就得到咁嘅服務態度🤬難怪呢間分店系星期日都完全唔使排隊。之後唔會再幫襯呢野分店！希望負責人都檢討吓你哋嘅服務態度！

尋晚星期六於馬田路附近，所以諗住用外賣平台落order自取，攞完外賣直接坐車返屋企。見到外賣自取稲香茶居有折扣，而且個2人餐都幾吸引，加上就喺附近所以就決定試下，本身自取時間係30分鐘後，而我亦準時到達。但係去到後店員開頭就話未有，後來又好似唔知我個order有咩，再後來直頭要我提供埋個套餐內容俾佢地。最後我終於可以喺大約50分鐘 (即遲咗20分鐘)後攞到個餐，但過程中店員的服務態度，跟進的效率，真係好差。今時今日顧客對外賣平台的需求唔低，如果並無呢個能力，就唔好勉強去應付，以免令人失望。

兩次外賣平台叫外賣第一次等咗個半鐘然後cancel咗我張單第二次再試下又係等咗個半鐘 然後司機打嚟話餐廳漏咗我張單佢話佢等餐廳整三樣嘢 都等咗成個鐘然後食物嚟到外賣得預咗嚟到都唔好咁高要求我叫左蜜汁叉燒、楊州炒飯、黑松露蝦球 叉燒勁乾爭爭 有汁係底但係都勁鞋楊州炒飯正常 唔難食 但絕對唔係好食個黑松露蝦球勁濕炒到好似嘔吐物咁除咗個炒飯我仲接受到其餘兩樣嘢都好難食真係唔會再有下次無諗過等咁耐換嚟係極度失望

2021/4/5，復活節假期午餐。特點：1.新式茶樓，智能水壼會自動煲水。2.手機QR code落單，放便。3.座位環境舒服4.廁所整潔，略遠食物：香芋餅小點，幾好食芝麻味好夠，但唔夠熱豬腳薑，夠熱，但兩粒蛋唔入味櫻花蝦薄餅，唔熱，太油鳳爪排骨，得兩隻鳳爪，少量排骨，多芋頭炸饅頭，出色小籠包，皮厚，易串