稻香.茶居 (馬田路) (Closed)

尋晚星期六於馬田路附近，所以諗住用外賣平台落order自取，攞完外賣直接坐車返屋企。見到外賣自取稲香茶居有折扣，而且個2人餐都幾吸引，加上就喺附近所以就決定試下，本身自取時間係30分鐘後，而我亦準時到達。但係去到後店員開頭就話未有，後來又好似唔知我個order有咩，再後來直頭要我提供埋個套餐內容俾佢地。最後我終於可以喺大約50分鐘 (即遲咗20分鐘)後攞到個餐，但過程中店員的服務態度，跟進的效率，真係好差。今時今日顧客對外賣平台的需求唔低，如果並無呢個能力，就唔好勉強去應付，以免令人失望。