稻坊 (荃灣廣場)

Open Now

Now Closed

黎到稻坊飲下午茶，勁多人，等左半個鐘有多，現時稻坊都係手機點餐，其實甘衛生d,,不過老人家未必識。野食都係保持水準，炒飯同XO醬蘿蔔糕非常推介，佢個炒飯炒得好好味，一定要食

又要學人推行所謂「手機點菜」，侍應又唔肯解答老人家點樣用不單只，仲衰到隨口一句得埋嚟話人個手機「低智能」用唔到㗎喇。搞到要麻煩隔離枱小妹妹幫手。侍應做嘢又hea爆，冇服務可言。全新形象？神經病！

今日難得星期六一家人出去飲下茶，就出左去荃灣稻坊飲。而家完全唔洗侍應都得、落單沖茶加茶，全部電子化機械化處理，嘢食保持質素，炸物響呢間酒樓做得最出色，春卷食極都唔厭

星期日想同屋企人嘆番個下午茶就去荃灣廣場6樓嘅稻坊試下。呢度夠大，唔使點等位就入得。一入去，知客就問我飲咩茶。叫左香片普洱，知客就遞左兩個茶包比我跟住就幫我幫位。等我重好好奇點解遞茶包比我嘅時候，知客就指住枱側邊嘅「自助沖茶機」同我講可以自己沖茶。提供左一個茶隔同兩個壺比我。幾鍾意呢個「自助沖茶機」。下面有蒸溜水，㩒兩下就會幫你加水。唔使下下麻煩人黎幫我加水真係對大家都好。加完水㩒另一個掣一下就會煲水。當d水煮到100度就會響，呢個時候將「滾水」倒入茶壺裏面咁樣就可以確保「水滾茶靚」啦！煲水嘅時間好快，轉眼就煲好，快捷又方便！重有一個好處係客人可以自己決定落幾多茶葉落茶壺度，想濃d就落多d，反之亦言。咁就唔會出現茶太濃嘅情況啦。鳳爪煲仔飯好有「煲」味。除左鳳爪同排骨，重有兩條大大條嘅菜心，有菜有肉好健康！但嫌唔夠熱，同埋冇飯焦。飯身唔夠乾爽，有d腍。糖醋豬腳薑唔夠熱，d薑醋飲落去只係室溫😟。我建議可以用個大d嘅碗裝豬腳薑，因為個碗太細，d料又太多，令d料唔可以完全浸喺薑醋入面，變相吸收唔到薑醋嘅精華。豬腳同薑嘅份量適中。豬腳較肥，令薑醋泛起一層油。淨飲薑醋覺得甜左少少，甜味多過薑味。煎

因為一蚊雞先嚟呢到食，6點嚟到無咩人等位～不過服務態度好差...無咩侍應，叫佢地攞茶都叫好耐，一蚊雞用搵侍應落單，搵左勁耐...其他餸就手機掃code落單,一蚊雞烤雞還好，不過叫侍應加水佢仲jip我地，超級無禮貌

去飲早茶，座低咗仕應同我講11:00前要落單。到十二點，無人來埋單等咗好耐，最後自己去埋單。最初早茶，點知比現金後，又話過咗12:00要計正價！完全冇人通知12點前要比錢.問陳店長話冇人得閒講！完全係最差的店長，完全冇教導能力.當日都有其他食客呢系完全唔知道12點前買單計返正價，成件事都係一個騙案咁樣囉！以後唔會再去🤬😡

跟友人晚飯 原本想去吃阿拉斯加長腳蟹 但賣哂了，唯有吃其他。吃了一個晚市三寶 有避風塘炒蟹腳，燒雞和雜菜煲，薑蔥焗桶蠔。燒雞 冇雞味，雞肉死實，唔好食。避風塘炒蟹腳 及雜菜煲 普通啦。薑蔥焗桶蠔 有幾隻都有沙，啲沙像佈滿整隻蠔 還是整個粉漿，太差了。最今人感到失望的是有些員工在 小小吵架，你一言我一語，好影響客人。

星期六12度❄梗係打邊爐稻坊星期六日2個鐘⏰$198，1.5個鐘就$178，由於怕遲到未齊人，所以我食左2個鐘$198， 但我食左一個鐘已飽😚到唔想坐，所以唔係咁食得嘅朋友可以$178 都應👍夠。已是掃 QR order 野食環境都幾乾淨，同埋枱與枱之間都唔太迫食物柜主要放蔬菜🥬和肉丸🍡之類感覺都好整齊多款有氣水，解茶雪條🍦，糖水，同我最愛嘅百福豆腐花😋掃QR code 點食物，有部份食物係有半份點，可以試多幾款，尼個安排值得讚👍無湯加，每次就自行加水咁個湯底本身味濃都Ok 嘅我今次係點楜椒豬肚湯🥘，都幾好。總括而言，我有機會會再去，咁大家明晒啦😂

呢排個個都去食長腳蟹，越睇越心動💗所以心動不如行動😆😆由$138一斤已經開始約朋友食，到$168一斤的優惠知道去到10月31日就會做完都仲未約到日子，決定3大1小都要黎食左先😬😬去到坐底就通知部長我地要食長腳蟹，佢叫我地自己入去魚缸到揀蟹，入到去就咁睇隻隻都差不多，職員話隻隻都4-5斤重，所以就隨便攞一隻出黎秤下幾重。呢隻4斤9兩 拎出黎仲要好生猛，係咁旭，所以即刻決定要呢隻清蒸阿拉斯加長腳蟹一上枱：嘩......好大隻呀掛住拆蟹同係咁食蟹，所以唔記得影相但真係啖啖肉，好肥美，好鮮甜個蟹蓋大過一個9歲小朋友個頭勁多囉......食完蟹就叫左個羊腩煲+菜，另外果碟係魚腐D friend ，唔記得係咩，但幾好食的菜係要另加$28 ，開頭以為得一細碟，但黎到有咁的份量我又覺得幾抵食羊腩肉就唔係太多，骨+少少肉為主，有支竹，冬菇，筍，粉皮，馬蹄味道係好食，但肉量多番少少會更好青蒸飛天龍躉仔蒸得剛剛好，所以好嫩滑好食😋隻蟹4斤9兩計番係$766.5嘩.....呢個價錢真係真心抵食，之前係韓國食過幾次，但最平都要w50000一公斤，如果以呢個重量去計都要$9xx先食到，所以今次真係好抵食

是日與家人出街前先到荃灣廣場稻坊食中午飯。因為都算早所以仲有大把座位選擇。我們叫左4樣野食：香煎蝦米腸，金珠咸水角，香煎蘿蔔糕，馬友雞粒煲仔飯。香煎蝦米腸-都算香口，不過料就唔太夠。金珠咸水角-皮太厚好似食麵粉咁，唔夠脆口。香煎蘿蔔糕-同樣唔夠料，煎得香都冇用唔夠蘿蔔味。馬友雞粒煲仔飯-馬友都幾香口，味道都算好味。

今天一家人在中午於荃灣廣場稻坊飲茶。價錢不費，但食物質素麻麻：蜜料叉燒，好咸；椒鹽魷魚，好膠；避風塘蝦，好粉。特價食品，本來也不要求，但最後上來甜品芝麻糊，吃了大半，一位家人感覺口中有異，吐出來，竟然是一隻「曱甴」！即時嚇得面容全青，四位吃過芝麻糊的家人（包括本人），想嘔！估計廚房內一窩芝麻糊都已被污染。我們找來待應，待應二話不說，便想即時拿走曱甴芝麻糊，試圖不了了之。No,No, No, 再找經理，經理賠了不是，免收甜品費。我即時打電話去食環署，但無人接聽，兩小時後食環署才回電，我才可以報告事件(檔案編號：2-5892382576)。奉勸食客，到此餐廳吃飯，要看清食物有沒有加料，而且不要點叫一些看不見有甚麼的食品，例如芝麻糊。

今日放假，特意跟父母一齊嚟荃灣行街，都下午茶時間，其實荃灣有好多間我哋都試過，唯獨是荃灣廣場就唔係試好多，因為可能太上嘅關係啦，經常去荃灣廣場都係去莆田多，今次特登試吓稻香集團嘅其中一個品牌稻坊，睇OpenRice食評，見到好多都話態度好差，經過今次我又唔覺得好差，可能真係咁啱員工問題啦，大家都望到啦，下午茶時間係半價嘅，所以都好抵食，食物好快就到啦點心味道其實同稻香差唔多，但份量比稻香多，單單一碟蘿蔔糕都有四件， 仲有一樣野係比較好既，就係後邊有個醬料自助區下午茶唔錯，下次一定要試吓火鍋任食。

剛好逛街見到喱間酒樓，諗住嘗鮮試下，點知外面門口服務員已經態度夠差，想拎個晚市菜單睇下都超級串又無禮貌！心諗見環境唔錯 諗住外面態度差忍佢啦，點知入到去嘅服務更加不知所謂,啲侍應叫極都唔黎，明明睇到扮睇唔到淨係識傾計，問佢野黑口黑面 趕客咁嘅樣，打開門做生意咁樣嘅態度真係幾好食都無用！以後唔會再幫襯。

今早不用上班，與家人出外飲茶。因為駕車，選擇了荃灣廣場。到了六樓，入了唯一開門的稻坊。入內人很多，有五個侍應。三個圍埋傾偈，一個銷售月餅券，一個沉思中。我行去沉思中請他領位，她眼不望你說“自己揾“。 嘩，咁都得。 卒之自己搵到位，由坐下，點食物，上茶，開單，全程舉過三十次手，無人理。最經典的是加插真人表演，侍應鬧交。一句，無下次。

嗰日老豆生日，所以收工之後，就約咗屋企人去咗稻坊食飯。因為之前喺網上面見到，佢哋新出咗有個新嘅推廣……叫「鮮味嚐在」，所以想去試下：跟住我哋叫咗三個餸食蒜蓉味好濃，龍蝦好新鮮，蝦肉爽口彈牙。味道濃一點，如果你用手揸住嚟食嘅話，會令到隻手黐黐笠笠，但材料都是新鮮。湯非常清，味道好新鮮，好好飲 隻雞雞肉好滑，就算雞胸肉都唔鞋，好好味