稻坊 (荃灣廣場)

Open Now

Now Closed

路經此地血併後、好想食番個中式暖粒粒邊爐無意中發現這裡、所以黎一試⋯大約7:40分到達、侍應說正價時段已滿、建議食宵夜、$148加一、大約8:30派籌⋯見不是等太耐⋯而且、時間尚早、只是2-3人等宵夜中⋯所以就排隊了。為了善用時間、趁等位時、選好食物一分一秒地等⋯等⋯等⋯終於準時8:30派籌、可能Happy Friday 的關係、今晚比較多人⋯大約9點終於可以入座。自助bar有丸類、腸類、蔬菜、響零、炸魚皮外、還有糖水類、紅豆沙、百福豆腐花而飲品種類也不少、還有飯後甜品👉🏽雪糕類可能係宵夜時段、所以可以慢慢坐慢慢食到打烊

叫左個雞煲，等左半個鐘都未黎，問幾時有，佢居然答唔知等幾耐架，有咪拎出黎出黎囉。真係火都黎埋。野食好少，連雪糕都無。雪條得紅豆冰果d超唔吸引。個個侍應都黑口黑面。明明周圍都係叫埋單都係會拎張單過去，但我地叫埋單就要我地自己出去出面埋。絕對唔會再黎。

玩味大B豬， 清新漢堡, 每隻 $168BB豬外皮熱辣辣脆卜卜， 豬皮下面有一層薄薄嘅肉， 仍然保持嫩滑， 清新漢堡的食法， 有五個步驟 ：1: 選一塊大b豬作漢堡包底層，2: 放醬汁沙律於底層上面，3: 蓋上另一塊大b豬作面層 ，4: 盡情享用。 食法很有創意和新鮮感 !👍😋鹽燒鮑魚蜜桃咕嚕肉鮑魚外皮鬆脆, 咬下去彈牙和煙韌，蜜桃清新可口，咕嚕肉酸酸甜甜特別開胃惹味！😋🍻沙薑霸王雞黃油雞雞皮滑溜， 雞皮下黏住薄薄的凝固啫喱 , 好回味 ， 雞肉嫩滑可口，配甜甜豉油和沙薑好滋味 😋 原隻椰皇燉桃膠飯後甜品， 原隻椰皇燉桃膠, 不二之選 , 椰皇椰味香濃, 桃膠滑溜， 蓮子軟綿， 秋風起最適合不過的至 滋潤甜品👍😋

話說今日約左幾個朋友食飯 大家都揹住bb 呢間唔洗等位 咁就揀左呢間打邊爐 講真食物質素係幾好的 但職員服務就太差！！第一，上湯底同上餸都唔識就下位 係都要係bb隔離上第二，有幾次我洽緊野食 係都要穿過我隻手 係我手下面收碟 其實咁樣好冇禮貌第三 我覺得最過分 就係埋完單夠鐘 佢提醒左我地一次 但我地只係想食埋火鍋入面既少少野 但竟然有位職員粒聲唔出 收曬啲野 突登將啲垃圾掉落個鍋 唔比我地繼續食 講真 要收枱 講一聲就得 唔洗咁樣一粒聲唔出 衝過黎咁樣倒曬人地啲野食 真係好冇禮貌 好唔尊重人 我從來未試過係第二到咁樣比人對待

之前黎過稻坊打邊爐一兩次，今晚想打邊爐任食，於是就再嚟稻坊，八點半後任食火鍋係收$138, 五六日加多十蚊再加一，如果就到時間嘅話會係一個幾好既選擇，但如果八點半前呢就係$188相對來講就冇咁抵食啦未必會考慮。我哋叫咗番茄湯底都算足料同埋濃味，醬料區係出邊要自己去調味，另外佢有啲丸同埋菇類菜類面類嘅全部都係雪櫃嗰邊要自己去攞，之後就要寫紙仔order啦，主打係靚牛肉肥牛真係無得輸啊，唔係一般齋肥嗰啲，我鍾意佢嘅午餐肉係豬仔牌嘅，雲吞都OK, 海鮮方面佢有鱔片同埋海蝦，呢兩日我不停叫，沙白就真係有啲沙，所以叫咗一兩次咋，仲有嘢飲任飲又有糖水仲有雪糕雪條豆腐花，都有幾多選擇，係一個好滿足嘅火鍋放題

星期六去飲茶都唔使太等位 真係開心到中獎咁 被安排坐角落最埋位置 好在當日帶左帽同外套 🧥 原來係勁大風位 食物： 整體都幾好食 但一入座點左叉燒瀨粉 等到食飽都無人通知已經無 落單時明明侍應姐姐仲話得返叉燒同油雞 想食乜嘢鹹菜豬肚 豬肚好硬 好似食吹波膠咁 鹹菜激鹹 唔知係無洗定加左勁多鹽 完全失敗個人認為食點心🥧就好喇 唔好叫其他熱食 栗茸南瓜酥，杞子淮山鯪魚球同酥皮叉燒包上枱時仲係脆值得試服務： 行過扮見唔到舉手 直到攞單搖晃先過黎係咩意思？餐具： 匙羹勁污穢 有食物殘渣漬 諗起都打冷震

今日有朋友結婚，所以請了我去荃灣的稻坊 。雖然這餐不算是結婚的喜宴菜式，只是朋友單點這間餐廳的菜色，但都當了是他們結婚的飯局。鮮蝦春卷～～～～春卷外皮太硬，裏面鮮蝦太少。鹹水角～～～～鹹水角和平時飲茶差不多。香芋煎堆～～～～和平時飲茶差不多。象拔蚌花枝片炒甜豆～～～～甜到太老，不嫩。象拔蚌和花枝片炒得過熟了一些。不嫩口。草菇冬菇小棠菜～～～～醬汁怪怪地，有鹹，有甜，但總是覺得味道怪怪的，不太夾。酥炸蝦球～～～～這道酥炸蝦球正常。不過不失。魚翅竹笙羹～～～～水多過配料，魚翅竹笙份量不多。清蒸大海斑～～～～蒸的時間掌握得不太好，過熟了，魚肉不嫩，不滑，但魚有魚味，不太腥。蠔油鮑魚炆冬菇～～～～冬菇正常。但鮑魚太硬。不軟。有點兒難咬。炆得不夠「林」。荷葉蒸飯～～～～正常荷葉蒸飯會有荷葉味，但這個蒸飯只是普通飯，都沒有荷葉味。而且每一粒飯都不是分明的，幾粒幾粒貼在一起。伊麵～～～～好像發水麵包一樣，伊面不彈牙，太「林」，就好像平時煮公仔麵煮得過了時間一樣。蓮子百合糖水～～～～百合的確份量幾多，但是糖水味道普通。

酒樓周街也是, 大多數都是集團式經營, 縱使是集團式, 但每間分店的食物質素也會各有不同, 今日去到荃灣廣場, 試了這間稻坊, 和之前試過的稻坊真係質素好好多, 環境亦不錯, 裝修隔局特別, 除一般點心外, 有很多其他小食, 我們就order了鯪魚球, 炸魷魚, 牛脹, 雲耳, 煎餃子等等, 燒味拼盤, 每樣都好夠味, 炸物又脆口, 不會滿口油, 腸粉又薄又滑, 整體所有食物都好正, 所以必定下次.

尋晚無聊，約同事飯局，結果行咗去荃灣廣場嘅稻坊，見到有特價嘢，又唔使等位，就拿拿淋入去食，醬烤豬肋骨（$68）、波士頓龍蝦海鮮盛（$128），呢兩樣超值，跟住又叫咗椒鹽雞軟骨（$48），呢個就真係麻麻，全程基本無乜服務（可能因為無乜服務員啦），行出門口埋單，同事諗住支持下支付寶，點知個收銀話部機接收差，用唔到，結果就俾現金……（連加一服務費$297）

今日同事Last Day, 大家決定去荃灣廣場稻坊同佢Farewell, 每次飲茶, 同事都叫到成枱食物, 當然今次都唔例外, 酒樓環境唔錯, 唔算太嘈, 人手都尚算足夠, 所有食物都好味, 但有d真心想推介比大家, 燒味拼盤: 有油雞, 叉燒, 燒肉, 雲耳及類似齋的野, 我都唔知係乜, 所有野都好入味, 叉燒夠冧, 雲耳帶少少微酸, 金醬酥炸鯪魚球: 炸到金黃色, 係上面唧小小千島汁, 令到成件事唔同哂, 鼓蒜虎皮尖椒: 唔算太辣, 好有蒜香味, 比起一般酒樓的煎或炸野味好多, 忍唔住食左三件, 最後出場就係芝士海蝦伊麵: 芝士味濃, 海蝦新鮮又彈牙, 下次再飲茶, 首選都係呢間稻坊.

一行10日去打邊爐，差不多夠鐘無溫馨提示last order，一夠鐘人哋未食完，淨係話你哋夠鐘啦，跟住就即刻執人哋檯面上嘅嘢。之後仲係咁黑面鬧我哋，夠鐘啦，夠鐘啦。咁大間集團請人係咪會training下，點解可以咁惡劣嘅服務態度依然可以生存到？

稻坊第一次來，同事話幾好味的。我們十幾人坐大枱，獨立隔左一個位的，感覺幾好。同事一早叫晒嘢食。有通菜都fresh好味，櫻花蝦薄撑好多櫻花蝦，幾特別，薄撑好軟身的。蘿蔔牛肚，跟麻醬秋葵，牛肚都夠淋入味，蘿蔔夠入味同甜！白汁蝦球麵，賣相吸引，蝦球好大隻，爽口的，麵加埋白汁都好香好味的！！燒味拼盤，叉燒幾好。燒肉脆。有木耳，紫洋蔥，雞！！泡飯好稀好少米，味道ok的，有帶子同瑤柱粒。每天也有些特價點心，今日係鮑魚燒賣，這籠鮑魚燒等了好耐，追了幾次，還只是送一籠來，我們是兩籠的。賣相也幾吸引的。餐具有花紋的，對筷子太圓。。好易跣手跌落枱這一鍋鮑魚炒飯好吸引呀，好多隻鮑魚，仲要唔細隻，飯是咖啡色，有d菜粒，葱粒，鮑魚淋身，好味道，飯都幾香，吸晒d鮑汁好味呀！！仲有壽包，一籠三隻，雞包仔，雞絲秋葵，味道也好的。然後有d加單，鵪鶉蛋燒賣，綿花雞，鮑魚燒賣。。追了又追。。等了又等先有。服務有待改善。

一家大細為媽媽慶祝生日，人多選擇了中式菜食套餐，上openrice搜尋荃灣區嘅酒樓，最後選擇了一間有質素保證嘅稻坊，環境寬敞，可以泊車，合理價錢嘅推廣套餐。最重要係雖然眼見佢地唔太足夠人手，但侍應們都好有禮貌，俾多d貼士都值👍BB乳豬全體 - 中等size, 夠脆，唔肥，因為最怕到食有一層白色肥膏，正👍上湯波士頓龍蝦伊麵 - 龍蝦夠大隻有肉地， 用上湯燴汁配有伊麵底，唔會太 heavy, 味道唔錯👍馬拉醬炒花枝珊瑚 - 有少少辣，甜豆炒花枝片& 珊瑚蚌，夠惹味，但小朋友食唔到👍冬瓜瑤柱燉螺頭 - 清甜，連冬瓜都入晒螺頭嘅味道👍鹽燒鮑魚咕嚕肉 - 從未試過嘅菜式，鹽燒鮑魚其實好似係炸過嘅鮑魚，唔洗自己起肉我鍾意，幾特別唔錯的，但略嫌鹹咗少少，中間配以有質素嘅咕嚕肉👍杞子淮山浸翡翠 - 都幾鍾意食鮮淮山，因為自己處理比較麻煩，但配上比較帶有青味嘅細細條嘅唔知咩菜苗，有d失望。 若配上菜心苗比較適合鮮沙薑霸王雞 - 好入味，雞肉嫩滑，好快清晒👍清蒸游水星斑 - 中等size, 肉質幾好，唔會太大條，無浪費清晒👍飄香荷葉飯 - 夠入味，但略嫌濕咗d影響口感期待的楊枝金露 - 唔夠涷，味道ok,

贴錢買難受so sad飯局，即時寫個包膠俾大家以免中伏，是日點半席另加一蚊鷄，侍一炮過上左５道菜，經典既係正價食物味道一般，反而一蚊鷄有驚喜，真係脆皮出煙無欺場!入戲玉，第一伏，急凍脆乳朱,師父何得何能做到又凍又脆呢?完全違反物理定律，高手!第二道東星石班兩食，隔夜油炸人工養班!老友，餐牌寫明東星班喎，第二伏!見到已無哂胃口，好采有一蚊雞扎肚咋。第三伏，完美陪訓西臉侍,黎兩隻雞得四对手套，叫阿姐拎多对，阿姐以極差嘴臉回覆兩隻雞只有四对手套，再問個男經理，即時答無問题。手套而已，又不是0.03,用得著西臉加念念有词？全程無禮貌嚴重影響食欲，绝对無下次，大家如果喜歡貼錢買難受可以一試，大家公開評理，附即場實照以昭公正，相關不知所謂员工亦将受到相應處分，短片會直接上稻坊寫字樓，出街食左幾十年，第一次逼我出包胶，你係得既!

雖然見有好多差評，但係我去嗰日又覺得好好啵~食物種類多，連蝦，蠔，蜆都可以任食~其他肉類同其本丸類都有，特別係牛脷同無骨龍躉片都好正。熟食又好味。飲品又任飲，有可樂、zero、雪碧、檸茶、啤酒、豆漿、菊花蜜、竹庶茅根，仲有其他野飲，不過唔記得lu甜品有是日糖水2款，仲有雪糕雪條食。服務又好，鍾意打邊爐既唔好錯過~