陳茶館芋圓甜品專門店 (黃埔天地第3期百寶坊)

Open Now

Now Closed

紅磡多隱世美食，今次就發現到黃埔有間美味0既糖水店!! 見到主打係食芋圓，身為芋圓迷必定試!! 是日係weekend 0既晚上大概9點零鐘，有十幾人0係門口等堂食/ 外賣，想排堂食需向店員拎飛仔，等左大概15-20分鐘就有位。餐廳座位之間有少許窄，隔離枱幾個人，佢地傾得興起時好嘈。大滿貫燒仙草 $35材料好足，芋圓、珍珠煙韌彈牙，特別鍾意地瓜圓😋食到淡淡既地瓜味同糯米香，紅豆煲得夠腍身。椰汁桃膠三寶 $40桃膠份量比意想中多，仲要大大粒，粒粒都乾淨無黑色雜質，椰汁清香。

紅磡呢一間陳茶館都已經食咗幾次，價錢抵食，芋圓真係做得好食，種類都算多，如果唔係因為怕肥都真係會想日日食，因為我真係會芋圓迷芋圓好食就唔使講，不過熱食就認真麻麻。因為屋企老人家要食熱嘢，所以上次排咗僱員就順便嗌咗個熱嘅糖水，薑味的而且確好濃，不過唔夠甜，同埋同凍食嘅芋圓相差甚遠，所以都建議大家食飯凍嘅👍🏻

其實我叫錯咗嘅本身係想食椰汁底 (熱食), 鬼揞眼一見到有桃膠芋圓仙草，我就冇諗咁多，即叫，之後先發現原來佢係冬瓜冰茶底😅說好的養生呢？但冇辦法啦，俾晒錢，心諗反正我外賣嘅，大不了我咪返到屋企整返熱🤪當然啦，最後係冇咁做㗎因為太懶啦😝但因為我屋企同紅磡都有一段好長嘅距離，所以返到嚟屋企食已經唔係咁凍桃膠芋圓仙草 - $36桃膠粒粒都幾大粒，而且都起碼有六至七粒，爽口！👍🏻同個冬瓜茶都幾夾，清爽芋圓地瓜圓，又係有六七粒，每粒都食返各自嘅味道，好香，亦好煙靭！好好食呀最後仙草，唔知點解大大粒😂平時啲仙草都得一片片嘅，但佢係大粒😆一粒仲大粒過平時食嘅涼粉🙈但口感係仙草黎，soft d 個冬瓜茶唔係好甜嘅，所以芋圓同仙草都突出，但桃膠就係要靠個糖水底，變相就無味，椰汁底/奶茶底相信會更夾😁下一次再經紅磡，希望可以再叫👍🏻👍🏻👍🏻椰汁底奶茶底喺😹

之前見好多人介紹呢間芋圓糖水，夜晚去到好多人叫外賣，堂食當然滿座。叫咗一碗外賣返屋企食，叫咗熱薑汁栗子三寶$48。外賣好快等咗5分鐘左右就有。薑汁味非常香濃，真係好夠薑！餡料有栗子、芋圓、小丸子。呢度嘅芋圓真係好好味，好煙韌，多多都食到☺️☺️☺️講真呢一間嘅質素真係好過某一間連鎖店。另外，小丸子亦都煙靭。而且栗子有好多，粒粒大大粒，甜甜地。呢個價錢真係好抵食！下次一定會再去試吓其他唔同嘅配搭！～

店內招牌三色手工芋圓每日新鮮製作，大大粒軟糯煙韌，有咬口。紅豆粒粒分明又夠綿, 食到紅豆味而唔會被甜味蓋過。仙草較爽口滑溜。🍡五福仙草 $35五福仙草是由芋圓、紅豆、小丸子同仙草組合, 特別用上冬瓜茶沙冰底, 飲到淡淡既冬瓜茶味而又唔會有死甜既味道👍🏼仙草亦唔會搶走冬瓜茶既味道。小丸子比芋圓細粒同煙韌, 食到少少糯米味。🍡大滿貫仙草 $35大滿貫仙草是由芋圓、珍珠、紅豆同仙草組合, 用上奶茶底。茶底有淡淡奶茶味👏🏻甜度比冬瓜茶沙冰底低。

去開紅磡有事，同朋友完成咗之後想搵個地方坐低食啲甜嘢，路過見到有甜品店就隨心坐低咗。門口都有好多人等緊外賣，星期四下午茶時間堂食就仲有位。餐廳係自助落單，坐低等咗一陣就有嘢食。因為只係隨意坐低，本身冇抱太多期望，一食落口嘩好好食。😍芋圓好煙靭，望返餐廳寫左係到原來話係手工做嘅，大大粒！而且毫不吝嗇，非常足料。椰汁底都好濃郁，西米露有咬口不是琳琳的。朋友叫咗桃膠，我試咗幾啖，好正好煙韌好滋潤，最後多得滯大家都食唔完。😂下次黎開紅磡會encore。

喺黃埔行行吓見到一間食芋圓嘅專門店，見都冇咩人就入咗去試吓，又估唔到好好食。大家如果去睇演唱會或者出去黃埔嗰邊，可以試下🤟🏻🤟🏻香芋芋圓仙草 $39暫時係我食過香港最好食芋圓，每一粒都好香芋頭番薯味，而且超級食上去好煙韌，配上勁綿既芋泥唔算太甜，勁好食。 不過仙草口感唔夠滑、無咩仙草味，整體都算好食，推薦！

食完飯去行Donki順便當運動消化下( ´ ▽ ` )ﾉ沿路途中見呢間糖水好多人排隊於是忍唔住拎飛等入座…咁就食埋再行喇😹-芋圓椰汁紫米露 $38💰呢款糖水只限熱食，芋圓份量幾多而且真係食到番薯，芋頭，紫薯嘅味道因為係熱食嘅關係，比起凍糖水更軟糯煙靭糖水就個人覺得甜咗少少同紫米比得好少🤏🏻變相就成碗糖水比人一種好稀既感覺-黑糖珍寶仙草$35💰黑糖味好濃，又係覺得有少少過甜🤏🏻配料比得幾多，絕不吝嗇仙草既口感唔似坊間平時食開好滑溜既感覺比較爽口似涼粉，幾好食😋

🇭🇰陳茶館芋圓甜品專門店·薑汁栗子三寶 (栗子 芋園 小丸子) $48因為近排天氣真係比較凍 我個日唔係特別想食仙草 所以最後就無嗌到佢既signature 嗌左呢個薑汁三寶🤣🤣不過因為佢冇啲仙草墊住 所以佢啲配料沉晒底 望落冇咁吸引咁 不過佢呢個食落都ok既 佢個薑汁煮得幾好 暖胃得黎唔會話太辣😎三寶入面我自己覺得小丸子最好食 佢呢個係好似無餡既湯圓咁 口感好煙韌 我自己幾鍾意😍反而佢個芋圓我自己覺得比較粉 口感無咁好味🫢😂·#rbyeat#rby甜品飲品#rby紅磡·📍紅磡必嘉街120號黃埔天地第3期百寶坊地下G12號舖

琴日去到網上熱傳的甜品鋪 趁未到飯後時間 6pm去到陳茶館唔使排隊就可以入座 👏🏻$35人氣之選大滿貫燒仙草 第一次試用珍珠奶茶襯芋圓 完全無違和感 增加彈牙好感 仙草份量佔多 紅豆粒粒分明 注意：紅豆同珍珠都屬於甜類 唔鍾意食甜嘢嘅人就唔好揀呢款啦👏🏻$35四喜仙草 桃膠加上仙草 清熱解喝 豆漿唔會太甜 胞肚感極高 食完炸嘢必食之選 價錢比其他芋圓/芋仙平 份量十足 各款芋圓分別都食到原材料嘅味道店內燈光鮮明 裝修簡潔 座距唔會太近必會再encore💪🏻注意：店內只收電子支付💸

去到紅磡 梗找有咩好食，唔少人講 陳茶館 唔錯就去試吓 。係地鐵站行5分鐘就到都幾方便。選擇不少最後預外賣就試一碗仙草芋圓西米露 ，$35 價錢真係幾抵，不過廿幾人喺門口，就決定叫外賣5分鐘就食得😂。芋圓 真係唔少，味道3款都幾濃和有咬口，不過淋多少少仲好食😋仙草配芋圓直情無敵。 #西米露 有點芋頭味不過真心幾甜😅，西米勁多加分唔會好水感👍🏻整體嚟講真心大碗2人輕食都夠。不過如果唔係住咁遠都想下次再來試其他。

黃埔原來新開左間專門食芋圓既甜品鋪幾個月₍ᐢ.ˬ.ᐢ₎小店名為陳茶館 @chanstea_whampoa多得附近番工既朋友講我先知不枉我同佢土瓜灣食完飯行半個鐘黎食.ᐟ .ᐟ佢menu其實大同小異都係以手工芋圓同仙草為主角配上唔同既配料 例如桃膠 紅豆 珍珠等等我叫左碗香芋芋圓仙草 轉奶茶底嘩完全將我最愛既放哂一齊⸜(*ˊᗜˋ*)⸝而佢每一樣都做得幾出色芋圓大大粒漲卜卜 夠哂煙韌芋泥軟綿綿 好香天然芋頭味仙草份量好多 滑溜爽口奶茶底都有驚喜 真係有茶香亦唔會死甜朋友叫左仙草芋圓西米露椰汁西米露就正正常常仙草就會變左配角 份量少啲架留意番 佢都好受街坊歡迎平日夜晚都要等一陣位( ˶'-'˶)✿✿✿✿✿✿✿✿✿✿✿Follow @lastbitematters for more

每次十點十一點經過都大排長龍！！今晚八點食完晚飯見到無人排隊，即刻買黎試！店舖唔大，外賣服務幾好，店外可以睇到外賣單號，唔使企系入面逼。🌹仙草芋圓西米露 $35🌹評分：7.5/10外賣唔使五分鐘就有得攞！店員話芋圓最好即刻食唔好放雪櫃！價錢唔算貴但份量唔多細細碗。最鐘意佢甜度岩岩好唔會過甜。仙草份量好多有咬口唔會太水唔錯。西米露都唔會過淋。芋圓大約五粒，味道正正常常幾煙靭。有機會再試下佢其他糖水，睇相好唔錯。秋日限定既木瓜桃膠燉雪耳好似滋潤好好食咁😛

📍 陳茶館芋圓甜品專門店 (紅磡）中意食芋圓既我☺️晚飯有留力🤭為左留肚食呢間人氣甜品😁餐廳裝修以白色為主⚪️走小清新路線🌿甜品以自家制手工芋圓為主🍠天然無添加👍🏻甜品仲有低糖選擇🍬另外亦有其他較養生既甜品選擇😋好食之餘,價錢抵份量足👍🏻✨ 大滿貫燒仙草 $35 +$4轉椰汁底加錢轉左低糖椰汁底🥥椰香出,食落唔會太甜👍🏻入面有芋圓🍠珍珠⚫️紅豆🫘仙草〰️份量多🤩芋圓不愧為主打😍芋頭同番薯味都好香好出而且煙靭😋而仙草比較似涼粉,撈埋幾好食👍🏻✨ 椰汁雪燕三寶 $45一樣係低糖椰汁底🥥入面有芋泥,雪燕,芋圓🤤,雪燕份量都好多👍🏻芋泥都好香, 好足料😆🌟提提大家餐廳只收電子支付,唔收現金💰📍 陳茶館芋圓甜品專門店 (紅磡)紅磡必嘉街120號黃埔天地第3期百寶坊地下G12號舖

🤌🏻五福仙草芋園 紅豆 小丸子 仙草(冬瓜茶沙冰底）三色芋圓食得出每一隻味道嘅分別🤣地瓜芋圓番薯味最突出🤣另外加入小丸子，全部都煙煙韌韌好正，更有咬口加埋紅豆🫘味一流，而且冬瓜茶冰沙底唔會好甜，食落甜度剛剛好，無論咩天氣揀冰沙底真係透心涼🤣🤌🏻仙草芋圓西米露香芋、芋圓、仙草加埋我最愛嘅椰汁西米露🤣完全將我最愛放哂一齊，每一樣都做得幾出色尤其芋圓大大粒，漲卜卜夠哂煙韌😋仙草份量亦好多，滑溜爽口，椰汁西米露不過不失，清甜椰汁味唔會死甜😽🚩 陳茶館芋圓甜品專門店 (紅磡)紅磡必嘉街120號黃埔天地第3期百寶坊地下G12號舖