陳茶館芋圓甜品專門店 (馬頭圍道)

Open Now

Now Closed

呢個開心果雪燕西米露（$52）不得了呀😍好濃開心果味，勁多香脆開心果碎，第一啖食到滿滿嘅開心果😋😋之後食下面啲料勁多西米，勁大粒芋圓😍芋圓好煙韌，食到芋頭/蕃薯味…仲有好多一條條嘅？係雪燕？ 好足料囉😆😆下次黎再試下其他糖水😆

#陳茶館 嘅 #芋圓 同 #雪燕 大家都一定唔陌生而佢地亦跟上個潮流 推出 #開心果系列採用 #日本開心果 少少地推出兩款而且亦會附上 #粒粒開心果碎 食用前先灑上面保持返個口感😉#開心果雪燕西米露 $52平時普通版就 $38 價錢就擺明略高架啦不過 質素冇降低😂 平時嘅椰汁花奶底變咗做開心果 而且係order完即打 所以都合理嘅而且由於要確保返個質素 所以冇凍熱版 劃一常溫開心果味唔錯👍🏼而且唔會勁甜 冇額外加野😉即使小編叫外賣 開心果碎會另外裝起所以臨食先灑上面 唔會浸到唔知似咩😅店員仲千叮萬囑要一兩個鐘頭內食用 🈲記得唔好放雪櫃🈲🅿️土瓜灣分店實在太方便👍🏼次次揸車外賣 泊門口就得🚙💸仲有溫提返💁🏻‍♀️佢地唔收cash 可八達通 WeChat pay or Alipay

其實幫襯咗間舖頭好多次，甜品芋圓係好食，但係今次令我好失望。入到舖頭個收銀職員嘅態度已經麻麻地，店入面有幾張空枱，但都要用一個好不滿嘅態度叫我地起身調去佢指定嘅位，咁我都好配合調位。（其實如果係咁，我建議你地安排返個帶位員，等我入店之前知道要坐邊張枱。）當我喺櫃枱落單，個職員帶住口罩講嘢，佢間店啲音樂又比較大聲，我聽唔到佢講咩，佢就用冇禮貌兼大聲咁問我「要凍定熱呀！」 呢啲職員嘅服務態度只會令香港嘅飲食業越嚟越差….. 雖然啲甜品係好食，但我寧願會揀一個服務態度好啲嘅甜品店。

之前喺網上見到人哋推薦呢間新出品嘅開心果甜品，本身係開心果控，早幾日終於去咗試吓。試咗佢嘅開心果芋圓雪燕西米露，未食已經覺得佢個樣好吸引，開心果味好濃郁，而且有好多開心果碎喺上面。另外仲食到一絲絲嘅雪燕，芋圓亦好煙靭。口感好豐富，而且唔會太甜！😍下次會再試埋佢嘅開心果豆乳。

😋😋😋開心果雪燕西米露開心果雪燕西米露真係令人驚喜！每一啖都可以食到啖啖開心果碎，香脆可口，唔會太過單調。甜度啱啱好，唔會膩，反而令人感到清新。特別係入面仲有啲芋圓，嚼落去煙韌厚實，帶來咗一種豐富嘅口感，搭配開心果嘅香味，真係完美！整體上，呢款甜品好適合炎熱嘅天氣。😚😚😚Oreo芋泥鮮奶Oreo芋泥鮮奶就係另一種享受。芋泥嘅質感非常綿密，味道香甜，令人回味無窮。Oreo嘅加入令整個甜品更添層次，脆口嘅餅乾碎同滑順嘅鮮奶形成咗一個完美嘅搭配，口感相當平衡。唔會太甜，剛剛好，令人每一口都想再多來一口。

🍡陳茶館🍡開心果迷召集！💚💚💚呢間芋圓甜品專門店出左一個開心果系列〜 有兩款甜品揀，分別係粒粒開心果碎開心果雪燕西米露 $52, 同埋粒粒開心果碎開心果牛乳/豆乳 $48〜我地今次試左西米露🫶🏻 一上枱真係嚇親，毫不吝嗇地鋪滿左日本開心果碎✨💚 打卡正📸 面頭個啲開心果同個汁好夾，係超濃郁嘅開心果味！芋圓都有水準〜大大粒好有咬口👍🏻 不過開心果味同芋圓唔算好夾🙂‍↔️ 食到一半已有有啲濟〜 另外叫左木瓜桃膠雪耳凍 $35，個木瓜都好大嚿，好足料，不過手搖飲開微糖嘅我都覺得唔夠甜，所以如果係鍾意無糖嘅朋友會幾鍾意，不過我係一個食糖水嘅心態就會有少少唔happy🤣總括嚟講，今次好似揀錯咗，但因為佢啲芋圓都真係幾好食，所以會encore嘅，不過就試返啲最正路嘅糖水，試吓先🤣

😆😆陳茶館😆😆地址： 土瓜灣馬頭圍道101號地舖開心果牛乳 🍵$48開心果雪燕西米露$52超濃開心果味！仲有開心果碎碎每一啖都禁好食！食完野做甜品真係一流 我本身晚餐已經好飽 但我全部都想食哂去開心果大愛呀！！！！！！🥰🥰🥰🥰🥰🥰🥰🥰#開心果 #陳茶館芋圓甜品專門店 #陳茶館 #dessert #afterdinner #甜品 #天堂 #好味 #土瓜灣 #foodie #HongKong #宵夜 #美食

2024年8月18日女朋友喺網上見到新推出開心果系列，好想試下……🫠即刻出左去試下，6點幾去到，唔喺甜品時間，有四人位坐，舒服好多😎本身減緊肥，要戒糖，想叫走甜或者少甜，不過係set 死左，一場黎到，點都要試下，點知兩個甜度都岩岩好（我淡口味，重甜症者能會覺得太淡）🫢雪燕：每一啖都有幾濃下開心果味，每一啖都食到開心果碎同西米雪燕，底果度有大約七八粒芋圓地瓜圓，煙韌厚實，的確出色😬開心果奶：超濃開心果味，仲濃過雪燕果一種，諗唔到開心果mix 牛乳咁夾，每一啖都有果香味同奶香奶甜味，正🤤

#20240523 🤍📍 陳茶館芋圓甜品專門店 @taro_n_tea 土瓜灣馬頭圍道101號地舖 🍽️紅磡必嘉街120號黃埔天地第3期百寶坊地下G12號舖➖➖➖➖➖➖➖➖➖➖➖➖➖➖➖➖➖#桃膠芋圓仙草 $38💭 依家桃膠越尼越hit，呢間野都有好多甜品入面用桃膠做材料，用料都唔孤寒，啲桃膠粒粒圓轆轆，唔會散收收得啲碎，芋圓上枱果陣係帶少少暖🤏🏼要快啲食，如果唔係浸左落啲冰度就好快硬，橙色蕃薯味最出，不過無得揀既🍠啲仙草係一大舊，超似龜苓膏咁，比較特別係佢個底唔係用椰汁底，而係冬瓜茶沙冰底，感覺更加古早味濃🇹🇼.#土瓜灣美食 #🐷在土瓜灣 #紅磡美食 #🐷在紅磡 #🐷_食

次次經過黃埔/土瓜灣都會想買返一碗芋圓返屋企食, 難得今日有時間, 就試下堂食一下~好多時我都會叫"四喜仙草", 岩哂我呢D 為食鬼, 又可以食芋圓, 又想健康少少食下桃膠, 又可以解下暑食下仙草~ 出面好多食芋圓的甜品店, 都係冰底. 但女生吾可以食呾凍, 佢呢碗係室溫既漿底, 岩哂我... 堂食有個小木盤, 一張卡仔, 同紙巾~ 滿滿的儀式感而朋友仔就點左 "黑糖珍寶仙草", 當中有芋圓, 珍珠, 小丸子, 樣樣都大大粒~ 總括: 陳茶館芋圓糖水真係好食, 食完之後會食尖左個咀, 再食其他既芋圓會覺得吾好味~ 陳茶館需要吾係好平, 但以呢個價錢, 佢真係有比足份量, 讚!! 

見到是新店 特地提早下車過來嚐嚐 服務員一頭霧水也就算了 可能是新人 都明白的 但是菜單上 只限熱食 和 可做熱食的標誌是一模一樣 其他甜品都是可做熱食 只有我點的芋圓紫米露是只限熱食 真的是很無語 當下 服務員送餐上桌的時候 我一臉茫然 因為沒有想到是熱食 於是我便詢問服務員是怎麼回事 也真的是想不到 服務員擺著臭臉說只有熱食 然後扭頭就走 真的是一個服氣！甜品的出品還算不錯 芋圓有嚼勁 糖水也不會過甜 紫米也挺香的 只是菜單的設計有待加強 否則很容易誤導顧客 希望能夠好好改善一下

陳茶館 裝修後都冇去堂食其實下次都想去試下堂食，環境好靚前身都冇堂食位置 聽老公講話，店員提醒外賣芋圓盡快食 以免變質芋圓要熱嘅先好味👍🏻之前冇留意到呢間都有桑寄生🖤比浩記貴 陳茶館HK$40/碗但就多2粒無核紅棗 同一大堆芋圓煙煙韌韌 好有口感 🤤桑寄生甜甜的好好味😋又有益感染到老公都跟咗我食桑寄生🖤呢間係芋圓專門店之前食過其他款式都好好食最近都鍾意食桑寄生，冇諗過桑寄生同芋圓可以夾埋一齊食，好似中西合璧咁，幾特別又有創意

椰汁雪燕三寶 $45芋泥紅仙草二重奏 $38陳茶館最岀名就係芋圓，陳家芋圓口感煙un，都算大粒，咀嚼咀嚼散發微甜，有番薯味，香芋味，紫薯味👍🏻芋泥都好驚喜，香甜扎實，係整碗甜味主要來源湯底今次分別揀左椰汁底同豆漿底，清清甜甜，一點都不邪惡，一口湯底配上芋泥紅豆，一切恰到好處，完美剛剛好😋除咗土瓜灣外，黃埔都有分店呢推薦度4.5/5陳茶館芋圓甜品專門店 (土瓜灣)土瓜灣馬頭圍道101號地舖

去咗「陳茶館芋圓甜品專門店」，其實佢係「熹記糖水」嘅前身，我記得當年就已經好鍾意佢地，甚至諗過去做兼職學煮！今晚食咗桑寄生蓮子芋圓糖水！每次嚟呢度食都覺得呢度嘅蓮子特別好味！加埋芋圓真係成個組合好完美！桑寄生係一種中醫藥材，據說有唔少功效。佢有助於清熱解毒，對於口腔潰瘍同口臭有一定療效。而蓮子係一種營養豐富嘅食材，有助於補脾益肺同舒緩情緒。所以，呢碗桑寄生蓮子芋圓糖水唔單止好味，都有助於身體健康。係一個可以同時享受美味同享受好處嘅甜品選擇！

之前係黃埔已經留意到依間糖水舖，因為當時食飽咗就冇幫襯到🥲某日係土瓜環行過又俾我見到陳茶館，連個天都想我去試試佢！😆😆今次試咗仙草芋圓西米露同桃膠芋圓仙草，不得不讚下佢哋嘅芋圓，三款芋頭、蕃薯、紫薯嘅味道好出，就算瞇埋眼😌都可以輕易分到唔同口味，煙韌控大推👍🏻👍🏻仙草都好滑劣劣~若果唔太好芋圓嘅話，佢哋都有唔少養生之選，有桃膠、燉雪梨、木瓜雪耳個d中式糖水都有，睇圖都覺得幾吸引😋😋