Taste Well

Open Now

Now Closed

呢排多去佐敦嘅Taste Well由地鐵站街去幾分鐘就到～ 樓底高地方大除咗杯啡要好飲，可以舒服嘆啡都好緊要👍🏻同埋佢杯🇮🇹 #LAVAZZA #芝士奶蓋焦糖咖啡 幾好飲～ 係#期間限定 嚟！每杯都配上一粒ALMOND ROCA 樂家杏仁糖🍬入口先有綿密奶泡中有芝士嘅微咸香，然後就有咖啡香～我加埋粒樂家杏仁糖落去仲多咗份朱古力甜同花生碎嘅口感添😋原來我已經以正價飲夠5杯LAVAZZA 特飲，職員送咗份LAVAZZA禮品比我，係咖啡濾杯，幾實用～禮品仲有電話繩或隨身鏡可以揀～ * 6月30日前呀 ！*

佐敦有呢一間，裝修風格比較偏簡約，而且有品味的Cafe，喺外邊玻璃睇，已經覺得好舒服餐廳樓底好高，未入門口已經看到好多植物，餐廳內都有賣植物和花，令到餐廳的氣氛升格不小而且餐廳空間感充足，唔使驚傾偈隔籬枱會聽到餐牌選擇都幾豐富，選擇套餐價錢都唔貴，而且性價比高，加$10便可以轉好少少嘅咖啡，或者靚一啲的茶今晚店員介紹他們的雜豆湯，味道濃，好好飲另外我們的主菜都唔錯而且侍應們嘅服務態度好好值得推介俾家

夜晚唔想食肉，又唔想食太飽，店家介紹咗呢款「慢煮比目魚鮮魚湯配紅米飯」，上枱熱辣辣，魚湯濃郁鮮味，比目魚大大嚿好滑，配上豆腐蘿蔔菇菌，味道唔錯，紅米飯軟硬適中，有驚喜的一餐

點西冷牛，忘記問我幾多成熟出嚟問返我，我話3成等咗差唔多20分鐘，終於見到佢出嚟望上塊牌已經知賴嘢，好似燒咗好耐咁切落去已經見唔到血水，嚟到成塊扒熟透，食落口感鞋搭搭，感覺7成不值一來

餐廳招牌不太顯眼，位於吳松街突破隔離。我們晚飯時段光顧，晚上七時多全間餐廳只有我們一枱六人，環境清靜，方便聊天。我們點了燒雞、魚湯飯等，味道還可以，餐湯不錯。只是上甜品時，我們發現芝士蛋糕上有一隻小蟲屍體，要求服務生更換，過了一會再送來的，仍然是同一件芝士蛋糕，很明顯是用刀削去有蟲屍的部分，二百多元一頓晚飯，應該沒有下次！

今日揀咗間餐廳食個午餐，其實餐牌入邊好多菜式都係有肉類嘅，不過我就係睇中呢款蕃茄醬雜菜意大利粉，午餐包括左一個餐湯或者沙律，我就揀咗雜菜沙律。細細碗沙律配咗少少酸汁同埋橄欖油，蔬菜係好新鮮，好爽脆。主菜係素食，濃濃嘅蕃茄醬，加入好多種唔同嘅蔬菜，例如冬菇片、紅蘿蔔、翠玉瓜、蕃茄、西蘭花、粟米芯等等。意粉嘅質感好好，唔會煮得太林，好有口感，不過蔬菜太多，一次過食咁多蔬菜入口，真係有少少水汪汪嘅感覺，但係就覺得健康。餐飲方面，我加錢揀咗熱朱古力咖啡，咖啡味好重，唔多覺有朱古力味，而且份量比較細杯。餐廳裝修好精緻，佐敦比較少呢類型嘅餐廳，座位比較寬敞、有大玻璃窗，好開陽，再加上舖頭其中一個角落係一個花店，感覺好清新。不過價錢偏貴，午餐都要百幾蚊一位，性價比唔高。

今日叫左三碟食物，一碟系香草番茄汁慢煮鴨胸意大利粉，超好味，另一碟系虎蝦辣椒蒜片意大利粉，可以，最後一碟糸安格斯牛肉芝士竹炭漢堡配牛油果，唔夠熱，好可惜，餐湯系甘荀湯，夠熱，好味

Taste Well位於佐敦吳松街181號地下，間cafe環境好闊落座位滿多不逼夾，樓底又高周木系自然風格感覺好舒服。打開餐牌食物方面主打輕食，我們各叫了午市套餐，有餐湯、主食及普通飲品，食物質素好一般，價格也稍等為貴了點。茅檸檬慢煮豬仔脾紅米飯+凍檸茶HK$158餐湯係羅宋湯，味道淡如水，豬仔脾有3隻上台聞到香茅味香，但食不到檸檬嘅味道，口感方面有點乾，但係不難食還算可以入口。配紅米飯好健康，飯煮得軟硬適中比豬仔脾更勝一籌。

原本想食對面的泰國菜午餐，但係因為可能時間尚早，當時11:45 am 都仲未正式開門、所以朋友就入去咗對面呢間餐廳～大門好重，要好大力先推郁😅而這間店環境的確夠舒適，地方大，但係又唔係放好多枱，所以枱與枱之間有好多空間～所以同朋友傾偈嘅時候感覺好好，至少唔會聽到隔籬枱人哋傾偈嘅內容🤪🤪當天叫咗兩個午餐，朋友點做沙律，而我就點咗卡邦尼意粉（最穩陣選擇）老實講，食物質素做叫一般般，以依個價錢來講，感覺就唔值得了～但係呢度勝在環境搭救～

冇睇openrice, 經過行入去食。menu食物選擇唔多咖啡ok蘑菇湯同埋甜品（柚子蛋糕）有驚喜：蘑菇湯好有層次感，飲到有幾種菇，夠滑亦唔會似漿糊，麵粉比例剛剛好！暫時係我飲過最好飲。柚子蛋糕，餅底做得唔錯，食到有柚子粒，口感同味道都好好。沙律及蛋糕伴碟嘅生果都非常新鮮，完全冇酸味。（唔知係咪我好彩嗰日新鮮，定係餐廳真係保鮮有妙法🤔）意粉方面，蜆新鮮大隻，煮嘅生熟程度剛剛好，煮得好好手勢。唯一挑剔就係，唔知個意粉汁係咪加咗麵豉，本身蜆帶少少咸味，再加木魚碎喺意粉上面，呢個配搭我就覺得有丁點咸。整體我覺得呢個價錢ok餐具非常乾淨侍應非常有禮貌、細心：食完沙律飲完湯之後，由於意粉未到，我見侍應行埋嚟，想叫佢留返隻叉俾我。香港有好多侍應要你出聲佢先識留。聰明少少就收咗隻碟，將隻叉放返喺你拎起個位同啲未用嘅刀放埋一齊。佢最專業，我都未開口，佢淨係收湯碗同換過隻羹，叉同沙律碟唔收，咁沙律碟就可以俾我裝蜆殼。👍🏻環境方面，每張枱距離都有番咁上下，所以坐得非常舒服。

Never walking in a place for quiet in the middle of the city and expect drinks and food is good.They have minimum charge for tea, so I ordered a simple lemon cake and a mocha.The lemon cake came out as a “small flat size” with funny decorations. It only tasted of “lemon” but bottled lemon juice…. Unsweetened. How can came be unsweetened????????Waiter told me he tasted but he found it okay… its a matter of different taste wor…Coffee comes out of a fresh ground machine… so if you want a good quiet

今天在佐敦搵食，在門外看見這餐廳，佈置優雅，吸引了筆者進場。門口有一間花店，感覺休閑。午市套餐，素食者也可以選擇，食店都主張健康之選⋯⋯南瓜湯~套餐可以選是日餐湯或沙律，由於今天餐湯是南瓜湯，天氣涼涼地，選擇餐湯暖暖身。一端上枱，熱騰騰，真材實料，質感濃厚，如果配上一小塊麵包就更完美。昆木大蜆意大利粉$138~可以選闊條麵或意粉。日式風格，昆布和洋蔥碎配合日式麵豉醬及味琳，濕濕地，筆者最欣賞放面頭的那塊綠色香草，咬上帶點點薄荷味道，很清新。牛筋條配紅米飯$158~單單看這隻碟，非常精美，牛筋條未夠腍，如喜歡有𡁻頭的會喜歡這質感，但吃落去又覺得像台灣的牛肉條，相信男士們會較喜歡。咖啡配以和暖的咖啡奶，考慮到很多細節位，一讚。有趣嘅地方是這隻咖啡匙，頭重尾輕，用來攪咖啡手感不錯。這隻匙羹的位置，是考慮到進食時嘅方向，所以相信用來吃甜品都是一個不錯的選擇。整體來說餐廳佈置環境休閑舒適，每道菜用的餐具很有特色，看出食店在細節位有心思，但以午餐來說，在這個地段，價錢偏高，相反如果作為工作見客用膳，相當寧靜，是一個不錯的好地方。

去到這間Cafe，覺得空間好大，坐得好舒服！門口的位置有好多花🌹，而且是可以買的。今次同朋友叫去這間早餐，我們叫了芝士火腿三文治同慢煮雞胸多士！食物同coffee 普普通通，不過無乜人，我同朋友坐足一個上晝😊人均$6x

吃早餐，是我人生養成的第１個好習慣。６月初經過佐敦吳松街，被１家裝修精緻的餐廳吸引，餐廳名字：Taste Well時隔１個月，來試試早餐。環境：很好！裝修簡約，文青feel。一入口門，正對着 flower corner，感覺舒服。服務：很好！Serve我的店員很有禮貌。味道：#Double Cheese and Ham Toast：就是芝士火腿飛碟，加了油醋蔬菜沙律，味道挺好的。#Regular Coffee：早上喝杯 morning啡，是我多年的習慣，這家的咖啡，香、濃、醇厚，點個讚！會再來的店，下次和朋友來試試蛋糕。

上網睇到介紹，食物賣相唔錯，便和太太試吓午餐。点知中伏，我睇佢價錢係正常Cafe價應該品質有保證點知，首先，搵個茶餐廳阿姐黎派餐，態度十分一般，點知食物都保持到茶餐廳水平，我叫一份辣蝦橄欖油扁意粉，出嚟嘅味道同我喺隔離茶記叫份黑椒牛肉絲炒意粉係一樣。比緊$300食午餐但食緊茶餐廳嘅服務同食物。我個人對Cafe杯咖啡有要求，我叫杯Iced Latte , 佢竟然跟杯糖水比我，我當場o咀，小弟自問去盡全港Cafe,都無見過Cafe沖咖啡會跟糖水，除左茶記。大開眼界，極度失望只此一次。