Taste Well

Open Now

Now Closed

下晝最岩就係去Coffee shop 飲杯咖啡！冇諗過平時手搖飲品既芝士奶蓋竟然係coffee shop出現！今次試左杯 LAVAZZA 芝士奶蓋焦糖咖啡 x ALMOND ROCA 杏仁糖，一啖咖啡，一啖ALMOND ROCA 杏仁糖，估唔到可以提升咖啡既層次！ 甜絲絲好幸福既感覺呀！凡於推廣期間內購買 LAVAZZA 上述指定特飲滿5杯，更可免費兌換 LAVAZZA 精美禮品一份，包括咖啡濾杯、電話繩或隨身鏡，美觀而實用呀！

No Coffee☕️ No Life💞 嘅我最近發現了一款好好味嘅咖啡，LAVAZZA 芝士奶蓋焦糖咖啡 x ALMOND ROCA 杏仁糖，口味夾到不得之了👍🏻LAVAZZA咖啡豆出名優質醇香，加上絲滑奶蓋與焦糖，好像甜蜜的擁抱一樣。再咬一啖ALMOND ROCA杏仁糖，幸福感瞬間湧上心頭，好似戀人之間的甜蜜回憶🥰意大利🇮🇹經典咖啡品牌 LAVAZZA 聯手享譽全球的杏仁太妃糖品牌 ALMOND ROCA，推出期間限定活動，為咖啡與甜品愛好者帶來新體驗！即日起至2025年6月30日，凡於指定銷售點購買一杯 LAVAZZA 芝士奶蓋焦糖咖啡，即可免費獲贈ALMOND ROCA 樂家杏仁糖乙粒。 另外，凡於推廣期間內購買 LAVAZZA 上述指定特飲滿5杯，更可免費兌換 LAVAZZA 精美禮品一份，包括咖啡濾杯、電話繩或隨身鏡，美觀而實用。
 

呢排多去佐敦嘅Taste Well由地鐵站街去幾分鐘就到～ 樓底高地方大 LAVAZZA 芝士奶蓋焦糖咖啡好飲架我點左杯熱嘅，$46今日去仲有粒樂家杏仁糖 原來30/6前原價購買一杯就會附送。 又好似幾夾。咖啡有香滑奶蓋同焦糖甜味，我中意配埋粒糖飲~有芝士嘅微咸香 又有咖啡咖啡香～仲有花生碎嘅口感添😋 成件事好夾~原來6月30日前正價飲夠5杯LAVAZZA 特飲就有禮品，我已經夠所以職員送咗份LAVAZZA禮品比我，係咖啡濾杯，幾實用～

今日同朋友去佐敦Taste Well 傾偈飲咖啡☕️見到推出左呢個驚喜配搭「LAVAZZA芝士奶蓋焦糖咖啡 x ALMOND ROCA杏仁糖」平時飲開奶啡嘅我即刻心心眼😍第一啖先飲到厚厚芝士奶蓋🧀鹹香綿密好似食緊軟棉棉芝士蛋糕🍰焦糖甜味慢慢滲出又唔會死甜🥰搭配LAVAZZA招牌深烘咖啡☕️食返粒果仁香味「樂家杏仁糖」同杯咖啡嘅堅果香好夾💥甜得嚟有層次😍✨期間限定由即日至30/6✨✅係指定銷售點買1杯LAVAZZA限定咖啡就送一粒樂家杏仁糖☺️✅儲滿5杯可以換濾杯、電話繩或隨身鏡呢啲貼心精品😎

鍾意嘆奶啡既你要留意啦!🌸LAVAZZA陪你過返個甜蜜初夏！☕🍬 LAVAZZA推出芝士奶蓋焦糖咖啡配搭ALMOND ROCA 杏仁糖陪你渡過春夏！🐸🐸最鐘意LAVAZZA咖啡豆既濃郁醇香烘焙程度啱啱好加埋絲滑奶蓋同焦糖既甜味咬返粒樂家杏仁糖幸福就係咁簡單！無論你係咖啡定甜品愛好者都應該會鐘意呢個聯乘 期間限定㗎快啲試下啦～ 🐸🐸提提你：即日起至2025年6月30日凡於指定銷售點購買一杯 LAVAZZA 芝士奶蓋焦糖咖啡即可免費獲贈ALMOND ROCA 樂家杏仁糖乙粒另外，凡於推廣期間內購買 LAVAZZA 上述指定特飲滿5杯更可免費兌換 LAVAZZA 精美禮品一份包括咖啡濾杯、電話繩或隨身鏡飲品價格依門店定價為準數量有限，趁早品嚐！每個銷售點之禮品不同數量有限，送完即止。適用銷售店: 大埔 Goldy Cafe | 佐敦 Kitchen Savvy | 佐敦Taste Well | 東涌 Olea / Moccato

呢排多去佐敦嘅Taste Well由地鐵站街去幾分鐘就到～ 樓底高地方大除咗杯啡要好飲，可以舒服嘆啡都好緊要👍🏻同埋佢杯🇮🇹 #LAVAZZA #芝士奶蓋焦糖咖啡 幾好飲～ 係#期間限定 嚟！每杯都配上一粒ALMOND ROCA 樂家杏仁糖🍬入口先有綿密奶泡中有芝士嘅微咸香，然後就有咖啡香～我加埋粒樂家杏仁糖落去仲多咗份朱古力甜同花生碎嘅口感添😋原來我已經以正價飲夠5杯LAVAZZA 特飲，職員送咗份LAVAZZA禮品比我，係咖啡濾杯，幾實用～禮品仲有電話繩或隨身鏡可以揀～ * 6月30日前呀 ！*

佐敦有呢一間，裝修風格比較偏簡約，而且有品味的Cafe，喺外邊玻璃睇，已經覺得好舒服餐廳樓底好高，未入門口已經看到好多植物，餐廳內都有賣植物和花，令到餐廳的氣氛升格不小而且餐廳空間感充足，唔使驚傾偈隔籬枱會聽到餐牌選擇都幾豐富，選擇套餐價錢都唔貴，而且性價比高，加$10便可以轉好少少嘅咖啡，或者靚一啲的茶今晚店員介紹他們的雜豆湯，味道濃，好好飲另外我們的主菜都唔錯而且侍應們嘅服務態度好好值得推介俾家

夜晚唔想食肉，又唔想食太飽，店家介紹咗呢款「慢煮比目魚鮮魚湯配紅米飯」，上枱熱辣辣，魚湯濃郁鮮味，比目魚大大嚿好滑，配上豆腐蘿蔔菇菌，味道唔錯，紅米飯軟硬適中，有驚喜的一餐

點西冷牛，忘記問我幾多成熟出嚟問返我，我話3成等咗差唔多20分鐘，終於見到佢出嚟望上塊牌已經知賴嘢，好似燒咗好耐咁切落去已經見唔到血水，嚟到成塊扒熟透，食落口感鞋搭搭，感覺7成不值一來

餐廳招牌不太顯眼，位於吳松街突破隔離。我們晚飯時段光顧，晚上七時多全間餐廳只有我們一枱六人，環境清靜，方便聊天。我們點了燒雞、魚湯飯等，味道還可以，餐湯不錯。只是上甜品時，我們發現芝士蛋糕上有一隻小蟲屍體，要求服務生更換，過了一會再送來的，仍然是同一件芝士蛋糕，很明顯是用刀削去有蟲屍的部分，二百多元一頓晚飯，應該沒有下次！

今日揀咗間餐廳食個午餐，其實餐牌入邊好多菜式都係有肉類嘅，不過我就係睇中呢款蕃茄醬雜菜意大利粉，午餐包括左一個餐湯或者沙律，我就揀咗雜菜沙律。細細碗沙律配咗少少酸汁同埋橄欖油，蔬菜係好新鮮，好爽脆。主菜係素食，濃濃嘅蕃茄醬，加入好多種唔同嘅蔬菜，例如冬菇片、紅蘿蔔、翠玉瓜、蕃茄、西蘭花、粟米芯等等。意粉嘅質感好好，唔會煮得太林，好有口感，不過蔬菜太多，一次過食咁多蔬菜入口，真係有少少水汪汪嘅感覺，但係就覺得健康。餐飲方面，我加錢揀咗熱朱古力咖啡，咖啡味好重，唔多覺有朱古力味，而且份量比較細杯。餐廳裝修好精緻，佐敦比較少呢類型嘅餐廳，座位比較寬敞、有大玻璃窗，好開陽，再加上舖頭其中一個角落係一個花店，感覺好清新。不過價錢偏貴，午餐都要百幾蚊一位，性價比唔高。

今日叫左三碟食物，一碟系香草番茄汁慢煮鴨胸意大利粉，超好味，另一碟系虎蝦辣椒蒜片意大利粉，可以，最後一碟糸安格斯牛肉芝士竹炭漢堡配牛油果，唔夠熱，好可惜，餐湯系甘荀湯，夠熱，好味

Taste Well位於佐敦吳松街181號地下，間cafe環境好闊落座位滿多不逼夾，樓底又高周木系自然風格感覺好舒服。打開餐牌食物方面主打輕食，我們各叫了午市套餐，有餐湯、主食及普通飲品，食物質素好一般，價格也稍等為貴了點。茅檸檬慢煮豬仔脾紅米飯+凍檸茶HK$158餐湯係羅宋湯，味道淡如水，豬仔脾有3隻上台聞到香茅味香，但食不到檸檬嘅味道，口感方面有點乾，但係不難食還算可以入口。配紅米飯好健康，飯煮得軟硬適中比豬仔脾更勝一籌。

原本想食對面的泰國菜午餐，但係因為可能時間尚早，當時11:45 am 都仲未正式開門、所以朋友就入去咗對面呢間餐廳～大門好重，要好大力先推郁😅而這間店環境的確夠舒適，地方大，但係又唔係放好多枱，所以枱與枱之間有好多空間～所以同朋友傾偈嘅時候感覺好好，至少唔會聽到隔籬枱人哋傾偈嘅內容🤪🤪當天叫咗兩個午餐，朋友點做沙律，而我就點咗卡邦尼意粉（最穩陣選擇）老實講，食物質素做叫一般般，以依個價錢來講，感覺就唔值得了～但係呢度勝在環境搭救～

冇睇openrice, 經過行入去食。menu食物選擇唔多咖啡ok蘑菇湯同埋甜品（柚子蛋糕）有驚喜：蘑菇湯好有層次感，飲到有幾種菇，夠滑亦唔會似漿糊，麵粉比例剛剛好！暫時係我飲過最好飲。柚子蛋糕，餅底做得唔錯，食到有柚子粒，口感同味道都好好。沙律及蛋糕伴碟嘅生果都非常新鮮，完全冇酸味。（唔知係咪我好彩嗰日新鮮，定係餐廳真係保鮮有妙法🤔）意粉方面，蜆新鮮大隻，煮嘅生熟程度剛剛好，煮得好好手勢。唯一挑剔就係，唔知個意粉汁係咪加咗麵豉，本身蜆帶少少咸味，再加木魚碎喺意粉上面，呢個配搭我就覺得有丁點咸。整體我覺得呢個價錢ok餐具非常乾淨侍應非常有禮貌、細心：食完沙律飲完湯之後，由於意粉未到，我見侍應行埋嚟，想叫佢留返隻叉俾我。香港有好多侍應要你出聲佢先識留。聰明少少就收咗隻碟，將隻叉放返喺你拎起個位同啲未用嘅刀放埋一齊。佢最專業，我都未開口，佢淨係收湯碗同換過隻羹，叉同沙律碟唔收，咁沙律碟就可以俾我裝蜆殼。👍🏻環境方面，每張枱距離都有番咁上下，所以坐得非常舒服。