傑星冰廳

Open Now

Now Closed

傑星四四正正光光猛猛，卡位闊落自選粉麵：沙嗲牛肉 + 出前一丁 + 原味 + 熱0T$36一黎就係丁麵，唔駛加錢轉，軟硬度淥得剛好，唔錯！牛肉多又大件，有牛味，但連筋位嘅會好靭同難咬；沙嗲汁味偏向咸，食完後會口乾漢堡包餐：馳名豬扒包（蜂蜜芥末）+ 熱0水個包烘得外皮脆裡面軟熟，生菜青瓜蕃茄真係普通過普通，唔會有清甜感；但豬扒真係好攞分，大塊又有厚度，腌味好煎得出色，鬆化夠肉汁但唔會過多油份，配埋個蜂蜜芥末醬，夾晒！

真係點都要分享尼一間劣質餐廳：大家真係唔好去試這間傑星冰室既羊腩煲，去到叫左羊腩煲，超伏。得五粒仔羊腩加四舊蘿蔔，實際係三塊仔羊皮及兩粒羊肉，問個店員，話有五粒就岩啦，個下真係呆左，我攞起晒所有羊肉夾埋都無一匙羹。羊腩又難食，個女店員話還有五粒都話係咁嫁啦，態度異常差。此外，晚餐時間竟然話白飯賣晒，個時七點十分左右，叫乜又無乜，最後食一個難食的煲就走，唔會有下次。我個羊腩煲加個可樂都收我＄98，全香港應該都無一間比佢更伏，人地食淨既可能都比尼煲野多。

班蘭唔太甜，而西多士外脆內鬆軟，蛋香味又濃，佢個沙律都唔馬虎，水果粒大細適中，而且都甜甜哋，魚柳包不過不失，薯條普通，可以再熱番啲，奶茶夠滑，有茶香，職員超nice，第一次幫襯，整體來說，唔錯

傑星冰廳。這家餐廳位於汝州街219號地舖鮮炸雲吞，雲吞皮酥脆，每一口都充滿了鮮美的口感。使得外皮更加香脆，內餡更加嫩滑。36元六粒鮮炸雲吞，大大粒！接下來，我品嚐了傑星冰廳的至尊雲豆蹄花湯飯。這道湯飯絕對是一個驚喜！湯底鮮美濃郁，充滿了豬手、雲吞和韭菜餃的豐富口感。每一口都能感受到湯的鮮甜，配上飯的軟糯，絕對是一道讓人食指大動的美食。$48搭配這些美食的當然少不了一杯爽口的飲品。我點了他們的百香果檸檬茶，這杯茶非常清新。百香果和檸檬的酸甜口感完美結合，喝下去讓人心情舒暢，提神又消暑。$24#傑星冰廳 #深水埗美食 #鮮炸雲吞 #至尊湯飯 #百香果檸檬茶 #美食評論 #foodie #instafood #foodstagram #食評 #美食分享 #好吃到停不下來 #大快朵頤 #美食探險 #美食日記 #美食愛好者 #美食推薦 #美食控 #美食家 #美食獵人 #美食圖鑑 #美食攝影

幾撚正嘅咖哩牛腩兄弟啊，啖啖嫩滑牛腩，邊食邊有咖哩香撲鼻，真係少少辣得嚟香辣夾擊，蒸蛋係人間美味！蒸得剛剛好嘅啲蛋花，入口滑不留口，簡直係蒸蛋界嘅翹楚！燒賣皇其實大有來頭，鮮嫩彈牙肉粒，賣相搶鏡，食落倍感滿足，好似帶我返去懷舊位置嘅感覺。炸兩實在太惹味，外脆內軟，豉油麵汁添味，一口接一口停唔到！點杯凍檸樂來個完美結局，酸酸甜甜消消脂，完美啦！😚🍲🍋 食物香而不膩，味道豐富得嚟層次分明，每樣小菜都有佢嘅獨到之處，係香港可以食到咁懷舊嘅滋味，實在太正！下次仲要再嚟試下其他菜式，肚子滿足咗，心情都跟住好！👍💯

附近都有冰室但呢間最旺，平日下午都有很多人，下午茶2:00開始更加抵。下午茶的價錢全部已經包一杯熱飲品：炒滑蛋三文治烘底 $25炒滑蛋真係炒得好滑，麵包烘底都軟熟。班蘭咖央西多士 $32份量足，奶醬又多，但又唔係好甜，剛剛好，最鍾意佢配沙律，好多，食得健康。另外散點：鴛鴦扒蛋蓋飯（豬扒雞扒）$64呢個飯係招牌，蛋好多又滑又香，豬扒雞扒炸得香但又唔會太油膩，好食，推薦！咖喱牛筋 $68咖喱汁好豐富，要來送飯送麵都好一流，牛筋炆得好軟熟，又非常入味，啲汁要打包，正呀！環境光猛企理，上菜又快，員工服務態度都幾好。

聽日同屋企人去咗深水埗呢間茶餐廳度食lunch，呢間餐廳啲嘢食夠地道，而且好抵食。打開餐牌，見到呢度有好多選擇，望落去都好吸引。我哋一人點咗一個餐，首先係番茄雙拼蛋蓋飯，入面係牛肉同埋蝦仁雙拼，嘢食嘅份量好多，好足料，蕃茄汁撈飯食好開胃。跟餐仲點咗隻炸雞翼，炸雞翼層皮好香脆，好惹味。屋企人點咗米線配牛腩同瑞士雞中翼，牛腩炆得幾入味，唔錯。佢見我食炸雞翼食到咁滋味，即刻再點咗個炸雞髀，炸雞髀大大隻，更加滿足。小食點咗斑斕咖央多士。

同朋友一齊喺深水埗，諗住簡單食啲嘢，路過呢度，見到都好多人客，咁就決定入去試吓🤣，朋友仲話好肚餓🤣$58「豬扒三眼仔飯」同埋 $42「豬扒出前一丁」（配「煎雙蛋加牛油厚多士」），套餐送熱飲或例湯，咁要咗 2杯「熱奶茶」🤩「熱奶茶」：熱辣辣又幾滑🤩「煎雙蛋加牛油厚多士」：轉咗做炒蛋，又係幾滑🤩「豬扒出前一丁」：豬扒煎得幾香口😋，出前一丁就梗係好食啦🤣「豬扒三眼仔飯」：補充蛋白質好方法👍🤣$30「炸豬扒」：好味，所以叫多塊🤣$22「油菜」要咗2碟：一碟全走一碟正常🤣$18「班蘭咖央多士」：簡簡單單🤣我哋食得非常之飽🤣

📍 傑星冰廳 (深水埗)🔹🔹🔹🔹🔹🔹🔹🔹🔹🔹🔹🔹🔹🔹🔹明星雙拼撈丁🍜沙嗲汁撈出前一丁個味超濃郁，好好味😍雙拼餸我就揀咗瑞士雞髀同埋炸雲吞，瑞士雞髀整得好滑好入味😋炸雲吞都炸得好酥脆，仲要係鮮蝦雲吞👍乾炒牛河🥢乾炒牛河炒得好香好惹味，夠乾身，牛肉都好多好入味😋瑞士雞中翼同瑞士雞髀一樣都係煮得好滑好入味，一定要趁熱食😋紅豆涼粉冰/奶茶涼粉冰🥤紅豆同涼粉嗰份量都好多，飲起嚟都唔會覺得好甜👍🔹🔹🔹🔹🔹🔹🔹🔹🔹🔹🔹🔹🔹🔹🔹

放工黎左深水埗買野，順便食個晚飯，街角的紅x好多人喎，其實附近好多餐廳，唔使排啦。行過傑星，佢餐牌都幾啱好味，就試呢間啦😆除左門口餐牌的小炒，仲有常餐、碟頭飯個啲，價錢貼地👍⭐蔥爆牛肉點左蔥爆牛肉，但店家話無牛肉轉左做牛扒，咁得意又試下牛扒會點😆蔥同紅椒爆得好香，啲紅椒仲微辣添幾正，牛扒略微厚左啲，唔係好襯蔥爆口味，哈哈😆⭐豉椒蒸倉魚另外就叫左蒸魚，上枱時啲豉椒味好香🤤魚厚身肥美，魚肉嫩滑，淨係撈豉汁都可以爬一大碗飯🤤⭐白飯大大碗熱辣辣👍⭐奶茶紅豆冰 & 檸檬利賓納是日工作不太順意，想飲一點甜，就叫左奶茶紅豆冰同凍檸賓，奶茶香滑紅豆淋甜，正😋利賓納沖得好濃，甜甜地再加檸檬酸酸地好好飲，最正係夠冰凍🤤無加一，食物份量大，尤其係碗飯，超大碗好飽吖😆

同幾個朋友去咗深水埗買電子零件，買完野就係附近搵間餐廳醫肚，見到呢間傑星冰廳好多街坊捧場，環境潔淨、燈光又光猛，一於試試先！鮮蝦雲吞湯湯底清甜富鮮味，大大粒雲吞好飽滿，蝦肉爽口彈牙，雲吞皮厚薄適中，粒粒爽彈美味～斑斕咖椰多士咖椰醬配以斑斕，香甜順口又不失清新，多士烘得夠香脆，食落酥脆鬆軟、層次豐富！油菜有好幾款選擇，最後揀咗菜心～新鮮翠綠，軟腍度剛好，係健康之選！特別一讚蠔油會分開裝，好貼心！夜市推介 - 豉椒倉魚價錢相當抵食！原條豉椒蒸倉魚大大條，賣相好吸引！魚肉新鮮嫩滑，蒸至剛好熟，肉質細緻之餘肉厚又少刺，簡易又下飯！我就揀咗呢款傑星常餐 – 雙拼麵餐午餐肉、腸仔米粉配炒滑蛋+牛油厚多士經煎香後午餐肉特別惹味、腸仔入口鬆軟、滑蛋嫩滑又多汁，配埋牛油厚多士，真係大滿足！傑星冰廳✨📍深水埗汝州街219號地舖

今日出深水埗行街買少少野，想食個下午茶，食落發覺終於揀到間岩自己口味嘅茶餐廳，都幾難得。餐廳光猛，座位都坐得舒服，價錢都真係「深水埗價」，抵食之餘又好鬼好食。法蘭西多士配薯條 $30好抵食，塊西多士勁級厚身！炸得好夠脆身又無炸燶。入面d花生醬夠多夠香，個西多厚身得黎鬆軟，外脆內軟嘅口感加上香濃花生醬味道，重點係，仲要加埋牛油同糖漿，夠晒邪惡！爆炒豬潤 $72咁岩到左晚市就叫埋個晚餐食，豬潤勁多片好有厚度！爆炒好香，d料頭炒到勁香，豬潤keep到個爽脆無腥味。因為厚切，咬落個口感都好滿足，個醬汁有少少辣，餸飯基本上係一流！雙拼多士 鮮牛油,練奶 $21法蘭西多士配薯條 $30脆炸雞脾配鮮果沙律 $35爆炒豬潤 $72 +特飲 紅豆涼粉冰 +$12油菜 $22

出咗深水埗買串珠仔材料後，就在這條街(傑星冰廳)午餐店舖新派冰廳，令人感覺舒服，而且價錢大眾化。❣️牛筋腩咖哩飯牛筋軟嫩有嚼勁;牛腩濃厚的肉香味，肉質鮮嫩多汁，咖哩汁濃稠醇香，米飯蓬鬆香甜❣️三眼仔鹵水雞脾飯三眼仔即是三隻太陽蛋🤣，蛋煎至金黃色的薄膜，蛋黃仍然保持軟嫩的狀態味道濃香👍👍濃郁的鹵水味道充分滲入雞脾中，兩者伴飯😋😋❣️炸雲吞外皮炸子金黃酥脆，餡料有鮮嫩豬肉和鮮蝦,，每一口散發出濃郁的香氣❣️班斕咖央西多士淡淡既班斕香味加上咖央醬香滑，煎炸至金黃酥脆配入奶油yummy❣️紅豆涼粉鴛鴦一杯飲品多種享受，配搭好特別紅豆軟糯，涼粉清爽配入鴛鴦層次感豐富

至尊雲豆蹄花湯❤雲豆姐係白鳳豆，湯係濃白色，飲起黎鮮香味醇，淡淡蹄花香味，雲豆軟如棉纱口感軟軟糯糯，而且飲完唔會覺好想飲水 / 好咸，大推!爆炒豬潤❤豬潤鮮嫩唔乾柴食起黎仲幾爽脆，配料仲有青椒，紅椒同蒜粒爆炒，塊塊豬潤都有反咁上下厚度同大塊! 食起黎好香口。蔥油蒸鯧魚❤鯧魚夠哂鮮味刺少肉質細嫩，我地叫左清蒸，所以食起黎唔會太重口味，反而仲食得出條魚既鮮甜!送飯一流，我見晏小小黎既食客想叫都已經賣哂了，所以想食既話就唔好太晏去喇!

深水埗啲街坊食堂，真係平靚正㗎！嚟到最香港最地道嘅一個區，就梗係搵啲港式茶餐廳配合一吓呢個主題啦。主打港式美食嘅餐廳，杯茶一定要得，先會有回頭客，所以我哋又嚟到傑星冰廳呀！傑星常餐常餐嘅套餐包括炒滑蛋、牛油多士同沙嗲牛肉一丁。炒滑蛋非常香滑，蛋味香濃；至於沙嗲牛肉一丁嘅沙茶沙嗲味非常濃郁，再帶有淡淡嘅花生味，充滿層次。香脆雞扒蛋蓋飯雞扒即叫即炸，所以外皮香脆可口，咬落充滿肉汁。掩蓋住白飯嘅雞蛋份量十足，厚身得嚟仍保持嫩滑。班蘭咖央西多士西多士同樣即叫即炸，上枱夠晒熱辣辣，傑星冰廳嘅西多士以少見嘅班蘭咖央做夾心，配上煉奶竟然出奇地合拍，西多士控表示相當滿意呢個組合。