傑星冰廳

Open Now

Now Closed

茶餐廳真係香港人至愛，最近去咗「𠎀星冰廳」食午餐，真係唔錯👍🏻明星撈丁，配煎雙蛋加吉列豬扒，撈丁配沙嗲汁，非常香濃，加上煎雙蛋同吉列豬扒嘅組合，豐富又好味。海陸空扒餐，我哋揀脆脆魚柳，配煎雙蛋、司華力腸同薯條，及忌廉汁，大滿足。雙拼三文治，火腿同炒滑蛋/ 炒滑蛋同鹹牛肉，再配上烘底，口感豐富。斑斕咖央西多士配鮮果沙律同糖漿，真係好正嘅甜品！奶茶紅豆冰/ 鹹檸七「𠎀星冰廳」值得一試嘅餐廳👍🏻

傑星冰廳 (深水埗)深水埗汝洲街219號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：明星撈丁(黑椒汁牛扒煎雙蛋) $52，紅豆涼粉鴛鴦 +$12，斑斕咖央西多士(糖漿) $32明星撈丁：牛扒鮮嫩多汁，煎得恰到好處，搭配濃郁的黑椒汁，融合了鮮美的肉質和辣香的黑椒風味，雙蛋煎至剛剛熟，有蛋汁流出，出前一丁亦煮至恰到好處，讓人愛不釋手！😄😄😄紅豆涼粉鴛鴦：紅豆量多又香甜好味，涼粉既軟滑又有清涼爽口，鴛鴦有奶茶的香滑和咖啡的濃郁，每一口都有著豐富的層次和綿密的口感！👍👍👍斑斕咖央西多士：西多士炸至金黃酥脆，外層酥香而內層軟綿，夾層的斑斕咖央醬帶來獨特滋味，加上香濃的牛油和甜蜜的糖漿，讓人回味無窮！😍😍😍

同朋友🙋‍♀️一齊喺深水埗嚟咗呢間茶餐廳☕️🍴醫肚🤣$52「豬扒韭菜餃配出前一丁」：韭菜餃🥟大大隻有好多韭菜喺裏邊👍，豬扒🐷🥩煎得香口😋，出前一丁就梗係好食啦🤣$58「雞扒三眼仔飯」：「三眼仔」要咗全熟蛋，三隻雞蛋🥚加埋雞扒🐓係補充蛋白質好方法👍🤣$22「油菜」要咗2碟：係菜心🥬，菜心白灼到軟軟哋，簡單好食🤣$30「炸豬扒」：🐷🥩好味又香口🤣加 $12「紅豆涼粉鴛鴦」：叫咗「少冰走甜」，清新幾好飲👍「熱鴛鴦」：熱辣辣夠香滑🤩食得非常之飽嘅一餐🤣

晨咁早起身，梗係要食得豐富啲！先嚟佢哋嘅歐陸扒餐！馳名豬扒❤️炒蛋 牛油多士 司華力腸 蒜蓉汁香煎牛扒❤️炒蛋 牛油多士 司華力腸 蒜蓉汁蒜蓉汁非常之惹味可口！牛扒夠晒香軟，豬扒亦都唔會好油膩，食落啖啖肉。配埋香脆可口嘅司華力腸，仲有滑嘟嘟嘅炒蛋 同 香口嘅牛油多士，真係超級無敵勁滿足！瑞士雞髀❤️雞髀好入味，夠晒嫩滑Juicy鹹牛肉炒滑蛋三文治❤️如果鹹牛肉嘅份量再多啲就更好啦！招牌豬潤米線❤️炒蛋 牛油多士 雖然豬潤得3塊但係夠厚夠大塊

原來茶餐廳都會咁乾淨企理，伙計都好有禮貌 😂😂😂😂 好少去深水埗呢邊，咁岩今朝開完會係呢頭，揀左間好新好靚既餐廳就入左去。平時好少食茶餐廳，因為坐得唔舒服又舊。呢間雖然細，但坐得好舒服又乾淨！叫左碟滑蛋牛肉飯，蕃茄汁酸酸酸甜甜、滑蛋岩岩好、牛肉又夠嫩，好食🤩我叫左少飯都勁多飯😝 可惜我食唔曬。朋友叫左忌廉芝士雞扒飯，我見佢芝士都拉到芝，仲要好多芝士、幾大舊，佢話好食！我最推介一定係個斑斕咖椰鮮油多！識食一定要鮮油、冰凍厚牛油加烘到脆一脆既多士、仲有甜甜既咖椰balance油膩感，幾啖食完，根本停唔到口！炸雞全翼都好出色，炸得岩岩好，唔油，咬落去又爆汁😳特飲都幾特別，我好少見有紅豆奶茶，朋友就試埋紅豆涼粉奶茶，我見佢果杯都幾多涼粉係面😁呢間真係大大份又抵食，水準又幾高，真係藏於市既小寶藏，同埋啲伙記全部都好nice好有禮貌，唔睇裝備格局同名你唔會知你係茶餐廳😂 兩個人食咗咁多嘢，都唔使$200就買到單，真係好抵食好好食大件夾抵食嘅表表者。

傑星四四正正光光猛猛，卡位闊落自選粉麵：沙嗲牛肉 + 出前一丁 + 原味 + 熱0T$36一黎就係丁麵，唔駛加錢轉，軟硬度淥得剛好，唔錯！牛肉多又大件，有牛味，但連筋位嘅會好靭同難咬；沙嗲汁味偏向咸，食完後會口乾漢堡包餐：馳名豬扒包（蜂蜜芥末）+ 熱0水個包烘得外皮脆裡面軟熟，生菜青瓜蕃茄真係普通過普通，唔會有清甜感；但豬扒真係好攞分，大塊又有厚度，腌味好煎得出色，鬆化夠肉汁但唔會過多油份，配埋個蜂蜜芥末醬，夾晒！

真係點都要分享尼一間劣質餐廳：大家真係唔好去試這間傑星冰室既羊腩煲，去到叫左羊腩煲，超伏。得五粒仔羊腩加四舊蘿蔔，實際係三塊仔羊皮及兩粒羊肉，問個店員，話有五粒就岩啦，個下真係呆左，我攞起晒所有羊肉夾埋都無一匙羹。羊腩又難食，個女店員話還有五粒都話係咁嫁啦，態度異常差。此外，晚餐時間竟然話白飯賣晒，個時七點十分左右，叫乜又無乜，最後食一個難食的煲就走，唔會有下次。我個羊腩煲加個可樂都收我＄98，全香港應該都無一間比佢更伏，人地食淨既可能都比尼煲野多。

班蘭唔太甜，而西多士外脆內鬆軟，蛋香味又濃，佢個沙律都唔馬虎，水果粒大細適中，而且都甜甜哋，魚柳包不過不失，薯條普通，可以再熱番啲，奶茶夠滑，有茶香，職員超nice，第一次幫襯，整體來說，唔錯

傑星冰廳。這家餐廳位於汝州街219號地舖鮮炸雲吞，雲吞皮酥脆，每一口都充滿了鮮美的口感。使得外皮更加香脆，內餡更加嫩滑。36元六粒鮮炸雲吞，大大粒！接下來，我品嚐了傑星冰廳的至尊雲豆蹄花湯飯。這道湯飯絕對是一個驚喜！湯底鮮美濃郁，充滿了豬手、雲吞和韭菜餃的豐富口感。每一口都能感受到湯的鮮甜，配上飯的軟糯，絕對是一道讓人食指大動的美食。$48搭配這些美食的當然少不了一杯爽口的飲品。我點了他們的百香果檸檬茶，這杯茶非常清新。百香果和檸檬的酸甜口感完美結合，喝下去讓人心情舒暢，提神又消暑。$24#傑星冰廳 #深水埗美食 #鮮炸雲吞 #至尊湯飯 #百香果檸檬茶 #美食評論 #foodie #instafood #foodstagram #食評 #美食分享 #好吃到停不下來 #大快朵頤 #美食探險 #美食日記 #美食愛好者 #美食推薦 #美食控 #美食家 #美食獵人 #美食圖鑑 #美食攝影

幾撚正嘅咖哩牛腩兄弟啊，啖啖嫩滑牛腩，邊食邊有咖哩香撲鼻，真係少少辣得嚟香辣夾擊，蒸蛋係人間美味！蒸得剛剛好嘅啲蛋花，入口滑不留口，簡直係蒸蛋界嘅翹楚！燒賣皇其實大有來頭，鮮嫩彈牙肉粒，賣相搶鏡，食落倍感滿足，好似帶我返去懷舊位置嘅感覺。炸兩實在太惹味，外脆內軟，豉油麵汁添味，一口接一口停唔到！點杯凍檸樂來個完美結局，酸酸甜甜消消脂，完美啦！😚🍲🍋 食物香而不膩，味道豐富得嚟層次分明，每樣小菜都有佢嘅獨到之處，係香港可以食到咁懷舊嘅滋味，實在太正！下次仲要再嚟試下其他菜式，肚子滿足咗，心情都跟住好！👍💯

附近都有冰室但呢間最旺，平日下午都有很多人，下午茶2:00開始更加抵。下午茶的價錢全部已經包一杯熱飲品：炒滑蛋三文治烘底 $25炒滑蛋真係炒得好滑，麵包烘底都軟熟。班蘭咖央西多士 $32份量足，奶醬又多，但又唔係好甜，剛剛好，最鍾意佢配沙律，好多，食得健康。另外散點：鴛鴦扒蛋蓋飯（豬扒雞扒）$64呢個飯係招牌，蛋好多又滑又香，豬扒雞扒炸得香但又唔會太油膩，好食，推薦！咖喱牛筋 $68咖喱汁好豐富，要來送飯送麵都好一流，牛筋炆得好軟熟，又非常入味，啲汁要打包，正呀！環境光猛企理，上菜又快，員工服務態度都幾好。

聽日同屋企人去咗深水埗呢間茶餐廳度食lunch，呢間餐廳啲嘢食夠地道，而且好抵食。打開餐牌，見到呢度有好多選擇，望落去都好吸引。我哋一人點咗一個餐，首先係番茄雙拼蛋蓋飯，入面係牛肉同埋蝦仁雙拼，嘢食嘅份量好多，好足料，蕃茄汁撈飯食好開胃。跟餐仲點咗隻炸雞翼，炸雞翼層皮好香脆，好惹味。屋企人點咗米線配牛腩同瑞士雞中翼，牛腩炆得幾入味，唔錯。佢見我食炸雞翼食到咁滋味，即刻再點咗個炸雞髀，炸雞髀大大隻，更加滿足。小食點咗斑斕咖央多士。

同朋友一齊喺深水埗，諗住簡單食啲嘢，路過呢度，見到都好多人客，咁就決定入去試吓🤣，朋友仲話好肚餓🤣$58「豬扒三眼仔飯」同埋 $42「豬扒出前一丁」（配「煎雙蛋加牛油厚多士」），套餐送熱飲或例湯，咁要咗 2杯「熱奶茶」🤩「熱奶茶」：熱辣辣又幾滑🤩「煎雙蛋加牛油厚多士」：轉咗做炒蛋，又係幾滑🤩「豬扒出前一丁」：豬扒煎得幾香口😋，出前一丁就梗係好食啦🤣「豬扒三眼仔飯」：補充蛋白質好方法👍🤣$30「炸豬扒」：好味，所以叫多塊🤣$22「油菜」要咗2碟：一碟全走一碟正常🤣$18「班蘭咖央多士」：簡簡單單🤣我哋食得非常之飽🤣

📍 傑星冰廳 (深水埗)🔹🔹🔹🔹🔹🔹🔹🔹🔹🔹🔹🔹🔹🔹🔹明星雙拼撈丁🍜沙嗲汁撈出前一丁個味超濃郁，好好味😍雙拼餸我就揀咗瑞士雞髀同埋炸雲吞，瑞士雞髀整得好滑好入味😋炸雲吞都炸得好酥脆，仲要係鮮蝦雲吞👍乾炒牛河🥢乾炒牛河炒得好香好惹味，夠乾身，牛肉都好多好入味😋瑞士雞中翼同瑞士雞髀一樣都係煮得好滑好入味，一定要趁熱食😋紅豆涼粉冰/奶茶涼粉冰🥤紅豆同涼粉嗰份量都好多，飲起嚟都唔會覺得好甜👍🔹🔹🔹🔹🔹🔹🔹🔹🔹🔹🔹🔹🔹🔹🔹

放工黎左深水埗買野，順便食個晚飯，街角的紅x好多人喎，其實附近好多餐廳，唔使排啦。行過傑星，佢餐牌都幾啱好味，就試呢間啦😆除左門口餐牌的小炒，仲有常餐、碟頭飯個啲，價錢貼地👍⭐蔥爆牛肉點左蔥爆牛肉，但店家話無牛肉轉左做牛扒，咁得意又試下牛扒會點😆蔥同紅椒爆得好香，啲紅椒仲微辣添幾正，牛扒略微厚左啲，唔係好襯蔥爆口味，哈哈😆⭐豉椒蒸倉魚另外就叫左蒸魚，上枱時啲豉椒味好香🤤魚厚身肥美，魚肉嫩滑，淨係撈豉汁都可以爬一大碗飯🤤⭐白飯大大碗熱辣辣👍⭐奶茶紅豆冰 & 檸檬利賓納是日工作不太順意，想飲一點甜，就叫左奶茶紅豆冰同凍檸賓，奶茶香滑紅豆淋甜，正😋利賓納沖得好濃，甜甜地再加檸檬酸酸地好好飲，最正係夠冰凍🤤無加一，食物份量大，尤其係碗飯，超大碗好飽吖😆